[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Genethlialogy (natal astrology)](https://indike.org/pramana/in.astro.hora) › [Works attributed to sages and deities](https://indike.org/pramana/in.astro.hora.arsa) › [Shukajataka](https://indike.org/pramana/in.astro.hora.arsa.sukajataka) › 3 # Shukajataka 3 Śukajātaka 3 - **Language:** Sanskrit ### [3.1](https://indike.org/pramana/in.astro.hora.arsa.sukajataka.3.1) iti śrībrahmarṣiviracite śukajātake grahayonibhedādhyāyaḥ prathamaḥ ### [3.1-2](https://indike.org/pramana/in.astro.hora.arsa.sukajataka.3.1-2) udagayane svakṣetre madhyabalastaducyante svocce svāṃśatribhāgahorāyāṃ svadine balavān bhānuḥ ### [3.2](https://indike.org/pramana/in.astro.hora.arsa.sukajataka.3.2) mitrakṣetreṣu madhyabalo rāśipramukho bhānurbalavān madhyāśriteṣu madhyabalo rāśyante balahīnaḥ sandhyāyāmastabhāve ca ### [3.3](https://indike.org/pramana/in.astro.hora.arsa.sukajataka.3.3) candre vṛṣabhe yāte dakṣiṇamārge svahorāyām rātrau svāṃśe svadine svadreṣkāṇe balānvitaścandraḥ ### [3.4](https://indike.org/pramana/in.astro.hora.arsa.sukajataka.3.4) pratipatpūrvaṃdaśāhe madhyabalaḥ śītaguḥ site pakṣe śreṣṭho dvitīyadaśake mandabalaścandramāstṛtīye ca ### [3.5](https://indike.org/pramana/in.astro.hora.arsa.sukajataka.3.5) uttarapathi prayātaḥ pradakṣiṇo vā grahāṇāṃ ca saumyairyukto dṛṣṭo vā sarvagrahavīkṣito balī candraḥ ### [3.6](https://indike.org/pramana/in.astro.hora.arsa.sukajataka.3.6) abalaḥ praveśakāle madhyabalo madhyāśritaścandraḥ rāśyante balayuktaḥ pūrṇasthāneṣu sarveṣu ### [3.7](https://indike.org/pramana/in.astro.hora.arsa.sukajataka.3.7) nirjitaśatrurvakrī tejasvī makarakumbhamīneṣu yāmyāyane ca balavān rātrau ca dharāsutaḥ proktaḥ ### [3.8](https://indike.org/pramana/in.astro.hora.arsa.sukajataka.3.8) svāṃśe svadine kṣetre svadreṣkāṇe balānvito bhaumaḥ daśamarkṣastho balavān samastarāśau ca vijñeyaḥ ### [3.9](https://indike.org/pramana/in.astro.hora.arsa.sukajataka.3.9) ādāvatibalayukto hīnabalo madhyamāśrito raktaḥ bhavanāvasānavarttī madhyabalaśceti vijñeyaḥ ### [3.10](https://indike.org/pramana/in.astro.hora.arsa.sukajataka.3.10) vimuktaścāpahataḥ kṣetrodīcīṃ svarkṣe svāṃśe balī saumyaḥ rātrau divā ca balavān vakrī balānvito'rkayuktena ### [3.11](https://indike.org/pramana/in.astro.hora.arsa.sukajataka.3.11) rāśimukhe madhyabalaḥ sampūrṇabalaśca madhyamāyātaḥ rāśyante balahīnaḥ svadreṣkāṇe dine ca balayuktaḥ ### [3.12](https://indike.org/pramana/in.astro.hora.arsa.sukajataka.3.12) jīvaḥ svakṣetre gato vṛścikarāśau ca karkaṭasthaśca udagayane pūrvāhṇe dreṣkāṇe navāṃśake jayī balavān ### [3.13](https://indike.org/pramana/in.astro.hora.arsa.sukajataka.3.13) rāśimukhe madhyabalaḥ sampūrṇabalaśca madhyamāyātaḥ rāśyante balahīno vakrī balavān nīcarāśau syāt ### [3.14](https://indike.org/pramana/in.astro.hora.arsa.sukajataka.3.14) triṣaṭkamaṇḍalagato vakrī bhānupurassaraṃ syāt svagrahoccottarasaṃsthaḥ śukro balānvito'parārddhe ### [3.15](https://indike.org/pramana/in.astro.hora.arsa.sukajataka.3.15) rāśyādau balahīno madhye balavān vinirgame madhyaḥ candrasamāgamakāle balavān yuddheṣu vijayī syāt ### [3.16](https://indike.org/pramana/in.astro.hora.arsa.sukajataka.3.16) kṛṣṇo niśi vakrayātaḥ svagṛhatulādakṣiṇāyanagataśca uccaśca mandagāmī nirjitaśatruśca vijñeyaḥ ### [3.17](https://indike.org/pramana/in.astro.hora.arsa.sukajataka.3.17) mando balī praveśe madhye tvavalo balī gamanakāle sarvasthāneṣu ravibalānvitaṃ kecidicchanti ### [3.18](https://indike.org/pramana/in.astro.hora.arsa.sukajataka.3.18) vṛṣameṣālikulīraghaṭarāśisamanvito rāhuḥ candrārkayogakāle pariveṣe rāśinirgame balavān ### [3.19](https://indike.org/pramana/in.astro.hora.arsa.sukajataka.3.19) cāpāparārddhe