Pramāṇa · Search · About · API

Shadvargaphalaprakasha 3

Ṣaḍvargaphalaprakāśa 3

Language
Sanskrit

3.1

atha lagnagatahorāphalam
tatrādau sūryahorāphalam
horāyāṃ savituḥ kuvṛttinirato dhūrto virūpaḥ khalaḥ
pāpātmā malinaḥ sukhārtharahitaḥ krūro guṇairvarjitaḥ
preṣyaḥ śīghragatirgaṃbhīrahṛdayaḥ kāmī parastrījito
devabrāhmaṇanindako'timukharaḥ sa syādadṛśyo naraḥ

3.2

atha candrahorāphalam
śāntaḥ sarvaguṇānvitaḥ sthiramatirnityaṃ suhṛtpūjako
nānāratnavarāṅganātmajadhanairyuktaḥ suveṣaḥ śuciḥ
tyāgī mānarataḥ svakarmanirataḥ pātraṃ dharmatrīpateḥ
horāyāṃ rajanokarasya ca bhavet bhṛtyapriyo mānavaḥ

3.3

anyacca
horā yadā rātripatervilagne tadā prakṛṣṭaṃ sukhinaṃ guṇāḍhyam
suduṣṭacittaṃ sutarāṃ kṛśāṅgaṃ putrairvirodhaṃ calavittayuktam

3.4

raveḥ svadeśasthitidā horā candrasya caiva hi
videśe tatra lābhaṃ syācchubhadṛṣṭau na cānyathā

3.5

meṣādirāśīnāṃ pṛthak-pṛthak horāphalamāha
meṣa
raktotkaṭadṛk krūro dhanapaḥ śukanāsikogradārataḥ
pīnonnataḥ pracaṇḍastaskaranāthaḥ kriyādihorāyām

3.6

cauraḥ pramādabahulaḥ kharāgrapādāṅgulirdvitīyāyām
snigdhāyatākṣacaturaḥ, pṛthupīnatanuḥ sumedhāśca

3.7

vṛṣa
saumyo viśālacakṣurlalāṭavakṣāḥ pragalbha rativaraśyaḥ
sthūlāsthitanurvṛṣabhaprathamārdhe syādvapuṣmāṃśca

3.8

pṛthvāyatavṛttatanumudārasattvaṃ sumūrddhajaṃ janayet
vyastakarṭi vṛṣabhāsya vṛṣabhe horādvitīyāyām

3.9

mithuna
madhyāyato'tidakṣo madhyatanurmṛduśiroruhāṅghriśca
mithunādyardheśūraḥ suratepsuḥ syāddhanī prājñaḥ

3.10

paradāradattadeho bhavenmithunadvitīyahorāyām

3.11

karkaḥ
uddhatamūrtiḥ suśirāḥ pragalbhadhīrmandadṛk calāṅgaśaṭhaḥ
śyāmatanuḥ sukrataghno bhagnāgraradaḥ kulīrahorāyām

3.12

dyūterato'dhvanirataḥ pṛthuvakṣāḥ satpramāṇasampannaḥ
kaṭhinaśarīraḥ krodhī jāyeta kulīrarbhadvitīyāyām

3.13

siṃhaḥ
raktāntadṛk pragalbho gururāyatavigrahaśca siṃhādye
jihmasvabhāvasukhabhāgantasthirakāryasattvaśca

3.14

śrīmṛṣṭapānabhojanavastrepsurbahuviceṣṭakaṭhināṅgaḥ
dātādhvarato'pasuto bhogī sthirasauhṛdo'ntyārdhe

3.15

kanyā
sukumāramūrtiḥ kāntaḥ, suvākyagītāṅganāratimaṃdhuraḥ
gandharvavidvinītaḥ subhagaḥ pūrvārdhaṃjaḥ ṣaṣṭhe

