Shadvargaphalaprakasha 9
Ṣaḍvargaphalaprakāśa 9
- Language
- Sanskrit
9.1
atha lagnagata dvādaśāṃśa phalam
jāto meṣaḥ dvādaśāṃśe khalātmā cauraḥ pāpācāradharmānuraktaḥ
strīvittāḍhyo rogavānukṣabhāṃśe yugmāṃśe tu dyūtakṛtyaḥ suśīlaḥ
9.2
duṣṭācāraḥ karkaṭāṃśe tapasvī siṃhe bhāge rājakṛtyaḥ suśūraḥ
dyūtācāraḥ strīrataḥ kanyakāṃśe vyāpārī syāttaulibhāṃśe dhanāḍhyaḥ
9.3
kīṭāṃśake vadharucirviṭacoranāthaścāpāṃśake pitṛmahī suradevabhaktaḥ
syādhipo mṛgamukhāṃśabhavaḥ subhṛtyaḥ kumbhe khalastvanimiṣe dhanikaruca vidvān
9.4
atha sarveṣāṃ grahāṇāṃ lagnagatadvādaśāṃśaphalamāha
malinaścapalaḥ krūraḥ svalpāyuradhano'lasaḥ
kāmī naro'lpadharmaḥ syād dvādaśāṃśe vivasvataḥ
9.5
anyacca
sūryāṃśako vāsarapasya lagne naraṃ prasūte bahumānavaśyam
lolyānvitaṃ dharmamukhairvihīnaṃ niściśamugraṃ capalasvabhāvam
9.6
bandhunāmāśrayaḥ · prājño dhanāḍhyaḥ priyadarśanaḥ
śilpajño bahudharmaḥ syād dvādaśāṃśe bhavennaraḥ
9.7
sūryāṃśako rātripattervilagne karoti martyaṃ bahuratnabhājam
nānārthalābhaiḥ sahitaṃ suśīlaṃ kulapradhānaṃ bahumitrayuktam
9.8
piśuno malino mūrkhaḥ pāpātmā suratapriyaḥ
alpadharmo mahījasya dvādaśāṃśe bhavennaraḥ
9.6-2
anyacca
sūryāṃśako bhūmisutasya lagne naraṃ prasūte rudhirāmayāḍhyam
pāmādirogairvyasanaiḥ sametaṃ pracaṇḍayuktaṃ raṇakātarañca
9.10
sūryāṃśako somasutasya lagne naraṃ prasūte subhagaṃ suśīlam
vidyāsu raktaṃ gurudevabhaktaṃ parairadhṛṣyaṃ rasalālasañca
9.11
anyacca
sūryāṃśakaścandrasutasya lagne naraṃ suvāte subhagaṃ manuṣyam
vidyāsu raktaṃ gurudevabhaktaṃ parairadhṛṣyaṃ ratilālasañca
9.12
śuciḥ śāstrārthavidvaktā sukhī dīrghāyurīśvaraḥ
suhṛdāmāśrayībhūto dvādaśāṃśe bṛhaspateḥ
9.13
anyacca
sūryāṃśako devagurorvilagne karoti martyaṃ bahuśāstrayuktam
janānugaṃ gītayutaṃ vilagnaṃ prabhūtamitraṃ raṇakovidañca
9.14
śūro bahudhano bhāgī nṛtyagītapriyaḥ sadā
śucirdātā kṣamī vaktā dvādaśāṃśe bhṛgorabhūt
9.15
anyacca
sūryāṃśako bhārgavanandanasya lagne prasūte subhagaṃ manuṣyam
rūpānvitaṃ pārthivamānayuktāṃ priyātithi mānadhanaiḥ sametam
9.16
piśunaścapalo dhūrtaḥ kāmī parārthalubdhakaḥ
malino hīnadharmī syād dvādaśāṃśe bhavennaraḥ
9.17
sūryāṃśako kāiyapanandanasya lagne prasūte raṇarogayuktam
naraṃ kuśīlaṃ nijabandhuhīnaṃ śokārditaṃ dānayutaṃ sadaiva
9.18
atha sarveṣāṃ grahāṇāṃ dvādaśāṃśe sūryaphalamāha
