Janmapatripaddhati (Manasagara) 95
Janmapatrīpaddhati (Mānasāgara) 95
- Language
- Sanskrit
95.1
na lagnamiṃduṃ na gururnirīkṣate na vā śaśāṃkaṃ raviṇā samāgatam
sapāpako'rkeṇa yutaśca vā śaśī pareṇa jātaṃ pravadaṃti sūrayaḥ99
lagnaṃ paśyati no gururna ca bhṛgurjāereṇa jātaḥ śiśuḥ
kṣoṇījaḥ samavekṣate śaśadharaṃ sūryyaśca vā jārajaḥ
caṃdraḥpāpayuto dineśasahitaḥ syādevamapyanyajaḥ
proktaṃ prāṅmunipuṃgavaiḥsphuṭamidaṃ yogatrayaṃ jāyate
95.2
yadi vāpi bhaveccandro janmāṣṭamadvitīyagaḥ
dvādaśaikādaśastho vā paścājjātastadā śiśuḥ
95.3
kṣapākaraḥpaśyati naiva lagnaṃ videśasaṃsthe janake prasūtaḥ
kujārkisaṃsargagate vilagne kavījyakeṃdrāṃśavihīnake vā
95.4
raviśaśiyute siṃhe lagne kujārkanirīkṣite
nayanarahitaḥsaumyāsaumyaiḥsa buddhudalocanaḥ
vyayagṛhagataścaṃdro vāmaṃ hinastyaparaṃ ravinaśubhāgaditā yogā yāpyā bhavaṃti śubhekṣitāḥ
95.1-2
atha dhanabhāvavicāraḥ—
pāpāḥsarve dhanasthāne dhanahānikarā matāḥ
anyaiḥsaumyaiḥśubhaṃ sarvamṛddhibṛddhidhanādikam
95.2-2
krūrāścaturṣu kendreṣu tathā krūrā dhane'pi ca
daridrayogaṃ jānīyātsvapakṣasya bhayaṃkaraḥ
95.3-2
aṣṭamastho yadā bhaumastrikoṇe nīcago raviḥ
sa śīghrameva jātaḥsyādbhikṣājīvī ca duḥkhitaḥ
95.4-2
kanyāyāṃ ca yadā rāhuḥśukro bhaumaḥśanistathā
tatra jātasya jāyeta kuberādadhikaṃ dhanam
95.5
arkaḥkendre yadā candro mitrāṃśe guruṇekṣitaḥ
vittavān jñānasaṃpanno jāyate ca tadā naraḥ
95.6
svakṣetrastho yadā jīvo budhaḥsauristathaiva ca
tadā jātaḥsa dīrghāyuḥsaṃpattiśca pade pade
95.7
lagnaṃ lagneśasaṃyuktaṃ yasya janmani jāyate
na muṃcaṃti gṛhaṃ tasya kulastriya iva śriyaḥ
95.8
candreṇa maṃgalo yukto janmakāle yadā bhavet
tasya jātasya gehaṃ tu lakṣmīnaiva vimuñcati
95.9
māsamadhye tu yatsaṃkhyadivasairjāyate pumān
tatsaṃkhyavarṣabhuktau tu lakṣmīrbhavati niścitam
Linked texts (4)
- Mānasāgarīpaddhati — Mānasiṃha, Sanskrit
- Bhaṭṭotpalīya — Utpala, Sanskrit
- Mihirajātaka — Mihira, Sanskrit
- Varāhamihirahorā — Varāhamihira, Sanskrit