Pramāṇa · Search · About · API

Shripatiya 1

Śrīpatīya 1

Language
Sanskrit

1.2

jñeyo'tra prathamaṃ hi janmasamayaśchāyādiyantraiḥ sphuṭastatkālaprabhavā vilagnasahitāḥ kāryāstataśca grahāḥ
siddhāntoktaparisphuṭopakaraṇaiste cāsakṛtkarmaṇā
bhāvāḥ kheṭadṛśo balāni ca tatasteṣāṃ vicāryāṇi ṣaṭ

1.3

madhyāhnāṃśumatorya eva vivaraḥ kālaḥ sa ukto nataḥ
so'pyabhrāgniparicyuto raviniśāmadhyāntare connatam
madhyāhnātpatite tu vāsaragate syātprākkapāle nataṃ
jāte'hni dyudalonite punaridaṃ pratyakkapāle bhavet

1.4

golo nāḍīvalayaṃ yaṣṭiḥ śaṅkarghaṭīcakram
cāpaṃ turyaṃ phalakaṃ dhīrakaṃ pāramārthikaṃ yantram
rātraḥ śeṣe gate vā bhavati hi samaye janma cettadghaṭībhiḥ
saṃyukta vāsarādhè khalu nataghaṭikāḥ prākpratīcyo bhaveyuḥ
saṃsthāpye te tvaneṣṭe sphuṭasaviturataḥ khodayairiṣṭakālāt
lagnaṃ kuryātsaṣaḍbhaṃ tadapi suguṇakairastalagnaṃ niruktam

1.5

laṅkodayaiḥ pūrvanatāddaṇāruyaṃ pratyagnatāttacca bhavedddaṇārūyam
lagnaṃ tadūcuḥ khalu madhyalagnaṃ ṣaḍṅgādhikaṃ tacca rasātalākhyam

1.6

lagnaṃ caturthādvibukaṃ kalatrādyāmitrabhaṃ madhyavilagnataśca
khabhaṃ vilagnācca viśodhya śeṣaṃ tatryaṃśamekaṃ dviguṇaṃ nidadhyāt

1.7

lagnāmbujāmitranabhogṛheṣu tadantarālodbhavabhāvasiddhayai
siddhayanti bhāvā dviguṇāḥ ṣaḍevaṃ śubhāśubhaṃ cintyamaśeṣamebhiḥ

1.8

vadanti bhāvaikyadalaṃ hi sandhiṃ tatra sthitaḥ syādaphalo grahendraḥ
ūnastu sandhergatabhāvajātamāgāmijaṃ cābhyadhikaḥ karoti

1.9

bhāvāṃśatulyaḥ khalu vartamānabhāvodbhavaṃ pūrṇaphalaṃ vidhatte
bhāvonake cābhyadhike ca kheṭe trairāśikenātra phalaṃ prakalpyam

1.10

bhāvapravṛttau hi phalapravṛttiḥ pūrṇaṃ phalaṃ bhāvasamāṃśakeṣu
hrāsakramādbhāvavirāmakāle phalasya nāśaḥ kathito munīndraiḥ

Linked texts (4)