tatrādau sūryasya dvādaśāṃśe sūryaphalam
sūryāṃśake sve savitā prasūte naraṃ sutīkṣṇaṃ paribhīticittam
prabhūtaroṣaṃ gattavīryamarthaṃ paraṃ sudakṣaṃ, matiṛddhihīnam
9.19
candrasya dvādaśāṃśe sūryaphalam
sūryāṃśake rātripatervivasvān karoti saumyaṃ śubhakarmayuktam
vidyāvinītaṃ satataṃ sukhāḍhyaṃ prasannacittaṃ vibhavaiḥ sametam
9.20
bhaumasya dvādaśāṃśe sūryaphalam
priyairvimuktaṃ vadhabandhayuktaṃ pāpānuraktaṃ puruṣaṃ prasūte
sūryāṃśake bhūtanayasya bhānurvihīnasatyaṃ paratarkaṃkaśca
9.21
budhasya dvādaśāṃśe sūryaphalam
satyādhikaṃ sarvasukhaiḥ sametaṃ priyātithiṃ brāhmaṇasammataśca
sūryāṃśake somasutasya bhānustiṣṭhan prasūte manujaṃ sanātham
9.22
gurordvādaśāṃśe sūryaphalam
strīvallabhaṃ gītakalāsu dakṣaṃ bhogānvitaṃ vastravilepanāḍhyam
sūryāṃśake devaguro vivasvān karoti martyaṃ vinayapradhānam
9.23
śukrasya dvādaśāṃśe sūryaphalam
suśilpinaṃ dharmarataṃ sudāntaṃ priyātithiṃ sarvaṃsahaṃ suśūram
sūryāṃśake daityaguroḥ prasūte bhānurnaraṃ pārthivamānayuktam
9.24
śanairdvādaśāṃśe sūryaphalam
klībaṃ kraśaṃ pāparataṃ kṛtaghnaṃ śriyā vihīnaṃ satataṃ kucailam
karoti bhānurbahuduḥkhayuktaṃ sūryāṃśakasthastu śanaiścarasya
9.25
atha sarveṣāṃ grahāṇāṃ dvādaśāṃśe candraphalamāha
tatrādau sūryasya dvādaśāṃśe candraphalam
sūryāṃśake'rkasya niśādhinātho bhayādhikaṃ duḥkhayutaṃ manuṣyam
pramādinaṃ mitrajanairvihīnaṃ, sudīrghasūtraṃ satataṃ kṛtaghnam
9.26
candrasya dvādaśāṃśe candraphalam
sūryāṃśake sve prakaroti candro dhanānvitaṃ vāgminamalpaśatrum
naraṃ nitāntaṃ śubhaputrayuktaṃ suvāhanāḍhyaṃ parapakṣahīnam
9.27
bhaumasya dvādaśāṃśe candraphalam
sūryāṃśake bhūmisutasya candraḥ karoti nityaṃ bahusaukhyayuktam
vicakṣaṇaṃ bhogayutaṃ suveṣaṃ, svadharmaraktaṃ satataṃ suśīlam
9.28
budhasya dvādaśāṃśe candraphalam
sūryāṃśake somasutasya somaḥ saumyaṃ prasūte sukhinaṃ manuṣyam
śilpajñamatyadbhutakarmayuktaṃ priyātithiṃ viśrutameva nityam
9.29
gurordvādaśāṃśe candraphalam
sūryāṃśake devapurohitasya naraṃ suveṣaṃ prakaroti candraḥ
nṛpaprasādaṃ vinayaiḥ sametaṃ sucitrayānaṃ bahumitrayuktam
9.30
śukrasya dvādaśāṃśe candraphalam
sūryāṃśake bhārgavanandanasya naraṃ vinītaṃ prakaroti candraḥ
nṛpaprasādaiḥ pracuraṃ samṛddhaṃ hastyaśvayuktaṃ pracurānnapānam
9.31
śanerdvādaśāṃśe candraphalam
śanaiścarasyārkavibhāgasaṃstho vidhurvidhatte calasatyayuktam
