Janmapatripaddhati (Manasagara) 96
Janmapatrīpaddhati (Mānasāgara) 96
- Language
- Sanskrit
96.1
pāpaistṛtīyagaiḥsarvairbāṃdhavairāhito bhavet
saumyaiśca bhrātṛsaṃyuktaḥkīrtiyukto dhanapriyaḥ
96.2
lagnāttṛtīyabhavane śikhinā saha candramāḥ
lakṣmīvāñjāyate bālo bhrātṛhīno na saṃśayaḥ
96.3
ādau jātān ravirhanti paścādbhaumaśanaiścarau
gahuṃsaṃjño hyubhau haṃti ketuḥ sarva nivārakaḥ
96.4
svakṣetrastho yadā rāhurdhanasthāne vṛhaspatiḥ !
budhena ca samāyuktastasya baṃdhutrayaṃ bhavet
96.5
lagne caṃdre dhane śukro vyaye ca budhabhāskarau
rāhuścetpaṃcame bālaḥsa bhavedvaṃdhubaṃdhakṛt
96.6
dhanasthāne yadā krūro bhaumaḥsaurisamanvitaḥ
sahaje ca bhavedvāhurbhrātā tasya na jīvati
96.7
ṣaṣṭhe ca bhavane bhaumaḥ saptame rāhusaṃbhavaḥ
aṣṭame ca yadā saurirbhrātā tasya na jīvati
96.8
vilagnastho yadā jīvo dhane sauriryadā bhavet
rāhuśca sahaje sthāne bhrātā tasya na jīvati
96.9
saptame bhavane bhaumaścāṣṭame'pi sito yadi
navame ca bhavetsūryaḥ svalpāyuśca samṛddhitaḥ
96.10
udayati mṛdubhāṃśe saptamasthe'pi maṃde
yadibhavati niṣekaḥ sūtirabdatrayeṇa
śaśini tu vidhireṣa dvādaśābde prakuryā
nnigaditamiha cintyaṃ sūtikāle'pi yuktyā
96.11
puṃgraho yasya duścikye hyuccasthānasthito bhavet
bhrātaraḥ ṣaṭ prajāyaṃte cānyathā bhaginī bhavet
Linked texts (6)
- Jātakapārijāta — Vaidyanātha Dīkṣita, Sanskrit
- Bṛhajjātaka (another edition) — Sanskrit
- Mānasāgarīpaddhati — Mānasiṃha, Sanskrit
- Bhaṭṭotpalīya — Utpala, Sanskrit
- Mihirajātaka — Mihira, Sanskrit
- Varāhamihirahorā — Varāhamihira, Sanskrit