Pramāṇa · Search · About · API

Shuddhiddipika 17

Śuddhiddīpikā 17

Language
Sanskrit

Contents

17.1

tṛtīyo'dhyāyaḥ
candratārāśuddhipraśaṃsā
sarvakarmaṇyupādeyā viśuddhiścandratārayoḥ
tacchuddhāveva sarveṣāṃ grahāṇāṃ phaladātṛtā

17.2

candraśuddhiḥ
saptamopacayādyasthaścandraḥ sarvvatra śobhanaḥ
śuklapakṣe dvitīyastu paṃcamo navamastathā

17.3

candrasya vāmavedhena śuddhiḥ
sitaśanikujajīvārkāsta indurnarāṇāṃ
vyayasukhanavamastho 'pīṣṭadātātha teṣām
khasutanidhanagaścenmṛtyuputrārthago'pi grathita
(pracura) śubhaphalaṃ syādvāmavedhena śuddhiḥ

17.4

candrasya viśeṣaśuddhiḥ
upacayakarayuktaḥ savyagaḥ śuklapakṣe
śubhamabhilaṣamāṇaḥ saumyamadhyasthito vā
sakhivaśigrahayuktaḥ kārakarkṣe'pi cendurjaryadhanasukhadātā tatprahṛttannithātaḥ

17.5

pakṣādau candraśuddhikathanam
sitapakṣādau śubhe candre śubhaṃ pakṣamaśubhamaśubhe ca
kṛṣṇe gocaraśubhado na śubhaḥ pakṣaḥ śubho'to'nyaḥ

17.6

candradoṣaśāntaye snānam
uśīraṃ ca śirīṣaṃ ca candanaṃ padmakaṃ tathā
śaṃkhe nyastamidaṃ snānaṃ caṃdradoṣopaśāṃtaye

17.7

candradoṣopaśāṃtaye deyadravyāṇi
śvetaṃ vāsaḥ sitā dhenuḥ śaṃkho vā kṣīrapūritaḥ
deyo vā rājataścaṃdraścaṃdradoṣopaśāṃtaye

17.8

tārānirṇayaḥ
tārāstu janmasampadvipatkṣemapāpaśubhakaṣṭāḥ
mitrātimitra saṃjñāścaitāḥ saṃjñānurūpaphalāḥ

17.9

pañcamādi tārāphalam
pāpākhyāstrividhāḥ paṃcacaturddaśaviṃśatitriyutāḥ
siddhiphalā vṛddhikarī vināśasaṃjñā kramātkathitā

17.10

tārāpratīkāraḥ
vipattāre guḍaṃ dadyācchākaṃ dadyāttrijanmani
pratyarau lavaṇaṃ dadyānnidhane tilakāṃcanam

17.11

nār̤ī-nakṣatrāṇi
janmādyaṃ karma tato'pi daśamaṃ sāṅghātikaṃ ṣoḍaśabham
samudayamaṣṭādaśamaṃ vināśasaṃjñaṃ trayoviṃśam

17.12

ādyāttu paṃcaviṃśaṃ mānasamedaṃ naraḥ ṣaḍnakṣatraḥ
navanakṣatro nṛpatiḥ svajātideśābhiṣekakṣaiḥ

17.13

nār̤īnakṣatraśubhāśubhakathanam
anyacca
nāmānurūpameṣāṃ sadasatphalamiṣṭapāpaguṇadoṣāt
prakṛtisthitādyamiṣṭaṃ vaikṛtyolkādipīḍanaṃ pāpam

17.14

īhādehārtha hāniḥ syājjanmarkṣeṣopatāpite
karmarkṣe karmaṇāṃ hāniḥ pīḍā manasi mānase

17.15

mūrttidraviṇabandhūnāṃ hāniḥ sāṃghātike tathā
santapte sāmudayike mitrabhṛtyārthasaṃkṣayaḥ
vaināsike vināśaḥ syāddehadraviṇasampadām

17.16

nār̤īnakṣatraphalam
rogādyāgamavittanāśakalahāḥ saṃpīḍite janmabhe
siddhiṃ karma na yāti karmaṇi hate bhedastu sāṃghātike
dravyasyopacitasya sāmudāyike saṃpīḍite saṃkṣayo
vaināśe tu bhavanti kāyavipadaścittāsukhaṃ mānase