3.16

sevālekhyalipijñaḥ kṣayavṛddhiyutaḥ sukhīdvitīyārdhe

3.17

tulā
vṛttānana uccanasastvasitāyatasunayano vilāsī syāt
pīnāyato'sthisāro dhanavān svajanapriyastulādyardhe

3.18

vahvarthabhāk sthirārdhaḥ śyāmākuñcitaśiroruhaśca śaṭhaḥ
vṛttākṣastvaparādhasutvagghīnāgrapādaśca

3.19

vṛścika
raktāntapiṅgadṛṣṭiḥ sāhasakarmānvito raṇeśūraḥ
duṣṭasvabhāvarāmāpriyo'rthaṃbhāgvṛścikādyardhe

3.20

vistīrṇopacitāyatapīnāṅgaḥ kṣamādhipopasevī syāt
bahvṛṇamitrasametaḥ sphuṭitākṣo vṛścikāparā yāt

3.21

dhanu
dārita pṛthumukhavakṣāḥ parikuñcita netragaṇḍaḥ syāt
bālye tyaktātmaguruścāpādyardhe tapasvī ca

3.22

padmākṣo dīrghamahābāhuḥ śāstrārthavitsumūrtiḥ syāt
vāksubhago dhanyo'pi ca dhanurapare nivato yaśasvī ca

3.23

makara
śyāmo mṛgākṣadhanyaḥ strīṣvajitaḥ saumyamūrtiśaṭha āḍhyaḥ
mṛṣṭāśanaḥ suceṣṭo mṛgādyabhāge'nūccaghoṇaḥ syāt

3.24

raktāntadṛṣṭiralasā gurudīrghāṭanaparo bhavati mūrkhaḥ
śyāmo romacitāstīkṣṇaḥ sahasaḥ suraudrakarmā ca

3.25

kumbha
strīmitrabhāgarasavinmṛdulo'lpasutaśca sadguṇaḥ śūraḥ
tāmro bhāsvaravarṇo yānamatiḥ kumbhapūrvārdhe

3.26

ātāmradāritākṣaḥ kṛśaḥ sthiro'tyalpamūrtiralasaḥ syāt
naikṛtikaḥ suviṣādī kṛpaṇaḥ kumbhāpare suśaṭhaḥ

3.27

mīna
hrasvaḥ pṛthu cārutanurmahālalāṭo bṛhadbadanavakṣāḥ
strīdayito mīnārdhe prathame suyaśāḥ kriyāpaṭuḥ śūraḥ

3.28

dātā sutuṅganāso nipuṇo medhānvitaḥ śubhadanetraḥ
nṛpadayitaḥ strīsubhagaścārurmīnāpare suvākyaḥ syāt

3.29

atra kiṃcidviśeṣaḥ
candrārkayorekatame baliṣṭho, horārpitaṃ paśyati kendragaṃ vā
horā yathoddiṣṭaphalapradātrī syādagarbhasaṃsthāsu samudbhaveṣu

3.30

horāpatau pūrṇabale ca hore horāguṇaṃ svaṃ labhate prasūtaḥ
svasvāmiyoge kṣaṇataḥ phalaṃ syādbhāvodbhavaṃ śreṣṭhamato'nyathānyat

3.31

atha sūryahorāyāṃ grahāṇāṃ phalāni
tatrādau sūryahorāyāṃ sūryaphalam
horāṃgatorkaḥ prakaroti taikṣṇaṃ svapittarogaṃ svajanāpamānam
iṣṭaviyogaṃ kalahaṃ ca duḥkhaṃ dhanakṣayaṃ vairibalaprabhūtam

3.32

sūryahorāyāṃ candraphalam
horāṃgatorkasya karoti candro naraṃ sakāmaṃ vanitājitaṃ ca
doṣātmakaṃ bandhujanairvimuktaṃ savyādhidehaṃ ripuvargagamyam

3.33

bhaumaphalam
horāśrito vāsarapasya bhaumo bandhupriyaṃ sāhasakarmaśīlam
naraṃ prasūte bahurogayuktaṃ pittāśritaṃ taptatanuṃ nitāntam

