Pramāṇa · Search · About · API

Sanketanidhi 9

Saṅketanidhi 9

Language
Sanskrit

Contents

9.1

iti saṅketanidhāvaṣṭamaṃ saṅketaḥ
aśne janmani vā yadi ravihorāṅge sukhī na bālye syāt
paścātsvayatnato'sau dhanī ca viparītaminduhorāyām

9.2

horeśaścettāsadgrahaḥ savakrastadā tadgavaktram
vakraṃ tathārkavidhvoḥ sendrasatovikrataradanarasanoṣṭham

9.3

dreṣkāṇapo yatra gṛhe tadaṅgasaṃkhyāḥ sahotthāḥ sa yadā sasaumyaḥ
te jīvino'yetarathā mṛtāḥ syustatsauhṛdādye sahajaiḥ sukhādyam

9.4

cetpuṃgrahāste sahajā bhaginyaḥ syuḥ strīgrahāścedathavā pumaṅgam
vedbhrāt saukhyaṃ bhaginīsukhaṃ tadvaded svaghāto'rimṛtau tadīśe

9.5

dryaṃśapo'rimṛtigo'śubhayukcenmṛtyumeti sa dṛṣṭattatrapātaiḥ
bandhuvairamasaṃdinduyutaścedromaśaḥ śravaṇapṛṣṭhagadī nā

9.6

cedarkabhaumau mṛtigau tadāḍhacau mṛtiṃ vadedvidyuta ātapādvā
viṣānmṛtiḥ syānmṛtige gurubhyāṃ yute'rige dryaṃśapatau kare'ṅgaḥ

9.7

talladreṣkāṇayāḥ pāpāstathaiva phaladā matāḥ
dvāviśo'nnāddṛkāṇe tu tadgrahādivaśācyutiḥ

9.7-2

saptāṃśalagne viṣame śubhānāṃ yogekṣaṇādau pumapatyasaukhyam
same sutā saṃkalito'tha tatrāsaumyairasaṃbhūtimuśanti santaḥ

9.9

navāṃśanāthe svalave svabhāvau śubhekṣitāḍhye'śubhayogahīne
prāpnoti rāmāmatulāmavaśyaṃ taro vināyāsamapāparūpām

9.10

kendre tadīśo'ṣṭisamāntririṣṭe trikoṇage tattvamite vivāhaḥ
navāṃśalagne khalakheṭayukte jāyālave vā na vivāhasaukhyam

9.11

arkāśape'ṅge pitṛtulyabhāgyastrikasthite nātmaṃsukhaṃ na pitroḥ
lābhasthite tātadhanaṃ suguptaṃ nīcāstapāpārikhaleṣvabhadram

9.12

triśāṃśapo'saumyakhago'stanīco yadā tadā bandhubhirāju vairam
trirusthitaścennṛpabhītibhāk syāt sadanvitaḥ sanyadi saukhyaśālī

9.13

śaktitarātmaprabhāveṣṭapitryādikaṃ cittabuddhiprasādaprasūkādikam
bhrātṛsattvaṃ guṇaṃ bhūsukhaṃ cintayedbuddhivāgdharmavijñānasatsaṃbhavam

9.14

kṣetrārthamanbaravehapuṣṭisutakīrtyaśvāvisaṃpatsukhaṃ
veśyāstrījanaśukravāhanaratasthānopayāmātmanaḥ
āyurjavisādhanakṣayaśuco duḥkhaṃ ca budhyā budhaḥ
sūryādyairbalibhiḥ śaneritarathoktaślokapādakramāt

9.15

gaṅgāham̐sajñātisamudrajanmā dvijādhirājo dvijarājamānaḥ
janābhijātapratipūjitāṅghirāsītsatīrāma iti prasiddhaḥ

9.16

jyotīrāyastatsutobhūnmahātmā vidvadvṛndāvāptakīrtipratiṣṭhaḥ
tatputraḥ śrīmatkṛpārāmanāmā śrīmatpūjyo dhīrasandehabhedī

9.17

tadātmajastantrasaraṇyaraṇyasaṃcārapaṃcānanacārumūrtiḥ
samunmanā jaspatimiśraśarmā śrīsāmbaśarvānugatāṃtarātmā

9.18

so'bhūdambudhivaccaturdiśamurojātaiścaturbhiścaturmūrtirvā yaśasādhiroḍhumiha cādyo'bhīracandaḥ purā
svaryātaḥ svamahonidhāya sahajo'smādanvabhūttāritā
nekajño'tra vajīracandra iti yaḥ khyātyā dvitīyo'bhyasa

9.19

anvasmādabhavaddhirasmṛtiratasvānto musaddīyuto
rāmo'smādanusaṃbhavo'mṛtasarasyāvarjiteśo vasan
sa śrīrāmadayālusañjña ṛtadṛk cakke vidagresaraḥ
satsaṅketanidhi satāṃ nidhimivādrīndraṅbhūvatsare

9.20

itarāguṇagopaneṣu satsu prabhupādābjapareṣvahāpito yat
vinayāvanateṣvato nidheyo navasaṅketanidhiḥ śubhaprabandhaḥ

9.21

vajīracandrātmajaghāsirāmakṛte hi saṃketanidhau kṛte'smin
jyotirvidā rāmadayālunāmnā granthe'nyasaṃketaḥ itaḥ susiddhim

9.21.p1

iti jyotirvidrāmadayālunirmite saṃketanidhau navamaḥ saṅketaḥ
samāpto'yaṃ granthaḥ

Linked texts (2)