Pramāṇa · Search · About · API

Sanketanidhi 6

Saṅketanidhi 6

Language
Sanskrit

6.1

iti saṃketanidhau paṃcamaḥ saṃketaḥ
atha saṃhitāṃ samanusṛtya bhāvajaṃ phalamālikhāmyanubhavānubhāvitam
ripumadhyamitranijabhoccabhe balaṃ kramaśo yathottaramudīritaṃ budhaiḥ

6.2

grahaḥ śuvargottamavīryasaṃyuto yadā pumān garbhagatastadā naraḥ
budhagrahe strī ca napuṃsako'nyathā dvidehavargeṣu sa cecchiśudvayam

6.3

sabalakhagagatāṃśatulyamāsairyadi sitapakṣa ihāsti garbhamokṣaḥ
adhavaladalasaṃbhave tu māsairnavanaguṇairuditaiḥ sa tairnavāṃśaiḥ

6.4

lagnāt ṣaḍṣṭaripugairaśubhairyutośca
dṛṣṭo'khilottamabalastrikagaśca duḥsthaḥ
syādgarbhahā gatanavāṃśamitaihi māsaiḥ
śāmtyādinā bhavati bhadramapi pramāṇāt

6.5

rāśiḥ saḥ kālapuruṣasya bhavedyadaṅgaṃ—
śīrṣādike'tra tapane tu tilādi cihnam
vahneḥ kuje tamasi kāṣṭhaśilādijaṃ syā—
nmande tu dhātujamathācita iṣṭacihnam

6.6

dvijyādipāpasahite sabudhe'strajātaṃ
kujo ravīkṣitavidhāvaśubhāṃśadṛkke
paṅguḥ śanīkṣitavidhau ravibhārddhyate
kāṇo vyayasvagasitāra inendudṛṣṭe

6.7

kīṭe lagne karmage'rkeṃ kujārkadṛṣṭe candre caiṇage vāmanaḥ syāt
evaṃ lagneśe svage mandadṛṣṭendvorhasvo dharmanāthe'pi caivam

6.8

jāyājāyeśau tanūtanvadhīśau krūro cetstastasya jāyā duraṅgā
asvāmbeśau tādṛśau tasya mātā bhāgyabhrātrīśau tathā cedvuginyaḥ

6.8-2

khale smareśe kaṭuvākprakopanā priyā prasannā ca śubhe priyaṃvadā
nurudbhuvāṃgātsayamoḍpe made sakaitavā strī yadi tau striyā naraḥ

6.10

khalo'mbikeśo'tha madāṅgapau śubhau tadā matāsya vyabhicāriṇī prasūḥ
khadārapau cedaśubhau jalāṅgapau śubhau tadā strī vyabhicāratatparā

6.11

rāśitribhāge yatame grahaḥ syāddaśatribhāge'pi phalaṃ tu tasmin
daśā tu śāstrātparikalpanīyā yā yatra yuktā sudhiyoḍrvādau

6.12

kheṭādṛṣṭe vāriyuktekṣite'mbhasyevaṃ lagne dvipriputrāripe vā
yadvā kro'ṅge made san kha ārkiryadvāṅge'njo bhrātṛgau bhaumaśukrau

6.13

tanau kujāgū madagāvinendrū yadvāntyaṣaḍdvyaṣṭasu yasya kheṭāḥ
kendreṣu śūnyeṣvatha nejyavargo'ṅge vāṅgacandrau yadi gurvadṛṣṭau

6.14

yadvāṅgapaḥ sāstapatiḥ sthirāṅge khāṅgāmbugo'bjaḥ sakhalo'thavāṅgam
neśekṣitaṃ syuḥ parajātayogāḥ syātsācchacandra navame satī strī

6.15

atha sthānaprayuktalagnādibhāveśaphalam
lagnage tanupatau subhagāṅgo bāhuvīryavihitotkaṭakāryaḥ
cañcalo gatabhayaśca manasvī dārayugmayugapi vyabhicārī

6.16

arthaṃge tanupatau dhanilīlaḥ paṇḍito bahuguṇaḥ śubhaśīlaḥ
loladhīḥ sukṛtakṛdbahumānī naikadārasurato'pi sutārthī

6.17

vikrame tanupatāvatha ṣaṣṭhe siṃhatulyabalavikramaśālī
sarvasampadadhiko guṇamānyaḥ syād dvibhārya upabhūpavadānyaḥ

6.18

ambuviṣṇupadayostanunāthe tātamātṛsukhasampadupetaḥ
sodarairupacito bahukāmaḥ sundaro'bhijanasadguṇavāsaḥ

6.19

pañcame tanupatau sutasaukhyaṃ madhyamaṃ nigaditaṃ matimadbhiḥ
prāgapatyaparitāpaparītaḥ krodhavānnṛpatisamanivītaḥ

6.20

dārage tanupatāvuta dārā dāritāsuvikalā maladhāraḥ
syātpravāsanirato vidhuro'to bhūpabhūrapi daridra ivārttaḥ

6.21

aṣṭame tanupatau vyayabhe vā dyūtamantranipuṇo'pi kadaryaḥ
steyakṛtparakalatracaritro dūṣitāyatiranarthavahitraḥ

6.22

bhāgyabhe tanupatāvathavā''sye bhāgyavān sujanavallabhamūrtiḥ
kṛṣṇabhaktinirataḥ paṭuvaktā putradārasahitaḥ suhitaśca

6.23

dhanādhināthe dhanage dhanavānvito'bhimānavān syātkalayanmṛṣā navān
bhavetkalatradvitayaṃ trayaṃ ca vā na ca kvacitsunuraḥ puraḥ saraḥ

6.24

dhaneśvare vikramage'thavāmbuge parākramī syānmatimān guṇāgraṇīḥ
sadā satṛṣṇastriviveśavedhakaḥ parāṅganāratyabhisārapeśalaḥ

6.25

dhaneśvare'rātibhage ripordhanaṃ janaḥ samāpnoti tataḥ kṣayaṃ punaḥ
paṭutvapāṭaccaratākaṭo'kaṭaḥ kṛtaghnajaḥ syādadhiguhyalāñchanaḥ

6.26

dhaneśvare kāmagate cikitsako nijānyajāyābhigameṣu kovidaḥ
nijāṅganā vāravadhūrivānyagā prasūrasūrivyabhicārapāragā

6.27

dhaneśvare mṛtyugṛhaṃ gate naro nidhiṃ labheta kṣitigaṃ dhanaṃ ca vā
striyāḥ sukhaṃ jyeṣṭhasahovarasya vā na so'śnute kvāpi paraṃ svaghaṃ tataḥ

6.28

dhaneśvare viṣṭage āyage'thavā janaḥ samudyogaparaḥ paṭurbhavet
dhanī ca bālye bahudhā rājāditaḥ sa yāvadvāyuḥ parataḥ putrānvitaḥ

6.29

dhanādhināthe'maravatsamaṃgāmini smarapriyo mānadhanī ca paṇḍitaḥ
anekavārairvaṃsubhiḥ śubhaṃyutaḥ strito'rthibhiḥ putrasukhena varjitaḥ

6.30

dhanādhināthe vyayage'tisāhasī vṛthābhimānī dhanadharmavicyutaḥ
svajīvanaṃ bhūpajanaprasādajaṃ sukhaṃ na tasya prathamātmajanmanaḥ

6.31

dhaneśvare lagnagate'sya putrage naraḥ sadā syātsvakuṭumbakaṇṭhakaḥ
suniṣṭhuro'naṅgavidhipracāradhīḥ paropakāryalpadhanaśca kaṃtavī

6.32

sahaje sahajeśvaro dhanī bahudhā vikramavān yutaḥ sutaḥ
sukhamīpsitamaśnute sadā paramānanditamañjumandiraḥ

6.33

sahajādhipatau sukhe sute gamane vā sthitavatyasau janaḥ
vividhāptisukho dhanī sudhīrapi jāyāsya paraṃ tu niṣṭhurā

6.34

sahajādhipatāvarātige sahajoriḥ sahajasya ca svayam
dhanavānasukhī svamātulai ratimicchedapi mātulastriyā

6.35

navamavyayayoḥ sahodarādhipatau diṣṭakalābalābalā
savitāsya parāparādhakaḥ sukhasāmagryapi duḥkhabhuktaye

6.36

sahajādhipatau made'ṣṭame nṛpatidvāri mṛto dhruvaṃ bhavet
prathame vayasi svato'sukhī paratantraḥ paracauryakarmakṛt

6.37

sahajeśvara āyalagnayornijadorārjitavittasaukhyabhāk
parasevaka āścavamarṣayuk kṛśadehaḥ parasāhasī jaḍaḥ

6.38

sahajādhipatau dhanasthite parajāyādhanavṛddhalālasaḥ
akruśo gudamaithunapriyaḥ sukhahīno hāsyalolpakarmavān

6.36-2

turyeśvare turyaṃgate sumantrī jano janānāmadhipaḥ sukhī ca
mānī dhanāḍhyaḥ śubhaśīlavṛttaḥ syānnāgaro'srāvabalāpriyo'pi

6.40

turyeśvaraścennavame sute vā sukhī naraḥ sarvajanapriyaśca
govindapādārpitacittavṛttirmanīṣī svabāhujitavittabhogī

6.41

turyeśvare'rātigate naraḥ syāt krodhī manasvī bahumātṛkaśca
steno'bhicārī khalācettavṛttiḥ svayaṃ nijānandavirodhaśīlaḥ

6.42

sukheśvare saptamage'ṅgane vā vicitravidyāsahito naraḥ syāt
svapūrvasaṃpāditavasturiktaḥ prabhūtadārābhibhavādviṣiktaḥ

6.43

turyeśvare randhragate vyaye vā sukhena hīnaḥ puruṣo nitāntam
tātasya ca svalpasukhena yukto napuṃsakaḥ syādatha jārajātaḥ

6.44

turyeśvare karmagate naraḥ syānnṛpālamānyaśca sadāryavṛttiḥ
rasāyanajñaśca sadā prahṛṣṭo bhunakti saukhyaṃ vividhaṃ jagatyām

6.45

turyeśvare vikrama āyabhe vā na cātirogī puruṣo dhanī syāt
udāramūrtirguṇavānvadānyaḥ śūraḥ svabāhujitavittadhanyaḥ

6.46

turyeśvare vittagate subhogī kuṭumbayuktaḥ kuhakānvitaśca
syātsāhasī mānadhanaḥ sametaḥ sampatpradhānaḥ sakalopakartā

6.47

yasya sutādhipatiḥ sutagaḥ syāttasya nijorasijo na sujīvaḥ
sa kṣaṇikaḥ kila niṣṭhurabhāṣī dharmarato matimānupakārī

6.48

pañcamape ripuge vyayage vā svīyasuto'sya riputvamupeyāt
vā mṛtaputra utāpyanapatyaḥ krītasutaḥ paradattasuto vā

6.49

pañcamapo yadi manmathagehe satyavacāḥ śubhakarmarataśca
tuṅgatanuḥ patibhaktisameto dhīrataraḥ sthiracitta udāraḥ

6.50

pañcamape'ṣṭamage dhanage vā'patyabahutvamudīritamādyaiḥ
śvāsasakāsarujāvitadehaḥ krodhayuto dhanitāmadamattaḥ

6.51

pañcamapo navame gagane vā yasya ca tasya suto nṛpatulyaḥ
khyātiyutaḥ svakulāmbudhicandrastīrthaṃkṛdyudyamasaṃhṛtattadraḥ

6.52

pañcamape samavāptigṛhasthe sarvajanapriyamūrtirudāraḥ
granthakṛduttamadhīrbahuputraḥ kovidamānya upadravaśūnyaḥ

6.53

pañcamape tanuge sahaje vā syāti kṛtavaḥ piśuno bahudambhī
loṣṭamapīha na tena vitīrṇaṃ kvāpi janāya dhanasya kathā kā

6.54

pañcamapo jananīgṛhagaścenmātṛsukhaṃ suciraṃ sa bhunakti
buddhiyutaḥ sacivo yuvadehaḥ satkamalākkamalālitagehaḥ

6.55

śatrubhanāthaḥ śatrugṛhe cejjñātivirodhaḥ syātsahajo'sya
anyajanaiḥ satsauhṛdavuddhirghanayutaḥ sadgīnajanārddhiḥ

6.56

śatrubhanāthe saptama āye vā tanugehe sāhasavān syāt
putravihīno mānya udāraḥ sadguṇakīrtirdravyasametaḥ

6.57

śatrubhanāthe riḥphamṛtisthe roganiśāṃta kovidavaro
prāṇivihisātatparacitto'tho paradārāsaktamanaskaḥ

6.58

śatrubhanāthe bhāgyagṛhasthe dāruśilādevikrayakartā
saṃvyavahāre kvāpi ca hāniḥ kvāpi ca vṛddhiścandrakalāvat

6.59

śatrubhanāthe vyomni dhane vā sāhasayukto vaṃśyajanāgryaḥ
karmasu niṣṭhāvān sukhayukto naṃkanivāsaḥ proktaniruktaḥ

6.60

śatrubhanāthe bhrātari turye vārtiruṣā syāllohitanetraḥ
vā piśuno dveṣī calacitto vittasametaḥ kvāpi manasvī

6.61

śatrubhanāthe pañcamagehe caṃcalamitradravyasukhāḍhyaḥ
prītyanukampāpāgatitasaumyaḥ syānnijakārye'sau nipuṇo'pi

6.62

dārādhīśe lagnage kāmage vā dāreṣvanyeṣāṃ naro lampaṭaḥ syāt
dhīraḥ pauraḥ sādhvasadhvaṃsakartā vārtā citte kāpi naiva sthirāsya

6.63

dārādhīśe ṣaṣṭhage mṛtyuge vā hragṇo nityaṃ krodhayuktaḥ smarārtaḥ
saukhyaṃ svapne'pyasya na syātkathaṃcidvārastrībhirvā dhanasya kṣayaḥ syāt

6.64

dārādhīśe vittage bhāgyage vā nānāyoṣāsaṃgamātsaukhyayuktaḥ
sarvāraṃbhī dīrghasūtrī ca nityaṃ cittaṃ tasya strīṣu saktaṃ nitāntam

6.65

dārādhīśe turyage vyomage vā pātivratyo'ṅgāsitā tasya bhāryā
dharmātmā syātsatyavādī ca dhīmāṃlloke nūnaṃ dantavaktrāmayārtaḥ

6.66

dārādhīśe bhrātṛge lābhage vā tasyāpatyaṃ kāladaṃṣṭrāvidīrṇam
jīvetkanyā kvāpi putro'pyajo vā putraprāptiryantramantrauṣadhādyaiḥ

6.67

dārādhīśe dvādaśasthe daridro dravye satyapyeva vīnaḥ kadaryaḥ
bhāryā cāsya stenakanyā daridrā vastrājīvī nīcasaṅgī svayaṃ syāt

6.68

dārādhīśaḥ pañcame cenmanasvī mānī cañcanmānavodagrayāyī
śrīmāñchaśvatsadguṇaiḥ saṃyutaśca nityaṃ hṛṣṭo mṛṣṭapuṣṭapratiṣṭhaḥ

6.66-2

nidhanape nidhanaṃ samupāśrite bhavati cauryaparo gurunindakaḥ
khalavidevanakṛtparavañcako yuvajane niratāsya sadāṅganā

6.70

nidhanape satataṃ tapasi sthite kṣapaṇakādyanugo'varadārakaḥ
paravadhūdhanadharmaruciḥ svayaṃ parabhavāśrubhasaptatiraṅganā

6.71

nidhanape nṛkhage sukhage'pi vā vigatabandhurasau piśunaḥ krudhīḥ
jananato jananījanakābupāntakagatī svayamītivibhītibhāk

6.72

nidhanape sutagāmini vā''ge kila krute'pi sukarmaṇi yāpyatā
na kamalā labhate sthiratāṃ gṛhe'nujusatiḥ svayamasthiracetanaḥ

6.73

nidhanape ripuge vyayame'pi vā satatamāmayabādhanayārditaḥ
bhujagatoyabhavāhatijavyathā bhavati pūrvavayasyamitā dhruvam

6.74

nidhanape madagate tanuge'thavā bhavati vai ramaṇīdvitayaṃ nṛṇām
svayamaniṣṭamatirgaruḍadhvaje traṇarujā paripīḍitadustanuḥ

6.75

nidhanape dhanage'tha tṛtīyage bhujaparākramavīryavivarjitaḥ
draviṇamasya bhavetkśatāṃ gataṃ na ca kathaṃcana naṣṭadhanāptibhāk

6.76

bhāgyagṛheśe bhāgyabhage syāddhanadhānyopetagṛhaḥ
sodarasampatpatsaukhyatuḥ kāṃtisametaḥ sādhanabhāk

6.77

bhāgyapatau turyambarage sam̐nyapatirmantrī sukṛtī
krodhavihīnaḥ sāhasakratakīrtyanubhūtyudbhūtasukhaḥ

6.78

bhāgyabhape lābhātmajage bhāgyayuto mānī subhagaḥ
bhaktirataḥ śrīmān sukṛtī sadguṇavān sadbhīsahitaḥ

6.79

bhāgyabhape'tyāryaṣṭamage bhāgyavihīnaḥ syātpuruṣaḥ
mātulasaukhyaṃ mātulitaṃ jyeṣṭhasahotthavyādhyavadhiḥ

6.80

bhāgyabhape kalpasmarage kīrtisametaḥ sadguṇavān
yasya cikīrṣāsyātra bhavettattvacanenātisiddhimapi

6.81

bhāgyabhape bhrātṛsvagate bhāgyavidhāne nityarataḥ
sadguṇavān kāmī dhanavān kovida iṣṭārthaḥ sakalaḥ

6.82

vyomage vyomabheśe'sya pātālage jñānavān sadguṇī kesarīvodbhaṭaḥ
dharmaśīlaḥ sadā satyasandho naro nirjarapraṣṭhavidvajjanejyāparaḥ

6.83

vyomabheśe sutasye'thavāptige saṃtatidravyasampatsamṛddhyūrjitaḥ
indirācchandiva dārusanmandiraḥ satyavādī sukhī hṛṣṭacitto bhavet

6.84

vyomabheśe vyayārātiraṃdhrasthite śatrubhirvā rujā sarvadā pīḍitaḥ
prājyacāturyasampannamukhyo'pyasau syātkācitkathaṃcinna cānandita

6.85

vyomagehādhipe janmalagnasthite satkavitvādicaṃcadguṇaiḥ saṃyutaḥ
āmayairadito duḥkhitaḥ śaiśave'thārthasiddhiḥ parastātsukhodagratā

6.86

vyomabheśe smarabhrātṛvittasthite labdhavarṇo janaḥ syānmanasvī tathā
satyadharmapratiṣṭhāvariṣṭho guṇī lokavikhyātakīrtiḥ kṛpāsāgaraḥ

6.87

vyomabhādhīśvare bhāgyabhāvaṃ gate
bhāgyasaubhāgyasaujanyasaudho naraḥ
kintu citārḍapi bhāgyodaye syātkvacinmānasaṃ nāvyavasthāvyavasthākaram

6.88

lābheśo yadi samavāptigehayāto
vāgmī syātpuruvaraḥ sukhī samṛddhaḥ
pāṃḍityaṃ sakalavidhaṃ ca satkavitvaṃ
satprītyai pratidinamasya vṛddhimeti

6.89

riḥphastho yadi samavāptigehanāthaḥ
saṃsargo yavanajanaistadā sadā syāt
kāntābhī ramaṇaparaḥ smarotathabhāvaiḥ
kāmārtaḥ kṣaṇadhiṣaṇo'tilampaṭaśca

6.80-2

lagnastho yadi samavāptibhāvanāthaḥ
syādvaktā dhanasahitaḥ kutūhalātmā
sarvatrāviṣamagatiḥ prasannacetā
vikhyātaḥ khalavimukhaśca sāttvikātmā

6.81-2

lābheśe sahajagate'tha vittayāte
tīrtheṣu praguṇadhiyā kṛtārthabhūtaḥ
satyakāryeṣvapi kuśalo'tilolacittaḥ
svalpasvo'navarataśūlarogaduḥkhī

6.82-2

lābheśe śubhasutabhāvagāmini sthā—
nānārthī bahuvidhasaukhyabhāṅmanuṣyaḥ
dharmātmā śubhapumapatyavīryasaṃya—
saṃyuktaḥ śubhaphalasiddhibhūṣitaśca

6.83-2

lābheśe ripubhavanasthite naro'sau syādeḍo vividharujārditaḥ sadaiva
sārvatrikena ca sukhavānapi pravāsī gacchedasya tu parasevayaiva kālaḥ

6.84-2

lābheśe madagṛhage'tha randhrayāte no jīvedvihaṃ vanitā narasya kāpi
kāmārto dhanasahitaḥ prakṛtyudāraḥ kaulīne'pyanamimatadhvayo'prabuddhaḥ

6.85-2

lābheśe navamagate'thavā'mbarasya bhūpālairapi paripūjito'ṅghripadmaḥ
dharmātmā kṛtikuśalaśca satyavādī vikhyāto dhanasahito'paropakartā

6.86-2

vyayabhāvapatau vyayage ripuge vāpāpakṛddurbalenmanujaḥ
mātṛvirodhī krodhī santatiduḥkhī parāvalābhogī

6.87-2

vyayabhāvapatau madage tanuge vā durbalo'tikapharogī
dhanavidyāvidhuro'sau bhāryāsukhavarjito nityam

6.68-2

vyayanāthe dhanarandhrasthite'cyute'syācyutā bhaktiḥ
saṃpannaḥ sakalaguṇaiḥ priyavādī dhārmiko bhavetpuruṣaḥ

6.66-3

vyayanāthe dharmasthe sahajasye vā śarīrapoṣaṇakṛt
nityaṃ dveṣṭi jyeṣṭhān prajāṃ ca bhāryā gurūścāpi

6.100

vyayanāthe sukhage vā strī vā sutatātamātṛsukhahāniḥ
paragṛhavāṇijyārthīḥ kṣetrādyaiśca kvacijjīvet

6.101

vyayanāthe sutabhe vā lābhe vāpatyasaukhyavidhuraḥ syāt
dattakrītasutādyairmaṇimuktādyaiśca nirvāhī

6.102

balābalavivektaḥ phalamihoditaṃ kovidaiḥ
kujo nijacaturthabhūphalaviśeṣado vakragaḥ
svataḥ sutaphalaṃ guruḥ sukhaphalaṃ budhaḥ strīphalaṃ
sito niyatijaṃ śanirghanaphalaṃ vidhurvaiṣuve

6.103

rāśyādau śubhayogādve phalaṃ yacchanti khecarāḥ
vimṛśya sacaṃ vaktavyaṃ saṃhitoktavidhāśritam

6.104

nijāgrajātātmajaghāsirāmakṛte hi saṅketanidhau kṛte'smin
jyotirvidā rāmadayālunāmnā sāṃhityasaṅketa itaḥ samāptim

Linked texts (4)