[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Electional Astrology](https://indike.org/pramana/in.astro.muhurta) › [Determination of times, tithis and saṅkrāntis](https://indike.org/pramana/in.astro.muhurta.kala) › [Kalasara](https://indike.org/pramana/in.astro.muhurta.kala.kalasara) › 13.p47 # Kalasara 13.p47 Kālasāra 13.p47 - **Language:** Sanskrit ### [13.p47](https://indike.org/pramana/in.astro.muhurta.kala.kalasara.13.p47) atha ṣāṇmāsikam | tatpūrvadine ūnaṣāṇmāsikam | tatra paiṭhīnasiḥ,— ṣāṇmāsikābdike śrāddhe syātāṃ pūrvedyureva hi | ekāhena tu iti vacanamapyuktam | ataeva prathamaṣaṇmāsābhyantare'dhimāsapāte tu, adhimāsaṃ gṛhītvaiva ṣaṣṭhamāsapūrvatithāveva ūnaṣāṇmāsikaṃ kāryam, yatra vā tatra vā iti pūrvokteḥ | atha dvitīyaṣāṇmāsikam | tasya ūnasāmbatsarikamiti nāmāntaram | pūrvedyurābdikaṃ śrāddhaṃ paredyuḥ punarābdikam | iti śaṅkhanokteḥ | etatṣaṇmāsābhyantare'dhimāsapāte sati trayodaśamāsikapūrvatithāveva ūnasāmbatsarikam | “dvādaśamāsāḥ sambatsaraḥ kvacittrayodaśamāsāḥ sambatsaraḥ” iti śruteḥ | nanu abdamadhya adhimāsapāte tatra sarvakarmaniṣedhāt tatra māsikaṃ śrāddhaṃ na kāryaṃ, kiṃ vā kutra vā kāryaṃ, iti sandehe, gabhastiḥ,— ekoddiṣṭaṃ tu yacchrāddhaṃ tannaimittikamucyate | tat kāryaṃ pūrvamāse'pi kālādhikye ca dharmataḥ || pūrvamāse malīmluce | viṣṇudharmottare,— sambatsarasya madhye tu yadi syādadhimāsikam | tadā trayodaśe māsi kriyā pretasya vārṣikī || bharadvājaḥ,— adhimāse tu yacchrāddhaṃ kuryāttadadhimāsikam | iti adhimāsavihitaṃ śrāddhaṃ adhimāsa eva kāryam | marīcirapi,– pratimāsaṃ mṛtāhe ca yacchrāddhaṃ prativatsaram | māsadbaye'pi karttavyamanyathā kilviṣī bhavet - [Previous: 13.p46](https://indike.org/pramana/in.astro.muhurta.kala.kalasara.13.p46) - [Next: 13.p48](https://indike.org/pramana/in.astro.muhurta.kala.kalasara.13.p48) - [Up: 13](https://indike.org/pramana/in.astro.muhurta.kala.kalasara.13) ## Linked texts (3) - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.15.p13) — Gadādhara Rājaguru 1725, Sanskrit - [Kālasāra](https://indike.org/pramana/in.niti.dharma.kala.kalasara.13.p47) — Gadādhara (Pāraskara commentator), Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.3.148) — Divyasiṃha Mahāpātra 1640, Sanskrit --- Source: [https://indike.org/pramana/in.astro.muhurta.kala.kalasara.13.p47](https://indike.org/pramana/in.astro.muhurta.kala.kalasara.13.p47) · Pramāṇa