[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Electional Astrology](https://indike.org/pramana/in.astro.muhurta) › [Determination of times, tithis and saṅkrāntis](https://indike.org/pramana/in.astro.muhurta.kala) › [Kalasara](https://indike.org/pramana/in.astro.muhurta.kala.kalasara) › 18.p98 # Kalasara 18.p98 Kālasāra 18.p98 - **Language:** Sanskrit ### [18.p98](https://indike.org/pramana/in.astro.muhurta.kala.kalasara.18.p98) dṛṣṭiśrāddhamatra dravyabrāhmaṇasampattāvicchayā yatkriyate tadeva | śātātapaḥ, - udaṅmukhastu devānāṃ pitṝṇāṃ dakṣiṇamukhaḥ | pradadyāt pārvaṇaśrāddhe daivapūrvaṃ vidhānataḥ || śātātapaḥ, - nityaśrāddhamadaivaṃ syādekoddiṣṭaṃ tathaiva ca | mātṛśrāddhantu yugmaiḥ syāddaivaṃ prāṅmukheḥ pṛthak || yojayeddaivapūrvāṇi śrāddhānyanyāni yatnataḥ | na daivaṃ bhojayecchrāddhaṃ tatpūrvañca pravarttayet || anyathā lavalumpanti sadaityāsurarākṣasāḥ | tatpūrvaṃ daivapūrvaṃ | vāyupurāṇe, - nāprokṣya srpaśayetkiñcicchrāddhe daive'thavā punaḥ | uttareṇāhareddevā dakṣiṇena visarjayet || vediratra dakṣiṇāpravaṇādiśrāddhadeśaḥ | daive daivaśrāddhe | manuḥ, - daivakāryādddijātīnāṃ pitṛkāryaṃ viśiṣyate | daivaṃ hi pitṛkāryasya pūrvamāpyāyanaṃ smṛtam || teṣāmārakṣabhūtantu pūrvaṃ daivaṃ niyojayet | rakṣāṃsi hi vijumpanti śrāddhamārakṣavarjitam || daivādyantaṃ tadīheta picādyantaṃ na tadbhavet | picādyantaṃ līhamānaḥ śīghraṃ naśyati sānvayaḥ || āpyāyanaṃ pitṛśrāddhapradhānabhūtasya samṛddhikaraṃ aṅgabhūtaṃ na tu svataḥ pradhānam | ārakṣabhūtaṃ na tu sarvvato rakṣākaram | daivādyantaṃ daive ādyantau ārambhāvasthāne yasya tattathoktam | etenaitaduktaṃ bhavati, nimantraṇādi daivapūrvaṃ visarjanaṃ viparītaṃ kāryyam | yadadya kriyate karma paiṭake brāhmaṇān prati | tatsarvvaṃ tatra karttavyaṃ vaiśvadevatyapūrvvakam || iti - [Previous: 18.p97](https://indike.org/pramana/in.astro.muhurta.kala.kalasara.18.p97) - [Next: 18.p99](https://indike.org/pramana/in.astro.muhurta.kala.kalasara.18.p99) - [Up: 18](https://indike.org/pramana/in.astro.muhurta.kala.kalasara.18) ## Linked texts (5) - [Skandamahāpurāṇa (vulgate)](https://indike.org/pramana/in.purana.skanda*vulgate.16.206.18) — Sanskrit - [Mānava Dharmaśāstra](https://indike.org/pramana/in.niti.dharma.manu.3.203) — Manu & Bhṛgu, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.14.p76) — Devaṇṇabhaṭṭa, Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.21.p100) — Gadādhara Rājaguru 1725, Sanskrit - [Kālasāra](https://indike.org/pramana/in.niti.dharma.kala.kalasara.18.p98) — Gadādhara (Pāraskara commentator), Sanskrit --- Source: [https://indike.org/pramana/in.astro.muhurta.kala.kalasara.18.p98](https://indike.org/pramana/in.astro.muhurta.kala.kalasara.18.p98) · Pramāṇa