Janmapatripaddhati (Manasagara) 89
Janmapatrīpaddhati (Mānasāgara) 89
- Language
- Sanskrit
89.1
anṛtavacā bahuvitto nipuṇo'tiśaṭho guṇādhiko lubdhaḥ
vṛddhastrīṣu prasaktaḥ kulāgraṇīḥ śaśini bhaumabudhamadhye
89.2
khyātaḥkharmasu kitavo bahudhanavairastvamarṣaṇo dhṛṣṭaḥ
ārakṣaḥ kujaguruvormadhyagate śaśini saṃgrāhī
89.3
uttamarāmaḥ subhago viṣādaśīlo'nnavidvecchuraḥ
vyāyāmī raṇaśīlaḥ sitārayormadhyage caṃdre
89.4
uttamasurato bahudhanasaṃcayakārī vyasanasaktaśca
krodhī piśuno ripumān yamārayoḥ syāddurudharāyām
89.5
dharmarataśāstrajño vāci paṭuḥsarvavarddha samṛddhaḥ
tyāgayuto vikhyāto gurubudhamadhyasthite candre
89.6
deśe deśe gacchati vittavaśo nāsti vidyayā sahitaḥ
caṃdra'nyeṣāṃ pūjyaḥ svajanavirodhī jñamaṃdayormadhye
89.7
priyavāk subhagaḥ kāṃtaḥpravṛttago yadi sukṛtavānnṛpatiḥ
saukhyaṃ śūro maṃtrī budhasitayormadhyage ca himakiraṇe
89.8
dhṛtimedhaḥsthairyayuto nītijñaḥ kanakaratnaparipūrṇaḥ
khyāto nṛpakṛtyakaro gurusitayorddhudharāyoge
89.9
sukhanayavijñānayutaḥpriyavāg vidvān dhuraṃdharo matryaḥ
sasuto dhanī surūpaścaṃdro gurubhārgavāntarage
89.10
vṛddhavanitaṃ kulāḍhyaṃ nipuṇaṃ strīvallabhaṃ dhanasamṛddhaṃ
nṛpasatkṛtaṃ bahujñaṃ kurute caṃdraḥśaniśukrayoḥ
Linked texts (5)
- Sārāvalī — Kalyāṇavarman, Sanskrit
- Mānasāgarīpaddhati — Mānasiṃha, Sanskrit
- Jātakasaṅgraha (Lakṣmaṇadāsa and Navanidhirāma) — Lakṣmaṇadāsa and Navanidhirāma, Sanskrit
- Sārāvalī — Varāha, Sanskrit
- Horāratna — Balabhadra 1629, Sanskrit