Shadvargaphalaprakasha 5
Ṣaḍvargaphalaprakāśa 5
- Language
- Sanskrit
5.1
atha sarveṣāṃ grahāṇāṃ dreṣkāṇe sūryaphalamāh
sūryasya dreṣkāṇe sūryaphalam
rogābhibhūtaṃ savitā karoti naraṃ tribhāge pracuraṃ svakīye
udvignacittaṃ paradeśabhājaṃ, jayatpratāpaṃ prabalaṃ nitāntam
5.2
candrasya dreṣkāṇe sūryaphalam
tryaṃśe vidhorvāsarapaḥ prasūte dharmiṣṭhajaṃsvaṃ svajanaṃ vipāpam
gītapriyaṃ sarvadhanaṃ prayuktaṃ, prabhūtakośaṃ dayitaṃ narāṇām
5.3
bhaumasya drekāṇe sūryaphalam
dreṣkāṇago'rko dharaṇīsutasya yadā prajātaḥ prakarotpathārīn
asṛgvyathā nīcasamāgamaśca putrārthahāniṃ satataṃ narāṇām
5.4
budhasya drekāṇe sūryaphalam
tryaṃśe gataḥ somasutasya bhānuḥ svadharmaṃśīlaṃ prakaroti martyam
vilāsinīkāmaparaṃ sadaiva vicitravākyaṃ dvijadevabhaktam
5.5
gurordrekkāṇe sūryaphalam
bṛhaspatestryaṃśamanu prayāto bhānurvidhatte manujaṃ vinītam
priyātithiṃ sarvaguṇaiḥ sametaṃ medhānvitaṃ vākyaviśāradaśca
5.6
śukrasya drekkāṇe sūryaphalam
tryaṃśasthito daityapurohitasya bhānurvidhatte sukhinaṃ manuṣyam
strīvallabhaṃ devaguruprasaktamarogadehaṃ bahusatyayuktam
5.7
śanairdrekkāṇe sūryaphalam
dreṣkāṇamarkopagato'rkajasya pāpaṃ prasūteḥ sarujaṃ kṛtaghnam
naraṃ sutāvyasanopataptaṃ duḥśīlinaṃ bandhujanairvimuktam
5.8
atha sarveṣāṃ grahāṇāṃ dreṣkāṇe candraphalamāh
sūryasya dreṣkāṇe candraphalam
tryaṃśo śaśī vāsarapasya nityaṃ karoti pāpaṃ bahuśatruyuktam
alpārthasatvaṃ viguṇaṃ hatasvaṃ, daurbhāgyadehaṃ paradāralubdham
5.9
candrasya dreṣkāṇe candraphalam
karoti vijñaṃ bahumitravittaṃ putrānvitaṃ bandhujanaiḥ sametam
tryaṃśe svakīye sukhinaṃ sukāntaṃ niśādhipo martya malāṅgitāṅgam
5.10
bhaumasya dreṣkāṇe candraphalam
tryaṃśe śaśāṅko vicaran kujasya naraṃ prasūte vigatapratāpama
hīnakriyaṃ duḥkhaśatairupetaṃ parārthalubdhaṃ gatasauhṛdaṃ ca
5.11
budhasya dreṣkāṇe candraphalam
dreṣkāṇamāptaḥ prakaroti candraḥ saumyasya saumyaṃ subhagaṃ manuṣyam
vidhāvinaṃ sarvaguṇaiḥ sametaṃ vidyānvitaṃ sarvakalāsudakṣam
5.12
gurordreṣkāṇe candraphalam
tryaṃśeguro rātripatiḥ prasūte śāstrānuraktaṃ manujaṃ suśīlam
nānāsuhṛtsaṃstutamalpakopaṃ priyātithiṃ devaguruprabhaktam
5.13
śukrasya dreṣkāṇe candraphalam
sitasya candro vicaran tribhāge karoti martyaṃ varayānayuktam
strīvallabhaṃ satyamudāraceṣṭaṃ kalādhipaṃ pūjyatamaṃ nṛpāṇām
5.14
śanerdreṣkāṇe candraphalam
śaneryadā tryaṃśamanuprayātaścandrastadā rogiṇameva dhatte
dīnaṃ daridraṃ vikṛtaṃ sapāpaṃ mahāpadaṃ niṣṭhurameva martyam
5.15
atha dreṣkāṇe candrasya phalaviśeṣaḥ
kalyāṇarūpaguṇamātmasuhṛd dṛkāṇe
candro'nyagatastadadhināthaguṇaṃ karoti
vyālodyatāyu dhacatu ścaraṇāṇḍajeṣu
tīkṣṇoti hiṃsragurutalparato'ṭanaśca
Linked texts (2)
- Vṛddhayavanajātaka (another edition) — Sanskrit
- Janmapatrīpaddhati (Mānasāgara) — Mānasāgara, Sanskrit