[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Genethlialogy (natal astrology)](https://indike.org/pramana/in.astro.hora) › [Horoscope-casting manuals](https://indike.org/pramana/in.astro.hora.paddhati) › [Śrīpati's Jātakapaddhati and its tradition](https://indike.org/pramana/in.astro.hora.paddhati.sripati) › [Shripatipaddhati (Jatakapaddhati)](https://indike.org/pramana/in.astro.hora.paddhati.sripati.sripatipaddhati) › 2 # Shripatipaddhati (Jatakapaddhati) 2 Śrīpatipaddhati (Jātakapaddhati) 2 - **Language:** Sanskrit ### [2.1](https://indike.org/pramana/in.astro.hora.paddhati.sripati.sripatipaddhati.2.1) janmaprayāṇavratabandhacaula nṛpābhiṣekādikaragraheṣu evaṃ hi bhāvāḥ parikalpanīyāstaireva yogotthaphalāni yasmāt 11 iti śrīpativiracitāyāṃ jātakapaddhatau bhāvādhyāyaḥ samāptaḥ. dvitīyo'dhyāyaḥ uktāni yasmādbahudhā phalāni vyaumaukasāṃ dṛṣṭisamudbhavāni tasmātpravacmyānayanaṃ hi dṛṣṭerhorāvidāṃ dṛkphalanirṇayāya ### [2.2](https://indike.org/pramana/in.astro.hora.paddhati.sripati.sripatipaddhati.2.2) dṛśyo draṣṭā virahitatanuḥ ṣaḍgṛhebhyo'dhikaścet digbhyaḥ śodhyo vihitakalikaḥ khābhrapakṣādribhaktaḥ dṛṣṭiḥ sā syādyadi śaragṛhebhyo'dhikaḥ pañcahīno liptībhūto dhṛtiśatahṛtaḥ syāccaturbhādhikaścet ### [2.3](https://indike.org/pramana/in.astro.hora.paddhati.sripati.sripatipaddhati.2.3) tyaktveṣubhyaḥ khakharasaguṇairvahnibhebhyo'dhikaścet śodhyo'bdhibhyo viracitakalaḥ ṣaṣṭikṛtyā sametaḥ bhakto hyaśvaiḥ śatavinihatai rāśiyugmādhiko'pi dvābhyāmūno navaśatayuto vyomakhāṅgāgnibhaktaḥ ### [2.5](https://indike.org/pramana/in.astro.hora.paddhati.sripati.sripatipaddhati.2.5) ekonitaścaikagṛhādhikaścetkalīkṛto vyaśvaśatairvibhaktaḥ evaṃ sphuṭāḥ khecaradṛṣṭayaḥ syurdigbhyo'dhikaṃ paśyati no grahendraḥ tridvyekapādāḥ kramaśò nidheyāḥ śanaiścarācāryamahīsutānām trikarmaṇordhīśubhayośca randhrabandhvoḥ sthitānāmiha pūrvadṛkṣu ### [2.6](https://indike.org/pramana/in.astro.hora.paddhati.sripati.sripatipaddhati.2.6) svasvakṣepāḥ pṛthak sthāpyāḥ proktādūnādhikairlavaiḥ guṇitāḥ khaguṇairbhaktā labdhonāste parisphuṭāḥ ## Linked texts (1) - [Janmapatrīpaddhati (Mānasāgara)](https://indike.org/pramana/in.astro.hora.paddhati.jaina.janmapatripaddhati-manasagara.29.5.p1) — Mānasāgara, Sanskrit --- Source: [https://indike.org/pramana/in.astro.hora.paddhati.sripati.sripatipaddhati.2](https://indike.org/pramana/in.astro.hora.paddhati.sripati.sripatipaddhati.2) · Pramāṇa