Pramāṇa · Search · About · API

Janmapatripaddhati (Manasagara) 94

Janmapatrīpaddhati (Mānasāgara) 94

Language
Sanskrit

94.1

āyasthāne yadā saumyaḥkrūrasthānīyacaṃdramāḥ
karmasthāne punaḥsaumyastadā rājyaṃ vidhīyate

94.2

ādau jīvaḥpaṃcame ca daśame caṃdramā bhavet
rājamānyo mahābuddhistejasvī cātitejasam

94.3

atha riṣṭakathanam—
sūryācca navame tātaścaṃdrānmātā caturthagaḥ
bhaumācca tṛtīye bhrātā budhāndhurye ca mātulaḥ

94.4

guroḥ paṃcamataḥputro bhṛgoḥsaptamataḥstriyaḥ
śaneraṣṭamato mṛtyuḥ krūraḥ kaṣṭaṃ labheta cet

94.5

atha dvādaśabhavanavicāraḥsūryo bhaumastathā rāhuḥśanirmūrttau yadā gataḥ
saṃtāpo raktapīḍā ca saumyaiḥ sarvanirogatā

94.6

bhaumakṣetre yadā jīvo jīvakṣetre ca bhūsutaḥ
dvādaśe vatsare mṛtyurbālakasya na saṃśayaḥ

94.7

dhanasthāne yadā bhaumaḥ śanaiścarasamanvitaḥ
sahaje ca bhavedrāhurvarṣamekaṃ sa jīvati

94.8

caturthe ca yadā rāhuḥṣaṣṭhe candro'ṣṭame'pivā
sadyaścaiva bhavenmṛtyuḥ śaṃkaro yadi rakṣati

94.9

aṣṭamastho niśānāthaḥ kendraḥ pāpena saṃyutaḥ
caturthe ca yadā rāhurvarṣamekaṃ sa jīvati

94.10

lagne vyaye dhane krūrā yadā mṛtyau ca saṃsthitāḥ
viṣṭhāvarodhato duḥkhaṃ dvādaśāṣṭamavarṣayoḥ

94.11

saptame bhavane bhaumaścāṣṭame bhārgavo yadā
navame bhavane sūryaścālpāyustasya kathyate

94.12

dhane krūraḥsvabhavane krūraḥpātālago yadā
daśame bhavane krūraḥkaṣṭaṃ jīvati jātakaḥ

94.13

smare vyaye ca sahaje madhye krūrā yadā grahāḥ
tadā jātasya bālasya śarīre kaṣṭamādiśet

94.14

lagnasthāne yadā bhaumo dvādaśe ca yadā guruḥ
śukraḥśatrugṛhe yasya māsamekaṃ sa jīvati

94.15

kṣīṇacaṃdre gate lagne krūragrahanirīkṣite
dvitīye dvādaśe bhaume māsamekaṃ sa jīvati

94.16

mūrtisaptamayoḥ krūrāvyayadvitīyagāminaḥ
caturthe ca yadā rāhuḥsaptāhānmriyate tadā

94.17

ṣaṣṭhāṣṭame'pi candraḥ sadyo maraṇāya pāpasaṃdṛṣṭaḥ
aṣṭābhiḥśubhadṛṣṭo varṣairmiśraistadarddhena

94.18

va0 mi0
dvādaśastho yadā saurirlagnasaṃsthaśca bhūsutaḥ
caturthaḥsaiṃhikeyaśca hyaṣṭamāsānsa jīvati

94.19

śuoriginlagre yadā jīvo hyaṣṭame ca śanaiścaraḥ
raṃdhrasaṃsthe ca pāpe ca sadyo mṛtyuprado bhavet

94.20

caturthe navame sūrye tvaṣṭame ca bṛhaspatau
dvādaśe ca śaśāṃke ca sadyo mṛtyukarī bhavet

94.21

śaśisūryasite kendre saṃyuktaḥsomaārkiṇā
haṃti varṣadvayenaiva jātakaṃ śiṣṭabhāvitaḥ

94.22

gururmadgṛhe vakrī maṃdagau budhabhāskarau
īpsitaṃ kurute mṛtyuṃ maṃde caikādaśe dhruvam

94.23

sūryamaṃdagṛhe śukkro guruṇā ca vilokitaḥ
navabhirmārayatyenaṃ varṣerjātaṃ na saṃśayaḥ

