Shadvargaphalaprakasha 7

Ṣaḍvargaphalaprakāśa 7

Language: Sanskrit

7.1

atha lagnagatameṣādinavāṃśa phalamāha
cauraḥ kriyāṃśe sukhabhāk vṛṣāṃśe puṣṇāti vidyāṃ mithunāṃśake vā
karkāṃśake syāddhanavān mahāṃśaḥ siṃhāṃśake klīvasamo'ṅganāṃśe

7.2

śūrastulāṃśe bhūtakoṣṭhamāṃśe dāso hayāṃśe himago baliṣṭhe
pāpo mṛgāṃśe piśunograceṣṭaḥ kumbhāṃśake mīnalave pradhānaḥ

atha lagnagatanavāṃśaphale viśeṣaḥ:–
dīrghākuñcita mūrdhaṃjosamatanuḥ gauro gabhīrāśaya—
stejasvī suratopacārakuśalaḥ pāpānuraktaḥ sadā
stabdhaḥ sāhasiko'ticañcaladhano raktotyadharmaḥ sukhī
krūraḥ syādarimardano'lpatanayo bhānornavāṃśe naraḥ

7.4

anyacca
lagnasya bhāge navame vivasvānnaraṃ prasūte vijitaṃ khalañca
nīcānuraktaṃ vṛjinaiḥ sametaṃ jihmasvabhāvaṃ satataṃ viśīlam

7.5

bhavati kanakakāntirnātidīrgho na kharvaḥ
praviralatanuromā vāsaveṣaḥ sudṛṣṭiḥ
bahudhanaparipūrṇo dharmaśīlo guṇajño
viṣayasukhasuveśaḥ śītaraśmernavāṃśe

7.6

anyacca
navāṃśako rātripatervilagne, karoti martyaṃ bahuśo dhanāḍhyam
kṛṣṇāmbavittaṃ sutasaukhyayuktaṃ priyātithiḥ sarvajanapriyaśca

7.7

keśāgre kapilaḥ suvṛttanayanaḥ pṛṣṭhernokiṃcittanau
gaurāṅgaḥ kunakhī vraṇo'ṅkataśirā kāmī balī matsaro
dhūrtaḥ strīdhanasaṃgrahe'tikuśalaḥ prāyo'lpadharmaḥ sukhī
krūraḥ śatruvimardano'tikṛpaṇaḥ syādbhūmijāṃśe naraḥ

7.8

anyacca
navāṃśako bhūtanayasya lagne karoti martyaṃ bahuduḥkhayuktam
pittajvarāsṛkparipīḍitāṅgaṃ pratāpahīnaṃ satataṃ kucailam

7.9

śyāmaruciścalalocanaḥ samatanurvistīrṇavakṣasthalo
dīrghākuñcitamūrdhajo'pidaśanaśroṇībhirāśobhitaḥ
śīrṇaścakrayavikrayeṣu kuśalo dhīro dhanāḍhyaḥ sukhī
divyastryasmbaramālyabhūṣaṇarataḥ syāccandrajāṃśe naraḥ

7.10

anyacca
lagne navāṃśaḥ śaśinandanasya, karoti martyaṃ bahuvittayuktam
medhāvinaṃ sarvasukhādhibhājaṃ, vivekinaṃ paṇḍitamalpavairam

7.11

śyāmāṅgakamalodaraḥ suvadano nīlotpalābhekṣaṇaḥ
prāṃśuḥ śobhanamūrddhaṃjo'ti vimalaḥ pāṇau surekhāṅkitaḥ
buddhīśo hyatithipriyo bahuguṇaḥ śūro'ṅganāvallabho
vittāḍhyo madhurasvaraḥ suraguroraṃśe bhavanmānavaḥ

7.12

anyacca
navāṃśake devapurohitasya lagne vidhatte sutavittasaukhyam
karoti gīte nipuṇaṃ manuṣyaṃ, sadā narāṇāṃ kurute ca pūjyam

7.13

raktopānto'nayasitanayano mañjukeśaḥ sumūrtaḥ
kambugrīvo bhavati vikalaḥ śyāmavarṇaḥ sunābhiḥ
śūraḥ śrīmānsuśīlaḥ kaviratisadhano dānaśīlo guṇajñaḥ
vastrālaṅkāratuṣṭaḥ sukusumanirato mānavo bhārgavāṃśe

7.14

anyacca
navāṃśako bhārgavanandanasya lagne vidhatte bahuputrabhogān
surūpaceṣṭaṃ guṇinaṃ samṛddhaṃ divyāṅganābhogasukhaṃ sadaiva

7.15

praviralatanuśobhā babrukeśaḥ kṛśāṅgo
bhavati lalitanetraḥ śyāmavarṇaḥ svataṃtraḥ
bahuguṇaparipūrṇaḥ pāpaśīlo vidharmā
parimitadhanabhāgī mānavo bhānujāṃśe

7.16

anyacca
navāṃśakaḥ sūryasutasya lagne nṛṇāṃ vidhatte bahu bhūmināśam
arthakṣayaṃ nyāyamanantamugraṃ prapoṣaṇaṃ caurakṣataṃ sadaiva

7.16-2

atha kevalalagnastha prathamādinavāṃśaphalam
piśunaścapalo dhṛṣṭaḥ pāpakarmarataḥ sadā
pareṣāṃ vyasanāsaktaścauraśca prathamāṃśake

7.17

dhārmikaḥ satyavādī ca nānāśāstraviśāradaḥ
dṛḍhavrato mahotsāhī dvitīyāṃśe bhavennaraḥ

7.18

utpannavibhavo bhoktā saṃgrāme vigataspṛhaḥ
gāndharve pramadāsaktastṛtīyāṃśakasambhavaḥ

7.19

caturaṃśakajātaṃ smaraṇādvīkṣaṇādapi
sarvasvaṃ saṃgrahe nityaṃ yatkiñcidvibhūtale

7.20

sarvalakṣaṇasampanno dhanī bhavati sarvataḥ
dīrghāyurbahuputraśca yo jātaḥ pañcamāṃśake

7.21

strīnirjito'napatyaśca bahumāyo napuṃsakaḥ
dṛḍhavairo mahotsāho jātaḥ ṣaṣṭhe navāṃśake

7.22

vikrānto matīmān śūraḥ saṃgrāme vā parājitaḥ
dṛḍhabuddhirmahotsāho yo jātaḥ saptamāṃśake

7.23

svadharmakuśalo dakṣaḥ siñcitātmā jitendriyaḥ
bhṛtyānāṃ poṣaṇe dakṣā yo jātaścāṣṭamāṃśake

7.24

aṣṭamāṃśakajātasya ye guṇāḥ saṃprakīrtitā
navameṃśe prajātasya ta eva kathitā budhaiḥ

Linked texts (1)

Vṛddhayavaneśvara — Sanskrit