[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Genethlialogy (natal astrology)](https://indike.org/pramana/in.astro.hora) › [Viramitrodaya](https://indike.org/pramana/in.astro.hora.viramitrodaya) › 1.p229.2 # Viramitrodaya 1.p229.2 Vīramitrodaya 1.p229.2 - **Language:** Sanskrit ### [1.p229.2](https://indike.org/pramana/in.astro.hora.viramitrodaya.1.p229.2) na bhrūḥ praśastā militā dīrgharromā ca piṅgalā || iti | iti bhrūlakṣaṇam | atha karṇalakṣaṇam | skānde kāśīkhaṇḍe, lambau karṇau śubhāvarttau śubhadau suvarapradau | śaṣkulīrahitau nindyau śirālau kuṭilau kṛśau || iti | gāruḍe, sumāṃsalaṃ karṇayugmaṃ samaṃ mṛdu samāhitam | iti | bhaviṣyapurāṇe, śūkarākṛtayaḥ karṇā na ca skannā na saṃsthitāḥ | vahanti vilasatkānti hemaratnavibhūṣaṇam || kharoṣṭranakulolūkakaṭhinaśravaṇāḥ striyaḥ | prāpnuvanti mahadduḥkhaṃ prāyaśaḥ pravrajanti hi || iti | iti karṇalakṣaṇam | atha lalāṭalakṣaṇam | bhaviṣyapurāṇe, arddhendupratimābhogamaromaśamanāyatam | tat śrībhogakaraṃ śreṣṭhaṃ lalāṭaṃ varayoṣitām || iti | ābhogo vistāraḥ | skānde kāśīkhaṇḍe, bhālaḥ śirāvirahito nirlomārddhendusannibhaḥ | animnastryaṅgalo nāryāḥ saubhāgyārogyakāraṇam || vyaktasvastikarekhaṃ ca lalāṭaṃ rājyasampade | pralambamalikaṃ yasyā devaraṃ hanti sā dhruvam || romaśena śirālena pāṃsulā godhinā matā | godhirlalāṭam | bhālagena triśūlena nirmitena svayambhuvā | nitambinīsahasrāṇāṃ svāmitvaṃ yoṣidāpnuyāt || iti | gāruḍe, lalāṭamadhikṛtya— śubhramarddhendusaṃsthānamattuṅgaṃ syādaromakam | iti | jaganmohane samudraḥ, lalāṭaṃ tryaṅgulaṃ yasyāḥ śirāromavivarjitam | nirmalaṃ susamaṃ dīrghamāyuḥsaukhyadhanapradam || iti | iti lalāṭalakṣaṇam | atha śirolakṣaṇam | bhaviṣye, dviguṇaṃ pariṇāhena lalāṭātriguṇaṃ ca yat | śiraḥ praśastaṃ nārīṇāṃ sudhanyā hastimastakā || iti | skānde kāśīkhaṇḍe, mauliḥ śastaḥ samunnataḥ | gajakumbhanibho vṛttas saubhāgyaiśvaryasūcakaḥ || - [Previous: 1.p229.1](https://indike.org/pramana/in.astro.hora.viramitrodaya.1.p229.1) - [Next: 1.p229.3](https://indike.org/pramana/in.astro.hora.viramitrodaya.1.p229.3) - [Up: 1.p229](https://indike.org/pramana/in.astro.hora.viramitrodaya.1.p229) ## Commentaries (2) - [Āhnikaprakāśa](https://indike.org/pramana/in.astro.hora.viramitrodaya!mitramisra) — Mitramiśra, Sanskrit - [Āhnikaprakāśa](https://indike.org/pramana/in.astro.hora.viramitrodaya!mitra-misra-alias-mitraparasurama-misra) — Mitra Miśra alias Mitraparaśurāma Miśra, Sanskrit ## Linked texts (8) - [Skandamahāpurāṇa (vulgate)](https://indike.org/pramana/in.purana.skanda*vulgate.4.37.232) — Sanskrit - [Bṛhatparāśarahorāśāstra](https://indike.org/pramana/in.astro.hora.yavana.brhatparasara.82.80) — Parāśara, Sanskrit - [Kāśīpurāṇa](https://indike.org/pramana/in.purana.sthala.kasipurana.49.117) — Sanskrit - [Jyotiṣatattvaprakāśa](https://indike.org/pramana/in.astro.sangraha.jyotisatattvaprakasa.6.245-2) — Lakṣmīkānta Kanyāla Jyotiṣācārya, Sanskrit - [Nītikalpataru](https://indike.org/pramana/in.niti.dharma.rajadharma.nitikalpataru.94.110) — Kṣemendra, Sanskrit - [Lakṣaṇaprakāśa (Mitramiśra)](https://indike.org/pramana/in.niti.dharma.nibandha.laksanaprakasa.1.p194.4) — Mitramiśra, Sanskrit - [Sāmudrika (Garga)](https://indike.org/pramana/in.astro.samudrika.arsa.samudrika.5.17) — Garga, Sanskrit - [Aṅgavidyā](https://indike.org/pramana/in.astro.samudrika.arsa.angavidya.4.117) — Nārada, Sanskrit --- Source: [https://indike.org/pramana/in.astro.hora.viramitrodaya.1.p229.2](https://indike.org/pramana/in.astro.hora.viramitrodaya.1.p229.2) · Pramāṇa