17.17

nirupadravasopadravanār̤īnakṣatrakathanam
nirupadrutabho nirāmayaḥ sukhabhuṅ naṣṭaripurbalānvitaḥ
sopadrutabho vinaśyati tribhiranyaiśca sahāvanīśvaraḥ

17.18

nār̤īnakṣatra śāṃtiḥ
sarveṣāṃ pīḍāyāṃ dinamekamupoṣito'nalaṃ juhuyāt ,
sāvitryā kṣīravaroḥ samidbhigmaramadvijārccanarataḥ

17.19

grahaṇagatanāḍīnakṣatraphalam
grahaṇaṃ ravicaṃdramasornāḍīnakṣatravāsare yasya
abdārddhābhyaṃtarato doṣo nāḍīsamastasya

17.20

grahaṇagatanāḍīnakṣatrasnānam
grahaṇagrahapīḍitanāḍīnakṣatradoṣopaśamanāya
saha śatapuṣpaiḥ snāyātphalinīphalacandanośīraiḥ

17.21

nāḍīnakṣatreṇa pāpagrahasaṃkramaṇaphalam
nāḍīnakṣatradivase ravibhaumaśanaiścarāḥ
saṃkrāṃtiṃ yasya kurvaṃti tasya kleśo'bhijāyate

17.22

nāḍīnakṣatreṇaḥ pāpagrahasaṃkrāntipratīkāraḥ
gomūtrasarṣapaiḥ snānaṃ sarvauṣadhijalena vā
viśuddhaṃ kāñcanaṃ dadyānnāḍīdoṣopaśāṃtaye

17.23

(1)
viṣuvādisaṃkrāntinirṇayaḥ
viṣuvanmeṣatulayorayanaṃ makare ravau kulīre ca
ṣaḍaśītirdvi śarīre viṣṇupadī ca sthire rāśau

17.24

raviśuddhiḥ
janmarāśeḥ śubhaḥ sūryyastriṣaṣṭhadaśalābhagaḥ
dvipañcanavago'pīṣṭa strayodaśadinātparam

17.25

raviśāṃtisnānam
mañjiṣṭhātvatha patrāṃgakuṃkumaṃ raktacandanam
tāmrakumbhe kṛtaṃ pūrṇe snānaṃ tenārkaśāṃtaye

17.26

janmanakṣatreṇa ravisaṃkramaṇaphalam
yasya janmarkṣamāsādya ravisaṃkramaṇaṃ bhavet
tanmāsābhyantare tasya rogakleśadhanakṣayāḥ

17.27

janmarkṣe ravisaṃkrāṃtisnānam
tagarasaroruhapatrairajanīsiddhārthalodhrasaṃyuktaiḥ
snānaṃ janmanakṣatra dine ravisaṃkrāṃtau nṛṇāṃ śubhadam

17.28

svanakṣatreṇa janmadivasaphalam
janmarkṣayuktā yadi janmamāse yasya dhruvaṃ janmatithirbhavecca
bhavanti saṃvatsarameva yāvannairūjyasammāna sukhāni tasya

17.29

anukṣayogena śanibhaumayorvāsare janmadinaphalam
kṛtāntakujayorvāre yasya janmadinaṃ bhavet
anukṣayogasaṃprāptau vighnastasya pade pade

17.30

janmanakṣatreṇa bhaumaśanivāraphalam
janmanyṛkṣe yadi syātāṃ vārau bhaumaśanaiścarau
sa māsaḥ kalmaṣo nāma manoduḥkhapradāyakaḥ

17.31

janmadinaśāṃtiḥ
tasya sarvvauṣadhisnānaṃ grahaviprasurārcanam
saurārayordine muktā deyā'nṛkṣe tu kāñcanam

17.32

sarvvauṣadhiḥ
murā māṃsī vacā kuṣṭhaṃ śaileyaṃ rajanīdvayam
śuṃṭhī campakamustañca sarvvauṣadhigaṇaḥ smṛtaḥ

17.32.p1

iti bhāṣāṭīkāyāṃ candratārāśuddhistṛtīyo'dhyāyaḥ ||3

Linked texts (9)