Shadvargaphalaprakasha 2

Ṣaḍvargaphalaprakāśa 2

Language: Sanskrit

2.1

atha sādhāraṇatayā lagnaphalāni
tatrādau meṣalagnaphalam
lagne kriye krodhaparo'tha lubdho videśago'lpātmajabandhuśīlaḥ
meṣākṣirīrṣyuṃ khalitābhidhāyāṃ paṭuḥ paraśreṣṭhaviśiṣṭakartā

2.2

viruddhaśīlaḥ sahajaiśca mitraiḥ khyāto'lpamedhāśca kubandhuyuktaḥ
bhīruḥ sthiraḥ sphītadhano viṣādī kaniṣṭhakarmā drutayojiṃtāriḥ

2.3

viyujyate prāk sahajena mātrā pitrā dhanabhraṃśasamanvitaśca
prāpnoti bhāryāṃ sukumāraśīlāṃ vyaṅgāṃ samīrādibhirarditāṅgīm

2.4

atha vṛṣalagnaphalam
lagne vṛṣe syātsubhago yaśasvī syādiṣṭakarmāmbarabhūṣaṇeṣu
lubdho'nnapāne dayitāpriyaśca kanyāpriyo vā pitṛto'dhikārī

2.5

āpīnavakṣaḥ svajanena mardo dharme'tivṛttaḥ kaphavātulaśca
vaṇik kṛṣīdyūtajalāśayārthī sthiraḥ paṭu svāśritabhṛd yaśasvī
bhāryāṃ pracaṇḍāṃ viṣayāṃ kuyoniṃ prāpnoti raudrānapi bandhuvargān

2.6

atha mithunalagnaphalam
lagne tṛtīye priyavākyadātā śāstrārthasaṅgītakalāsudakṣaḥ
bhoge rataḥ kāmavaśo varastrī dvimātṛkaḥ pūjyavaraśca dakṣaḥ

2.7

hīnādhikāṅgo hi viśiṣṭakarmā durmarṣaṇaḥ kṣudrakuṭumbacittaḥ
aniṣṭaputraśca samo'lpabandhudharmāṃlasonārthaṃsaholasaśca

2.8

vahvaṅgaṇo rogasaho'rihantā svasaṃsthito pānarato jahāti
ratnāni hemāḍhyajabhūmibhāgī prasiddhavaktā ca naro vinītaḥ

2.9

atha karkalagnaphalam
kulīralagne viṣamasvabhāvo na caikavāso dvijadevabhaktaḥ
dātā sudhīrdīnadayāsametaḥ kaphānilātmā capalaśca śīghraḥ

2.10

bhīruḥ parārthavyayakarmabhāgī pūjyaḥ kulāyogadabhuk ca kāmī
duṣṭātmaputro bahuvāk subandhuḥ kanyāprajo vā bahulārjitātmā

2.11

sagomahiṣyo dhanadhānyavastravibhūṣaṇaḥ sāhasiko'tidhīraḥ

2.12

videśago duṣṭakabandhukaḥ syāt sadaiva pāpānbhajate'hitāṃśca

atha siṃhalagnaphalam
siṃhe harau siṃhamukhe mahaujā dṛḍhāṃsavakṣo nṛpalabdhamānaḥ
dhīro gabhīro sthitisattvayuktaḥ priyāmiṣaḥ svalpavaco prayogī
bhrātusabandhūnapi hanti dṛṣṭān vātātmako duḥkhasaho'tikopī

2.14

vanādricārī vadhakṛtkṣudhālurlubdho'rihā svārthakuṭumbakāryaḥ
kṛṣyādicittonvitabandhumitro vyayī vidharmā tu kadannabhogī

2.15

atha kanyālagnaphalam
kanyā vilagne mṛduvāg dayāvān kāmī surūpaḥ subhago vinītaḥ
saṅgītakāvyavyavahāraśīlaḥ dātopacārapraṇayādarajñaḥ

2.16

kanyābalaprītivilāsasatvayaśo'bhilāṣī paravittabhoktā
vāmo'ṭano dviprakṛtiḥ savāto mandaprajo dharmarataśca mānī

2.17

svajātipūjyaḥ prabalaḥ kuṭumbaḥ kriyāparaḥ syānnahito satīṣu
pāpairatāpaiḥ sahajairviruddhairnīvārividveṣavivṛddharoṣaḥ

2.18

atha tulālagnaphalam
tulāvilagne śubhakṛṣṇaraktaścalo'laso dīrghakuśaḥ kṛtaghnaḥ
kṣīṇārjitārtho viṣayāṅgaśīlo vaktā sudhīrdharmarato'tiduḥkhī

