Janmapatripaddhati (Manasagara) 93

Janmapatrīpaddhati (Mānasāgara) 93

Language: Sanskrit

93.1

atha rājayogaprakaraṇaṃ likhyatelagne lagnapatirbalānvitavapuḥkeṃdre trikoṇeśivam
pṛcchājanmavivāhamānatilake kuryānnṛpaṃ taṃ dhruvam
sacchīlaṃ vimavānvitaṃ gajayutaṃ muktātapatrānvitam
jātaṃ nimnakule vibhūtipuruṣaṃ śaṃsaṃti gargādayaḥ

93.2

ekaḥśukro jananasamaye lābhasaṃsthe ca keṃdrajātovai janmarāśau yadi sahajagate prāpyate vā trikoṇe
vidyāvijñānayukto bhavati narapati rviśvavikhyātakīrtirdānī mānī ca śūro hayaguṇasahitaḥsadgajaiḥsevyamānaḥ

93.3

daśamabhavananāthe keṃdrakoṇe dhanasthe 'vanipativalayāne
śastasiṃhāsanaṣṭhe | sa bhavati naranātho viśvavikhyātakīrti-rmadagalitakapolaiḥsadgujaiḥsevyamānaḥ

93.4

ekopi keṃdrabhavane navapaṃcame vā bhāsvanmayūkhavimalīkṛtadigvibhāgaḥ
niḥśeṣadoṣamapahṛtya śubhaprasūtaṃ dīrghāyuṣaṃ vigatarogabhayaṃkaroti 4
caṃdraḥpaśyedyadādityaṃ budhaḥ paśyenniśāpatim
asminyoge tu yo jātaḥsa bhavedvasudhādhipaḥ

93.6

yadi bhavati ca keṃdrī yāminīnātha evampravitarati subhāryāṃ putriṇīṃ vā surūpām
dhanakanakasamṛddhiṃ māṇikaṃ hīraratneracayatimṛganābhi dravya varyaiḥ śarīram

93.7

śukro yasya budho yasya yasya keṃdra bṛhaspatiḥ
daśamoṃ'gārako yasya sa jātaḥ kuladīpakaḥ

93.8

hayarathanarnāgodyānaratnaiḥprapūrṇoṃḥ jaladhitaṭanivāsīratnatulyaṃcadhānyam
bahujanakulamitraiḥsatyavādī prasūto bhavati yadi ca keṃdrī daityapūjyobudhaśca

93.9

kiṃkurvaṃti grahāḥsarve yasya kendre bṛhaspatiḥ
mattamātaṃgayūthānāṃ bhinattyeko'pi kesarī

93.10

eka eva surarājapurodhāḥkeṃdrago'tha navapaṃcamago vā
lābhago bhavati yatra vilagne tatra śeṣakhacarairbalaiḥkim

93.11

bhavati madanamūrtirvallabhaḥkāminīnāṃsakalajanasamartho dīrghajanmā vidheyaḥ
gajaviṣayaguṇajño dravyamukhyaḥ pradhānaḥ
sadhanakanakapūrṇo daityapo yasya kedre

93.12

dhanavānprājñaḥśūro maṃtrī vā daṃḍanāyakaḥ puruṣaḥ
daśamasthe ravitanaye vṛndapuragrāmanetā vā

93.13

tulākodaṇḍamīnastho lagnastho'pi śanaiścaraḥ
karoti bhūpaterjanmavaṃśe ca nṛpatirbhavet

93.14

divyastrīvarakāṃcanāmbarayutaḥsādhāralakṣmīmayaḥśāstrakautukagītanṛtyarasikavyāpāradīkṣāyuruḥ
putrabhrātṛjanānvitaḥsthiramatiḥkarttā 'tiprītyānvitojīvaḥkeṃdragato yadā bhavannijasukhī satkarmakārī naraḥ

93.16

ākāśamaṃdiragatastanupaḥsvagehe kuryānnayaṃ nṛpaticakravaraiḥsusevyaḥ
sainyapratāpadahanāhataśatrupakṣaṃ śakro yathā suragaṇaiśca virājamānaḥ
upacayagṛhasaṃsthau janmino yasya caṃdrāḥsvagṛhmatha naṃ vāṃśe keṃdrajātāśca saumyāḥ
sakalabalaviyuktā ścaiva pāpābhidhānāḥsabhavati naranāthaḥśakratulyo balena

