Pramāṇa · Search · About · API

Shuddhiddipika 19

Śuddhiddīpikā 19

Language
Sanskrit

Contents

19.2

saumyādīnāṃ sthānaviśeṣādiśubhāśubhakathanam
sarvatra kārye budhajīvaśukrāḥ kendratrikoṇopagatāḥ praśastāḥ
tṛtīyalābhārigatāśca pāpāstithirvariktā śubhadasya cāhaḥ
candrādyaśubhakathanam
indvaṣṭamagāna pāpān varjjayennaidhanaṃ vilagnañca
candraṃ ca nidhanasaṃsthaṃ sarvārambhaprayogeṣu

19.3

niraṃśādivarjjanam
niraṃśaṃ divasaṃ viṣṭiṃ vyatīpātaṃ ca vaidhṛtim
kendraṃ cāpi śubhaiḥ śūnyaṃ pāpāhamapi varjjayet

19.4

kālāśuddhikathanam
gurvāditye gurau siṃhe naṣṭe śukre malimluce
yāmyāyane harau supte sarvakarmāṇi varjjayet

19.5

udvāhādyaśuddhiḥ
aniṣṭe trividhotpāte siṃhikāsūnudarśane
saptarātraṃ na kurvīta yātrodvāhādimaṅgalam

19.6

jīvāticārādiṣu vratodvāhaniṣedhaḥ
aticāraṃ gate jīve vakre cāstamupāgate
vratodvāhau na kurvīta jāyate maraṇaṃ dhruvam

19.8

jīvāticārāpavādaḥ
trikoṇajāyādhanalābharāśau vakrāticāreṇa guruḥ prayātaḥ
yadā tadā prāha śubhe vilagne hitāya pāṇigrahaṇaṃ vasiṣṭhaḥ
yāmitravedhaḥ
ravimandakujākrāntamṛgāṅgātsaptamaṃ tyajet
vivāhayātrā cūr̤āsu gṛhakarmapraveśane

19.9

viddhanakṣatravarjjanam
karṇavedhe vivāhe ca vrate puṃsavane tathā
prāśane cādya cūr̤āyāṃ viddhamṛkṣaṃ vivarjjayet

19.10

kharjūravedhaḥ
tithyaṃgavedakadaśonaviṃśamaikādaśāṣṭādaśaviṃśasaṃkhyā
iṣṭoḍunā sūryyayutoḍunā ca yogādamūśceddaśayogabhaṅgaḥ

19.11

viddhanakṣatrapādavarjanam
ādyapāde sthite sūryye turīyāṃśaḥ praduṣyati
dvitīyasthe tṛtīyastu viparītamato'nyathā

19.12

saptaśalākāvedhaḥ
kṛttikādicatuḥsaptarekhā rāśau paribhraman
grahaścedekarekhāstho vedhaḥ saptaśalākajaḥ

19.13

abhijinnakṣatranirṇayo'bhijidrohiṇyoranyo'nyavedhanirṇayaśca
vaiśvasya caturthe'śe śravaṇādau liptikā catuṣke ca
abhijittu khecare vijñeyā rohiṇī sahitā

19.14

saptaśalākavedhe vivāhaniṣedhaḥ
yasyāḥ śaśī saptaśalākabhinnaḥ pāpaiairapāpairathavā vivāhe
raktāṃśukenaiva tu rodamānā śmaśānabhūmiṃ pramadā prayāti

19.15

kanyālakṣaṇam
avyaṃgāṃgīṃ saumyanāmnīṃ haṃsavāraṇagāminīm
tanulomakeśadaśanāṃ mṛdvaṃgīmudvahetstriyam

19.16

vivāhapraśnasamaye vāditrādiravaśravaṇena vṛṣādidarśanena
ca dampatyoḥ śubhakathanam
vāditravedadhvanidantinādaḥ saśaṃkhavīṇādhvanistūryyaghoṣaḥ
vṛṣadhvajacchatrarathebhaśaṃkhapadmāni cettatra śubhaṃ tadānīm

19.18

vivāhapraśnasamaye kukurādiravaśravaṇena varasya
vyādhyādyaśubhakathanam
śvājāvikolokaśṛgālakānāṃ nādo yadi syānmahiṣoṣṭrayorvā
vyādhipravāsakṣayavairiśokā vācyāstadānīṃ puruṣasya tasya
vivāhapraśnasamaye kanyāyāḥ kṛkalāsādisparśanina
kulaṭātvanirdeśaḥ śayyādibhaṃgena vaidhavyādinirdeśaśca
saṃśleṣaṇaṃcetsaraṭaplavaṃgakharoragāṇāṃ kulaṭā tadāsyāt
śayyodakumbhāsanapādukānāṃ bhaṃge tu vācyā vidhavāṃganaiva