94.24

sūryeṇa sahitaścandro budhaveśmagataḥsadā
na vīkṣitaśca saumyena navavarṣeṇa mṛtyudaḥ

94.25

budhaḥsūryeṃdusaṃyukto vīkṣito'pi śubhaigrahaiḥ
varṣerekādaśaistena mārayatyeva niścitam

94.26

lagnādaṣṭamago rāhuḥ śanisūryāvalokitaḥ
nirīkṣitaḥśubhaiḥ kuryādaṣṭadvādaśabhiḥ kṣayam

94.27

dhane rāhurbudhaḥ śukraḥ sauriḥ sūryo yadā sthitaḥ
tatra jātasya mṛtyuḥsyānmṛte pitari jāyate

94.28

vyaye rāhuḥsaurisaumyau jīvo lagne ca paṃcame
atra yoge ca yo jāto jātamātraḥsa naśyati

94.29

jīvārkarāhubhaumāḥsyuścatvāraḥkrūraveśmagāḥ
saptame ca gṛhe śukkro dehakaṣṭakarāḥsadā

94.30

guhyasthāne yadā bhaumo rāhusaurisamanvitaḥ
nṛpapīḍā bhavettasyasvāsanai naiva tiṣṭhati

94.31

caturthe rāhusaurārkāḥṣaṣṭhe candro budhaḥkujaḥ
bhārgavaścātra yo jātaḥsa gṛhasya kṣayaṃkaraḥ

94.32

ekaḥpāpo'ṣṭamastho'pi śatrukṣetre yadā bhavet
pāpena vīkṣito varṣānmārayatyeva bālakam

94.33

bhaumabhāskaramaṃdāśca śatrukṣetre'ṣṭame yadā
yamena rakṣito'pyeṣavarṣamātraṃ sa jīvati

94.34

vakrī śanirbhaumagehe kendre ṣaṣṭhe'ṣṭame'pi vā
kujena balinā dṛṣṭo hanti varṣadvaye śiśum

94.35

lagnasthaśca yadā bhānuḥpaṃcamastho niśākaraḥ
aṣṭamasthā yadā pāpāstadā jāto na jīvati

94.36

śanirāhukujairyuktaḥsaptame navame śaśī
saptame divase hanti māse vā saptame śiśum

94.37

lagnapaḥpāpasaṃyukto lagne vā pāpamadhyage
lagnātsaptamagaḥpāpastadā cātmahatirbhavet

94.38

krūrakṣetre yadā jīvo lagnaśo'staṃ gato bhavet
akarmā ca tadā jātaḥsaptavarṣāṇijīvati

94.39

aṣṭame ca yadā saurirjanmasthāne ca caṃdramāḥ
maṃdāgnyudararogī ca gātrahīnaśca jāyate

94.40

śanikṣetre yadā bhānurbhānukṣetre yadā śaniḥ
dvādaśe vatsare mṛtyurniścitaṃ tasyajāyate

94.41

budhabhaumau yadā lagne ṣaṣṭhasthāne'thavāsthitau
taskaraścauryakarmā syāddhastapādau ca naśyataḥ

94.42

ṣaṣṭhe'ṣṭame vā mūrtī ca śatrukṣetre yadā budhaḥ
caturvarṣe bhavenmṛtyurbālakasya na saṃśayaḥ

94.43

aṣṭamastho yadā rāhuḥ keṃdrasthāne ca caṃdramāḥ
sadya eva bhavenmṛtyurbālakasya na saṃśayaḥ

94.44

caturthastho yadā rāhuḥ ṣaṣṭhāṣṭamagṛhe śaśī
viṃśatyā divasairmṛtyurbālakasya na saṃśayaḥ

94.45

saptame navame rāhuḥ śatrukṣetre yadā bhavet
ṣoḍaśe vatsare mṛtyurbālakasya na saṃśayaḥ

94.46

dvādaśastho yadā candraḥ pāpaḥ syādāṣṭame gṛhe
ekamāse bhavenmṛtyustasya bālasya niścitam

94.47

janmasthāne yadā rāhuḥ ṣaṣṭhasthāne ca caṃdramāḥ
apasmārastadā rogo bālakasya hi jāyate

94.48

bhārgaveṇa yutaścandraḥ ṣaṣṭhāṣṭamagato bhavet
mandāgnyudararogī ca hīnāṃgo'pi ca bālakaḥ