93.18

vidyākalāguṇavirājitakāmadhenurbhāgaiḥsurūpayuvatījitakāmarājaḥ
deśādhipatyapuradarśanataḥśrāmāntormīne sitesakalamaṇḍaladīpadīkṣaḥ
kāmājakanyāripurandhrasaṃsthe kendre trikoṇe vyayage ca rāhuḥ
kāmī ca śūro balavānsa bhogī chatraṃgajāśvā bahuputratā ca

93.19

mṛgapativṛṣakanyākarkaṭasthe ca rāhau
bhavati vipulalakṣmī rājarājādhipo vā
hayagajanaranaukāmedinīpaṃḍitaśca
sa bhavatikuladīpo rāhutuṅge narāṇām

93.21

kendratrikoṇe budhajīvaśukrā dṛṣṭā narāṇāṃ yadi janmakāle
dharmārthavidyāyutakīrtilābhaḥ śāntaḥ suśīlaḥ sa narādhipaḥ syāt 20
bhṛgusutasurapūjyaścandramāḥ kendravartī
bahusukhadhanavṛddhiḥ karma sādhyaṃ narāṇām
ravisutaśaśiputre bhānujīve trikoṇe
kṣitisutadaśame vai rājayogā bhavaṃti

93.22

keṃdratrikoṇeṣu bhavanti saumyā duścikyalābhārigatāśca pāpāḥ
yasya prayāṇe'pyatha janmakāle dhruvaṃ bhavettasya mahīpatitvam

93.23

lābhe trikoṇe yadi śītaraśmiḥkarotyavaśyaṃ kṣitipālatulyam
kuladvayānandakaraṃ narendraṃ jyotsneva dīpasya tamo'pahartrī

93.24

śatrusthāne yadā jīvo lābhasthāne śaśī bhavet
gṛhamadhye sa jātaśca vikhyātaḥ kuladīpakaḥ

93.25

lagnādhipo vā jīvo vā śukro vā yatra kendragaḥ
tasya puṃsaśca dīrghāyuḥsa bhavedrājavallabhaḥ

93.26

daśame budhasūryau ca bhaumarāhū ca ṣaṣṭhagau
rājayogo'tra yo jātaḥsa pumānnāyako bhavet

93.27

ādau jīvaḥ śaniścānte grahā madhye nirantaram
rājayogaṃ vijānīyātkuṭumbabalamuttamam

93.28

sahajastho yadā jīvo mṛtyusthāne yadā sitaḥ
nirantaraṃ grahā madhye rājā bhavati niścitam

93.29

jīvo vṛṣe sudhāraśmirmithune makare kujaḥ
siṃha bhavati sauraśca kanyāyāṃ budhabhāskarau

93.30

tulāyāmasurācāryo rājayogo bhavedayam
atra yoge samutpanno mahārājā bhavennaraḥ

93.31

aṣṭame dvādaśe varṣe yadi jīvati mānavaḥ
sārvabhaumastadā rājā jāyate viśvapālakaḥ

93.32

eko jīvo yadā lagne sarve yogāstadā śubhāḥ
dīrghajīvī mahāprājño jātako nāyako bhavet

93.33

dhane śukro'tha bhaumaśca mīne jīvastule budhaḥ
nīcasthau śanicandrau ca rājayogastadā dhruvam

93.34

asmin yoge ca yo jātaḥ sa rājā dhanavarjitaḥ
dātā bhoktā ca vikhyāto mānyo maṇḍalanāyakaḥ

93.35

mīne śukro budhaścānte dhane rāhustanau raviḥ
sahaje ca bhavedbhaumo rājayogo'bhidhīyate

93.36

sahaje ca yadā jīvo lābhasthāne ca candramāḥ
sa rājā gṛhamadhyastho vikhyātaḥ kuladīpakaḥ

93.37

śubhagrahāḥ śubhakṣetre bhavanti yadi kendragāḥ
tadā śubhāni karmāṇi sa karoti hi jātakaḥ

