[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Electional Astrology](https://indike.org/pramana/in.astro.muhurta) › [Determination of times, tithis and saṅkrāntis](https://indike.org/pramana/in.astro.muhurta.kala) › [Kalasara](https://indike.org/pramana/in.astro.muhurta.kala.kalasara) › 5.p80 # Kalasara 5.p80 Kālasāra 5.p80 - **Language:** Sanskrit ### [5.p80](https://indike.org/pramana/in.astro.muhurta.kala.kalasara.5.p80) punarvasubudhopetāṃ caice māsi sitāṣṭamīm | srotaḥsu vidhivat snātvā vājapeyaphalaṃ labhet || iti | jalagaṇḍūṣedṛṣṭāśokakalikāḥ sthāpayitvā'bhimantraṇam | mantrastu, - tvāmaśoka harābhīṣṭa madhumāsasamudbhava | pivāmi śokasantapto māmaśokaṃ sadā kuru || imaṃ mantraṃ paurāṇikatvāt striya śūdrā api paṭheyuḥ | strībhiśca mohaḥ karttavyaḥ prakṛtāvapūrvatvāditi | jaimininyāyena prakṛtāvṛṣṭābhāvāt | etatpānasya bhojanarūpatvādaṣṭadhāvibhaktasyāhnaḥ pañcamabhāgaḥ karmakālaḥ | tatra tithidvaidhe paraviddhaiva grāhyā | sāmānyaśuklāṣṭamītvāt | phalaṃ tvaca mantraliṅgāt śokābhāvaḥ | jyeṣṭhāvratādīnāmasmaddeśe samācārābhāvāt na tadvyavasthoktā || kṛṣṇajayantyaṣṭamīvratam | tatvarūpaṃ skānde, - jayaṃ puṇyañca kurute jayantīmiti tāṃ viduḥ | rohiṇīsahitā kṛṣṇāṣṭamī yā śrāvaṇāṣṭamī || viṣṇudharmottare, - rohiṇī ca yadā kṛṣṇapakṣe'ṣṭamyāṃ yudhiṣṭhira | jayantī nāma sā proktā sarvapāpaharā tithiḥ || tadakaraṇe skānde, - śūdrānnena tu yatpāpaṃ śavahastasthabhojane | tatpāpaṃ labhate kunti jayantyāṃ bhojane kṛte || brahmaghnaśca surāpaśca govadhe strībadhe'pi vā | na loko yaduśārdūla jayantīvimukhasya ca || tathā, - na karoti yadā viṣṇorjayantīsambhavaṃ vratam | yamasya vaśamāpannaḥ sahate nārakoṃ vyathām - [Previous: 5.p79](https://indike.org/pramana/in.astro.muhurta.kala.kalasara.5.p79) - [Next: 5.p81](https://indike.org/pramana/in.astro.muhurta.kala.kalasara.5.p81) - [Up: 5](https://indike.org/pramana/in.astro.muhurta.kala.kalasara.5) ## Linked texts (2) - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.4.p62) — Gadādhara Rājaguru 1725, Sanskrit - [Kālasāra](https://indike.org/pramana/in.niti.dharma.kala.kalasara.5.p80) — Gadādhara (Pāraskara commentator), Sanskrit --- Source: [https://indike.org/pramana/in.astro.muhurta.kala.kalasara.5.p80](https://indike.org/pramana/in.astro.muhurta.kala.kalasara.5.p80) · Pramāṇa