2.19

deśānucārī kaphavātakṛśo purāṇavartī kalikṛt priyāvān
śucirgururyānakṛtajñapūjyaḥ pitāsujātaḥ sahajapriyaśca

2.20

bhāryāṃ kuvṛttirmahitāścabandhūn putrān labhetopahataṃ kuṭumbam
pāpo'lpavīryo mṛduśatruvargaḥ kāvyeṣu labdhavyavasāyabuddhiḥ

2.21

atha vṛścikalagnaphalam
lagne'ṣṭame vistṛtapītadeho nimnodaraḥ piṅgabhīranetraḥ
pittānvito madhyavilagnaghoṇo viśvāsahā māturaniṣṭhakarttā

2.22

sthirapracaṇḍo viṣamasvabhāvo īṣat suhṛd rogakaro mahābhūḥ
parānnabhoktā vadhabhedakārī śūro'nyanārīnirataḥ suraktaḥ

2.23

nṛpānugaḥ pāpadhanaḥ kuṭumbī kṣudrojakṛt karmarataḥ prajāvān
śivāśrayaḥ syāt praṇatārthadātā prabhūtanārīniratonaṭaśca

2.24

atha dhanurlagnaphalam
dhanurvilagne pṛthagantu mūrdhā hīmān mahākṣaḥ kunakhī jitāriḥ
pīnoruvakṣorubhujodaraśca sthūladvijohiśrutināsikaśca

2.25

paropakārī bahuśāsravettā krodhī sudhīḥ satyadhṛtiḥ kuleṣṭaḥ
svayaṃsvaheturjitadharmacitto bandhupriyaḥ śilparataśca śūraḥ

2.26

sāmaikasādhyo bahuputradāraḥ kaphānilātmā bahunetrarogī
calad bahukṣudrakuṭumbakāryaḥ śrutyāhato vā kṣitipāhṛtārthaḥ

2.27

atha makaralagnaphalam
nakre vilagne kukkuśo mṛgāsyo bhīruḥ pradīrgho ghanasaumyasattvaḥ
uddhṛtaromādikaro sitākṣo vistīrṇavakṣāścapalaḥ kṣudhārttaḥ

2.28

ācārahīno'drivanānucārī saṃgītaśāstrārtharato'tidātā
hṛtāṅgarājo'nilarukkubhāryo'laso vyayī svakṣikaṭisvatīrthaḥ

2.29

dharmapravāsī nṛpaśilpapaṇya śauryārjitasvo janakoṅganānām
sadbhāvabhāk kṣudracalaḥ kuṭumbī strīṇāṃ vaśo duḥkhajanaḥ śaṭhāriḥ

2.30

atha kumbhalagnaphalam
lagne ghaṭe visphuṭitāgraghoṇo nīcaḥ kulīnaḥ kalikṛtsvatantraḥ
krodhī pipāsuḥ kaphamārutātmā kṣoṇīhitārthaḥ piśunaḥ kukīrtiḥ

2.31

prabhūtakarmeṣṭajano janānāṃ bahvālaso naṣṭasuhṛtkuṭumbaḥ
strīdyūtapāruṣyarataḥ pravāsī vyayī śaṭho mātṛbhirarditaśca

2.32

na garhitāṃ karmaṇi duṣṭaśīlāṃ strīṃ karmavān vigrahakāriṇīṃ ca
prāpnoti mitrānahitān śaṭhāṃśca vidveṣiṇaḥ śleṣmagadābhibhūtaḥ

2.33

atha mīnalagnaphalam
lagne jhaṣe kuṭṭanakarmaraktastvadoṣabhāgī vivṛtānanaśca
pāpābhipraipsurvṛttasattvamedhā śaucaśrutācārarato vinītaḥ

2.34

gītāṅganākāryasuśilpavṛttaḥ kanyāprajaḥ pratyayakīrtiyuktaḥ
durmarṣaṇaḥ sphītacalatkuṭumbo dhanyaḥ sthiro bhrātṛjane'titejāḥ

2.35

kaphānilātmā vyajano hi dhanyaḥ phalakriyābhiḥ sahito'tyudāraḥ
kṣudrogaśatrurmṛduvalguhasto vyālānyasṛgrugviṣakarṣitāṅgaḥ

Linked texts (2)

Jātakasāradīpa — Nṛsiṃha, Sanskrit
Bṛhajjyotiṣsāra — Nīlakaṇṭha Dīkṣita, Sanskrit