Shadvargaphalaprakasha 8

Ṣaḍvargaphalaprakāśa 8

Language: Sanskrit

8.1

iti lagnanavāṃśa phalam
atha pṛthak pṛthak navāṃśaphalam
atoṃ'śake lagnagate tu vakṣye varṇasvabhāvākṛtilakṣaṇāni
pradhānavīryeṃ'śapatau śaśīva tatsvāmirāśi kramaśo vidhatte

8.2

meṣastha
ajasaṃsthānamukhaḥ syānmeṣādyāṃśo'lpanāsikāṅghribhujaḥ
caṇḍadhvanirvirūpaḥ saṃkucitākṣaḥ kṛśo'kṣatāṅghraśca

8.3

śyāmaguruskandhabhujo hrasva lalāṭaḥ sujatrukaḥ sphuṭadṛk
dīrghāsyanaso mṛduvāk dvitayabhāge kṛśāṃghrisandhiśca

8.4

vyāluptakeśagauro vyastabhujaścārunayananāsaśca
vākpaṇḍitastṛtīye jātastu kṛśorujānujaṃghaśca

8.5

tribhrāntadṛkpracaṇḍo hrasvanaṭo'ṭanakharāṃghriromā ca
abhrātṛkaḥ kṛśaḥ syāccaturthe navabhāgajaḥ puruṣaḥ

8.6

dṛṣṭo gajendranayanaḥ pṛthunāsābhrūlalāṭako madhye
pīnopacitāgratanuḥ kharatararomāñcitatanukeśaḥ

8.7

śyāmo mṛdumṛṃgākṣo guruḥ kṛśāsphik kaṭhorucaraṇaḥ syāt
vyastodarakabhujāṃśaḥ ṣaṇḍho bhīruśca bahubhāṣī

8.8

dūrvāṅkurāmbhacapalaḥ sitanetraḥ saptame bhavetpuruṣaḥ
kulaṭā patirnṛṃśaṃso viśālavistīrṇamūrtiḥ syāt

8.9

vānaramukha pravaktā khararpigatanuśca guhyagadaḥ
hiṃsro'nnṛtaghātarataḥ suhṛtprayograḥ sadāṣṭamajaḥ

8.10

dīrghaḥ kṛśo vihārī vyastalalāṭaśravo'śvavadanaśca
bahvabhidhānābhiratastvanṛjurnavamāṃśajo bhavati

8.11

iti meṣe
atha vṛṣabhasya
samakṛṣṇatanustabdhaḥ pūrvaṃ maghāntye'jyantakarmā syāt
nīcaḥ prakṛtiviruddho viṣamākṣinirīkṣaṇo vṛṣasyādye

8.12

gambhīradṛgalasātmā vinataśirāvaktrakaśca laghumedhāḥ
pratikūlakarmā mithyābahupralāpī dvitīye syāt

8.13

mṛdvaṅgavānvapuṣmān sunasaspaṣṭāyatākṣo vṛhadaṅgaḥ
yajñādikarmanirataḥ sthirapoṣṇikarastṛtīye navamāṃśe

8.14

hrasvodaraḥ suroṣo meṣākṣaḥ piṃgalastvavaghanayuktaḥ
paradhanaharaṇābhirataścaturthaṃbhāge vṛṣasya naraḥ

8.15

vyālaḥ sutuṃgaghoṇo maharṣabhākāravaktra ghanakeśaḥ
syātpañcame vilāsī bṛhadbhujaskandhakaṭigauraḥ

8.16

svakṣasthiraḥ sukeśaḥ snigdhatanurvalguvāk pragalbhaḥ syāt
mādhuryahāsyanirataḥ kṛśaḥ sanipuṇo bhavetṣaṣṭhe

8.17

mṛtasutayuvatīṣu rato manākpralambāgranāsikākṣaḥ syāt
udbaddhāṅgaḥ svajanadveṣāgurupādasūkṣmakeśaśca

8.18

vyāghrekṣaṇaḥ sudanastvajitasphuṭanāsiko'lpakarmaḥ syāt
udvattanīlakeśogranakho mukharastathāṣṭamajaḥ

8.19

mānyo'lpasatvabhīrūḥ krodhī samaruciramūrti kitavaḥ syāt
sañcitadhanaḥ prasiddhaḥ kṛśāstvadhastātpralāpyante

8.20

iti vṛṣabhe
atha mithunasya
romopacitāṃsa bhujo ghanā sitāpāṅgadṛk tathoccanasaḥ
dūrvākāṇḍaśyāmaḥ kṛśāṅghripāṇistṛtīyabhavanādyeṃ

8.21

ghaṭaśīrṣo śucikarmā ghātamaṃdhyalagna ghoṇaḥ syāt
bahubhāṣī bahuceṣṭo dvitīyabhāge tu vigrahādhipatiḥ

8.22

gauro'tiraktanayanaḥ sunāsikaḥ samatanuḥ sumedhāḥ syāt
dīrghānano sitabhrūrvācā caturastṛtīyeṃśe

8.23

subhrūlalāṭakāmī nīlotpalamūrti vipulavakṣāḥ syāt
sitavaktro mṛduvakraḥ praśastaromācitaścaturtheṃ'śe