3.34

budhaphalam
horāṃ budho vāsarapasya jātastīvraṃ śaṭhaṃ kāmaparaṃ viśīlam
gatapratāpaṃ bahu pāparaktaṃ devadvijānāṃ parinindakaśca

3.35

bṛhaspatiphalam
horāṃ raverdevaguruḥ prayātaḥ, karoti martyaṃ bahuroṣayuktam
lubdhaṃ svavāgdoṣayutaṃ sutīvraṃ suguptapāpaṃ paratarkaṃ ca

3.36

śukraphalam
horāṃ gato vāsarapasya śukraḥ karoti mūrkhaṃ vidhanaṃ viśīlam
hiṃsānṛtasteyaparaṃ prakāmaṃ paiśunyayuktaṃ ca vidharmaśīlam

3.37

śaniphalam
horāṃ gato vāsarapasya śaurirnaraṃ prasūte bahuvairiyuktam
pranaṣṭadharmaṃ vigatābhimānaṃ dayāvihīnaṃ paradāralubdham

3.38

atha candrahorāyāṃ grahāṇāṃ phalāni
tatrāvau candrahorāyāṃ sūryaphalam
horāṃ gato rātripaterdineśo naro vidhatte satataṃ suśīlam
rogairvimuktaṃ vigatāripakṣaṃ prayāti bandhusvajanaiḥ pradhānam

3.39

candrahorāyāṃ candraphalam
horāṃ gato rātripatiryadā svāṃ tadā naraṃ śīlarataṃ karoti
svadharmaraktaṃ nṛpamānayuktaṃ kṛtajñamutsāhitamapramattam

3.40

bhaumaphalam
horāṃśrito rātripatemahījaḥ karoti martyaṃ vinayena yuktam
bhoktāramāḍhyaṃ vyavahāraśīlaṃ gataprasūrti vigatāripakṣam

3.41

budhaphalam
horāṃ gato rātripatestu saumyo naraṃ prasūte subhagaṃ suśīlam
vasiṣṭhavāgbuddhiguṇaṃ nayajñaṃ priyātithiṃ nityamudāraceṣṭam

3.42

bṛhaspatiphalam
candrasya horādhigataḥ surejyo naraṃ prasūte subhagaṃ manojñam
sthirakriyārambhadhanaṃ śaraṇyaṃ dharmasvabhāvaṃ dṛḍhasauhṛdaṃ ca

3.43

śukraphalam
horāṃ gato rātripatestu śukraḥ satāṃ priyaṃ sphītidhanaṃ karoti
gandharvalīlāśrutigītaraktaṃ viprapriyaṃ pārthivavallabhaṃ ca

3.44

śaniphalam
horāṃ gato rātripatestu śaurirnaraṃ prasūte bahukīrtiyuktam
saundaryasaukhyārthasamṛddhivantaṃ priyaṃ manojñaṃ praṇataṃ surāṇām

3.45

iti horāyāṃ grahāṇāṃ phalāni
atha viśeṣaḥ:
horāyāṃ rūpasauhārdaṃ paśyejjanmani sarvadā
bahavo dhanagāḥ śreṣṭhāstathā neṣṭā vyaye grahāḥ

3.46

horeśaścetyāsadgrahaḥ savakrastadādṛgvakras
vakraṃtathārkavidhvoḥ sendvasatorvikrataradanarasanoṣṭham

3.47

horāphale śrīvarāhaḥ:
yāteṣvasatsvasamabheṣu dineśahorāṃ
khyātomahodyamavalārthayutotitejāḥ
cāndrī śubheṣu yujimārdavakāntisaukhyasaubhāgyadhīmadhuravākyayutaḥ prajātaḥ

3.48

tāsveva horāsvaparakṣaṃgāsu jñeyā narāḥ pūrvaguṇeṣu madhyāḥ
vyatyastahorā bhavanasthiteṣu martyā bhavantyuktaguṇairvihīnāḥ

Linked texts (8)