[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Genethlialogy (natal astrology)](https://indike.org/pramana/in.astro.hora) › [Viramitrodaya](https://indike.org/pramana/in.astro.hora.viramitrodaya) › 9.p75 # Viramitrodaya 9.p75 Vīramitrodaya 9.p75 - **Language:** Sanskrit ### [9.p75](https://indike.org/pramana/in.astro.hora.viramitrodaya.9.p75) atha śālagrāmamāhātmyam | pādme māghamāhātmye, yaḥ pūjayeddhariṃ cakre śālagrāmaśilodbhave | rājasūyasahasreṇa teneṣṭaṃ prativāsaram || yadāmananti vedāntā brahma nirguṇamacyutam | tatprasādo bhavennṝṇāṃ śālagrāmaśilārcanāt || mahākāṣṭhasthito vahnirmathyamānaḥ prakāśate | api pāpasamācārāḥ karmaṇyanadhikāriṇaḥ || śālagrāmārcakā vaiśya naiva yānti yamālayam | na tathā ramate lakṣmyāṃ na tathā svapure hariḥ || sālagrāmaśilācakre yathā sa ramate sadā | agnihotraṃ hutaṃ tena dattā pṛthvī sasāgarā || yenārcito hariścakre śālagrāmasamudbhave | kāmaiḥ krodhairmadairlobhairvyāpto yo'tra narādhamaḥ || so'pi yāti harerlokaṃ sālagrāmaśilārcanāt | yaḥ pūjayati govindaṃ śālagrāme sadā naraḥ || ābhūtasaṃplavaṃ yāvanna sa pracyavate divaḥ | vinā tīrthairvinā yajñairvinā dānairvinā makhaiḥ || muktiṃ yāṃti naro'vaśyaṃ śālagrāmaśilārcanāt | narakaṃ garbhavāsaṃ ca tiryaktvaṃ kṛmiyonikam || na yāti vaiśya pāpo'pi sālagrāme'cyutārcakaḥ | dīkṣāvidhānamantrajñaścakre yo balimāharet || sa yāti vaiṣṇavaṃ dhāma satyaṃ satyaṃ mayoditam | naivedyairvividhaiḥ puṣpairdhūpairdīpairvilepanaiḥ || gītavāditrastotrādyaiḥ śālagrāmaśilārcanam | kurute mānavo yastu kalau bhaktiparāyaṇaḥ || kalpakoṭisahasrāṇi ramate sannidhau hareḥ | liṅgaistu koṭibhirdṛṣṭairyatphalaṃ pūjitaistu taiḥ || sālagrāmaśilāyāstu ekenāpīha tatphalam | sakṛdapyarcitairliṅgeḥ śālagrāmaśilodbhavaiḥ || muktiṃ labhante manujā nityaṃ sāṅkhyena varjitāḥ | sālaśrāmaśilārūpī yatra tiṣṭhati keśavaḥ || tatra devāsurā yakṣā bhuvanāni caturdaśa | sālaśrāmaśilāyāṃ ca yaḥ śrāddhaṃ kurute naraḥ || śālagrāmaśilāgre tu yaḥ śrāddhaṃ kurute naraḥ| iti pāṭhāntaram| pitarastasya tiṣṭhanti tṛptāḥ kalpaśataṃ divi | śālaśrāmaśilā yatra tattīrthaṃ yojanatrayam || tatra dānaṃ ca homaśca saptakoṭiguṇaṃ bhavet | sālaśrāmasamīpe tu krośamātraṃ samantataḥ || kīkaṭe'pi mṛto yāti vaikuṇṭhabhavanaṃ naraḥ | sālaśrāmaśilācakraṃ yo dadyāddānamuttamam || bhūcakraṃ tena dattaṃ syātsaśailavanakānanam | iti | skānde kārtikamāhātmye śrīśivaskandasaṃvāde, sālaśrāmaśilāyāṃ tu trailokyaṃ sacarācaram | mayā saha mahāsena līnaṃ tiṣṭhati sarvadā || dṛṣṭā praṇamitā yena snāpitā pūjitā tathā | yajñakoṭisamaṃ puṇyaṃ gavāṃ koṭiphalaṃ bhavet || kāmāsakto'pi yo nityaṃ bhaktibhāvavivarjitaḥ | sālaśrāmaśilāṃ putra sampūjyaivācyuto bhavet || sālaśrāmaśilābimbaṃ hatyākoṭivināśanam | smṛtaṃ saṅkīrtitaṃ dhyātaṃ pūjitaṃ ca namaskṛtam || sālaśrāmaśilāṃ dṛṣṭvā yānti pāpānyānekaśaḥ | siṃhaṃ dṛṣṭvā yathā yānti vane mṛgagaṇā bhayāt || manaḥ karoti manujaḥ sālaśrāmaśilārcane | pāpāni vilayaṃ yānti tamaḥ sūryodaye yathā || kāmāsakto'tha vā kruddhaḥ sālagrāmaśilārcanam | bhaktyā vā yadi vā'bhaktyā kṛtvā muktimavāpnuyāt || vaivasvatabhayaṃ nāsti tathā maraṇajanmanoḥ | yaḥ kathāṃ kurute viṣṇoḥ sālagrāmaśilāgrataḥ || gandhamālyādinaivedyairdīpairdhūpaiśca lepanaiḥ | gītairvādyaistathā stotraiḥ sālagrāmaśilārcanam || kurute mānavo yastu kalau bhaktiparāyaṇaḥ | kalpakoṭisahasrāṇi ramate viṣṇusadmani || sālagrāme namaskāre bhāvenāpi naraiḥ kṛte | bhayaṃ naiva kariṣyanti madbhaktāste narā bhuvi || ‘sālagrāmanamaskāraḥ śāṭhyenāpi yataḥ kṛtaḥ | mānavāḥ kiṃ kariṣyanti madbhaktāste narā bhuvi’ || ityapi - [Previous: 9.p74](https://indike.org/pramana/in.astro.hora.viramitrodaya.9.p74) - [Next: 9.p76](https://indike.org/pramana/in.astro.hora.viramitrodaya.9.p76) - [Up: 9](https://indike.org/pramana/in.astro.hora.viramitrodaya.9) ## Commentaries (2) - [Āhnikaprakāśa](https://indike.org/pramana/in.astro.hora.viramitrodaya!mitramisra) — Mitramiśra, Sanskrit - [Āhnikaprakāśa](https://indike.org/pramana/in.astro.hora.viramitrodaya!mitra-misra-alias-mitraparasurama-misra) — Mitra Miśra alias Mitraparaśurāma Miśra, Sanskrit ## Linked texts (3) - [Padmapurāṇa](https://indike.org/pramana/in.purana.padma.6.120.9-2) — Vyāsa, Sanskrit - [Mantrakośa](https://indike.org/pramana/in.sampradaya.general.mantrakosa.mantrakosa.1.129) — Āśādityatripāṭhin, Sanskrit - [Lakṣaṇaprakāśa (Mitramiśra)](https://indike.org/pramana/in.niti.dharma.nibandha.laksanaprakasa.10.p64) — Mitramiśra, Sanskrit --- Source: [https://indike.org/pramana/in.astro.hora.viramitrodaya.9.p75](https://indike.org/pramana/in.astro.hora.viramitrodaya.9.p75) · Pramāṇa