8.24

pṛthvānano bṛhatsphik pīvaravakṣobhujaśca khalaḥ
sthūlaśirā māyāvī sitānukūlanayanastu paṃcamajaḥ

8.25

madhvīkṣaṇaḥ pralāpī vyastalalāṭaḥ samassutanuḥ
kitavakhalaśca rudhiroṣṭharadaḥ ṣaṣṭhe tu satvayutaḥ

8.26

tāmrāruṇākṣarvarṇaḥ samunnatākṣo viśālavṛkṣāḥ syāt
śikṣāsu śilpanipuṇā hāsyaratiḥ saptame jātaḥ

8.27

śyāmo gururmanasvī lalito madhurābhidhānaśca
vyastavivṛddhaśarīro dīrghīsitadṛk kalāvidaṣṭamajaḥ

8.28

vṛttāsitadṛk sutanuḥ siddho medhābalo ratijñaḥ syāt
vijñānakāvyanirato navame jāyeta mithunasya

8.29

iti mithune
atha karkasya
nirmalacārusugauraḥ sumūrddhajaḥ syādiśālakukṣiśca
maṅgalamukhonnatākṣastanvaṅgabhujaḥ kulīrādye

8.30

raktacchavicaraṇoḍhaḥ kalāpriyaḥ syādiḍālamukhanetraḥ
karkidvitīyabhāge tyāgī kṛśajānujaṃghaśca

8.31

gauraḥ sunetravāgmī sukumāraḥ sthūla yoṣidaṅgaśca
dhīmātmṛdukarmaratastṛtīyabhāge bhavedalasaḥ

8.32

śyāmacchavirnatabhrū vilāsa pīnonnataḥ sunāsākṣaḥ
kṣīṇaḥ puruṣo dātā sujātikāryyaścaturthe syāt

8.33

ghaṇṭāśiro natāsyaḥ susaṃhatabhrūḥ sudīrghabāhuḥ syāt
sevārato vikarmā madhye durmarṣaṇo'lpamedhāśca

8.34

dīrghaviśālaśarīraḥ praśastanayano bahupratāpaḥ syāt
gauraḥ suvaṃśaghoṇo vaktā ṣaṣṭheca pṛthudantaḥ

8.35

bhinnaśiroruharomā bṛhattanuḥ syātsirālajaṃghaśca
paragṛharakṣaṇaśilaḥ kākākāraśca saptamajaḥ

8.36

ghaṇṭāśirāḥ kuśilpī sumukhabhujāṅgaśca kūrmagatiḥ
madhyavilagnanasaḥ syādaṣṭamabhāgetu kṛṣṇaśca

8.37

gauro jhaṣanetragurūrmṛdūdaro'tha pṛthūpīnavakṣāḥ syāt
dīrghahanurlaṃboṣṭho mahorukṛśajānugulpho'ntye

8.38

iti karkaṭe
atha siṃhasya
mandodaraḥ pracaṇḍo raktāgranaso bṛhacchirāḥ śūraḥ
unnatamāṃsalavakṣāḥ siṃhe prathame bhavedbhāge

8.39

unnatavitatalalāṭaścaturasratanurvilomanetraśca
dīrghabhujonnatavakṣāḥ pṛthūgraghoṇo dvitīye'śe

8.40

romānvitāyatabhujaścakoranayanaścalastyāgī
unnāsikastṛtīye snigdhatanurvāhvavṛttagalaḥ

8.41

ghṛtamaṇḍagauragātro dīrghāsitalocano mṛduśirojaḥ
bhinnadhvaniścaturthe pṛthukaraścaraṇaśca bheka kukṣiḥ syāt

8.42

ghaṇṭāśiro'lpakeśo sitaghoṇākṣaśca
lomaśāṅgatanuḥ lambodarapracaṇḍo daṃṣṭrotkaṭapīnahṛnmadhye

8.43

srastālparomamūrtiḥ snigdhasamāsitavilocano dīrghaḥ
śyāmastrīṇāṃ caturo vikatthano vākyapaṇḍitaḥ ṣaṣṭhe

8.44

dīrghānanaḥ sirālaḥ pīnatanuḥ striṣu durbhagaḥ kṛṣṇaḥ
syātsaptame sucaṇḍo romacitaḥ kūṭaniṣṭhurābhāṣī

8.45

utkṛṣṭavāk sthirāṃgaḥ subhago gambhīradṛgvikarmā ca
niḥsvaḥ kūṭakaraḥ syādaṣṭamabhāge prasūtaśca

8.46

rāsabhamukho'sitākṣo vyālambabhujaḥ supārṣṇijaṃghaśca
śvāsanipīḍitavakṣā navamāṃśe jāyate manujaḥ

8.47

iti siṃhe
atha kanyāyāḥ
sāraṃgākṣo vaktā pradānasambhogavān dhanāḍhyaśca
śyāmonnatahṛdayaḥ syātṣaṣṭhe prathamāṃśake jātaḥ

8.48

pūrṇānanā sucakṣuḥ snigdho mṛduvādaśīlaśca
lambodaraścalaḥ syādvitīyabhāge mahoruśca

8.49

sphuṭanāsikā sphuṭaḥ syātpraśastapādaśca pīnapādabhujaḥ
vispaṣṭabhāk ca gauraḥ kanyāsu sucatṛtīyāṃśe