mīne vṛṣakanyayorbalānvitaḥ ketuḥ keturdarśanakāle śakradhanurdarśane ca rātrau ca ### [3.20](https://indike.org/pramana/in.astro.hora.arsa.sukajataka.3.20) atha kendrabalaviśeṣamāha cāpājasiṃhamīneṣvarko lagnānvito balī bhavati teṣveva karmaṇi gato vijñeyo'nyatra balahīnaḥ ### [3.21](https://indike.org/pramana/in.astro.hora.arsa.sukajataka.3.21) prāleyāṃśurmithunagokanyācāpābjagṛhagato balavān mīne hayārddhaprathame jāmitragataśca balayuktaḥ ### [3.22](https://indike.org/pramana/in.astro.hora.arsa.sukajataka.3.22) vṛṣarāśisanniviṣṭaścāparārddhe paścime ca karmasthaḥ karkaṭamithunayorapi pātālasamāśrito balavān ### [3.23](https://indike.org/pramana/in.astro.hora.arsa.sukajataka.3.23) prāglagne kṣitisūnurbalānvitaḥ kumbharāśinā sārddham karkaṭavṛścikayorapi patnīsthānāśrito balavān ### [3.24](https://indike.org/pramana/in.astro.hora.arsa.sukajataka.3.24) mṛgapūrvārddhe mīne karmaṇi paścārddhaṃgataṃ pātāle nirupahatavarṇavīryo balānvitaḥ svatrikoṇe ca ### [3.25](https://indike.org/pramana/in.astro.hora.arsa.sukajataka.3.25) mṛgasiṃhakarkavṛścikalagnasthaḥ svāṃśake balī saumyaḥ pātālasthaśśrāpe vṛṣabhe saptamasthe jhaṣe ca karmasthaḥ ### [3.26](https://indike.org/pramana/in.astro.hora.arsa.sukajataka.3.26) siṃhavṛṣājadhanurdharavṛścikamīne ca lagnago balavān karmaṇi pātālagato balavān jīvo'balo'nyatra ### [3.27](https://indike.org/pramana/in.astro.hora.arsa.sukajataka.3.27) siṃhājakaurppiṣu lagnastho bhārgavaḥ svarāśau ca balavāṃścāpāntyagato vṛścikarāśau ca patnīsthaḥ ### [3.28](https://indike.org/pramana/in.astro.hora.arsa.sukajataka.3.28) hayapūrvārddhe siṃhe vṛścike mīne ca karmadeśasthaḥ balavān sito jitārirmṛgapaścārārddhe ca hibukasthaḥ ### [3.29](https://indike.org/pramana/in.astro.hora.arsa.sukajataka.3.29) kumbhe tulādharayutaprācyāṃ hibuke ca sūryaṃjo balavān meṣūraṇe ca siṃhe pṛṣṭhodayavarjito'stamaye ### [3.30](https://indike.org/pramana/in.astro.hora.arsa.sukajataka.3.30) lagnasthau budhajīvau karmaṇi sūryārakau ca digbalinau śukrendū pātāle dyūne sauro navāṃśake'pyevam ### [3.31](https://indike.org/pramana/in.astro.hora.arsa.sukajataka.3.31) āpoklimeṣvavīryā madhyabalāḥ paṇapharāśritāḥ sarve kendrāśritāśca balinaḥ sadā grahāḥ kīrtitā yavanaiḥ ### [3.32](https://indike.org/pramana/in.astro.hora.arsa.sukajataka.3.32) atha naisargikabalamāha saurād dviguṇo bhaumo balavān bhaumāccaturguṇaḥ saumyaḥ saumyājjīvaḥ ṣaḍguṇo jīvādaṣṭādhiko bhṛgurbalavān ### [3.33](https://indike.org/pramana/in.astro.hora.arsa.sukajataka.3.33) śukrātṣoḍaśabalaścandro bhānustato dviguṇaḥ taddviguṇaḥ sarveṣāṃ rāhurbalavānnisargajanitaśca ### [3.34](https://indike.org/pramana/in.astro.hora.arsa.sukajataka.3.34) candrārkau balayuktau kujādayaḥ proktamārgabalahīnāḥ śubhaphaladāste sarve daśāsamāyoge sadā cintyāḥ ### [3.35](https://indike.org/pramana/in.astro.hora.arsa.sukajataka.3.35) bhānāmadhaḥsthānagatāḥ krameṇa, mandāryā bhaumārkasitajñacandrāḥ teṣāmadhaḥsthānagato balīyān, rāhurmahīmaṇḍalamūrdhinasaṃsthaḥ ### [3.36](https://indike.org/pramana/in.astro.hora.arsa.sukajataka.3.36) proktaprakāraiḥ prabalānvitā ye, mūrcchāśritāste'pyabalā bhavanti yogeṣu bhāveṣu daśāphaleṣu na samyaguktāni phalāni santi ### [3.37](https://indike.org/pramana/in.astro.hora.arsa.sukajataka.3.37) saumyagrahairbalayutaiḥ subhagāstejasvinaḥ surūpāśca saumyā balibhiḥ pāpairmūrkhā pāpāḥ prajāyante ## Linked texts (1) - [Jātakapārijāta](https://indike.org/pramana/in.astro.hora.nibandha.jatakaparijata.12.71) — Vaidyanātha Dīkṣita, Sanskrit --- Source: [https://indike.org/pramana/in.astro.hora.arsa.sukajataka.3](https://indike.org/pramana/in.astro.hora.arsa.sukajataka.3) · Pramāṇa