Pramāṇa · Search · About · API

Shadvargaphalaprakasha 6

Ṣaḍvargaphalaprakāśa 6

Language
Sanskrit

6.1

atha sarveṣāṃ grahāṇāṃ dreṣkāṇe bhaumaphalamāha
sūryasya dreṣkāṇe bhaumaphalam
mukhākṣirogopahataṃ suśīlaṃ svalpātmajaṃ kleśaparaṃ khalaṃ ca
tryaṃśe kujo vāsarapasya tiṣṭhan karoti martyaṃ vigatapratāpam

6.2

candrasya drekkāṇe bhaumaphalam
krūraṃ khalaṃ dveṣiṇamiṣṭadharmaṃ khyātaṃ nṛpāṇāṃ svaguṇairudāraiḥ
tryaṃśe gato rātripatermahījo naraṃ prasūte vigatāripakṣam

6.3

bhaumasya drekkāṇe bhaumaphalam
svatryaṃśabhāgo vicaran mahījo karoti martyaṃ bahurogayuktam
parānnaraktaṃ pravaraprakopaṃ gatapratāpaṃ satataṃ kuśīlam

6.4

budhasya drekkāṇe bhaumaphalam
tryaṃśe kujaḥ somasutasya tiṣṭhan gambhīrasatvaṃ sthitivṛddhimantam
naraṃ prasūte bahuvittayuktaṃ narendra sanmānasamanvitaśca

6.5

gurordrekkāṇe bhaumaphalam
tryaṃśe gurorbhūmisutaḥ prasūte naraṃ vidagdhaṃ prathitaṃ kuveṣam
suśrūṣakaṃ devagurudvijānāṃ pranamracittaṃ matimantameva

6.6

śukrasya drekkāṇe bhaumaphalam
tryaṃśe kujā bhārgavanandanasya naraṃ prasūte vanitāsvabhiṣṭam
hiraṇyavastramaṇihastiyuktaṃ kriyārucābhiḥ prayataṃ pragalbham

6.7

śanaiścarasya drekkāṇe bhaumaphalam
dreṣkāṇamārke vicaran mahījo, mūrkhaṃ sadācāraguṇairvihīnam
pradveṣaśīlaṃ priyavigrahaśca naraṃ prasūteḥ satataṃ kucailam

6.8

athasarveṣāṃgrahāṇāṃ dreṣkāṇe budhaphalamāha
sūryasya dreṣkāṇe budhaphalam
tryaṃśe budho vāsarapasya tiṣṭhan naraṃ prasūte paravādayuktam
krūraṃ hatāśaṃ sakrṛṇaṃ kurūpaṃ kūṭānuraktaṃ ca sadāsakām

6.9

candrasya drekkāṇe budhaphalam
tryaṃśe budho rātripateḥ prayāto naraṃ prasūte vigatāripakṣam
śuśrūṣakaṃ devagurudvijānāṃ lipipravīṇaṃ kalahapriyaśca

6.10

bhaumasya drekkāṇe budhaphalam
budho yadā bhūmisutasya saṃstho, bhāge tṛtīye prakaroti martyam
māṅgalyadharmaṃśrutidharmaṃvāhaṃ svāvāndhavātsvalpapadā vimuktam

6.11

budhasya drekkāṇe budhaphalam
svavahnibhāgendusutaḥ prasūte surūpadehaṃ subhagaṃ manuṣyam
yajñavratādiṣyanuraktaceṣṭaṃ, dātāramāryaṃ bahumitrapakṣam

6.12

gurodrekkāṇe budhaphalam
tṛtīyabhāge surapūjitasya budho vidhatte prasabhaṃ manuṣyam
strīvallabhaṃ śubhramalaṃghyavīryaṃ prabhūtakośaṃ vividhārthayuktam

6.13

śukrasya drekkāṇe budhaphalam
bhāge tṛtīye śaśijaḥ sitasya tiṣṭhanprasūte suvidagdhameva
martyaṃ mahādhāmanidhiṃ gatāriṃ prasannacittaṃ nṛpavallabhañca

6.14

śanedrekkāṇe budhaphalam
tryaṃśe śaneḥ somasutaḥ prayātaḥ karoti nityaṃ satkṛṇaṃ manuṣyam
vivādinaṃ durbaladehasatvaṃ pravāsinaṃ vigrahavikramañca