94.49

ṣaṣṭhāṣṭame yadā caṃdro budhayuktaśca tiṣṭhati
viṣadoṣeṇa bālasya tadā maraṇamucyate

94.50

bhānunā saṃyuktaścandraḥ ṣaṣṭhāṣṭamayuto bhavet
gajadoṣeṇa mṛtyurvā siṃhadoṣeṇa vā bhavet

94.51

eko'pi yadi mūrttau syājjanmakāle yadā bhavet
sthānahīno bhavedvālo vṛttirduṣṭā sadā punaḥ

94.52

lagne'ṣṭame yadā rāhuścandreṇa yadi dṛśyate
daśāhairjāyate tasya bālasya maraṇaṃ dhruvam

94.53

lagnācca navame sūryaḥ sūryaputre tathā'ṣṭame
ekādaśe bhārgave ca māsamekaṃ na jīvati

94.54

navame daśame candraḥsaptame ca yadā sitaḥ
pāpe pātālasaṃsthe ca vaṃśacchedakaro naraḥ

94.55

śatrukṣetre'ṣṭame ṣaṣṭhe dvitīye dvādaśe raviḥ
sa jīvedrasavarṣāṇi bālako nātra saṃśayaḥ

94.56

śatrukṣetre'ṣṭame mūtau budhaḥ ṣaṣṭhe prajāyate
bālo jīvati varṣāṇi catvāryatra na saṃśayaḥ

94.57

ekādaśe tṛtīye ca navame paṃcame gurau
śatrukṣetre'ṣṭapaṃcāśadāyurbhavati niścitam

94.58

navame paṃcame vāpi ripukṣetre bṛhaspatiḥ
tadā narasya ṣaṭtriṃśadvarṣāṇyāyurna saṃśayaḥ

94.59

mitrakṣetrasthitaścāye daśame vā yadā guruḥ
śatrukṣetre yadā śukro dvitīye dvādaśe bhavet
ekaviṃśativarṣāyurjāyate bālako dhruvam

94.60

śatrukṣetre'ṣṭame ṣaṣṭhe dvitīye dvādaśe śaniḥ
aṣṭau dinānyaṣṭamāsānaṣṭavarṣāṇi jīvati

94.61

candrakṣetre yadā bhaumo jāyate manujaḥ sadā
raktapittena hīnāṅgo nānābyādhisamanvitaḥ

94.62

caṃdrakṣetre yadā cāndrirjāyate yasya janmani
sa jātaḥkṣayarogī syātkuṣṭhādibhirupadrutaḥ

94.63

rāhau ca keṃdrage mṛtyuḥpāpānāṃ dṛṣṭisaṃyutaḥ
saṃvatsare tu daśame ṣoḍaśe tu viśeṣataḥ

94.64

candraḥsaptamabhavane śanibhaumarāhuyuto bhavati
saptamādivase mṛtyuḥsaptamamāse na saṃdehaḥ

94.65

bhaumakṣetre yadā jīvo ṣaṣṭhe vā'pyaṣṭame vidhuḥ
ṣaṣṭhe'ṣṭame bhavenmṛtyū rakṣako yadi śaṃkaraḥ

94.66

janmasaptamabhe sauriraṣṭame yadi candramāḥ
brahmaputro yadā jātaḥso'pi bālo na jīvati

94.67

ṣaṣṭhāṣṭame yadā caṃdro ravirbhavati saptamaḥ
pitṛmātṛdhanaṃ haṃti māsamekaṃ na jīvati

94.68

dvādaśe jīvaśukau ca janmato rāhureva ca
saptame ca yadā saurirvarṣamekaṃ na jīvati

94.69

bhaume divākare chidre jātaḥśatrugṛhe yadi
sa naro mriyate'vaśyaṃ yamo māsena rakṣakaḥ

94.70

yadā lagne grahaḥ krūro ṣaṣṭhe vāpyaṣṭame vidhuḥ
tadā sadyo bhavenmṛtyurjātakasya na saṃśayaḥ

94.71

caturthe'pi yadā rāhuḥkeṃdre bhavati caṃdramāḥ
viṃśadvarṣe bhavenmṛtyurjātakasya na saṃśayaḥ

94.72

saptamastho yadā rāhurjanmakāle yadā tadā
daśavarṣairbhavenmṛtyurāmṛtaṃ yadi pīyate