19.20

vivāhapraśnasamaye kanyāyā janmarāśyādibhirdampatyoḥ
śubhakathanam
svarkṣaṃ svalagnañca tayośca nāthau tayostriṣaṣṭhāyagṛhaṃ yadi syāt
navāṃśako vā saśubhaṃ nṛbhaṃ vā praśnodaye syātkuśalaṃ tadā nīm
praśnalagnādgurudṛṣṭyādisthacandreṇa dampatyoḥ sampatti kathanam
tripañcāyadaśāsteṣu praśnalagnānniśākaraḥ
sampatkarastu dampatyorguruṇā yadi vīkṣitaḥ

19.21

praśnodayādaṣṭamādisthacandrādibhirvaidhavyakathanaṃ tatkālanirṇayaśca
praśnodayācchaśadharaḥ pariṇetureva,
varṣe'ṣṭame nidhanado nidhanārisaṃsthaḥ
varṣeṣu saptasumadoyagau ca pāpau,
māse'ṣṭake śaśikujāvudayāstasaṃsthau

19.22

praśnalagnātsaptamasthabhaumādibhiḥ kanyāyā maraṇādikathanam
jāmitrasaṃsthe mriyate mahīje,
prajāvihīnā kulaṭā ca sūrye
surāripūjye rajanīkare vā,
kanyā'nyaraktā patighātinī ca

19.23

ekarāśyādimelakānāṃ śubhaphalakathanam
ekarāśau ca dampatyoḥ śubhaṃ syātsamasaptake
caturtha daśake caiva tṛtīyaikādaśe tathā

19.24

(1)
nāḍīṣaḍaṣṭakādimelakānāmaśubhakathanam
maraṇaṃ nār̤īyoge kalahaḥ ṣaṭkāṣṭake vipattirvā
anapatyatā trikoṇe dvirdvādaśe ca dāridryam

19.25

dvirdvādaśanavapañcakayorapavādaḥ
puṃso gṛhātsutagṛhe sutahā ca kanyā,
dharme sthitā sutavatī pativallabhā ca
dvirdvādaśe dhanagṛhe dhanahā ca kanyā,
riṣphe sthitā dhanavatī pativallabhā ca

19.26

anyacca
ekādhipatyaṃ bhavaneśamaitraṃ vaśyaṃ yadi syādubhayoḍuśuddhau
dvirdvādaśe vā navapañcame vā kāryyo vivāho na ṣaḍaṣṭake tu

19.28

bhramapramādotpannaṣaḍaṣṭakādimelakapratīkāraḥ
ṣaṭkāṣṭake gomithunaṃ pradeyaṃ kāṃsyaṃ sarūpyaṃ navapaṃcake tu
dvirdvādaśākhye kanakānnatāmraṃ viprāarchnaṃ hema ca nāḍidoṣe
varaṇādiṣu vaivāhikatithinakṣatrādibhiḥ
śuddhigrahaṇa pratipādanam
varaṇapradānapariṇayaśacīparikarmābhiṣekakarmmāṇi
śubhe tithau vilagne na bhavanti kilālpapuṇyānām

19.29

hastodakavidhiḥ
surabhikusumagandhairarccayitvā dvijendrān
śubhatithidivasarkṣe daivavitsaṃpradiṣṭe
ubhayakulaviśuddhe jñātaśīlesurūpe
prathamavayasi dadyātkanyāṃ yauvanasthe

19.30

vivāhe puruṣasya sūryātmakatvāt raviśuddheḥ kanyāyāḥ
somātmakatvāt candraśuddheścāvaśyakarttavyatākathanam
gocaraśuddhāvinduṃ kanyāyā yatnataḥ śubhaṃ vīkṣya
tīgmakiraṇañca puṃsaḥ śeṣairavalairapi vivāhaḥ

