Janmapatripaddhati (Manasagara) 83
Janmapatrīpaddhati (Mānasāgara) 83
- Language
- Sanskrit
83.1
atha navāṃśakuṇḍalyāṃ paṃcamasthitagrahaphalam—
ekatripaṃcaputrāssyurdhīstheturye kuje gurau
dvicatuḥṣaṭsaptasaṃkhyaputradā jñasitau śaniḥ
83.2
duścikyasiṃhaṃ sutajīvaketū ṣaṣṭhe śaniḥ sūryakalatrasaṃsthaḥ
garbhe ca rāhurdaśame ca bhaume saṃtānahānistu bhavennarāṇām
83.3
grahaḥ krūro vyayādhīśo dharmārisahaje vyaye
mṛtau śikhī sutasthāne jātaṃko mriyate dhruvam
83.4
yāvatsaṃkhyā grahāṇāṃ sutabhavanagatā pūrṇadṛṣṭipradāvā
yāvatsaṃkhyā prasūtirbhavati balayutāḥ puṃgrahāḥ putrakathyam
kanyā caṃdrasya śukre himasutaravijo garbhahāniṃ karoti
keciccaṃdrādvicārya munigaṇakathitaṃ tadviciṃtyaṃ navāṃśe
83.1-2
grahāḥ syurdvādaśe bhāge mitroccasamavasthitāḥ
bahustrīṣvadhikārī syānnānārddhisamanvitaḥ
83.1-3
aśīticaturāśītiṣaḍatītyatha saptakam
aṣṭau paṃca ṣaṣṭiṣaṭpaṃcāśaccaiva saptatiḥ
83.2-2
navartyegādhikāṣaṣṭiṣaṭpaṃcāśacchataṃ tathā
uktamāyuḥpramāṇenna dvirasāṃśakabhedataḥ
83.3-2
jalenāṣṭādaśe varṣe sarpeṇa navame punaḥ
jvareṇa daśame caivaṃ dvātriṃśe rājayakṣmaṇā
83.4-2
viṃśe raktapramāṇena dvāviṃśe vahninā tathā
aṣṭāviṃśatame varṣe jalodarabhayaṃ tathā
83.5
vyaghrātriṃśattame varṣe śaraghātena dantake
jalena vātapīḍābhirmaraṇaṃ triṃśadabdake
83.6
strīkanyā maraṇaṃ vidyātriṃśadvarṣe'psu majjanāt
cakreṇa maraṇaṃ prāhurunatriṃśe tato naraḥ
pūrvoktamāyuḥprāpnoti satyametanmayoditam
Linked texts (2)
- Mānasāgarīpaddhati — Mānasiṃha, Sanskrit
- Ṣaḍvargaphalaprakāśa — Sanskrit