8.50

śrutavān strīṣu ca ramate sukumāro madhuraraktagauraśca
tīkṣṇaścaturthabhāge prabodhanodhaḥ kṛśo dvimūrdhā ca

8.51

sthūloṣṭhabāhurunnatatanuḥ pṛthuśiroruhāṃsaḥ syāt
pañcamajaḥ pṛthuvakṣāḥ parāśrayodvaddhajaṅghaśca

8.52

snigdhacchaviḥ suvākyaḥ śāstratanuḥ śāstrakṛtamatipracuraḥ
lipilekhyakalābhijñaḥ sumanāḥ ṣaṣṭhāṃśajo vihārī ca

8.53

hrasvāvadanonnatāṃsaḥ snigdhabhujo'nte ca keśagauraḥ syāt
saptamajaḥ pṛthujaṭharaḥ pṛthutaracaraṇo'sbubhīruśca

8.54

sukumāragauradīrghaścitronnatadṛk pracaṇḍamānī syāt
vyālambapīnabāhuḥ piṃgalaromāṣṭame jātaḥ

8.55

khyāto mṛdusukhaviśālanetro balāsadṛśasattvaḥ
caturo navameṃ'śe syāllatāṃsa lekhyādividvāṃśca

8.56

iti kanyāyām
atha tulāyāḥ
gauro viśālanetraḥ ślāghī dīrghānano'rthagoptā syāt
navapaṇyakarmakuśalastulādharādyaṃśajaḥ suvikhyātaḥ

8.57

plutamaṃḍalanetraḥ syāt karāladanto nimagnamadhyastu
yugale vismṛtahṛdayaḥ kutanurghanasaṃhatabhrūśca

8.58

gauro'śvamukhaḥ surado mahonnatākṣaḥ kṛśo'pilabdhayaśāḥ
dīrghakaroruhaghoṇastṛtīyajaḥ syātsucaraṇaśca

8.59

tanvaṃsabāhubhrūrustūnnatadantakṛśo mṛgataraladṛk
hrasvanasaḥ suviṣādī śyāmo śīlaśca turyajaḥ bhavati

8.60

gambhīradṛk sthirātmā suhṛtpriyaḥ pañcame himānī syāt
kharakeśaḥ samanetro madhyapratilagnaghoṇadṛkśca

8.61

pīnāṅgo gauraḥ syādviśālanetraḥ sunāsikā vaṃśaḥ
snigdhanakhaḥ sunayajñaḥ ṣaṣṭheṃśe śāstravijjātaḥ

8.62

raktāvadātamatimān guruhrasvatanu kṛśo lalāṭe syāt
lubdhaḥ pracaṇḍadurgaḥ saptamabhāge manasvī ca

8.63

tugāṃsagaṇḍabhoktā kaṭhinatanurdīrghakṛṣṇabhrūḥ
nirniktavāk praśāntaḥ sadvakṣastvadharmamastako'ṣṭamajaḥ

8.64

svakṣaḥ prasannagauraḥ samacārutanuḥ paṭuḥ kalābhirgataḥ
dākṣiṇyahāsyanirato viṭasvabhāvo bhavennavame

8.65

ititulāyām
atha vṛścikasya
hrasvonnatoṣṭaghoṇaḥ sulalā ṭaḥ syāt dṛḍhāṅgagauraśca
dardurakukṣirghaṃṭakoṣṭhamarāśau prathamanavabhāge

8.66

gauraḥ pṛthvāyatahadbāhustāmrogradṛg dvitīye syāt
udvṛttabalanihantā sāhasakṛdanalpakeśaśca

8.67

prājño dṛḍhāṃsabāhuḥ prayatnakośo viśuddhavākyaḥ syāt
kānīnako vapuṣmān gauro rucirādharastṛtīyeṃśe

8.68

paradāradroharatiḥ kṣetrā dhīraścaturthaṃjo dīrghaḥ
śyāmo'sitakeśākṣo naṭaḥ pragalbhaśca pīnaromāṃsaḥ

8.69

gambhīrastāmrākṣo magnanasaḥ pañcame dhīraḥ
mṛṣṭodarograkarmā vyastadṛḍhāṅgo yaśasvī syāt

8.70

dhṛṣṭo variṣṭhabuddhi pṛṣṭhoccanaso gabhīrasattvaḥ syāt
sunasaḥ pracaṇḍakarmā ṣaṣṭhe dakṣo'lpakacaghanabhrūśca

8.71

dāritamukhaḥ sthirāṅgaḥ pravikīrṇaradaḥ śirāvanaddhāṅgaḥ
nimnodaraḥ plutākṣaḥ srastatanuḥ saptame bhavedaṃśe

8.72

sphutāgranasaḥ kālo vipannaśīlo malīmasāṅgaḥ syāt
bhinnotkaṭaiḥ śirojaiḥ santyaktamatistathāṣṭamajaḥ

8.73

gauro mṛgākṛtirmṛduḥ praśāntapiṅgākṣaromadṛḍhapīnaḥ
susametaśca gurūṇāṃ mataḥ prajāto navama bhāge

8.74

iti vṛścike
atha dhanuṣaḥ
subṛhannasojadṛṣṭiḥ sphuṭāgrabhāṣī sudantaromā ca
gauraḥ subuddhavṛṣaṇaścāpādyāṃśe pracaṇḍaḥ syāt

