Janmapatripaddhati (Manasagara) 97

Janmapatrīpaddhati (Mānasāgara) 97

atha sukhabhāvaphalamturyasthāne sthitāḥpāpā bālatve mātṛkaṣṭadāḥ
saukhyaṃ saumyāḥprakurvaṃti rājasaṃmānadāyakāḥ

lagnāccaturthagaḥpāpo yadi syādvalavattaraḥ
tadā mātṛvadhaṃ kuryātkeṃdre vā na pare yadi

dvitīye dvādaśe sthāne yadā pāpo vyavasthitaḥ
tadā mātṛbhayaṃ vidyāccaturthe daśame pituḥ

pāpamadhyagate lagne caṃdre vā pāpasaṃyute
saumye nidhanage pāpe mātṛhā saptavāsare

caturthe hanyate mātā daśame ca tathā pitā
saptame bhavane krūrāstasya bhāryā vipadyate

śanyaṃgārakamadhyasthaḥsūryyaḥkuryātpiturvadham
madhye vā rajanīnātho mātṛmṛtyurnasaṃśayaḥ

caṃdrādaṣṭamage pāpe caṃdre pāpasamanvite
pāpairbaliṣṭhaiḥsaṃdṛṣṭe sadyo bhavati mātṛhā

lagnasthāne yadā jīvo dhanasthāne śanaiścaraḥ
rāhuśca sahaje sthāne mātā tasya na jīvati

siṃhe bhaumastule sauriḥkanyāyāṃ vā sito bhavet
mithune ca yadā rāhurjananī tasya naśyati

caṃdraḥpāpagrahairyuktaścaṃdro vā pāpamadhyagaḥ
caṃdrātsaptamagaḥpāpastadā mātṛvadho bhavet

ekādaśe yadā krūraḥpaṃcame śukraśītagū
prathamaṃ kanyakā jātāṃ mātā tasyāstu kaṣṭagā

dhane rāhurbudhaḥ śukraḥsauriḥ sūryo yadā grahāḥ
tadā mātarbhavenmṛtyurmṛto'yaṃ parijāyate

nīcasthānagate candre tiṣṭhed bhārgavātmajaḥ
pāpāsakto mahākrodhī mātā tasya na jīvati

dvādaśe ripubhāve ca yadā pāpagraho bhavet
tadā mātṛrbhayaṃvidyāccaturthe daśame pituḥ

trisaptastho divānātho janmasthaśca mahīsutaḥ
tasya mātā na jīvet varṣamekaṃ paladvayam

dyūnāṣṭamagate pāpe krūragrahānirīkṣite
jananyau saha mṛtyuḥsyādbālakasya na saṃśayaḥ

Linked texts (2)