94.73

lagne'ṣṭame yadā rāhuścandro vā yadi paśyati
jātakasya tadā mṛtyuryadi śakeṇa rakṣitaḥ

94.74

daśame'pi yadā bhaume uccaśatrugṛhesthitaḥ
jātakasya bhavenmṛtyurmātṛścaiva na saṃśayaḥ

94.75

lagnasthito yadā bhānuḥpaṃcamastho niśāpatiḥ
lagne'ṣṭame sthitāḥpāpāstadā jāto na jīvati

94.76

lagnātsaptamaśītāṃśuḥpāpo'ṣṭamagato grahaḥ
lagnasthito yadā bhānurmāsena mriyate śiśuḥ

94.77

dhane guruḥsaiṃhikeyo bhaumaḥśukraśca saptame
aṣṭame ravicandrau ca mlecchaḥsyādyavane sthitaḥ

94.78

lagnasthāne yadā bhaumohyaṣṭame ca divākaraḥ
sauriścaturthabhavane tadā kuṣṭhī bhavennaraḥ

94.79

dharmasthāne yadā pāpo lagnātpāpaścaturthagaḥ
karmasthānagato rāhustadā mleccho bhaveddhruvam

94.80

vyayasthānasthite candre vāmaṃ cakṣurvināśyati
yadā sūryo dvitīyasthastadā hyaṃdhaṃ samādiśet

94.81

siṃhalagne yadā janma śanirmūrttau yadā bhavet
cakṣurhīno bhavedbālaḥ śukre janmāndhako bhavet

94.82

horāyāṃ dvādaśe rāśau sthito yadi divākaraḥ
karoti dakṣiṇe kāṇaṃvāmanetre ca candramāḥ

94.83

svasthāne lagnataḥ krūraḥ krūraḥ pātāla gaḥpunaḥ
daśame bhavane krūraḥkaṣṭaṃ jīvati jātakaḥ

94.84

asminyoge hi yo jāto mātṛduḥkhakaro bhavet
yadi jīvedasau jāto mātṛpakṣakṣayaṃkaraḥ

94.85

krūre kṣetre bhavetsūryaḥ kanyāyāṃ krūrasaṃsthitaḥ
krūrakṣetre bhavedvāhuḥkaṣṭaṃ jīvati jātakaḥ

94.86

śukre ca vākpatau saumye nīce rāhusamanvite
candramāśca na paśyeta so'pi bālo na jīvati

94.87

ṣaṣṭhāṣṭame yadā candre dvādaśe ravimaṃgalo
sau 'pi jāto na jīvete rakṣate yadi śaṃkaraḥ

94.88

ṣaṣṭhāṣṭame yadā ketuḥkendrī bhavati candramāḥ
sadyo bālakamṛtyuḥ syādrakṣitā yadi śaṃkara

94.89

candro budhastathā sūryaḥśaniścānte yadā bhavet
madhyasthāne yadā bhaumo hīnadṛṣṭistadā bhavet

94.90

arkaḥ sauristathā bhaumaḥsvarbhānuḥketusaṃyutaḥ
nīcasthānasthito yasya sajāto mātṛghātakaḥ

94.91

ravirāhū sauribhaumau jīvo lagne ca paṃcame
yoge'sminnapi yo jāto jātamātre vinaśyati

94.92

krūre kṣetre gato jīvo ravī rāhurdharāsutaḥ
saptame bhavane śukno dehī kaṣṭaṃ prayāti ca

94.93

krūre lagne bhavejjātastatsvāmī krūrarāśigaḥ
ātmaghāto bhavettasya śarīre kaṣṭamādiśet

94.94

saptame bhavane bhaumaḥpaṃcame ca divākaraḥ
araṇye ca bhavejjanmavṛkṣavṛnde na saṃśayaḥ

94.95

ekaḥpāpo yadā lagne lagneśvo vā na paśyati
sūryaḥpaśyati no lagnamanyajātastadā bhavet

94.96

tithyaṃāte dināṃte ca lagnasyāṃte tathaiva ca
carāṃśe'pi ca yo jātaḥ so'nyajātaḥ śiśurbhavet

94.97

na paśyati śaśī lagnaṃ madhyasthaḥsaumyaśukrayoḥ
tataḥparokṣe janma syādbhaume'ste vā tanau yame

94.98

jīvakṣetregate caṃdre śukre vetararāśige
dreṣkāṇe ca tadaṃśe vā na parairjāta iṣyate

Linked texts (6)