Pramāṇa · Search · About · API

Sanketanidhi 7

Saṅketanidhi 7

Language
Sanskrit

7.1

iti ṣaṣṭha saṅketaḥ
saptamasaṅketaḥ
atha svasaṅketaviśeṣaleśataḥ phalaṃ balaṃ vīkṣya khagasya kalpyate
purā dharā dvādaśabhāvabhāṣitā vicāraṇīyaiva samastavastunaḥ

7.2

tānavaṃ varṇacihnaṃ vayo jīvanaṃ jātiśīle sukhādyaṃ tanościntayet
dravyaratnasvadhātvādi mitraṃ dhanātsāhasabhrātṛbhṛtyādhvapitryaṃ kṛte:

7.3

prāksvabhūkṣetragehaprasūkaṃ sukhāt mantravidyādhanopāyagarbhān sutāt
bandhamāndyāribhīmātulādyaṃ ripoḥ strīhṛtādhvacyutāmarṣaviṭatvaṃ madāt

7.4

vāhanānyatha vandhūṃśca mātṛsaukhyādikānyapi
nidhiṃ kṣetraṃ gṛhaṃ cāpi caturthāt paricintayet
yantramantrau tathā vidyā - buddheścaiva pravandhakam
putrarājyāpabhraṃśādīn paśyet putrālayād budhaḥ
mātulāntakaśatrūṇāṃ śatrūṃścaiva traṇādikān
sapatnīmātaraṃ cāpi ṣaṣṭhabhāvānnirīkṣayet
jāyāmadhyaprayāṇaṃ ca vāṇijyaṃ naṣṭavīkṣaṇam
maraṇaṃ ca svadehasya jāyā bhāvānnirīkṣayet
durganaṣṭakuṭumbavyuddhamṛtasvakādhyarisaṃkṣayān
mṛtyuto'pya śubhāptyupāyaratīṣṭadiṣṭasṛtīḥ śubhāt
puṇyapaṇyamarhadhipaitṛkamambarātsaha mudrayārgheśvarasvasutāmuhratpaśusatprayojanamāthataḥ

7.5

paṇḍito vyayato vyathākṣatavairirodhamukhaṃ vadedyujyate'tra puroktabhāvavicārāṇāmapi sadhāraṇā
bhāvayugmamihībhayatra tanoḥ smarādapi tadvayaṃ
nīcagasya nicoccavīkṣaṇataḥ phalaṃ sakalaṃ dhruvam

7.6

yavyaṃ ca vairivṛttānta-riḥphamantyādikaṃ tathā
vyayāccaiva hi jñātavyamiti sarvatra dhīmatā
kintu yadbhāvapo nīcagaḥ khecarastatphalaṃ yacchatīhāśubhaṃ niścayāt
tuṅgagonīcayukto'pi madhyaṃ phalaṃ nīcagastuṅgamāḍhaco'pi tādṛṅ mataḥ

7.7

pūrṇadṛṣṭyā tu yadbhāvadarśī graho lagnato yatra rāśistadīyo bhavet
tanmitābve phalaṃ tasya vācyaṃ yathāṅgāntvayāntaṃ samā dvādaśāgre tathā

7.8

cedādye vayasi khagaḥ phalaṃ tadīyaṃ
tasminneva vayasi vācyamatra vīryāt
rāśyante yadi khacaro'sya noditaṃ tatsaṅketo'tra gurupadāmbhajabhaktigamyaḥ

7.6-2

yadbhāvaipaḥ khalayutastrikaṇo'rinimnastadbhāvahā vibalabhe'lpaphalaḥ samakṣet
kendratrikoṇapatayo'dhikasattvavo'pyanyonyaṃ dhanavyayagatāḥ sukhalā na śastāḥ

7.10

janmataḥ prāgvilokyastṛtīye dine candramāścecchubhairyuktadṛṣṭo bhavet
janmatastarhi varṣe tṛtīye śubhaṃ vācyamevaṃ khalairbālakasyāśubham

7.11

evaṃ prāgjanmataḥ saptame'hni khābdhimitāvike
savatsavṛṣṭayukte'bje tanmite'bde tathā phalam

7.12

grahāṅkabhāvāṅkayogasaṃkhye vā'nyonyaghātapramite ca varṣe
lagnādhināthāṅkagṛhāṅkayośca syātsaṃbhave tatphalamiṣṭabhāve

7.13

kṣapāgrahāḥ kṣaparkṣaṃgā dinarkṣaṃgā dinagrahāḥ
tanau ca vṛśyakhaṇḍake tadā'khilāghasaṃkṣayaḥ

7.14

tathāṅgapendubhādhipāvasaṃyutekṣitau na cet
yamaḥ sukhābhrasūnugo'rinīcago na satphalaḥ

7.15

gocare'ṣṭakavargādau śubho'sanvā vṛgāvinā
rāśyeśavīrye'nte sārdhaṃvyabde vā tatphalaṃ viśet

7.16

kāmeśvare na ca śubhe na śubhekṣitārḍheca
kāme'pi nīcamadanena durāmayaḥ syāt
bhāveṣu vācyamapareṣu phalaṃ tathaiva
sarvaṃ vimṛśya sudhiyā sadupāsanārthaḥ

7.17

nijāprajātātmajaghāsirāmakrute hi saṅketanidhau kṛtesmin
jyotirvidā rāmadayālunāmnā viśeṣasaṅketa itaḥ samāptim

Linked texts (1)