Pramāṇa · Search · About · API

Madhya Parashari 2

Madhya Pārāśarī 2

Language
Sanskrit

2.1

iti doramā (saharasā) bihāra nivāsinā śrī sūryanārāyaṇātmajena
maithilena ḍā. surakānta jhākhyena madhyapārāśayryāṃsānvaya kṣemaṅkarīhindīṭīkāyāṃ
rājayoganāma prakaraṇaprathamaḥ
atha prakaraṇaṃ - dvitīyaḥ
atha dhanapradayogānāhaathāparaṃ pravakṣyāmi dhanayogaṃ viśeṣataḥ
grahāṇāṃ sthānabhedena rāśidṛṣṭivaśāttathā

2.2

ye ye grahā dharmapabuddhipābhyāṃ yuktāśca dṛṣṭāśca sukhapradāste
randhreśvarārivyayapairyutāḥ syuḥ śokapradā mārakanāyakaiśca

2.3

krūrasaumyavibhāgena svasthānādivaśāttathā
sāhacaryācca yogānāṃ dhanayogānprakalpayet

2.4

atha adhikadhanayogānāhadharmasthāne gurukṣetre guruśukrayute tathā
pañcamādhipayukte vā bahudravyasya nāyakaḥ

2.5

pañcame somajakṣetre tasminsaumyayute yadi
lābhe sacandro bhaumastu bahudravyasya nāyakaḥ

2.6

pañcame tu bhṛgukṣetre tasmiñchuukre sasomaje
lābhe śanaiścarayute bahudravyasyanāyakaḥ

2.7

pañcame tu ravikṣetre tasminnaviyute yadi
lābhe devendrapūjye tu bahudravyasya nāyakaḥ

2.8

pañcame tu śanikṣetre tasminsūryaja saṃyute
lābheśa ātmajayute bahudravyasya nāyakaḥ

2.9

pañcame tu gurukṣetre tasmin guruyute yadi
lābhe sacandrasaumye tu bahudravyasya nāyakaḥ

2.10

pañcame tu śaśikṣetre tasmiñchaśiyute yadi
lābhe bhaumena saṃyukte bahudravyasya nāyakaḥ

2.11

atha lagnagatadhanapradayogānāha
bhānukṣetre gate lagne tasmin bhānau yute yadi
yadi bhaumena guruṇā dṛṣṭe syādayutairdhanaiḥ

2.12

candrakṣetre gate lagne tasmiṃścandre gate yadi
jīvabhaumayute dṛṣṭe jāto dhanayaśo'rcitaḥ

2.13

bhaumakṣetre gate lagne tasminbhaumena saṃyute
gurucandrayute dṛṣṭe jāto dhanayaśo'rcitaḥ

2.14

budhakṣetre gate lagne tasminsaumyayute yadi
gurucandrayutedṛṣṭe jāto dhanayaśo'rcitaḥ

2.15

śukrakṣetragate lagne tasmiñchuukreṇa saṃyute
śanisaumyayute dṛṣṭe jāto dhanayaśo'nvitaḥ

2.16

śanikṣetre gate lagne tasmiñchaniyute yadi
budhaśukrayute dṛṣṭe jāto dhanayaśo'nvitaḥ

Linked texts (2)