Viramitrodaya 5
Vīramitrodaya 5
- Language
- Sanskrit
5.p1
bāṇabhaṅgaṃ karāvartaṃ kāṣṭhabhedanameva ca | bindukaṃ golakayugaṃ yo vetti sa jayī bhavet || lakṣyasthāne dhṛtaṃ kāṇḍaṃ sammukhaṃ chedayennaraḥ | kiñcinmuṣṭiṃ vidhāya svāṃ tiryak dviphalakeṣuṇā || sammukhaṃ ca samāyāntaṃ tiryagvā''yāntamambare | śaraṃ śareṇa yaśchindyādvāṇacchedī sa jāyate || iti bāṇabhaṅgaḥ | kāṣṭhaiśca keśaṃ saṃyamya tatra baddhvā varāṭikām | hastena bhrāmyamāṇāṃ ca yo hanti sa dhanurddharaḥ || iti varāṭikāvartaḥ | lakṣyasthāne nyasetkāṣṭhaṃ sāndragopucchasannibham | yaśchindyāttaṃ kṣurapreṇa kāṣṭhacchedī sa jāyate || iti kāṣṭhabhedaḥ | lakṣye binduṃ nyaset śubhraṃ śubhrabandhūkapuṣpavat || hanti taṃ bindukaṃ yastu citravedhī sa jāyate | iti bindukabhedaḥ | kāṣṭhagolayugaṃ kṣiptaṃ dūramūrdhvaṃ puraḥsthitam | asamprāptaṃ dharāvṛṣṭhe tadgopucchamukhena hi || yo hanti śarayugmena śīghrasandhānayogataḥ | saḥ syāddhanurbhṛtāṃ śreṣṭhaḥ pūjitaḥ sarvapārthivaiḥ
5.p2
iti golakayugaprabhṛticitravidhiḥ
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (5)
- Vasiṣṭhadhanurveda — Sanskrit
- Sāmrājyalakṣmīpīṭhikā — Sanskrit
- Sāmrājyalakṣmīpūjā — Sanskrit
- Lakṣaṇaprakāśa (Mitramiśra) — Mitramiśra, Sanskrit
- Dhanurvedasaṃhitā — Vasiṣṭha, Sanskrit