Janmapatripaddhati (Manasagara) 8

Janmapatrīpaddhati (Mānasāgara) 8

iti mā0 jā0 phalam
atha pakṣa phalam
niṣṭhuro durmukha ścaiva strīdveṣī matihīnakaḥ
paraprekṣo janairyuktaḥ kṛṣṇapakṣe prajāyate

pūrṇacaṃdranibhaḥ śrīmānsodyamī bahuśāstravit
kuśalo jñānasaṃpannaḥśuklapakṣe bhavennaraḥ

atha janmatithi phalam
krūrasaṃgo dhanairhīnaḥkulasaṃtāpakārakaḥ
vyasanāsaktacittaśca pratipattithijonaraḥ

paradārarato nityaṃ satyaśaucavivarjitaḥ
taskaraḥsnehahīnaśca dvitīyāsaṃbhavonaraḥ

acetano'tivikalo nirdravyaḥpuruṣaḥsadā
paradveṣarato nityaṃ tṛtīyāyāṃ bhavennaraḥ

mahābhogī ca dātā ca mitrasnehī vicakṣaṇaḥ
dhanasaṃtānayuktaśca caturthyāṃ yadi jāyate

vyavahārī guṇagrāhī pitṛmātrośca rakṣakaḥ
dātā bhoktā tanuprītaḥpaṃcamīsaṃbhavo naraḥ

nānādeśābhigāmī ca sadā kalahakārakaḥ
nityaṃ jaṭharapoṣī ca ṣaṣṭhyāṃ jāto bhavennaraḥ

alpatoṣī ca tejasvī saubhāgyaguṇasaṃyutaḥ
putravāndhanasaṃpannaḥsaptamyāṃ jāyate naraḥ

dharmiṣṭhaḥsatyavādī ca dātā bhoktā ca vatsalaḥ
guṇajñaḥsarvakāryajño hyaṣṭamīsaṃbhavo naraḥ

devatārādhakaḥputrī dhanastrīsaktamānasaḥ
śāstrābhyāsarato nityaṃ navamyāṃ jāyate yadi

daśamyāṃ dharmādharmajño devasevī ca yājakaḥ
tejasvī saukhyasaṃyukto jāyate mānavaḥ sadā

alpatoṣī nareṃdrasya gehagāmī śucirbhavet
dhanī putrī bhaveddhīmānekādaśyāṃ bhavennaraḥ

capalaścapalajñānī sadā kṣīṇavapuḥsmṛtaḥ
deśabhramaṇaśīlaśca dvādaśījātako bhavet

mahāsiddho mahāprājñaḥśāstrābhyāsī jiteṃdriyaḥ
parakāryarato nityaṃ trayodaśyāṃ yadā bhavet

dhanāḍhyo dharmaśīlaśca śūraḥsadvākyapālakaḥ
rājamānyo yaśasvī ca caturdaśyāṃ yadā bhavet

śrīmāṃśrca matimāṃścāpi mahābhojanalālasaḥ
udyataḥparadāreṣu hyāsaktaḥpūrṇimābhavaḥ

sthirāraṃbhaparadveṣī vakro mūrkhaḥparākramī
mūḍhamaṃtrī ca sajñānopyamāvāsyābhavo naraḥ

nandāditithi jñāna
nandā bhadrā jayā riktā pūrṇā ca tithayaḥ kramāt
vāratrayaṃ samāvartya tithayaḥ pratipanmukhāḥ

Linked texts (6)