kīnāśamālasyatamaṃ nitāntaṃ svabandhuvargaiḥ parivarjitaśca
9.32
atha sarveṣāṃ grahāṇāṃ dvādaśāṃśe bhaumaphalamāha
tatrādau sūryasya dvādaśāṃśe bhaumaphalam
ratipriyaṃ kūṭarataṃ kuśilpaṃ caraṃ sthiraṃ vā vraṇabandhanaśca
sūryāṃśake vāsarapasya bhaumo naraṃ prasūte viṭaghūrtaceṣṭam
9.33
candrasya dvādaśāṃśe bhaumaphalam
sūryāṃśake rāttricarasya bhaumo naraṃ prasūte suvapuḥ sukāntam
udāraśīlaṃ bahusaukhyabhājaṃ prājñaṃ bahubhrātaramarjitañca
9.34
bhaumasya dvādaśāṃśe bhaumaphalam
svadvādaśāṃśe vicaranmahījo strīdurbhagaṃ preṣyakamasvatantram
strīrūpatulyākṛti karmayuktaṃ masṛṇagātravyasanaiḥ sametam
9.35
budhasya dvādaśāṃśe bhaumaphalam
vyāyāmarāmāmbarabhūṣaṇāḍhyaṃ khyātaṃ sthiraṃ sphītavarājñanāśca
sūryāṃśake somasutasya bhaumo naraṃ prasūte nṛpapīḍitasvam
9.36
gurordvādaśāṃśe bhaumaphalam
prakhyātabuddhiṃ sukhinaṃ svatantraṃ kaviṃ vivādeṣvanivāritañca
sūryāṃśake devaguroḥ kujastu prabhūtavittaṃ śubhagaṃ prasūtau
9.37
śukrasya dvādaśāṃśe bhaumaphalam
strīṇāmabhiṣṭaṃ madhuraṃ vinītaṃ dānopacārādaramānayuktam
sūryāṃśake bhūmisuto bhṛgośca karoti nityaṃ praṇatāripakṣam
9.38
śanerdvādaśāṃśe bhaumaphalam
svabandhuvidveṣavivādaśīlaṃ bahupralāpaṃ capalaṃ kuśīlam
sūryāṃśakastho ravijasya bhaumaḥ karoti martyaṃ kalahānuraktam
9.39
atha sarveṣāṃ grahāṇāṃ dvādaśāṃśe budhaphalamāha
tatrādau sūryasya dvādaśāṃśe budhaphalam
sūryāṃśakastho vidadhāti saumyo nṛṇāṃ raveḥ pāpamatiṃ na saukhyam
kumitrasaṃgaṃ ripupakṣavṛddhiṃ yaśovināśaṃ sutasañcayañca
9.40
candrasya dvādaśāṃśe budhaphalam
sūryāṃśake śītakarasya saumyo naraṃ vidhatte vividhapratāpam
sutārthayuktaṃ ratisaukhyabhājaṃ viśiṣṭaśīlaṃ vinayaiḥ sametam
9.41
bhaumasya dvādaśāṃśe budhaphalam
sūryāṃśake bhūmisutasya saumyo naraṃ vidhatte'tiśaṭhaṃ viśīlam
gataśriyaṃ bandhujanena nityaṃ pāpātmakaṃ rogasamanvitañca
9.42
budhasya dvādaśāṃśe budhaphalam
sūryāṃśake sve prakaroti saumyo naraṃ prabhuṃ śāstrarataṃ sadaiva
kalāsu dakṣaṃ praṇatāripakṣaṃ jitendriyaṃ ślāghyatamaṃ sadaiva
9.43
gurordvādaśāṃśe budhaphalam
sūryāṃśake devapurohitasya saumyaḥ prasūte sutarāṃ suśīlam
martyaṃ mahāvṛttasamṛddhiyuktaṃ priyātithiṃ dharmaparaṃ sadaiva
9.44
śukrasya dvādaśāṃśe budhaphalam
sūryāṃśake cāpi bhṛgostu saumyaḥ karoti martyaṃ pracurānnakośam
nṛpapriyaṃ sādhujanānuraktaṃ saddharmaśīlaṃ bahupuṇyasaukhyam
9.45
śanerdvādaśāṃśe budhaphalam
sūryāṃśake sūryasutasya saumyaḥ karoti dīnaṃ kṛpaṇaṃ manuṣyam
vyayena śīlaṃ bahurogayuktaṃ māyāpaṭuṃ nirdayaniṣṭhurañca
9.46
atha sarveṣāṃ grahāṇāṃ dvādaśāṃśe guruphalamāha
tatrādau sūryasya dvādaśāṃśe guruphalam
sūryāṃśake vāsarapasya jīvo naraṃ prasūte nidhanaṃ virūpam
akīrtimantaṃ bahuśatrupakṣaṃ mitrairviyuktaṃ visukhaṃ viśīlam
9.47
candrasya dvādaśāṃśe guruphalam
sūryāṃśake devaguruḥ prasūte candrasya tiṣṭhan dhaninaṃ manuṣyam
priyātithiṃ putrasukhārthayuktaṃ bhūpālapūjyaṃ dayitaṃ janānām
9.48
bhaumasya dvādaśāṃśe guruphalam
vṛhaspatirdvādaśabhāgasaṃstho bhaumasya sūte prakhalaṃ manuṣyam
vidharmaśīlaṃ vyasanairupetaṃ rogārditaṃ bandhanabhāginañca
9.49
budhasya dvādaśāṃśe guruphalam
arkāṃśakasthaḥ śaśijasya jīvo naraṃ prasūte prathitaṃ nṛloke
satyādhikaṃ sarvaguṇairupetaṃ prabhupriyaṃ bandhujanasya nityam
9.50
gurordvādaśāṃśe guruphalam
svārkāṃśakasthaḥ prakaroti jīvastiṣṭhannaraṃ sarvasamṛddhivantam
puṣṭaṃ jitāriṃ bhayarogamuktaṃ rāmāsvabhiṣṭaṃ satataṃ suśīlam
9.51
śukrasya dvādaśāṃśe guruphalam
jīvo bhṛgordvādaśabhāgasaṃstho naraṃ prasūte hayakāñcanāḍhyam
priyātithiṃ bhoginamāryaśīlaṃ pramādinaṃ vairijanasya nityam
9.52
śanerdvādaśāṃśe guruphalam
sūryāṃśake cedravinandanasya jīvaḥ kucailaṃ kurute manuṣyam
dīnaṃ kurūpaṃ bahuduḥkhabhājaṃ prapīḍitaṃ dasyubhirevabhūpaiḥ
9.53
atha sarveṣāṃ grahāṇāṃ dvādaśāṃśe śukraphalamāha
tatrādau sūryasya dvādaśāṃśe śukraphalam
sūryāṃśake tigmakarasya śukro naraṃ prasūte kudhiyā sametam
prapīḍitaṃ nīcajanairvisuktaṃ krodhātmakaṃ vādarataṃ nṛśaṃsam
9.54
candrasya dvādaśāṃśe śukraphalam
śukrorkabhāge śaśalāñchanasya naraṃ prasūte varayānabhājam
nṛpapriyaṃ bhoginamarthavantaṃ vihāravāpīkaraṇeṣu raktam
9.55
bhaumasya dvādaśāṃśe śukraphalam
sūryāṃśake bhūtanayasya śukro videśaraktaṃ manujaṃ prasūte
dyūtapriyaṃ yuddharataṃ kṛtaghnaṃ vivekahīnaṃ paradārabhājam
9.56
budhasya dvādaśāṃśe śukraphalam
sūryāṃśake somasutasya śukro naraṃ prasūte śubhagaṃ manojñam
sthānārthamānaiḥ sahitaṃ prasiddhaṃ vidyājaṃne tatparamalpadoṣam
9.57
gurordvādaśāṃśe śukraphalam
sūryāṃśakastha surapūjitasya śukraḥ karotyāryamatiṃ sudīnam
sanmānasauhārdasutārthayuktaṃ vicitrabhogaṃ draviṇopapannam
9.58
śukrasya dvādaśāṃśe śukraphalam
sūryāṃśake sve ca bhṛguḥ prasūte vicitravākyaṃ ratigeyaraktam
dharmārthakāmaiḥ sahitaṃ suvijñaṃ nṛpapradhānaṃ nijabandhumānyam
9.59
śanerdvādaśāṃśe śukraphalam
arkāṃśake sūryasutasya śukrastiṣṭhanprasūte sukhabhāgyahīnam
pāpātmakaṃ śatruvivarjitañca pravāsinaṃ vyādhibhirarditañca
9.60
atha sarveṣāṃ grahāṇāṃ dvādaśāṃśe śaniphalamāha
tatrādau sūryasya dvādaśāṃśe śaniphalam
sūryāṃśake vāsarapasya śauro naraṃ prasūte gatadharmabuddhim
suniṣṭhurālāpaparaṃ suduṣṭaṃ nīcānuraktavigataprabhāvam
9.61
candrasya dvādaśāṃśe śaniphalam
sūryāṃśake ṝkṣapateḥ prayātaḥ sauraḥ prasūte sumatiṃ manuṣyam
lābhānvitaṃ pārthivamānapuṣṭaṃ gāndharvaśilpādiṣu saktacittam
9.62
bhaumasya dvādaśāṃśe śaniphalam
mārtaṇḍajo dvādaśabhāgasaṃstho naraṃ prasūte kṣitijasya jihmam
prapīḍitaṃ pittavikāradoṣairbhīhaṃ sadānindyatamaṃ narāṇām
9.63
budhasya dvādaśāṃśe śaniphalam
śanaiścaro dvādaśabhāgasaṃstho budhasya sūte pratibhaṃ manuṣyam
vittānvitaṃ dharmarataṃ salajjaṃ kīrtyanvitaṃ brāhmaṇasammatañca
9.64
gurordvādaśāṃśe śaniphalam
ādityajo dvādaśabhāgasaṃstho jīvasyasūte'rthaṃparaṃ manuṣyam
putrānvitaṃ bāndhavamānayuktaṃ lajjānvitaṃ brāhmaṇasammatañca
9.65
śukrasya dvādaśāṃśe śaniphalam
arkāṃśake bhārgavajasya saṃsthaḥ karoti martyaṃ pracurānnapānam
viśiṣṭadārāmbararatnabhājaṃ bhāgyādhikaṃ prāṇabhṛtāṃ variṣṭham
9.66
śanerdvādaśāṃśe śaniphalam
sūryāṃśake sve dinapasya putro naraṃ prasūte sthirabuddhiyuktam
vratopavāsānvitamiṣṭamitraṃ kulapradhānaṃ satataṃ kuśīlam
9.67
viśeṣaḥ
arkāṃśape'ṅge pitṛtulyabhāgyasthikasthite nātmasukhaṃ na pitroḥ
lābhasthite tātadhanaṃ suguptaṃ nīcāstapāpārikhaleṣvabhadram
9.68
syād dvādaśāṃśādaśubhāḥ śubhāvā jāyādhipaḥ krūrayutekṣite vā
bhāryaśubhaiḥ putrayutā tathaikā strīduḥkhamevāpyaparairnarasya
9.69
gṛhasthād dvādaśe bhāge mitroccasamavasthitāḥ
bahustrīṣvadhikārī syānnānārddhisamanvitaḥ
9.70
dvādaśāṃśe balayute kalatrāṇi bahūni ca
saumyairjayā śubhā pāpaiḥ kurūpā nirbale tathā
Linked texts (6)
- Vṛddhayavanajātaka (another edition) — Sanskrit
- Jātakapārijāta — Vaidyanātha Dīkṣita, Sanskrit
- Jyotiṣatattvaprakāśa — Lakṣmīkānta Kanyāla Jyotiṣācārya, Sanskrit
- Janmapatrīpaddhati (Mānasāgara) — Mānasāgara, Sanskrit
- Horāratna — Balabhadra 1629, Sanskrit
- Saṅketanidhi — Ghāsīrāma, Sanskrit