[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Genethlialogy (natal astrology)](https://indike.org/pramana/in.astro.hora) › [Works attributed to sages and deities](https://indike.org/pramana/in.astro.hora.arsa) › [Shukajataka](https://indike.org/pramana/in.astro.hora.arsa.sukajataka) › 2 # Shukajataka 2 Śukajātaka 2 - **Language:** Sanskrit ### [2.2](https://indike.org/pramana/in.astro.hora.arsa.sukajataka.2.2) nimiṣādivatsarāntaṃ rāśipramāṇamekaikam gaṇitaskandhe proktaṃ pūrvaṃgrahacāralakṣaṇaiḥ sārddham ### [2.3](https://indike.org/pramana/in.astro.hora.arsa.sukajataka.2.3) horāskandhe samyagdaśāvibhāgaṃ purā vinirdiṣṭam vistāraśāstramārgo na śakyo mandabuddhibhirjātum ### [2.4](https://indike.org/pramana/in.astro.hora.arsa.sukajataka.2.4) tasmātprayogasiddherācāryairyatphalaṃ svasiddhaṃ tat vispaṣṭārthaṃ vakṣye horāśāstrārṇavātsāram ### [2.5](https://indike.org/pramana/in.astro.hora.arsa.sukajataka.2.5) meṣavṛṣamithunakarkaṭasihakanyātulāśca vṛścikaśca dhanurathamakarakumbhau mīna iti ### [2.6](https://indike.org/pramana/in.astro.hora.arsa.sukajataka.2.6) rāśināmāni kanyā sānalasthā plavagā ca tulādharo ghaṭīmīnau nakro mṛgākṣivadano narośvajaghano dhanuḥ pāṇiḥ ### [2.7](https://indike.org/pramana/in.astro.hora.arsa.sukajataka.2.7) meṣavṛṣamithunakarkaṭāḥ svanāmasadṛśāścarāḥ mithunaṃ daṇḍadharaṃ vīṇāhastaṃ ca vijñeyam ### [2.8](https://indike.org/pramana/in.astro.hora.arsa.sukajataka.2.8) alimīnakulīrākhyā jalātmakā jalacarāśca vijñeyāḥ taulivṛṣayugaghaṭakanyā jalāśritāstatpradeśaniratāḥ syuḥ ### [2.10](https://indike.org/pramana/in.astro.hora.arsa.sukajataka.2.10) atha diśāpatiḥ raviśukrabhaumasarpāḥ saurendusaumyavākpatikramaśaḥ prācyādīnāṃ nāthā balānvitāḥ sarvakāleṣu ### [2.11](https://indike.org/pramana/in.astro.hora.arsa.sukajataka.2.11) diśāpaticakram diśā pūrva āgneya dakṣiṇa nairṛtya paścima vāyavya uttara īśāna svāmī sūrya śukra bhauma rāhu śani candra budha guru jāmitraṃ caturasraṃ trikoṇamājñātṛtīyametāni svasthānād vīkṣyante grahāḥ krameṇa boddhavyāḥ ### [2.12](https://indike.org/pramana/in.astro.hora.arsa.sukajataka.2.12) sampūrṇaṃ pādonaṃ pūrṇāddhaṃ pādamekaṃ kiraṇebhyaḥ ripumaitryaṃśavihīnā nīce dvādaśārkagāstu pādāṃśāt ### [2.13](https://indike.org/pramana/in.astro.hora.arsa.sukajataka.2.13) 'duścikya daśamagāt sauristrikoṇasthāt bṛhaspatiḥ caturthāṣṭamagāt bhaumaḥ śeṣāḥ saptamasaṃsthitān' 'sute saptame pūrṇadṛṣṭistamasya tṛtīye ripau pādadṛṣṭirnitāntam dhane rājyagehe'rdhadṛṣṭiṃ vadanti svagehe tripādaṃ bhaveccaiva