8.75

prottuṅgaśirāḥ sthiravidvistīrṇākṣo gurusphiguruśca
vikṛtākṣanaso dīrgho mahāhanuḥ syād dvitīyeṃ'śe

8.76

śikṣāśāstramatijñaḥ pragalbhagambhīramūrtti sunayaśca
strīvallabho manasvī tṛtīyajo hāsyaśilpajñaḥ

8.77

dakṣo madhumaṇḍaladṛk gauraḥ kṛcchra pravṛddhakukṣiḥ syāt
prājño'ṭanaḥ sukeśaḥ pṛthuśubhamūrttiścaturthe syāt

8.78

pṛthukaṇṭhanetravadanaḥ pravṛddhaharivigraho mahābhrūḥ syāt
pīnonnatāṃsahantā pañcamajo rūḍharomadṛḍhabuddhiḥ

8.79

snigdhā sitānta pṛthudṛk mahālagāṭaḥ suvṛttikāvyarataḥ
pṛthupīnamukho hīnaḥ ṣaṣṭhe vidvān kathābhirataḥ

8.80

śyāmo mṛdurvacasvī tuṅgaśirāḥ saṃgrahānusandhirataḥ
dīrgho viśālanayano dākṣiṇyapaṭuśca saptamajaḥ

8.81

cipiṭāgranāsikaḥ syādvistīrṇaśirāḥ subaddhavairaśca
vibhrāntadṛk pralāpī guruṣvabhimato'ṣṭamāṃśabhavaḥ

8.82

gauro hayākṛtimukho dīrghāsitadṛk tathālpavākyaḥ syāt
satyaḥ satāṃ viṣādī navame kuṭilorujaṅghaśca

8.83

iti dhanuṣi
atha makarasya
viralāgradaḥ śyāmaḥ prabhinnavāk kharasirorunakhajānuḥ
gītādhvahāsanirato makarādye baladhanaḥ kṛśāṅgaḥ syāt

8.84

alasaśaṭhaḥ kuṭilanaso gītābhiratirviśāladehaśca
pracurāṃganāsu nirato bahubhāṣī syāddvitīyajaḥ kalpyaḥ

8.85

gandharvakalākāmaḥ khyātāṃgo gauradṛk sunasaḥ
bahumitrabandhuratimān tṛtīyajaḥ svīṣṭakarmā ca

8.86

raktāsitavṛttākṣo mahālalāṭabhujadurbalāṃgakaraḥ
bhavati hi vikīrṇakeśaścaturthaṃjo viraladantavākyaḥ syāt

8.87

uddaṇḍaghoṇakukṣirbhavati hi bhogatā sunāsikāvaṃśaḥ
śyāmo vṛttorubhujaḥ pañcamabhāge sthirārambhaḥ

8.88

snigdhacchaviḥ suveṣaḥ kāmarataḥ sūkṣmasamaradasuvaktā
ṣaṣṭhāṃśajaḥ pṛthuhanurmahālalāṭaḥ pumān bhavati

8.89

śyāmo'lpasaḥ subhāṣī rūkṣitadeho bṛhattanuḥ kaṭhinaḥ
mṛdupādapāṇā matimānsaptamajaḥ śālasampannaḥ

8.90

gambhīradṛksughoṇo raktāsyobhinnakhaśirojaḥ syāt
udvaddhatanuḥ śakto'ṣṭamajo ghaṭa pṛthulallāṭaśca

8.91

vipulākṣi hṛtsumedhāḥ pūrṇamukho gītavādyanirataśca
mādhuryasatvayuktaḥ sādhurnavamebhavetsujanaḥ

8.92

itimakare
atha kumbhasya
śyāmo mṛdukṛśāṅgaḥ pīnahanuḥ śāstrakāvyamatiḥ
kāmī ratimānkāntaḥ kumbhasyādyāṃśake bhavejjātaḥ

8.93

tvaṅnakhadṛṣṭiśirojaiḥ kharaiśca suvipannavatsalaḥ sādhuḥ
dīrgho viśirā mūrkho dvitīyabhāge bhavejjātaḥ

8.94

saṃsaktatanuḥ pramadāpriyaśca vaiḍūryakāntidharaḥ
śāstrārthavitprayoktā tṛtīyanavabhāgasaṃjātaḥ

8.95

kāntānurato gauro vidāritāsyo ripupraṇāśakaraḥ
gambhīradhīrasattvaścaturthaṃjo bhogaratiyuktaḥ

8.96

spaṣṭārthavitkalājñaḥ khararomadharāṅghrirugraḥ syāt
saṃruddhagaṇḍakarṇaḥ pañcamajaḥ kṛṣṇavarṇaśca

8.97

vyāghrānanaḥ pragalbhaḥ kuñcitakeśaḥ suniścitārthaśca
vyālamṛgoragahantā ṣaṣṭheṃśevallabho nṛpate

8.98

meṣākṣimukhastīkṣṇo grāmyaratistrīṣu paribhūtaḥ
pittarurgāditadehaḥ saptamajaḥ sattvadhṛtiyuktaḥ

8.99

sthirasattvabuddhiratimān narendrayodho nareśvaraḥ śubhagaḥ
sthūlarado vipulākṣaḥ kumbhe syādaṣṭameṃ'śake puruṣaḥ

