[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Electional Astrology](https://indike.org/pramana/in.astro.muhurta) › [Determination of times, tithis and saṅkrāntis](https://indike.org/pramana/in.astro.muhurta.kala) › [Kalasara](https://indike.org/pramana/in.astro.muhurta.kala.kalasara) › 13.p10 # Kalasara 13.p10 Kālasāra 13.p10 - **Language:** Sanskrit ### [13.p10](https://indike.org/pramana/in.astro.muhurta.kala.kalasara.13.p10) atra dvādaśī siteti sitaśabdastṛtīyāyāmapyanveti | dvādaśī siteti daśamẏāmiti | tathā cāmāvāsyāṣṭamauvyatiriktādyāḥ tithayaḥ śuklāḥ, punaḥ punastathāśabdopādānāt | yastvatra aśvayukśuklanavamītyādiviṣṇugargektau tithibheda uktaḥ, sa saṅkalpāntaraviṣayaḥ | manvādiṣu phalaṃ mātsye, – kṛtaṃ śrāddhaṃ vidhānena manvadiṣu yugādiṣu | hāyanādisahasraṃ pitṛṇāṃ tṛptimādarāt(1) || bhārate, – yā manvādyā yugādyāśca tithayastāsu mānavaḥ | snātvā hutvā ca dattvā ca japtvā'nantaphalaṃ labhet || kāmyeṣu yugādīnāṃ grahaṇe'pi tatra śrāddhānāṃ nityatvamapīti ubhayātmakatvāt vicāro nityaprakaraṇe lekhyaḥ | tathā vakṣyamāṇeṣu arddhodayādyasambhayogeṣu | tathā, – akāmārtheṣu yacchrāddhaṃ yaccadānaṃ yathāvidhi | upavāsādikaṃ yacca tadanantaphalaṃ smṛtam || ityādīni bahūni kāmyaśrāddhāni tatra tatra draṣṭavyāni, vistarabhayānna likhyante | atha vṛddhiśrāddhaṃ, tacca naimittikam | naimittikamato vakṣye śrāddhamabhyudayātmakam | iti mārkaṇḍeyapurāṇokteḥ | taccāvaśyakam | tathāca bharadvājaḥ, – vṛddhiśrāddhamakatvā yo vṛddhikarma samācaret - [Previous: 13.p9](https://indike.org/pramana/in.astro.muhurta.kala.kalasara.13.p9) - [Next: 13.p11](https://indike.org/pramana/in.astro.muhurta.kala.kalasara.13.p11) - [Up: 13](https://indike.org/pramana/in.astro.muhurta.kala.kalasara.13) ## Linked texts (2) - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.14.p15) — Gadādhara Rājaguru 1725, Sanskrit - [Kālasāra](https://indike.org/pramana/in.niti.dharma.kala.kalasara.13.p10) — Gadādhara (Pāraskara commentator), Sanskrit --- Source: [https://indike.org/pramana/in.astro.muhurta.kala.kalasara.13.p10](https://indike.org/pramana/in.astro.muhurta.kala.kalasara.13.p10) · Pramāṇa