Janmapatripaddhati (Manasagara) 80

Janmapatrīpaddhati (Mānasāgara) 80

atha dreṣkāṇaphalam
yādṛgdreṣkāṇagāḥsaumyā uccasthā vā svavargagāḥ
nityaṃ bhujaṃyate lakṣmīrvaradā satyavādinī

dreṣkāṇamātmaprakaroti saumyaḥ keṃdratrikoṇe sugate baliṣṭhaḥ
dravyādhikaṃ mānaguṇaiḥsametaṃ vidyānvitaṃ sarvakalāsu dakṣam

dreṣkāṇape saumyagate nirīkṣite śukrekṣite syādvividhaṃ ca saukhyam
ārogyatāṃ mānayaśo'bhivṛddhiṃ svadeśakarmaprakaṭaṃ viruddham

dreṣkāṇanāthe śaśisaṃyutekṣite vā bhaumekṣite syād bhṛgunaṃdane vā
vayaḥpramāṇena phalecca karma dharme dhanaṃ syādvividhaprakāram

dreṣkāṇaḥ keṃdragaḥkuryāduccastho bhūpatiṃ gṛhe
svakṣetrasya svabhūtārthaṃ maitre sanmānamāgamam

tathā parṇapharasthāne svamitroccagṛhāśrayaḥ
sanmitraṃ pārthivaṃ tadvaddhaninaṃ vakratānaram

āpoklime ca vyutpanno mitrasvagṛhadā ca bhūḥ
apatyaṃ hi sadācāraṃ kṛṣitaḥprāptavittakam

śatrunīcāśritā ye ca teṣāṃ tattulyake tanau
vraṇe ghātādikaṃ cāpi vadettadanupūrvakam

Linked texts (2)