ketoḥ' viṃśatyaṣṭādaśadaśaravimanuṣoḍaśāṃśakiraṇāḥ syuḥ pūrvādīnāṃ saṅkhyā rāśīnāmīśvaro'rkakiraṇāḥ syuḥ ### [2.14](https://indike.org/pramana/in.astro.hora.arsa.sukajataka.2.14) ravigurubhaumāḥ puruṣāḥ striyaste rāhubhārgavaśaśāṅkāḥ śatruyutanīcasaurasaumyā napuṃsakāśceti vijñeyāḥ ### [2.15](https://indike.org/pramana/in.astro.hora.arsa.sukajataka.2.15) śukraguru vipreśau ravibhaumau kṣatriyau viśaścandraḥ antarajātiḥ saumyo vṛṣalo mando'ntyajātirinduripuḥ ### [2.16](https://indike.org/pramana/in.astro.hora.arsa.sukajataka.2.16) rāhuśaniketubhaumāḥ pāpāḥ krūrau raviḥ śaśī kṛṣṇe budhaguruśukrāḥ saumyāḥ śukle saumyaḥ śaśī jñeyaḥ ### [2.17](https://indike.org/pramana/in.astro.hora.arsa.sukajataka.2.17) śukrabudhau rājasikau guruśaśiravayastu sāttvikāḥ jñeyā bhaumaśanisaiṃhikeyāstamoguṇāḥ sarvakāryeṣu ### [2.18](https://indike.org/pramana/in.astro.hora.arsa.sukajataka.2.18) pittātmakau ravikujau vātaśleṣmādhikau tu candrasitau vātādhiko'rkaputraḥ śaśijo miśre'tha vākpatiścāpi ### [2.19](https://indike.org/pramana/in.astro.hora.arsa.sukajataka.2.19) raktaśyāmo bhānuścandro gauraḥ kujo'tiraktaśca dūrvākāraḥ saumyo hiraṇyavarṇo guruḥ svabhāvato jñeyaḥ ### [2.20](https://indike.org/pramana/in.astro.hora.arsa.sukajataka.2.20) sitavarṇo bhṛgusūnurnīlanibho bhāskariḥ śikhī dhūmraḥ bahuvarṇo bhṛgusūnustvaparo nīlāñjano rāhuḥ ### [2.21](https://indike.org/pramana/in.astro.hora.arsa.sukajataka.2.21) saumyo'pi rāśivarṇo grahayoge tadgrahoktavarṇaguṇaḥ svāṃśasvakṣetragato grahayogavivarjito nijoktaguṇaḥ ### [2.22](https://indike.org/pramana/in.astro.hora.arsa.sukajataka.2.22) arddhāviṣṭaḥ savitā piṅgākṣo nātiromahanuḥ asthiravāso'pyalaso durbalajānuḥ prasannamukhavaktā ### [2.23](https://indike.org/pramana/in.astro.hora.arsa.sukajataka.2.23) dīrgho mṛdusvabhāvaścandro matimān na ghṛṇinaṃyajñaśca vātaśleṣmaprakṛtiḥ śuklāmbarabhūṣaṇo na nityatanuḥ ### [2.24](https://indike.org/pramana/in.astro.hora.arsa.sukajataka.2.24) capalo vighātakuśalo raktākṣo paittiko'gniśikhāṅkaḥ vikṛtaścaro'tigauraḥ kṛśodaro'ṅgārako'vinītaśca ### [2.25](https://indike.org/pramana/in.astro.hora.arsa.sukajataka.2.25) śyāmekṣaṇo nayajño madhyākāraḥ sthirānvito bhraṣṭaḥ bahuvārtānvitabhāṣī vidvān saumyastridoṣasaṃyuktaḥ ### [2.26](https://indike.org/pramana/in.astro.hora.arsa.sukajataka.2.26) sthūlātmā dīrghatanurmanthavakṣo buddhimānnayajñaśca śleṣmādhiko'tivāgmī pītāmbarabhūṣaṇo śreṣṭhaḥ ### [2.27](https://indike.org/pramana/in.astro.hora.arsa.sukajataka.2.27) kāntaḥ subhagaḥ śukro vātaśleṣmādhiko