93.38

uccasthānagatāḥ saumyāḥ kendrasthāne bhavanti cet
dhruvaṃ rājyaṃ bhavettasya yadi nīcasuto bhavet

93.39

svakṣetrastho yadā jīvo budhaḥsauriśca cedbhavet
tasya jātasya dīrghāyuḥ sampattiśca pade pade

93.40

mīne bṛhaspatiḥśukraścandramāśca yadā bhavet
tasya jātasya rājyaṃ syātpatnī ca bahuputriṇī

93.41

pañcamastho yadā jīvo daśamasthaśca candramāḥ
sa rājyavānmahābuddhistapasvī ca jitendriyaḥ

93.42

siṃhe jīvastulākīṭacāpeṣu makare'pi ca
grahā yadā tadā jāto deśabhogī bhavennaraḥ

93.43

tulākodaṇḍamīnastho lagnasaṃstho'pi cecchaniḥ
karoti bhūpaterjanma mahāpuṇyānubhāvataḥ

93.44

vidyāsthāne yadā saumyaḥkarkasthāne ca candramāḥ
dharmasthāne yadā saumyā rājayogastadā bhavet

93.45

makare ca ghaṭe mīne vṛṣe mithunameṣayoḥ
grahāstadā ca vikhyāto rājā bhavati mānavaḥ

93.46

budhabhārgavajīvākiyukto rāhuścatuṣṭaye
kurute kama lārogyaputramānādikaṃ phalam

93.47

caturthabhavane śukro gurucaṃdradharāsutāḥ
ravisauriyutāssanti rājā bhavati niścitam

93.48

aṣṭame ca vyaye krūro madhye ca krūrasaumyakau
rājayogāttrayo jātā mahābhūpo bhaviṣyati

93.49

lagne sauristathā candrāttrikoṇe jīvabhāskarau
karmasthāne bhavedbhaumorājayogo'bhidhīyate

93.50

navame ca yadā sūryaḥ svagṛhastho bhavettadā
tasya jīvati no bhrātā yadi ko'pi nṛpaiḥsamaḥ

93.51

dvitriturye sute ṣaṣṭhe karmaṇyapi yadā grahāḥ
rājayogaṃ vijānīyājjātastucchakule'pi cet

93.52

lagne krūre vyaye saumyo dhane krūraśca jāyate
rājayoge na rājā ca bhūpatirbhavati sphuṭam

93.53

lagne krūro vyaye krūro dhane saumyo yadā bhavet
saptame bhavati krūraḥparivārakṣayaṃkaraḥ

93.54

dhane candraśca saumyaśca meṣe jīvo yadā bhavet
daśame rāhuśukrau ca rājayogo'bhidhīyate

93.55

siṃhe jīvo'tha kanyāyāṃ bhārgavo mithuna jñaniḥ
svakṣetre hibuke bhaumaḥsa pumānnāyako bhavet

93.56

śanicaṃdrau ca kanyāyāṃ siṃhe jīvo ghaṭe tamaḥ
makare ca kujastatra jātaḥsyādviśvapālakaḥ

93.57

śukro jīvo ravibhaumaścāpe makarakuṃbhayoḥ
mīne ca vatsare triṃśe samarthaḥ sarvakarmasu

93.58

karkalagne jīvayukte lābhe caṃdrajabhārgavau
meṣe bhānuśca jāto yo yoge'sminnṛpatirbhavet

93.59

karmasthāne yadā jīvo budhaḥśukrastathā śaśī
sarvakarmāṇi sidhyanti rājamānyo bhavennaraḥ

93.60

ṣaṣṭhe'ṣṭamepañcame vā navame dvādaśe tathā
saumyakrūragrahairyoge rājamānyo na saṃśayaḥ

93.61

paṃcame ca yadā ṣaṣṭhe cāṣṭame navame kramāt
bhaumarāhusitākāḥ syurjātakaḥkulapālakaḥ

93.62

lagne sauristathā caṃdraścāṣṭame bhārgavo yadā
jāyate'tra nṛpo yoge mānī bhūripriyaḥsadā

93.63

mithunastho yadā rāhuḥsiṃhastho bhūminandanaḥ
atra yoge naro jāto nṛpo'śvagajanāyakaḥ