8.100

śyāmaḥ samagravadanā viśeṣitaḥ sudhanadāraputraśca
navamāṃśajaḥ suvākyaḥ prathitaḥ śakto bhavetpuruṣaḥ

8.101

iti kumbhe
atha mīnasya
gauro'pi raktadehaḥ prabhāmṛdurbhīmati pracalacittaḥ
hrasvagalaḥ kṛśamadhyo mīnasyādvāṃśake puruṣaḥ

8.102

pṛthupīnabhugnanāsaḥ kriyāpaṭurmāṃsabhugguciradehaḥ
kānanaparvaṃtacārī bṛhacchirāḥ syāddvitīyāṃśe

8.103

gauraḥ śaṭhaḥ sucakṣuḥ śāstratanurdharmavān suvidvāṃśca
dākṣiṇyavān vinītastṛtīyajo rūpavāṃścaturaḥ

8.104

guṇavān vipannaśālaḥ pravṛddhasevī kriyāpaṭurvidvān
sattvādiko nayajñastuṅganasaḥ syāccaturthe tu

8.105

dīrgho'sitaḥ pratāpī tuṅgāṅgaḥ svalpanāsikaḥ svakṣaḥ
hiṃsāratiḥ śubharado duṣprasahaḥ pañcame pratāpī syāt

8.106

kāntaḥ pratāpaguṇavān prasannavaṃśo'lpanāsiko mānī
tiryagvadanaḥ khyātaḥṣaṣṭhaṃśe syāttathā nipuṇaḥ

8.107

puruṣābhimānāparakṛddharmaruciḥ śreṣṭhagaśca sacivaḥ syāt
prabalo viṣādaśīlaḥ śaṭho'sthiraḥ saptame bhāge

8.108

dīrgho bṛhaccharāḥ syātkraśo'laso rūkṣanetrakeśaśca
mandātmajo'rthanirato raṇakuśalo hyaṣṭame bhāge

8.109

hrasvomṛduḥ sudhīro viśālavakṣo'kṣināsikaḥ snigdhaḥ
vihitāṅgaṃ buddhiguṇavān navameṃ'śe syātpumān khyātaḥ

8.110

itimīne
yatproktāṃśādiphalaṃ dvādaśabhāge'pi tatphalaṃ vācyam
samasamabhāgasamānaṃ śeṣeṣu vinirdiśetprājñaḥ

8.111

tatrādau sūryasya svanavāṃśe phalam
navāṃśake sve savitā prasūte naraṃ parābhūtamanalpasaukhyam
kalipriyaṃ vakriṇamadhyaśīlaṃ gataprabhāvaṃ bahurogabhājam

8.112

navāṃśake rātripatervivasvānkaroti martyaṃ sthita eva dakṣam
sutānvitaṃ jñānayaśodhanāḍhyaṃ nṛpapriyaṃ mukhyatamaṃ svapakṣe

8.113

kujasya bhānurnavabhāgasaṃstho daridrarogābhihataṃ prasūte
nirākṛtaṃ dīnamarutprakopaṃ pāpānuraktaṃ kṛtajātibhājam

8.114

tiṣṭhanraviḥ somasutasya jātaṃ navāṃśake vātabhayaṃ karoti
jitāripakṣaṃ sutayānuraktaṃ naraṃ sadā bhogasukhairupetam

8.115

navāṃśake devapurohitasya tiṣṭhan raviḥ satyadhanaṃ prasūte
taponuraktaṃ kṛtināmabhīṣṭaṃ jitendriyaṃ sarvasukhādivāsam

8.116

śukrasya navāṃśe sūryaṃphalam
ītyānvitaṃ bandhujanapradhānaṃ vivekinaṃ dharmaparaṃjitārim
navāṃśake devapurohitasya naraṃ prasūte savitā pragalbham

8.117

śanernavāṃśe sūryaṃphalam
parājitaṃ nirdhanamalpavīryaṃ kāmānvitaṃ bandhujanairviyuktam
śanernavāṃśe savitā prasūte naraṃ khalaṃ durgatirogabhājam

8.118

sūtram
ucce'rke nīcāṃśe rājaputro'pi nīcatāṃ gacchati

8.119

navāṃśavīryaṃprabalo vivasvān naraṃ prasūte satataṃ manojñam
vicitramālyābharaṇaṃ sukhāḍhyaṃ praśāntacittaṃ nirujaṃ suśīlam

8.120

sūryo navāṃśātmakavīryahīno karoti martyaṃ priyavigrahaṃ ca
viṣāgniśastrajvarapittabhājaṃ piturjananyā vikṛttopacāram

atha sarveṣāṃ grahāṇāṃ navāṃśe candraphalamāha
tatrādau sūryasya navāṃśe candraphalam
navāṃśake rātripatiryadā syāt sūryasya duṣṭaṃ manujaṃ prasūte
strīcañcalaṃ pāparataṃ sadaiva pranaṣṭabuddhiṃ vijitaṃ paraiśca

8.122

candrasya navāṃśe candraphalam
navāṃśake sve prakaroti candro naraṃ surūpaṃ subhagaṃ suśīlam
strīsaṃmataṃ sarvaguṇaiḥ sametaṃ vidyāvinītaṃ janavallabhañca

