Pramāṇa · Search · About · API

Shripatiya 4

Śrīpatīya 4

Language
Sanskrit

4.1

dārānmanuṣyāddhibukaṃ catuṣpadāttanuṃ ca kīṭājjalajātkhabhaṃca
viśodhya śeṣaṃ tvadhikaṃ rasāccet viśodhya cakrātphalamādivaddiśet
iti śrīpativiracitāyāṃ jātakapaddhatau
balādhyāyastṛtīyaḥ.
caturtho'dhyāyaḥ
iṣṭakaṣṭabalanirṇayādyato jātakoditaphalasya nirṇayaḥ
śiṣyamohavinivṛttaye tatastatprasādhanamathābhidhāsyate

4.3

ceṣṭākhyakendrāṇi kujādikānāmuktāni bhāsvānayanāṃśayuktaḥ
tribhādhiko'thendurinena hīnaśceṣṭākhyakendre hi tayorbhavatām

4.4

ceṣṭākhyakendrāṇyadhikāni ṣaḍbhāccakrādviśuddhāni kalīkṛtāni
sarāśiliptāni khakhāṣṭacandrairhṛtāni ceṣṭākhyamarīcayaḥ syuḥ

4.5

rūponitānāṃ grahadīdhitānāṃ rūpādinā rūpacayena yatsyāt
śreḍhīphalaṃ tanniguṇāṃśubhaktamityuccaceṣṭākhyaphale prasādhye

4.6

tadghātamūlaṃ phalamiṣṭasaṃjñaṃ te tuṅgaceṣṭāprabhave phale tu
viśodhya rūpādvaśeṣaghātamūlaṃ hi kaṣṭābhidhamāmananti

4.8

pṛthak pṛthak kheṭabalāni tābhyāṃ hanyādbhavaitāṃ hi bale sphuṭe te
sarvagrahāṇāṃ ca dṛśaḥ phalābhyāṃ śubhāśubhābhyāṃ nihatāḥ sphuṭāḥ syuḥ
svocce rūpaṃ caraṇarahitaṃ svātrakoṇe svabhe'rddhaṃ
nāgāṃśānāṃ trayamadhisuhṛdgehage mitrabhe'ṅghriḥ
aṃśo'ṣṭānāṃ samagṛhagate bhūpabhāgo'rigehe
dantāṃśaḥ syādādhiripugṛhe nīcabhe śūnyameva

4.9

etacchubhākhyamaśubhaṃ ca punargraheṣu
svocādivṛttiṣu vadanti tadūnamekam
evaṃ gṛheṣu śubhapāpaphalārddhamanyavargeṣu ṣaṭsu niyataṃ munayaḥ purāṇāḥ

4.10

ye kheṭabhoccādiphale śubhāśubhe sarūpavargādvibhājite tathā
vidhāya satkoṣṭhakasaptakāvalīṃ vidhāraṇīye mukhakoṣṭhake tataḥ

4.11

tadrāśisaṃjñaṃ bhadalādikeṣu vargeṣu tasyārddhamato vidheyam
śeṣeṣu koṣṭheṣu ca ṣaṭsu tajjñaiḥ paṃktidvaye'pi dyucarasya tasya

4.12

rāśīśvarasyāpi phale tathaiva khoccādike saptagaṇaprasūte
śubhāśubhākhye ca tadīyayutyā santāḍayedādimakoṣṭhakasthe

4.13

ubhe phale pūrvaniveśite ye karmakramaḥ śeṣagaṇepi caivam
horādike svevarajaiḥ phalaistu punaśca hanyātsakalāni tāni

4.14

vargeśatatsthagrahavīryaghātamūlena rāśyādikavargajānām
itthaṃ balānāṃ bhavati sphuṭatvaṃ śubhāśubhānāṃ munisammataṃ hi

Linked texts (1)