Viramitrodaya 2: atha kriyāsnānavidhiḥ
Āhnikaprakāśa 2
- Language
- Sanskrit
atha kriyāsnānavidhiḥ
2.p1
prakṣālya sarvakāyaṃ tviti | mṛdaiketyetyādyuktaprakāreṇa | pūrvaṃ vakṣyamāṇagomayasaṃmārjanātpūrvamityarthaḥ | pārāvatasya rātiṣu isekayā yeteśatamiti dvābhyāṃ devīrapo'mṛtam īheta bhāvayedityarthaḥ | yathoktaiḥ kṣobhitastaistviti | yathoktaiḥ prāṇāyāmādibhiḥ kṣobhitaḥ śvāsanirodhāt kṣubdhaḥ glāna iti yāvat | iti vāsiṣṭhasnānavidhiḥ ||
2.p2
bhajatāmityasya varuṇamityanena vipariṇatena prathamāntenānvayaḥ| hiraṇyavarṇeti | hiraṇyavarṇāḥ śucayaḥ pāvakā ityādyāścatasrastaittirīyamaiyāyaṇīyayoḥ paṭhitāḥ | śanna āpa iti | śanna āpodhanvantyā iti kaṭhaśākhāyām | pāpaghnasyāghamarṣaṇasūktasyetyanvayaḥ| iti śaṅkhoktakriyāsnānavidhiḥ |
2.p3
tīrthaṃ gatveti | tīrthapadenātra jalāśayamātraṃ vivakṣitam | ātmānaṃ deham| triḥ, prakṣālayataityanuṣaṅgaḥ | apo'bhiprapadyate hiraṇyaśṛṅgamiyādibhirmantraiḥ | apa upahantīti | upahantirava grahaṇe varttate|yasyāṃ diśi asya snānakartturdveṣyo bhavati tāṃ diśaṃ nirūkṣati siñcati|prayamaṇam itastato gamanaṃ prataraṇaṃ vā|palyūlanaṃ nirṇejanaṃ malasya kṣālanamityarthaḥ| ayaṃ ca palyūla lavanapavanayorityasya caurādikasya lyuṭi prayogaḥ| upasparśanamatra gātramaloddharṣaṇam | etatsarvamapsu sato na vidyataisanvayaḥ | yadyuparuddhāḥ syuḥ āpa iti śeṣaḥ| uparodho'tra prayamaṇādireva sa yadi pramādakṛtaḥ syāttadā namo'gnayaityādimantreṇopasthānaṃ kuryāt | pavitre avicchinnāgre dvidalamātre prādeśasaṃmite tābhyāmadbhirmārjayate| upavātāni śuṣkāṇi | akliṣṭāni ajīrṇāni |