8.123

bhaumasya navāṃśe candraphalam
navāṃśake bhūmisutasya candrastvasṛg ruggāti prakaroti martyam
klībaṃ kṛśaṃ vyādhitamalpasattvaṃ strīdurbhagaṃ kāmaparaṃ sadaiva

8.124

budhasya navāṃśe candraphalam
saumyasya bhāge navame śaśāṅkaḥ karoti saumyaṃ satataṃ sukhāḍhyam
nityaṃ suhṛddevaguruprasaktaṃ mahādhanaṃ paṇḍitamaprameyam

8.125

gurornavāṃśe candraphalam
gurornavāṃśe vicaran śaśāṅkaḥ karoti martyaṃ nayasatyasāram
vidyāvinītaṃ suhṛdāṃ variṣṭhaṃ dvijapriyaṃ rogabhayaṃ vyapetam

8.126

śukrasya navāṃśe candraphalam
śukrasya bhāge navame śaśāṃko naraṃ prasūte bahuvittavantam
putrānvitaṃ puṇyadhanairupetaṃ priyā'tithiṃ sarvajanābhirāmam

8.127

śanenaṃvāṃśe candraphalam
candraḥ śanerbhāgamanu prayāto navākhyamatyantaduruktavācyam
naraṃ prasūte vikṛtasvabhāvaṃ parārthaṃ lubdhaṃ vyasanaiḥ sametam

8.128

viśeṣaḥ
navāṃśapuṣṭaḥ prabalaḥ śaśāṅko naraṃ vidhatte sutayānayuktam
rogairvimuktaṃ sukumāradehaṃ bhogādhikaṃ sarvakalāsudakṣam

8.129

navāṃśavīryeṇa vivarjitastu nayena hīnaṃ puruṣaṃ śaśāṃkaḥ
karoti duṣṭaṃ ca tathā kṛtaghnaṃ bhīrujātaṃ nṛpapīḍitañca

8.130

atha sarveṣāṃ grahāṇāṃ navāṃśe bhaumaphalamāha
tatrādau sūryasya navāṃśe bhaumaphalam
navāṃśake vāsarapasya bhaumo lubdhaṃ kuyoṣithatasaṃjñacittam
tiṣṭhan vidhatte'lpasukhaṃ manuṣyaṃ hṛdrogiṇaṃ bahvaśinaṃ śaṭhañca

8.131

candrasya navāṃśe bhaumaphalam
carannavāṃśe prakaroti bhaumaścandrasya kāntaṃ sukhamānayuktam
suhṛddvijātithyaparaṃ praśāntaṃ pūjyaṃ satāṃ bandhuhite ratañca

8.132

bhaumasya navāṃśe bhaumaphalam
navāṃśake sve pracaran karoti bhaumo'tihiṃsraṃ vikṛtaṃ manuṣyam
khaḍgādiyuddhe nipuṇaṃ viśolaṃ vidveṣiṇaṃ sādhujanasya nityam

8.133

budhasya navāṃśe bhaumaphalam
budhasya bhaumo vicarannavāṃśe karoti martyaṃ praṇatāṃ dvijānām
dravyānvitaṃ dhīramudārasattvaṃ vistīrṇasattvaṃ subhagaṃ sukhāḍhyam

8.134

gurornavāṃśe bhaumaphalam
gurornavāṃśe vicaranmahījaḥ karoti martyaṃ vividhānnapānam
śūraṃ pracaṇḍaṃ raṇaraṃgaraktaṃ gatadvipaṃ yānavaraiḥ sametam

8.135

śukrasya navāṃśe bhaumaphalam
śukrasya bhāge navame tu bhaumaḥ karoti martyaṃ ratilubdhasaukhyam
suhṛdguruprītikaraṃ suvākyaṃ sudharmaraktaṃ bahubhṛtyayuktam

8.136

śanernavāṃśe bhaumaphalam
śanairnavāṃśe vigato mahījo naraṃ prasūte bahupāparaktam
guhyākṣirogopahataṃ suduṣṭaṃ priyāvihīnaṃ paratarkaṃkaśca

8.137

viśeṣaḥ
devadvijāryārcaṃta labdhakīrti śūraṃ satāmāśrayamāptavidyam
bhaumaḥ svanandāṃśakavīryayuktaḥ karoti martyaṃ nṛpamānayuktam

8.138

navāṃśavīryeṇa vivarjitastu bhaumaḥ prasūte sarujaṃ manuṣyam
prapīḍitaṃ śatrukṛtairvikāraiḥ parābhavairmitrakṛtaistathaiva

8.139

atha sarveṣāṃ grahāṇāṃ navāṃśe budhaphalamāha
tatrādau sūryasya navāṃśe budhaphalam
carannavāṃśe dinapasya saumyaḥ karoti pāpaṃ vikṛtaṃ manuṣyam
strīsaukhyahīnaṃ kalahapriyaśca dyūtapriyaṃ cauryarataṃ viśīlam

8.140

candrasya navāṃśe budhaphalam
candrāṃśake syānnavame yadā jñaḥ tadā vidhatte sumukhaṃ nitāntam
khyātaśca puṣṭaṃ tamudāraceṣṭaṃ jetārimānyaṃ suhṛdāṃ satāśca

