[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Electional Astrology](https://indike.org/pramana/in.astro.muhurta) › [Determination of times, tithis and saṅkrāntis](https://indike.org/pramana/in.astro.muhurta.kala) › [Kalasara](https://indike.org/pramana/in.astro.muhurta.kala.kalasara) › 18.p195 # Kalasara 18.p195 Kālasāra 18.p195 - **Language:** Sanskrit ### [18.p195](https://indike.org/pramana/in.astro.muhurta.kala.kalasara.18.p195) atha śrāddhottarakarma | devalaḥ, -nivṛtte pitṛmedhe tu dīpaṃ pracchādya pāṇināṃ | ācamya hastau prakṣālya jñātīn śeṣeṇa bhojayet || tato jñātiṣu tṛpteṣu khān bhṛtyān pratipūjayet | ekoddiṣṭe tu śeṣaṃ tat brāhmaṇebhyaḥ samutsṛjet || tataḥ svayaṃ tadbhuñjīta punarbheājanavarjanam || pracchādya, nirvāpya | yamaḥ, - jñātibhyaḥ saskṛtaṃ datvā bāndhavānapi bhojayet | bṛhaspatiḥ, - evaṃ devān pitṛn tāṃśca tarpayitvā vidhānataḥ | putrabhṛtyādisahito gṛhastho bhoktumarhati || śrotriyā bhojanīyāḥ syu matra sapta trayodaśa | jñātayo bāndhavā niḥsvāstathaivātithayaḥ pare || pradadyāt dakṣiṇāṃ teṣāṃ sarveṣāmanurūpataḥ | śātātapaḥ, - śeṣamannamanujñātaṃ bhuñjīta tadanantaram | iṣṭaiḥ sārddhaṃ tu vidhivat buddhimān susamāhitaḥ || brāhme, - bhaginyo bāndhavāḥ pūjyāḥ śrāddheṣu ca sadaiva hi | vandimāgadhasūtāśca tauryyacikavidaṃstathā || aśaktalābhāḥ śrāddheṣu mānayanti mahadyaśaḥ | tasmātte'pi vibhaktavyāḥ sakalañca vibhajya ca | āpastambaḥ, - “sarvataḥ samupādāya grāsāvarāhṇaiṃ prāśrīyāt yathoktaṃ”| grāsāvarāhnaṃ grāsādanyūnaṃ | yathoktaṃ gṛhyoktaṃ | caturthādinavaśrāddhādiṣu na śeṣabhojanam | na ca śrāddheṣu yacchiṣṭaṃ gṛhe paryuṣitañca yat || dampatyorbhuktaśiṣṭañca na bhuñjīta kadācana || iti vijñāneśvaroddhatokteḥ | vaśiṣṭhaḥ, - śrāddhe nodāsanīyāni ucchiṣṭānyādinakṣayāt | dyotante vai sudhādhārāstāḥ pivantyakṛtodakāḥ || ucchiṣṭaṃ na pramṛjyāddhi yāvannāstamito raviḥ | cīradhārāstato yāntyakṣayāḥ samkharabhāginaḥ || dyotante caranti | nodāsanīyāni bhūmiṣṭhocchiṣṭāni ityarthaḥ | “sammarabhāgino'nyasyoddaktamannaṃ sañcarati yat tat sambaraḥ, tat ye bhuñjate dāsādayaḥ” iti kalpatarūkārāḥ | brāhma, - astaṃ yāte tataḥ sūryye vipraḥ(1) pātrāṇi cāmbhasi | nikṣipet prayato bhūtvā sarvvāṇyadhomukhānyapi || dvitīye'hani sarvveṣāṃ bhāṇḍānāṃ cālanaṃ tathā | anantā jāyate tṛptiḥ pitṝṇāṃ yena sarvvadā || atha yajamānasya brāhmaṇānāṃ ca niyamāḥ | manudevalabṛhaspatayaḥ, - tāṃ niśāṃ brahmacārī syātśrāddhabhoktā tathaiva ca - [Previous: 18.p194](https://indike.org/pramana/in.astro.muhurta.kala.kalasara.18.p194) - [Next: 18.p196](https://indike.org/pramana/in.astro.muhurta.kala.kalasara.18.p196) - [Up: 18](https://indike.org/pramana/in.astro.muhurta.kala.kalasara.18) ## Linked texts (5) - [Bārhaspatyasaṃhitā (Aṅgiras)](https://indike.org/pramana/in.astro.samhita.rsi.barhaspatyasamhita.31.137) — Aṅgiras, Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.21.p184) — Gadādhara Rājaguru 1725, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.6.p14) — Govindānanda 1500, Sanskrit - [Kālasāra](https://indike.org/pramana/in.niti.dharma.kala.kalasara.18.p195) — Gadādhara (Pāraskara commentator), Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.553) — Divyasiṃha Mahāpātra 1640, Sanskrit --- Source: [https://indike.org/pramana/in.astro.muhurta.kala.kalasara.18.p195](https://indike.org/pramana/in.astro.muhurta.kala.kalasara.18.p195) · Pramāṇa