[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Electional Astrology](https://indike.org/pramana/in.astro.muhurta) › [Determination of times, tithis and saṅkrāntis](https://indike.org/pramana/in.astro.muhurta.kala) › [Kalasara](https://indike.org/pramana/in.astro.muhurta.kala.kalasara) › 11.p62 # Kalasara 11.p62 Kālasāra 11.p62 - **Language:** Sanskrit ### [11.p62](https://indike.org/pramana/in.astro.muhurta.kala.kalasara.11.p62) pākasya vaiśvadevanimittatvamāśaṅkya pṛthakpāke yadvaiśvadevāntarakaraṇaṃ tannirastam | pākasya vaiśvadevanimittatvāt śruteḥ | atha kramaprāptanaimittikaśrāddhasya kālavicāraḥ | śrāddhakālanigamoktakārikā yāḥ svadeśabudhatoṣakārikāḥ | anyadeśamatatāpakālikāstāstanomyuditayuktikālikāḥ | tathā ca,– muhūrttāt saptamādūrddhaṃ muhūrttāt daśamādadhaḥ | ekoddiṣṭasya kālo'yaṃ muhūrttāt daśamāt param || muhūrttatritayaṃ kāñca śramāvāsyasya saptamāt | parataḥ pañca muhūrttāḥ pārvaṇasyetarasya tu || pūrvāhne prathamādūrddhaṃ yanmuhūrttacatuṣṭayam | tadābhyudayikaśrāddhakālatvenāvadhāritam || ekoddiṣṭasya kālaścenna labhyeta dinadvaye | muhūrtte daśamādāvapyekoddiṣṭaṃ tadā bhavet || pārvaṇasya tu muhūrttāḥ pañca ye parikīrttitāḥ | teṣāṃ pare'ṣṭamācchastā aṣṭamastadasambhave || dinadvaye'pi labhyeta kālaścet prathamādaraḥ | pūrvaṃ vā mukhyacodanā lokavat prāha jaiminiḥ || tatrādau naimittikasya vārṣikaśrāddhasyāvaśyakatvaṃ bhaviṣye,– mṛte'hani pituryastu na kuryyācchrāddhamādarāt | mātuścaiva varārohe vatsarānte mṛte'hani || nāhaṃ tasya mahādevi pūjāṃ gṛhṇāmi no hariḥ | tathā,– paṇḍitā jñānino vāpi mūrkhā yoṣita eva vā || mṛtāhaṃ samatikramya caṇḍālāḥ saptajanmasu | śatānandasaṃgrahe,– śrāddhānāṃ caiva sarveṣāṃ śreṣṭhaṃ sāmbatsaraṃ smṛtam | tat prayatnena kurvīta akurvannarakaṃ vrajet || phalaṃ cāha hariharasamuccaye,– grahaṇānāṃ sahasreṣu amāvāsyāśateṣu ca | tato'ccayataraṃ yāti yastu kuryānmṛte'hani | tacca dvividham,– ekoddiṣṭaṃ pārvvaṇaṃ ceti | yamaḥ,– sapiṇḍīkaraṇādūrddhaṃ pratisaṃvatsaraṃ sutaiḥ | mātāpicoḥ pṛthak kāryamekoddiṣṭaṃ mṛte'hani || atra bhaviṣyoktirayuktā | yamadagniḥ,– śrāpāṃdya sahapiṇḍatvamauraso vidhivatsutaḥ | kurvīta darśavacchrāddhaṃ mātāpicoḥ caye'hani | pārvvaṇavidhinetyarthaḥ | evaṃ yājñavalkyena ekoddiṣṭamuktaṃ | manunā pārvvaṇamuktam | evaṃ ca ubhayoryavavrīhivat vikalpaḥ | nanu yavavrīhivikalpe nindoktirnāsti | iha tu,– tataḥ prabhṛti saṃkrāntāvupararāgādiparvvasu | tripiṇḍamācarecchrāddhamekoddiṣṭaṃ mṛte'hani || ekoddiṣṭaṃ parityajya pārvvaṇaṃ yaḥ samācaret | sa devapitṛhā sa syānmātṛbhrātṛvināśakaḥ || mṛtāhe pārvvaṇaṃ kurvvannadhodho yāti mānavaḥ | saṃpnaveṣvākulībhāvaḥ preteṣu tu tato bhavet - [Previous: 11.p61](https://indike.org/pramana/in.astro.muhurta.kala.kalasara.11.p61) - [Next: 11.p63](https://indike.org/pramana/in.astro.muhurta.kala.kalasara.11.p63) - [Up: 11](https://indike.org/pramana/in.astro.muhurta.kala.kalasara.11) ## Linked texts (5) - [Matsyapurāṇa](https://indike.org/pramana/in.purana.matsya.18.24) — Vyāsa, Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.11.p67) — Gadādhara Rājaguru 1725, Sanskrit - [Kālasāra](https://indike.org/pramana/in.niti.dharma.kala.kalasara.11.p62) — Gadādhara (Pāraskara commentator), Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p102) — Divākarabhaṭṭa 1655, Sanskrit - [Śrāddhapradīpa (Rudradhara)](https://indike.org/pramana/in.niti.dharma.sraddha.sraddhapradipa-rudradhara.1.p5) — Rudradhara, Sanskrit --- Source: [https://indike.org/pramana/in.astro.muhurta.kala.kalasara.11.p62](https://indike.org/pramana/in.astro.muhurta.kala.kalasara.11.p62) · Pramāṇa