8.141

bhaumasya navāṃśe budhaphalam
navāṃśake bhūmisutasya saumyo naraṃ vidhatte rudhirārtadeham
vitarkaśīlaṃ suhṛdāmaniṣṭaṃ dveṣyaṃ khalaṃ pārthivapīḍitañca

8.142

budhasya navāṃśe budhaphalam
navāṃśake sve prakaroti saumyaḥ, saumyaṃ surūpaṃ subhagaṃ manuṣyam
devadvijātipravaṇaṃ prasannaṃ priyātithiṃ sarvajanānukūlam

8.143

gurornavāṃśe budhaphalam
navāṃśakasthaḥ surapūjitasya saumyaḥ prasūte sukhinaṃ manuṣyam
nānārthalābhaṃ pracurapratāpaṃ sumitrayuktaṃ pracuraṃ suśīlam

8.144

śukrasya navāṃśe budhaphalam
śukrasya bhāge navame budhastu karoti martyaṃ vividhārthayuktam
prabhūtamitradvijapūjaneṣṭaṃ sutānvitaṃ nityamudāraceṣṭam

8.145

śanernavāṃśe budhaphalam
saurasya bhāge navame vitiṣṭhan karoti saumyo nirujaṃ manuṣyam
kuśilpinaṃ sādhuguṇairayogyaṃ parāṅganāsaktamanarthayuktam

8.146

viśeṣaḥ
navāṃśavīryeṇa yutastu saumyo naraṃ prasūte satataṃ manuṣyam
śucikṣamāsatyarataṃ kṛtajñaṃ manasvinaṃ sarvasukhādhivāsam

8.147

navāṃśavīryeṇa vivarjito jñaḥ kaṭhoravākyaṃ janayenmanuṣyam
vimuktadehaṃ sahajāyaraktaṃ vigarhitaṃ śīlaparikriyābhiḥ

8.148

atha sarveṣāṃ grahāṇāṃ navāṃśe guruphalamāha
tatrādau sūryasya navāṃśe guruphalam
preṣyaḥ kukarmātikhalasvabhāvo dhanairvihīnastvathamandasatvaḥ
navāṃśake vāsarapasya jīvo yadā tadā syānmanujaḥ pracaṇḍaḥ

8.149

candrasya navāṃśe guruphalam
navāṃśake rātripateḥ surejyāstiṣṭhanprasūte subhagaṃ manuṣyam
priyātithi prītikaraṃ narāṇāṃ prasannacittaṃ pramadāsvabhīṣṭam

8.150

bhaumasya navāṃśe guruphalam
mukhādirogaiḥ vyasanopataptaṃ bhayānvitaṃ pāparataṃ prakāśam
navāṃśake bhūmisutasya jīvastiṣṭhanprasūte'tikhalaṃ manuṣyam

8.151

budhasya navāṃśe guruphalam
budhasya bhāge navame surejyastiṣṭhanprasūte sadayaṃ manojñam
vittānvitaṃ dharmarataṃ suveṣaṃ śāstrārtharaktaṃ gurubhaktiyuktam

8.152

gurornavāṃśe guruphalam
jīvo navāṃśe ca yadā svakīye tadā manuṣyaṃ nṛpatulyaveśam
vittānvitaṃ saukhyakalatrayuktaṃ śāstrārthayuktaṃ sujanārthaṃvantam

8.153

śukrasya navāṃśe guruphalam
śukrasya bhāge navame surejyastiṣṭhanprasūte sukhinaṃ manuṣyam
tejasvinaṃ kīrtikaraṃ kṛtajñaṃ puṇyātmakaṃ dharmarataṃ sadaiva

8.154

śanernavāṃśe guruphalam
nāsākṣirogavyasanaiḥ sametaṃ śriyāvihīnaṃ vigatapratāpam
navāṃśakastho ravijasya jīvo naraṃ prasūte nṛpapīḍitaśca

8.155

viśeṣaḥ
navāṃśavīryeṇa vivarjitastu surendramantrī kurute bhayārtam
pāpādirogaiḥ sahitaṃ sudīnaṃ vihīnabuddhiṃ visukhaṃ viśokam
atha sarveṣāṃ grahāṇāṃ navāṃśe bhṛguphalamāha
tatrādau sūryasya navāṃśe bhṛguphalam
navāṃśakastho dinapasya śukraḥ karoti martyaṃ vikalaṃ subhīrum
bahudviṣaṃ niṣkriyamalpavīryaṃ prapañcayuktaṃ gatasatvasaukhyam

8.156

candrasya navāṃśe bhṛguphalam
navāṃśakobhārgavanandanastu candrasya dhatte tanayaṃ narāṇām
sadyoṣitāṃ vai dhanadhānyalābhaṃ, ripukṣayaṃ bandhusamāgamaśca

8.157

bhaumasya navāṃśe bhṛguphalam
navāṃśake bhūmisutasya śukro naraṃ prasūte rudhirārdritāṅgam
prapīḍitaṃ dasyunṛpaiḥ sadaiva pradveṣaśīlaṃ nikṛtipriyañca

8.158

budhasya navāṃśe bhṛguphalam
budhasyabhāge navame tu śukraḥ karoti martyaṃ vibudhaṃ sudharmam
tīrthāśrayaṃ devaguruprabhaktaṃ priyātithiṃ sanniyamairupetam

