<!-- Pramāṇa, a library of Indian primary sources · https://indike.org/pramana/in.astro.hora.nibandha.horaratna-works.viramitrodaya.9.p2.2 -->

[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Genethlialogy (natal astrology)](https://indike.org/pramana/in.astro.hora) › [Medieval and early modern general compendia of genethlialogy](https://indike.org/pramana/in.astro.hora.nibandha) › [Encyclopaedic Mughal-era horā nibandhas](https://indike.org/pramana/in.astro.hora.nibandha.horaratna-works) › [Viramitrodaya](https://indike.org/pramana/in.astro.hora.nibandha.horaratna-works.viramitrodaya) › 9.p2.2

# Viramitrodaya 9.p2.2

Vīramitrodaya 9.p2.2

- **Language:** Sanskrit

### [9.p2.2](https://indike.org/pramana/in.astro.hora.nibandha.horaratna-works.viramitrodaya.9.p2.2)

atha ye dakṣiṇe kūle pūrvasroto nadīvane | te sārabalatejobhirmadhyā'madhyāśca varṣmataḥ || bhūpṛṣṭhapaṭṭabhūmīṣu mandrāḥ saurāṣṭrakekayāḥ | kauśikāḥ kośavaṅgeṣu magadheṣvapi ye hayāḥ || tejaḥkāyabalairhīnā hīnasattvā javaujasā | etāni jananānyāhuḥ samudrāntāni vājinām || catuṣpañcāśadetāni kulānyupakulāni ca | śṛṇu saṅkīrtyamānāni deśatadvidhanāmabhiḥ || tatra catvāri kulāni catvāryupakulāni catvāryantasthāni catvāri tadanusthāni pañca pañcasthāni pañca viṣameyasthāni catvāryanūpajāni catvāri āparāntakāni catvāri śūdrakāṇi catvāri dākṣiṇātyāni catvāri vaiśimāni catvāri besarāṇi dvāvanyau kukkusau ekamuttaraṃ haimavatamekaṃ māgadham | nava ghoṭakakulāni| catuṣpañcāśadetāni kulānyupakulāni ca | nāmatastāni vakṣyāmi ghoṭakājananaurvinā || tatra kāmbojakulaṃ vānāyujakulam āraṭṭajakulaṃ saindhavakulam| kāmbojānāṃ bālhikeyā upakulaṃ, vānāyujānāṃ gāndhārā upakulam, āraṭṭajānāṃ cāmpeyā upakulaṃ, saindhavānāṃ taitilā upakulam | mevakā antasthā, upamevakā antasthāḥ, kulajā antasthā, upakulajā antasthāḥ | traigartāstadanusthāḥ, ārjuneyāstadanusthāḥ, sāvitreyāstadanusthāḥ, yodheyāstadanusthāḥ, yāvanākhyāḥ pañcasthāḥ, tuṣārāḥ pañcasthāḥ, viṣameyāḥ pañcasthāḥ, kāndareyāḥ pañcasthāḥ vārṣmateyāḥ pañcasthāḥ | āvantyā viṣameyāḥ, atasā viṣameyāḥ, kāśmīrā viṣameyāḥ, sākānakā viṣameyāḥ, pārvvatīyā viṣameyāḥ| uttarāntamādreyā anūpajāḥ, dakṣiṇāntamādreyā anūpajāḥ, antadvīpakā anūpajāḥ, kaikayā anūpajāḥ | ambaṣṭhakā aparāntakāḥ, vāsantakā aparāntakāḥ, sauvīrakā aparāntakāḥ, daradā aparāntakāḥ|

- [Previous: 9.p2.1](https://indike.org/pramana/in.astro.hora.nibandha.horaratna-works.viramitrodaya.9.p2.1)
- [Next: 9.p2.3](https://indike.org/pramana/in.astro.hora.nibandha.horaratna-works.viramitrodaya.9.p2.3)
- [Up: 9.p2](https://indike.org/pramana/in.astro.hora.nibandha.horaratna-works.viramitrodaya.9.p2)

## Commentaries (1)

- [Āhnikaprakāśa](https://indike.org/pramana/in.astro.hora.nibandha.horaratna-works.viramitrodaya!mitramisra) — Mitramiśra, Sanskrit

---
Source: [https://indike.org/pramana/in.astro.hora.nibandha.horaratna-works.viramitrodaya.9.p2.2](https://indike.org/pramana/in.astro.hora.nibandha.horaratna-works.viramitrodaya.9.p2.2) · Pramāṇa
