[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Electional Astrology](https://indike.org/pramana/in.astro.muhurta) › [Determination of times, tithis and saṅkrāntis](https://indike.org/pramana/in.astro.muhurta.kala) › [Kalasara](https://indike.org/pramana/in.astro.muhurta.kala.kalasara) › 5.p89 # Kalasara 5.p89 Kālasāra 5.p89 - **Language:** Sanskrit ### [5.p89](https://indike.org/pramana/in.astro.muhurta.kala.kalasara.5.p89) prāśastyāvagamānnalābhe'ṣṭamīmātramapraśastaṃ na grāhyam | mukhyayogābhāve tu pratinidhivattithimātramāśrayaṇīyameva | divā vā yadi vā rātrau nāsti cedrohiṇīkalā | rātriyuktāṃ prakurvīta viśeṣeṇendusaṃyutām || iti purāṇokteḥ samācārācca | kṛṣṇāṣṭamīdine prāpte yena bhuktaṃ dvijottama | trailokyasambhavaṃ pāpaṃ tena bhuktaṃ dvijottama || iti smṛtyuktestithimātre'pyakaraṇe pratyavāyaśravaṇāt prativarṣavidhānācca | tathāca, janmāṣṭamīti vyavahāro'pi saṃgacchate || atra vratasvarūpaṃ; upavāsajāgaraṇakṛṣṇapūjācandrārghyādi | tathāca, tatprakaraṇe nāradīye,upoṣya janmarikthāni kuryyājjāgaraṇaṃ niśi | arddharātrayutāṣṭamyāṃ so'śvamedhaphalaṃ labhet || bhaviṣyottare,- tasyāntāṃ pūjayedgatvā śuddhaḥ samyagupoṣitaḥ | brāhmaṇān bhojayedbhaktyā tato dadyācca dakṣiṇām || hiraṇyaṃ rajataṃ gāvo vāsāṃsi vividhāni ca | yadyadiṣṭatamaṃ loke kṛṣṇo me prīyatāmiti || tatraiva, - candrodaye śaśāṅkāya arghaṃ dadyāt hariṃ smaran | iti | idaṃ jātyaṃśe, kāmye sarvvāṅgopasaṃhāreṇa phalasiddheḥ | niṣkāmasyāpi samarthai | asamarthe tu,kevalenopavāsena tasmin janmadine mama | pratajanmakṛtāt pāpānmucyate nātra saṃśayaḥ|| ityevaṃ jayantīṃ prakṛtya, bhaviṣye, - ekenaivopavāsena kṛtena kurunandana | saptajanmakṛtāt pāpānmucyate nātra saṃśayaḥ || tatra karmakālaḥ, bhaviṣye, - rohiṇīsahitā kṛṣṇā māsi bhādrapade'ṣṭamī | arddharātrādadhaścorddhaṃ kalayāpi yadā bhavet || mahāpuṇyatamaḥ kālo jayantyākhyaḥ prakīrttitaḥ | vogauśvaraḥ, -arddharācādadhaścorddhamekārddhaghaṭikānvitā | rohiṇī cāṣṭamī grāhyā upavāsavratādiṣu || iti | ekā ca arddhaghaṭikā ca ekārddhaghaṭike, tābhyāṃ anvitetyarthaḥ | etena ghaṭikā grāhyā, tadasambhave'rddhaghaṭikāpi | brāhme, - muhūrtto vijayo nāma yatra jāto janārddanaḥ | iti | evaṃ mukhyakālasya traividhye'pi ghaṭikāsambandhyaśītyadhikaśatamamabhāgarūpāyāḥ kalāyā atisūkṣmatvena durlakṣyatvānna vyavasthāpakatvam | nāpyarddhaghaṭikāyāḥ, tatrāpi sandehāt(1) | tathāca pūrvāparadaṇḍadayopetamarddharātrameva mukhyaḥ karmakālaḥ | viṣṇudharmottare'pi,arddharātre tu yogo'yaṃ tārāpatyudaye tathā | niyatātmā śuciḥ snātaḥ pūjāṃ tatra pravarttayet - [Previous: 5.p88](https://indike.org/pramana/in.astro.muhurta.kala.kalasara.5.p88) - [Next: 5.p90](https://indike.org/pramana/in.astro.muhurta.kala.kalasara.5.p90) - [Up: 5](https://indike.org/pramana/in.astro.muhurta.kala.kalasara.5) ## Linked texts (4) - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.4.p69) — Gadādhara Rājaguru 1725, Sanskrit - [Kālatattvavivecana](https://indike.org/pramana/in.niti.dharma.kala.kalatattvavivecana.4.p72) — Raghunātha Vājapeyin 1595, Sanskrit - [Kālasāra](https://indike.org/pramana/in.niti.dharma.kala.kalasara.5.p89) — Gadādhara (Pāraskara commentator), Sanskrit - [Kālanirṇaya (Kālamādhavīya)](https://indike.org/pramana/in.niti.dharma.nibandha.nirnaya.kalamadhaviya.10.p35) — Mādhava, Sanskrit --- Source: [https://indike.org/pramana/in.astro.muhurta.kala.kalasara.5.p89](https://indike.org/pramana/in.astro.muhurta.kala.kalasara.5.p89) · Pramāṇa