Pramāṇa · Search · About · API

Shripatiya 3

Śrīpatīya 3

Language
Sanskrit

3.1

iti śrīpativiracitāyāṃ jātakapaddhatau
dṛṣṭisādhanādhyāyo dvitīyaḥ.
balāvabodhena vinā daśādikramāvabodho na bhavedyato'taḥ
tatsthānadikkālisargaceṣṭādṛgbhedabhinnaṃ kathayāmyaśeṣam

3.2

nīcono dyucarodhiko yadi bhavet ṣaḍbhāttadā pracyutaścakrāt kṛtakalaḥ khakhāṣṭakhakubhirbhakto balaṃ tuṅgajam
pā donaṃ tu balaṃ trikoṇagṛhagaṃ svakṣe dalaṃ ca trayo
vasvaṃśā hyadhimitrabhe'tha caraṇo mitre samarkṣe'ṣṭamaḥ

3.3

śatrubhe bhavati ṣoḍaśāṃśakaścādhiśatrubhavane radāṃśakaḥ
evameva khalu saptavargajaṃ syādbalaṃ nijapatervaśādiha

3.4

yugmabhāṃśakagatau śaśiśukrau yacchato hi balapādamayugme
bhāṃśake ravikujejyaśanijñāstāvadeva vitaranti hi sattvam

3.5

kaṇṭakādyupagateṣu niyojyā rūpakārddhacaraṇā nijavīrye
bhāntyamadhyamukhageṣu ca pādaḥ stīnapuṃsakanareṣu nidheyaḥ

3.6

sthānavīryamidamevamihoktaṃ digbalaṃ śṛṇuta pūrvadiśotaḥ
vidgurū ravikujau ravisūnuḥ śukraśītakiraṇau balinau staḥ

3.7

arkātkujāccāmbugṛhaṃ viśodhyaṃ jīvādbudhāccāpi kalatrabhāvam
meṣūraṇaṃ bhārgavacandramobhyāṃ prāglagnamuṣṇāṃśusutācca śeṣam

3.8

ṣaṅgādhikaṃ cedbhragaṇādviśodhyaṃ kalīkṛtaṃ khābhragajābhrabhūmiḥ
bhajedavāptaṃ tu kakubbalaṃ syādataḥ paraṃ kālabalaṃ pravacmi

3.9

naktaṃbalā bhaumaśaśāṅkamandā gurvarkaśukrā dinaśaktayaḥ syuḥ
sadenduputro dinaśaktibhājāṃ grāhyo budhairunnatasaṃjñakālaḥ

3.10

natastamovīryavatāṃ palīkṛtaḥ khakhāṣṭacandrairvihṛto balaṃ bhavet
budhasya rātrau ca divā ca rūpakaṃ vidheyametatsamayaodbhav balam

3.11

vyarkaḥ śaśī ṣaḍbhavanādhikaśceccakrādviśuddhotha kalīkṛto'sau
cakrārddhaliptāvihṛto valakṣapakṣe balaṃ syādatha kṛṣṇapakṣe

3.12

tadeva rūpāccayutameva kṛtvā jagurbudhāḥ pakṣabalaṃ grahāṇām
valakṣapakṣe śubhakhecarāṇāṃ pāpagrahāṇāmasite ca pakṣe

3.13

ahnāstribhāgeṣu balaṃ sarūpaṃ saumyārkatigmāṃśubhuvāṃ krameṇa
kāryaṃ tuṣārāṃśusitāsṛjāṃ ca rātrau sadaiva amarapūjitasya

3.14

pādaṃ svavarṣe'tha dalaṃ svamāse dine svakīye caraṇonarūpam
rūpaṃ svahorāsviti kālavīryamuktaṃ hi horānipuṇaiḥ purāṇaiḥ

3.15

krāntiḥ saumyā svamiha paramāpakrame dakṣiṇarṇaṃ
śukrādityakṣitisutamarutpūjitānāṃ vidheyā
vyastā śītadyutiravijayorjñasya nityaṃ vidheyā
rāmābhyastā tadanu paramāpakrameṇoddharettām

3.16

grāhyaṃ rāśiprabhṛti ca phalaṃ liptikībhūtametadvyomākāśadviradakhakubhirbhājayedāya naṃ syāt
dvighnaṃ bhānorayanajabalaṃ pakṣavīryaṃ tathendoḥ
vīryaikatvaṃ sadṛśakālayoḥ kheṭayoḥ prāgvidhāya

3.17

yāmyodaksthadyucarabalayorhānivṛddhī vidheye
yuddhe ceṣṣorvivaravihṛtā kheṭavīryāntareṇa
madhyaspaṣṭadyucarāvivarārddhena yuktāccaloccānmadhye spaṣṭādadhikavapuṣi nyūnake varjitācca

3.18

jahyānmadhyagrahamiti bhavettacca ceṣṭākhyakendraṃ
ṣaḍrāśibhyo'dhikamapanayenmaṇḍalāccheṣakasya
kṛtvā liptāḥ śatahatagajāśābhirāptaṃ phalaṃ yacceṣṭāvīryaṃ tadiha kathitaṃ haurikairbuddhivṛddhaiḥ

3.19

mandāvanīsūnuśaśāṅkaputravāgīśaśukendudivākarāṇām
ekottaraṃ rūpamagairvibhaktaṃ naisargikaṃ vīryamudāharanti

3.21

saumyairdṛṣṭe dṛṣṭituryāṃśayuktaṃ vīryaṃ pāpālokite tadvihīnam
lagnasyāpi svāmivīryaṃ hi vīryaṃ yuktaṃ kāryaṃ tacca jīvajñadṛṣṭyā 20
śubhāvalokite punastadīyadṛṣṭipādyuk
asādhunā nirīkṣite tadaṃghriṇā vivarjitam
nṛbhe kṣipecca rūpakaṃ catuṣpadāpyayordalaṃ
na kīṭabhe ca kiṃcana sphuṭaṃ bhavettanorbalam

3.22

jalajacatuṣpadakīṭabhasaṃjñāḥ sukhadaśamāstagatā balavantaḥ
nijanijasaptamagā vibalāste taditaragairanupātavidhiḥ syāt

Linked texts (3)