19.31

vaivāhikanakṣatrādikathanam
revatyuttararohiṇīmṛgaśiro mūlānurādhāmaghāhastāṃ,
svātiṣu tauliṣṭhamithuneṣūdyatsu pāṇigrahaḥ
saptāṣṭāntabahiḥ śubhairuḍupatāvekādaśadvitrige,
krūraistryāyaṣaḍaṣṭagairna tu bhṛgau ṣaṣṭhe kuje cāṣṭame

19.32

dampatyordvinavāṣṭarāśirahite dārānukūle,
ravau candre cārkakujārkaśukraviyute madhye'thavā pāpayoḥ
tyaktvā ca vyatipātavaidhṛtidinaṃ viṣṭiṃ ca riktāṃ tithiṃ,
krūrāhāyanacaitrapauṣarahite lagnāṃśake mānuṣe

19.33

vaivāhikanakṣatrāṇāṃ gaṇḍapādavarjjanam
ādye maghā caturbhāge nakṣratasyādya eva ca
revatyantacaturbhāge vivāhaḥ prāṇanāśakaḥ

19.34

kanyādilagnasya navāṃśasyotkarṣa kathanam
kanyātulābhṛnmithuneṣu sādhvī,
śeṣeṣvasādhvī dhanavarjjitā ca
nindye'pi lagne dvipadāṃśa iṣṭaḥ ,
kanyādilagneṣvapi nānyabhāgaḥ

19.35

svasvāminirīkṣitalagnajāmitranavāṃśavaśena
dampatyoḥ śubhakathanam
yasyāṃśaḥ kalpite lagne sacetsvāmyavalokitaḥ
tadā puṃsaḥ śubhaṃ vidyātsaptamāṃśe tataḥ striyāḥ

19.36

sutahibuka yogaḥ
sutahibukaviyadvilagnadharmeṣvamaragururyadi dānavārccito vā
yadaśubhamupayāti tacchubhatvaṃ śubhamapi
vṛddhimupaiti tatprabhāvāt

19.37

godhūliyogaḥ
sandhyātāpāruṇitapaścimadigvibhāge,
vyomni sphuradvimalatārakasaṃniveśe
ūrdhvaṃ gavāṃ khurapuṭogalitai rajobhiḥ,
godhūlireṣa kathito bhṛgujena yogaḥ

19.38

godhūlipraśaṃsā
nāsmingrahā na tithayo na ca viṣṭivārā,
ṛkṣāṇi naiva janayanti kadāpi vighnam
avyāhataḥ satatameva vivāhakāle,
yātrāsu cāyamudito bhṛgujena yogaḥ

19.39

guṇabāhulyādalpadoṣasyāphalatvakathanam
na sakalaguṇasampallabhyate'lpairahobhiḥ,
bahutaraguṇayuktaṃ yojayenmaṅgaleṣu
prabhavati hi na doṣo bhūribhāve guṇānāṃ,
salilalava ivāgneḥ saṃpradīptendhanasya

19.40

ekasyāpyatimahato doṣasyāvirodhiguṇabāhulye'pi
parityāgakathanam
guṇaśatamapi doṣaḥ kaścideko'tivṛddhaḥ,
kṣapayati yadi nānyastadvirodhī guṇo'sti
ghaṭamiva paripūrṇaṃ paṃcagavyena sadyo,
malinayati surāyā bindureko'pi sarvvam

19.41

navavadhvāgamanam
strīśudhyājaghaṭālisaṃyutaravau kāle viśuddhebhṛguṃ,
santyajya pratilomaṃgaṃ śubhadine yātrāpraveśocite
tyaktāhastu niraṃśakaṃ navabadhūyātrāpraveśau patiḥ,
kuryyādikapurādiṣu pratibhṛgau necchanti doṣaṃ budhāḥ

19.42

bālabandhaḥ
dhruvamṛdulaghuvarge viṣṇumūlānilarkṣe,
śaniśaśidinavarjaṃ godvidehodayeṣu
upacayagatapāpe satsu kendratrikoṇe,
sutithikaraṇayoge bālabandhaḥ śubhendau

19.43

phalabandhaḥ
rohiṇyantakacitrāāhiviśākhaśatavarjjite
bhe puṃgrahāhe strīṣu yā phalabandhanamiṣyate

19.44

ṛtunirūpaṇam
pīḍārāśau bhaumadṛṣṭe śaśāṃke,
māsaṃ māsaṃ yoṣitāmārttavaṃyat
tryaṃśe śāntaṃ yacca raktaṃ japābhaṃ,
tadgarbhārthaṃ vedanāgandhahīnam

19.45

atha niