Shripatiya 5

Śrīpatīya 5

Language: Sanskrit

5.1

āyurjñānādeva horāphalānāṃ kartuṃ yasmānnirṇayaḥ śakyate'tra
āyurdāyaḥ sampradāyāgatoyaṃ sacchiṣyāṇāṃ prītaye kathyate'taḥ

ekonadīdhitisamādiha gacchato yadrūpādi rūpacayasaṅkalitadvayaṃ syāt
ceṣṭoccaraśmijamatha svamarīcibhaktaṃ tajjāyatetra guṇakadvitayaṃ tadākhyam
ūne bhavetāṃ nijadīdhitibhyaḥ śreḍhīphale te yadi raśmiyukte
tadarddhite svāṃśubhiruddhṛte te taddhātamūlaṃ guṇakaḥ sphuṭaḥ syāt

5.4

vargottame svabhavane svanavāṃśake ca
svatryaṃśake ca guṇako dvitayaṃ niruktam
adhyarddharūpamadhimitragṛhe suhṛdbhe
satryaṃśakaṃ samagṛhe khalu rūpamekam

5.5

tryaṃśonitaṃ ripugṛhe'dhyaribhe dalaṃ syādebhyo guṇo bhavati yaḥ khalu kaścidekaḥ
vedoddhṛtaḥ sa bhaguṇo gaṇakaiḥ pradiṣṭaḥ
horādivargaguṇakastu bhavettadarddham

5.6

ete'pi guṇyā gaditā mahadbhirapekṣayānantaratāḍakānām
nagāṃśakā rudramitā hyadhīṣṭarāśau suhṛddveśmani mūrcchanāṃśāḥ

5.7

navāśvino rūpamudāsarāśau kuddvyaṃśakā viśvamitā dviṣaddve
trayo nagāṃśā adhiśatrurāśāvete bhasaṃjñā nijarāśivarjam

5.8

vargottamātmīyanavāṃśadakkasthite grahe tu dvitayaṃ guṇaścet
etairadhīṣṭādiguṇairnihanyādudīritaṃ rāśiguṇaṃ punastam

5.9

gṛhādike vargagaṇe svakīye dviko guṇastyaṃśavivarjitaḥ saḥ
adhīṣṭabhe mitragṛhe navāṃśā viśve ca rūpaṃ ca samasya gehe

5.10

navāṃśakāḥ pañca virodhirārśau guṇāṃśakaḥ syādadhivairiṇo bhe
pūrvaṃ bhapūrvā guṇakā ya uktā vargeṣu saptāsviha guṇyasaṃjñāḥ

5.11

guṇyā guṇaiḥ svairadhikāralabdhairuktairguṇaḥ syādadhimiśritaistaiḥ
smṛto budhairāśrayasaṃjñito yastasya sphuṭasyāpi vadho bhavedyaḥ

5.13

tadvargamūlaṃ khalu karmayogya āyurvidhāne guṇakāra uktaḥ
grahasya liptāḥ khakhasiddhabhaktāḥ proktāḥ kalāḥ śeṣamihāyuṣo'tra 12
lagnaṃ grahānaṃ yadi ṣaḍgṛhebhyo hīnaṃ tadānīṃ harasaṃbhavaḥ syāt
naivādhike tatra khagonalagne liptīkṛte rāśikalāvibhakte

5.14

āyuḥ kalānāṃ sa haraḥ sphuṭaḥ syādrūpādyadonaḥ saharastadānīm
rūpādviśuddho guṇakastu tāsāmevaṃ hi pāpadyucarānalagne

5.15

śubhonalagne tu haro dvinighna āyuḥ kalābhyo haralabdhaliptāḥ
viśodhanīyā yadi rūpakono harastadarddhonitarūpaguṇyāḥ

5.16

evaṃ kāryā cakrapātārddhahāniścāyurdāye hyaṃśaje piṇḍaje'pi
naisargāravyo jīvaśarmodite ca hāraṃ kṛtvā tvekakonaṃ guṇaṃ ca

5.17

āyurliptāḥ svaguṇaguṇitā vyomaśūnyāśvibhaktāḥ
hyabdā māsā divasaghaṭikāḥ syurvināḍyaḥ krameṇa
evaṃ sarvadyucarajanitaṃ hyāyurānīya lagnādvāyuḥ sādhyaṃ kathitavidhinā kintu lagne viśeṣaḥ

5.18

lagne tu vīryābhyadhike bhatulyairvarṣairyutaṃ tasya vidheyamāyuḥ
bhāgādikādapyanupātalabdhamāsādinā saṃyutamatra kāryam

5.19

navendavo bāṇayamāḥ śarakṣmā divākarāḥ pañcabhuvaḥ kupakṣāḥ
nakhāśca bhāsvatpramukhagrahāṇāṃ piṇḍāśrayābdā nijatuṅgagānām

5.20

nijoccaśuddhaḥ khacaro viśodhyo bhamaṇḍalātṣaḍbhavanonakaścet
yathāsthitaḥ ṣaḍbhavanādhikaścet kalīkṛtaḥ saṃguṇito nijābdaiḥ

5.21

tatra khābhrarasacandralocanairuddhṛte sati yadāpyate phalam
varṣamāsadinanāḍikādikaṃ taddhi piṇḍabhavamāyurucyate

5.22

tryaṃśakaṃ harati śatrubhe grahaḥ svāyuṣo'tra na tu vakracāragaḥ
sūryyaluptakiraṇorddhahārakaḥ mrojjhya bhārgavadineśanandanau

5.23

khecaro jāyate yorddhatryaṃśayorapahārakaḥ
āyuṣaḥ sa haredarddhaṃ tryaṃśaṃ śukraśanaiśvarau

5.24

cakrārddhahānau bahuṣu dvayorvā khecāriṇorekagṛhasthayostu
satyābhidhānasya matena satyaṃ svāṃśaṃ haratyeva balotkaṭo yaḥ

5.25

harayutirvihṛtā grahasaṃkhyayā sa hi haro'pacayaśca tataḥ phalam
adhikavīryavato'mbaracāriṇo nigadatīti muniḥ kila devalaḥ

5.27

liptībhūtairlagnabhāgairnihanyādāyurdāyaṃ khecarāṇāṃ pṛthakstham
vyomākāśatvindupakṣairbhajet tat svāyurdāyācchodhyamabdādilabdham
etatkrūre lagne saumyadṛṣṭe tasmādvāyāttatphalārddhaṃ viśodhyam
etaddāyaināṃśasaṃjñe vidheyaṃ piṇḍāyurvatkarma naisargike'pi

5.28

nakhāḥ śaśī dvau navakaṃ dhṛtiśca kṛtiḥ khabāṇāravipūrvakāṇām
itthaṃ niruktā kramaśò grahāṇāṃ naisargike hyāyuṣi varṣasaṃkhyā

5.29

aṃśodbhavaṃ lagnabalātprasādhyamāyuśca piṇḍodbhavamarkavīryāt
naisargikaṃ candrabalādhikatve brūmastrayāṇāmatha vīryasāmye

5.30

aṃśodbhavaṃ lagnabalena hanyāt piṇḍākhyamāyuśca balena bhānoḥ
naisargikaṃ candramaso balena sarvāṇyathaikatra nidhāpayeta

5.31

vilagnatigmāṃśuhimadyutīnāṃ haredbalaikyena tato yadāptam
varṣādyamāyustadidaṃ sphuṭaṃ syācchrīnīlakaṇṭhādaya evamūcuḥ

5.32

lagnasūryaṃśaśino balaśūnyāḥ syuryadā'tra paramāyuragāṃśam
sarva eva khacarā dadatīdaṃ jīvaśarmagaditaṃ hi tadāyuḥ

5.33

grahaḥ svoccahīnaḥ sa cet ṣaḍbhahīnobhacakrādviśodhyā'tha bhāgīkṛto'sau
kuvedartunāgairhato vedakhārkervibhakto dinādyaṃ bhavatyevamāyuḥ

5.35

ahobhyaḥ kharārmairhṛtebhyo'tha māsāḥ pataṅgaiśca tebhyo bhaveyustadābdāḥ
bhacakrārddhahānyādikonyo vidhiryaḥ sa piṇḍodbhava ve yadvaduktastathaiva
āyustathaiteṣu balāḍhyalagne tyaktvā tu rāśīn kṛtaliptike'tra
bhakte dviśatyā phalamabdapūrva yat syādvilagnāyuṣi tacca yojyam

Linked texts (7)

Jātakapārijāta — Vaidyanātha Dīkṣita, Sanskrit
Śrīpatipaddhati (Jātakapaddhati) — Śrīpati, Sanskrit
Jātakapaddhati Keśavī — Keśavārka, Sanskrit
Jātakasāradīpa — Nṛsiṃha, Sanskrit
Janmapatrīpaddhati (Mānasāgara) — Mānasāgara, Sanskrit
Mānasāgarīpaddhati — Mānasiṃha, Sanskrit
Keśavī laghvī — Keśavārka, Sanskrit