Pramāṇa · Search · About · API

Janmapatripaddhati (Manasagara) 29.5

Janmapatrīpaddhati (Mānasāgara) 29.5

Language
Sanskrit

29.5

bhāvāṃśatulyaṃ khalu vartamāno bhāvo hi saṃpūrṇaphalaṃ vidhatte
bhāvonake vāpyadhike ca kheṭe trairāśikenātra phalaṃ prakalpyam
bhāvapravṛttā hi phalapravṛttiḥ pūrṇaṃ phalaṃ bhāvasamāṃśakeṣu
hrāsaḥkramādbhāvavirāmakāle phalasya nāśaḥkathito munīṃdraiḥ

29.5.p1

janmaprayāṇe vratabaṃdhacaulanṛpābhiṣekādikaragraheṣu
evaṃ hi bhāvāḥparikalpanīyāstaireva yogotthaphalāni yasmāt
bhāvasādhanārthaṃ svadeśodaya tathā laṃkodaya jñānam
laṃkodayā nāgaturaṃgadastrā goṃkā'śvino rāmaradā vināḍyaḥ
kramotkramasthaiścarakhaṇḍakaiḥ svaiḥ kramotkramasthāśca vihīnayuktāḥ
svadeśodaya jñānārthapadyamekam
aṣṭendupakṣāḥ ( 218 ) śaśikhāṇapakṣā ( 251 )
guṇābhrarāmā ( 303 ) guṇavedarāmā ( 343 )
śailābdhirāmā ( 347 ) vasurāmarāmāḥ ( 338 )
kramotkramānmeṣatulādimānam
atha lagna sādhanam
tātkālārkaḥ sāyanaḥ svodayaghnā bhogyāṃśāḥkhatryuddhṛtā bhogyakālaḥ
evaṃ yātāṃśai rbhavedyātakālo bhogyaḥ śodhyo'bhīṣṭanāḍīpalebhyaḥ
tadanujahīhi gṛhodayāṃśca śeṣaṃ gaganaguṇaghnamaśuddhahṛllavādyam
sahitamajādigṛhairaśuddhapūrvai rbhavati vilagnamado'yanāṃśahīnam
bhogyādiṣṭe 'lpesati lagna sādhanam
bhogyālpakālātkhatrighnātsvodayāptalavādiyuk
ravireva bhavellagnaṃ saṣaḍbhārkānniśātanuḥ
daśamasādhanārthaṃnatānayanam
rātreśeṣagate vāpi dinārdhe bhayutaṃ dinam
dinārdhe dinajātena tatpūrvamaparaṃ param
ardharātriparaṃ yāvaddinamadhyānnataṃ bhavet
raveḥpūrvakapālaṃ ca tadūrdhvaṃ paścimaṃ natam
prāglaṃkodayataḥ sādhyā uktāśca ghaṭikā rakheḥ
prākapāla ṛṇaṃ kuryāchinamanyakapālayoḥ
atha daśamasādhanam
tato laṃkodayairbhuktaṃ bhogyaṃ śodhyaṃ palīkṛtāt
pūrvapaścānnatādanyat prāgvattaddaśamaṃ bhavet
saṣaḍbhelagnakhe jāyāturyau bhāvānudāhṛtau
bhuktāṃśato daśamasādhana prakāraḥ
carapalayutahīnānāḍikāḥ paṃcacandrā 15
dyudala matha niśārdhaṃ yāmyagole vilomam
dyudalagataghaṭīnā mantaraṃ tannataṃ syānnata rahita dinārdhañconnataṃ jāyate'tra
daśama lagna sādhaneviśeṣa
madhyānhecārdharātre vā sveṣṭakāloyadā bhavet
tadātātkālikaḥsūryobhavellagnaṃ khaturyakam
dhanādibhāvasādhanam
lagnaṃ caturthātsaṃśodhya śeṣaṃ ṣaḍbhirvibhājitam
rāśyādi yojayellagne sandhiḥ syāllagnavittayoḥ
sandhiḥṣaḍaṃśasaṃyukto dhanabhāvo bhavetsphuṭaḥ
dhanabhāvaḥṣaḍaṃśāḍhyaḥsandhirdhanatṛtīyayoḥ
ṣaḍaṃśasaṃyutaḥsandhistṛtīyo bhāvaucyate
ṣaḍaṃśāḍhyastṛtīyaḥsyātsandhirbhrātṛcaturthayoḥ
tṛtīyasandhirekāḍhyasturyaḥsandhirbhavediha
dvayāḍhyastṛtīyabhāvo'pi putrabhāvo bhavetsphuṭaḥ
tryāḍhyo dvitīyasandhiḥsyātsaṃdhiḥpaṃcamabhāvajaḥ
dhanabhāvo vedayuto ripubhāvaḥprajāyate
lagnasandhiḥpaṃcayutaḥsandhiḥsyādripubhāvajaḥ
lagnādyāḥsandhisahitā bhāvāḥṣaḍrāśisaṃyutāḥ
saptamādyā bhavantīha bhāvāḥsarve sasandhayaḥ
tanvādi-dvādaśa bhāva cakram
bhā0 1 saṃ0 2 saṃ0 3 saṃ0 4 saṃ0 5 saṃ0 6 saṃ0
rā0 9 10 10 11 11 0 1 1 1 2 2 3
aṃ0 18 5 23 10 27 14 1 14 27 10 23 5
ka0 40 51 2 12 23 34 44 34 23 12 52 51
vi0 48 29 10 51 32 13 59 13 32 51 10 29
bhā0 7 saṃ0 9 saṃ0 9 saṃ0 0 sa0 11 saṃ0 12 saṃ0
rā0 3 4 4 5 5 6 7 7 7 8 8 9
aṃ0 18 5 23 10 27 14 1 14 27 10 23 5
ka0 40 51 2 12 23 34 43 34 23 12 52 51
vi0 48 29 10 51 32 13 59 13 32 51 10 29
atha viśopakānayanam
saṃdhikheṭāntaraṃ kāryya yaccheṣaṃ nakhatāḍitam
bhāvasandhyantareṇāptaṃ tatra viṃśopakāḥ phalam

Linked texts (4)