6.15

atha sarveṣāṃ grahāṇāṃ dreṣkāṇe guruphalamāha
sūryasya dreṣkāṇe guruphalam
bhāge tṛtīye surarājamaṃtrī sūryasyasūte kṛpaṇaṃ manuṣyam
krūraṃ kriyāhīnamanaḥpradhṛṣyaṃ nindyaṃ kukarmārjitasampadañca

6.16

candrasya drekkāṇe guruphalam
jīvastrībhāge rajanīkarasya tiṣṭhanprasūte sumanojñarūpam
naraṃ prasiddhaṃ bahumānavittaṃ pragalbhacittaṃ dvijadevabhaktam

6.17

bhaumasya drekkāṇe guruphalas
tryaṃśe gururbhūmisutasya dhatte nṛṇāṃ bhayaṃ vandhujanaprasūtam
pittākṣirogaṃ dhanadhānyanāśaṃ prabhāṣaṇaṃ dasyukṛtaṃ sadaiva

6.18

budhasya drekkāṇe guruphalam
tryaṃśe gurusomasutasya tiṣṭhan karoti martyapravaraṃ prasiddham
vidyāvinītaṃ bahudharmasaktaṃ saumyākṛtiṃ somyaguṇaiḥ sametam

6.19

gurodrekkāṇe guruphalam
tryaṃśe svake devaguruḥ prasūte naraṃ suśīlaṃ vijitāripakṣam
kṣamānvitaṃ pārthivamānayuktaṃ catuṣpadāḍhyaṃ praṇataṃ gurūṇām

6.20

śukrasya drekkāṇe guruphalam
dreṣkāṇasaṃstho bhṛgujasya jīvo naraṃ prasūte bahukāñcanāḍhyam
nāgāśvabhājaṃ vararatnayuktaṃ sukhānvitaṃ pārthivavallabhaśca

6.21

śanerdrekkāṇe guruphalam
raudraṃ paraṃ svāpaharaṃ kubuddhimanīṣṭakarmāṇamamitravantam
dreṣkāṇasaṃstho ravijasya jīvo naraṃ prasūte bahuśokabhājam

6.22

atha sarveṣāṃ grahāṇāṃ dreṣkāṇe śukraphalamāha
sūryasya dreṣkāṇe śukraphalam
dreṣkāṇasaṃstho dinapasya śukro naraṃ prasūte kaṭhinaṃ gatasvam
kuyoṣitābhyāṃ gatasaukhyayuktaṃ, kṣudraṃ nṛśaṃsaṃ bahuroṣiṇaśca

6.23

candrasya drekkāṇe śukraphalam
tṛtīyabhāge śaśilāñchanasya tiṣṭhan bhṛguḥ saukhyayutaṃ prasūte
vidyāvinītaṃ pitṛmātṛbhaktaṃ tejasvinaṃ dharmaparaṃ kṛtajñam

6.24

bhaumasya drekkāṇe śukraphalam
tṛtīyabhāge dharaṇīsutasya śukraścaran pāparataṃ karoti
kṣudrogavantaṃ vyasanairupetaṃ māyāvinaṃ vañcanatatparañca

6.25

budhasya drekkāṇe śukraphalam
dreṣkāṇasaṃsthaḥ śaśijasya śukro naraṃ prasūte subhagaṃ manojñam
ratipragalbhaṃ priyadhūrtadāraṃ suvarṇaratnātmajabhāginaṃ ca

6.26

gurordrekkāṇe śukraphalam
bhāge tṛtīye surapūjitasya śukraścaran śreṣṭhatamaṃ surūpam
satyānvitaṃ sarvaṃkalāsu dakṣaṃ kṣamānvitaṃ prītikaraṃ janānām

6.27

śukrasya drekkāṇe śukraphalam
tryaṃśo svakīye bhṛgujaḥ prasūte naraṃ pragalbhaṃ dhaninaṃ suśīlam
adhyātmavidyānirataṃ surūpaṃ kulapradhānaṃ vyasanairvihīnam

6.28

śanerdrekkāṇe śukraphalam
bhāge tṛtīye ravijasya śukraḥ karoti matyaṃ vadhabandhayuktam
svabandhuhīnaṃ paradāraraktaṃ vidveṣaśīlaṃ kurataṃ kusevyam