93.64

cāpārddhe śaśinā yukto yadi sūryaḥ prajāyate
lagne ca sabalo mando makare ca kujo bhavet

93.65

atra yoge samutpanno mahārājau bhavennaraḥ
dūrādeva namantyasya pratāpaiścaraṇau nṛpāḥ

93.66

uccābhilāṣukaḥsūryastrikoṇastho yadā bhavet
api nīcakule jāto rājā syāddhanapūritaḥ

93.67

dhanasthāne yadā śukro daśame ca bṛhaspatiḥ
ṣaṣṭhe ca siṃhikāputro rājā bhavati vikramī

93.68

caturgrahā yadaikatra sthāne saumyā bhavanti hi
bhrātṛdhīdharmalagne vā rājayogo bhavedayam

93.69

sarvegrahairyadā candro vinā heliṃ nirīkṣyate
ṣaṣṭhāṣṭame ca yāmitre sa dīrghāyurnaradhipaḥ

93.70

navame pañcame sthāne caturthe ca yadā grahāḥ
ādau jātāśca naśyanti paścājjātaśca jīvati

93.71

vivāhitāyāmanyasyāmekaputrobhavettadā
vikhyāto bhuvane tyāgī sa dīrghāyurmahīpatiḥ

93.72

kanyāyāṃ ca yadā rāhuḥ śukro bhaumaḥśanistathā
tatra jātasya jāyeta kuverādadhikaṃ dhanam

93.73

lagne mīne jīvaśukrau meṣe'rko makare kujaḥ
dāsavaṃśepi jāto'sau rājā chatradharo bhavet

93.74

bhrātṛsthāne yadā jīvo lābhasthāne yadā śaśī
sa loka gṛhamadhyastho jāyate kuladīpakaḥ

93.75

daśamasthau budhādityau ṣaṣṭhe rāhudharāsutau
rājayogo'tra yo jātaḥsa pumānāyako bhavet

93.76

caturgrahairekagṛhe ca saṃsthitairdhīdharmaduścikyatanusthitairvā
dāsaśca jātaḥkṣitipālatulyo bhavennarendro'mbudhipārayāyī

93.77

suraguruśaśiyukte karkaṭe lagnasaṃsthebhṛgutanayabaliṣṭhaḥkeṃdrajāto'tha śeṣāḥ
śivasahajaripusthā yasya cejjanmakāleniyatamiti tadāyaṃ cakravartī nareśaḥ

93.78

tule mīnameṣe vṛṣe daityapūjyo bhavedrājamānī kalākautukī ca
trayaṃ putravaryaṃ ciraṃ jīvitaṃ ca bhavedvatsare vanhiyugme ca tasya

93.79

lagnādhipatiḥkeṃdra balaparipūrṇaḥkaroti nṛpatulyam
gopālakule'pi jātaṃ kiṃ punariha nṛpatisaṃbhūtam

93.81

ravistṛtīye bhṛgunaṃdanaḥsukhe budho dvitīye yadi paṃcame sthitaḥ
na nīcarāśau na ca khāntaveśamago bhavennarendrastrisamudrapālakaḥ 80
yadi bhavati ca keṃdra dharmage svoccasaṃsthaḥsutabhavanagato vā vākpatirjanmakāle
sa bhavati naranāthaḥsārvabhaumo jitāriḥ
śaśibudhabhṛguputrairanvito vīkṣito vā

Linked texts (8)

Sārāvalī — Kalyāṇavarman, Sanskrit
Mānasāgarīpaddhati — Mānasiṃha, Sanskrit
Jātakasaṅgraha (Lakṣmaṇadāsa and Navanidhirāma) — Lakṣmaṇadāsa and Navanidhirāma, Sanskrit
Jyotiṣatattvaprakāśa — Lakṣmīkānta Kanyāla Jyotiṣācārya, Sanskrit
Sārāvalī — Varāha, Sanskrit
Śuddhiddīpikā — Maṇitāpanīyapaṇḍita, Sanskrit
Śīghrabodha — Kāśinātha, Sanskrit
Lagnajātaka (Bhaṭṭācārya Kāśīnātha) — Bhaṭṭācārya Kāśīnātha, Sanskrit