Pramāṇa · Search · About · API

Shripatiya 2

Śrīpatīya 2

Language
Sanskrit

2.1

janmaprayāṇavratabandhacaula nṛpābhiṣekādikaragraheṣu
evaṃ hi bhāvāḥ parikalpanīyāstaireva yogotthaphalāni yasmāt 11
iti śrīpativiracitāyāṃ jātakapaddhatau
bhāvādhyāyaḥ samāptaḥ.
dvitīyo'dhyāyaḥ
uktāni yasmādbahudhā phalāni vyaumaukasāṃ dṛṣṭisamudbhavāni
tasmātpravacmyānayanaṃ hi dṛṣṭerhorāvidāṃ dṛkphalanirṇayāya

2.2

dṛśyo draṣṭā virahitatanuḥ ṣaḍgṛhebhyo'dhikaścet
digbhyaḥ śodhyo vihitakalikaḥ khābhrapakṣādribhaktaḥ
dṛṣṭiḥ sā syādyadi śaragṛhebhyo'dhikaḥ pañcahīno
liptībhūto dhṛtiśatahṛtaḥ syāccaturbhādhikaścet

2.3

tyaktveṣubhyaḥ khakharasaguṇairvahnibhebhyo'dhikaścet
śodhyo'bdhibhyo viracitakalaḥ ṣaṣṭikṛtyā sametaḥ
bhakto hyaśvaiḥ śatavinihatai rāśiyugmādhiko'pi
dvābhyāmūno navaśatayuto vyomakhāṅgāgnibhaktaḥ

2.5

ekonitaścaikagṛhādhikaścetkalīkṛto vyaśvaśatairvibhaktaḥ
evaṃ sphuṭāḥ khecaradṛṣṭayaḥ syurdigbhyo'dhikaṃ paśyati no grahendraḥ
tridvyekapādāḥ kramaśò nidheyāḥ śanaiścarācāryamahīsutānām
trikarmaṇordhīśubhayośca randhrabandhvoḥ sthitānāmiha pūrvadṛkṣu

2.6

svasvakṣepāḥ pṛthak sthāpyāḥ proktādūnādhikairlavaiḥ
guṇitāḥ khaguṇairbhaktā labdhonāste parisphuṭāḥ

Linked texts (3)