6.29

atha sarveṣāṃ grahāṇāṃ dreṣkāṇe śaneḥ phalamāha
sūryasya dreṣkāṇe śaniphalam
dreṣkāṇasaṃstho dinapasya sauraḥ karoti kanyāprajanaṃ manuṣyam
vyāyāmabhājaṃ vigatapratāpaṃ prasannaśīlaṃ satataṃ sujihmam

6.30

candrasya drekkāṇe śaniphalam
bhāge tṛtīye ravijaḥ prasūte candrasya matyaṃ mahadarthaṃyuktam
vivekinaṃ sarvaṃkalāsudakṣaṃ vipakṣahīnaṃ sutalālasañca

6.31

bhaumasya drekkāṇe śaniphalam
bhāge tṛtīye vanijasya sauraścauraṃ śaṭhaṃ preṣyakaraṃ prasūteḥ
suniṣṭhuraṃ pāparataṃ nṛśaṃsaṃ vyapetalajjaṃ gatasauhṛdaśca

6.32

budhasya drekkāṇe śaniphalam
dreṣkāṇasaṃsthaḥ śaśijasya sauraḥ karoti matyaṃ bahuśāstrayuktam
vijñāninaṃ dharmarataṃ praśaṃsyaṃ svadāratuṣṭaṃ gatasādhvasañca

6.33

gurordrekkāṇe śaniphalam
dreṣkāṇasaṃsthaḥ surapūjitasya sauraḥ prasūte dvijadevabhaktam
priyaṃvadaṃ sarvaṃsahaṃ pragalbhaṃ mahajjanaiḥ pūjitasādhudāram

6.34

śukrasya dreṣkāṇe śaniphalam
bhāge tṛtīye ravijaḥ prasūte śukrasya tiṣṭhanpracurānnapānam
lābhānvitaṃ dharmaparaṃ sumitraṃ hatāripakṣaṃ vyasanairviyuktam

6.35

śanerdreṣkāṇe śaniphalam
svavanhibhāge ravijaḥ prasūte naraṃ sadācāramanalpasaukhyam
nṛpātmajaiḥ prītikaraṃ vadānyaṃ vimuktarogaṃ bahumitrayuktam

6.36

atha viśeṣaḥ
dreṣkāṇe kendragaḥ kuryāduccastho bhūpatiṃ grahaḥ
svakṣetragaścamūnāthaṃ mitragaścāpi vāgminam

6.37

dreṣkāṇe mitratuṅgasthaiḥ śubhakheṭaiḥ śubhaṃ bhavet
samastakarmato duḥkhaṃ viparīte na saṃśayaḥ

6.38

śatrunīcāśritā ye ca teṣāṃ tattulyaketanau
vraṇe ghātādikaṃ cāpi vadettadanupūrvakam

6.39

dreṣkāṇapo yatra gṛhe tadaṅka saṃkhyāḥ sahotthāḥ sa yadā sasaumyaḥ
te jīvino'thetarathā mṛtāḥ syustatsauhṛdādye sahajaiḥ sukhādyam

6.40

cetpuṃgrahāste sahajā bhaginyaḥ syuḥ strīgrahāścedathavā pumaṅgam
cedbhrātṛsaukhyaṃ bhaginīsukhaṃ taṅkre de svaghāto'rimṛtau tadīśe

6.41

nyaṃśapo'rimṛtigo'śubhayuk cenmṛtyumeti sadṛttarūpātaiḥ
bandhuvairamasadinduyutaścedromaśaḥ śravaṇapṛṣṭhagadīnā

6.42

cedarkabhaumo mṛtigau tadāṅgyau mṛtiṃ vadedvidyuta ātapādvā
viṣānmṛtiḥ syānmṛtige gurubhyāṃ yute'rige nyaṃśapatau kare'ṅgaḥ

6.43

tattadreṣkāṇagāḥ pāpāstathaiva phaladāmatāḥ
dvāviśe'ṅgādṛkāṇe tu tadgrahādivaśāccyutiḥ

6.44

lagne dṛkāṇādhipatistu saumyaḥ śubhagrahairyuktanirīkṣitaśca
satkarmakartā bahukīrtiyuktaḥ pāpagrahaiḥ syādaśubhaśca tatra

Linked texts (3)