8.159

gurornavāṃśe bhṛguphalam
śukro navāṃśe surapūjitasya karoti martyaṃ praṇataṃ dvijānām
vivekavidyāgamaśāstralubdhaṃ nṛpapriyaṃ bandhujanaiśca sārdham

8.160

śukrasya navāṃśe bhṛguphalam
navāṃśake sve bhṛgujaḥ prasūte adhyātmavidyānirataṃ manuṣyam
svadharmapūjyaṃ sudhiyā sametaṃ hatāripakṣaṃ vrataśīlinaśca

8.161

śanernavāṃśe bhṛguphalam
sthito navāṃśe'rkasutasya śukro naraṃ prasūte sarujaṃ saduḥkham
bhāryāsutārthaiḥ parivarjitaśca prapīḍitaṃ nīcajanairviśeṣāt

8.162

viśeṣaḥ—
navāṃśavīryeṇa yutastu śukraḥ karoti martyaṃ vijitāripakṣam
yajñapriyaṃ dānapatiṃ prasiddhaṃ nirmuktadoṣaṃ svakulapradhānam

8.163

navāṃśavīryeṇa vivarjitastu śukraḥ prasūte'tikaṭhoracittam
bhayāturaṃ satyadhanairvihīnaṃ vidveṣaśīlaṃ gatasauhṛdaśca

8.164

atha sarveṣāṃ grahāṇāṃ navāṃśe śaniphalamāha
tatrādau sūryasya navāṃśe śaniphalam
sūryasya bhāge navame'rkasūnuḥ karoti martyaṃ bahutīvrakopam
hiṃsrapranaṣṭaiḥ sujanairviyuktaṃ pradveṣaśīlaṃ paribhūtamanyaiḥ

8.165

candrasya navāṃśe śaniphalam
candrasya bhāge navame'rkasūnuḥ naraṃ prasūte sukalatrayuktam
śāstrānuraktaṃ kratudānaśīlaṃ jitendriyaṃ mantravidāṃ variṣṭham

8.166

bhaumasya navāṃśe śaniphalam
śanaiścaro bhaumanavāṃśasaṃstho naraṃ prasūte vacanasvabhāvam
parāṅganāsaṃgarataṃ vidharmamitrairvihīnaṃ satataṃ kucailam

8.167

budhasya navāṃśe śaniphalam
śanaiścaraḥ saumyanavāṃśasaṃsthaḥ karoti martyaṃ sukhabhogatṛptam
kāntaṃ śubhaṃ lābhaparaṃ vidhijñaṃ priyātithiṃ yajñarataṃ pradhānam

8.168

gurornavāṃśe śaniphalam
śanirnavāṃśo surapūjitasya naraṃ prasūte suraviprabhaktam
vivekavidyāgamasatyayuktaṃ prasannavaktraṃ pracurānnapānam

8.169

śukrasya navāṃśe śaniphalam
mārtaṇḍajaḥ śukranavāṃśasaṃsthaḥ karoti tīrthāśrayamiṣṭadharmam
prājñaṃ kṛtajñaṃ budhalokasevyaṃ jitendriyaṃ śubhramatiṃ manojñam

8.170

śanernavāṃśe śaniphalam
navāṃśake sve prakaroti sauro naraṃ sudātārataraṃ virogam
suyoṣitābhogapravṛddhasaukhyaṃ jitāripakṣaṃ sthiramugravīryam

8.171

viśeṣaḥ—
navāṃśavīryeṇa vivarjito'rkiḥ karoti nityaṃ bahuśāstrayuktam
pūrvaṃ suhiṃsraṃ dhanadhānyahīnaṃ pramādinaṃ pārthivapīḍitañca

8.172

atha lagnakuṇḍalyāṃ pañcamādisthāneṣu grahaphalam
ekatra pañcaputrāṇi dhīsthe turye kuje gurau
dvicatuḥṣaṭsaptamaiśca putrado jñāsite śaniḥ

8.173

sahaje ca siṃhe sutajīvaketū ṣaṣṭhe śaniḥ sūryakalatrasaṃsthaḥ
garbhe ca rāhurdaśame ca bhaumaḥ, santānahāniśca bhavennarāṇām

8.174

grahaḥ krūro vyayādhīśo dharmārisahaje vyaye
dagdhe cakrī sutasthāne jātako mriyate sutaḥ

8.175

yāvatsaṃkhyā grahāṇāṃ sutabhavanagatā pūrṇadṛṣṭiryadā vā,
yāvatsaṃkhyā prasūtirbhavati balayutā puṃgrahā putrakathyam
kanyā candrasya śukre himasutaravijo garbhaṃhāniṃ karoti kanyā candrasya śukre himasutaravijo garbhahāniṃ karoti
keciccandrādvicāryaṃ munigaṇakathitaṃ tadvicintyaṃ navāṃśe

Linked texts (8)

Sārāvalī — Kalyāṇavarman, Sanskrit
Vṛddhayavanajātaka — Mīnarāja, Sanskrit
Sārāvalī — Varāha, Sanskrit
Horāratna — Balabhadra 1629, Sanskrit
Janmapatrīpaddhati (Mānasāgara) — Mānasāgara, Sanskrit
Mānasāgarīpaddhati — Mānasiṃha, Sanskrit
Phalasārasamuccaya — Sanskrit
Yavanajātaka I — Yavanācārya, Sanskrit