viśālamatiḥ sthūlavapuḥ strīvaśago vikaṭākṣo vaśvanasvabhāvarataḥ ### [2.28](https://indike.org/pramana/in.astro.hora.arsa.sukajataka.2.28) sthūlanakhadantakeśo māyāvī bahudīrghapādaśca vātādhikaḥ śirālo mando'pyalaso na śāntamatiḥ ### [2.29](https://indike.org/pramana/in.astro.hora.arsa.sukajataka.2.29) bālākāro bhaumaḥ kumāraveṣo budho gurustriṃśat śukraḥ || ṣoḍaśavarṣo ravistu pañcāśaddvaveṣaśca ### [2.30](https://indike.org/pramana/in.astro.hora.arsa.sukajataka.2.30) śaniḥ saptativarṣo keto rāhośca varṣaśatam yo yo bhāvādhipayukto graho grāhyo'pi vidvadbhiḥ ### [2.31](https://indike.org/pramana/in.astro.hora.arsa.sukajataka.2.31) yeṣāṃ prasūtisamaye balānvito yo graho viśeṣakaraḥ tasya svabhāvasvarūpaṃ janane nṛṇāṃ sadā cintayam ### [2.32](https://indike.org/pramana/in.astro.hora.arsa.sukajataka.2.32) atha grahanāmāni sūryo bhānustathā''dityo raviḥ prabhākarastathā dineśastamohantā ca dinakartā dinamaṇiḥ ### [2.33](https://indike.org/pramana/in.astro.hora.arsa.sukajataka.2.33) śītaguścandramā somo rajanīpatireva ca śītakiraṇo niśānāthaḥ śaśī kumudinīpatiḥ ### [2.34](https://indike.org/pramana/in.astro.hora.arsa.sukajataka.2.34) āro vakro mahīsūnū rudhiro raktarāṭ ca aṅgāraka iti khyātaḥ krūradṛk krūrakṛttathā ### [2.35](https://indike.org/pramana/in.astro.hora.arsa.sukajataka.2.35) saumyo vijño budhaśceti somajo bodhanastathā ete saumyasya paryāyā: kumāraśca prabhāsutaḥ ### [2.36](https://indike.org/pramana/in.astro.hora.arsa.sukajataka.2.36) gururjīvo devamantrī devatānāṃ purohitaḥ devejyo'ṅgirassuto bṛhaspatiriti smṛtaḥ ### [2.37](https://indike.org/pramana/in.astro.hora.arsa.sukajataka.2.37) śukro bhṛgurbhṛgusuto'sphujicca sitastathā uśanā daityapūjyaśca kāmaḥ kaviriti smṛtaḥ ### [2.38](https://indike.org/pramana/in.astro.hora.arsa.sukajataka.2.38) koṇo mandaḥ śaniḥ kṛṣṇaḥ sūryaputro yamastathā paṅguḥ śanaiśvaraḥ sauriḥ kālacchāyāsuto'sitaḥ ### [2.39](https://indike.org/pramana/in.astro.hora.arsa.sukajataka.2.39) rāhustamo'suro'guśca svarbhānuśca vidhuntudaḥ dhātā ca saiṃhikeyaśca bhujaṅgākhyaśca te samāḥ ### [2.40](https://indike.org/pramana/in.astro.hora.arsa.sukajataka.2.40) śikhī keturdhvajo dhūmro mṛtputro'nilastathā nāmānyetāni sarveṣāṃ grahāṇāṃ ca vidurbudhāḥ ## Linked texts (1) - [Horāratna](https://indike.org/pramana/in.astro.hora.nibandha.horaratna-works.horaratna.1.5.2) — Balabhadra 1629, Sanskrit --- Source: [https://indike.org/pramana/in.astro.hora.arsa.sukajataka.2](https://indike.org/pramana/in.astro.hora.arsa.sukajataka.2) · Pramāṇa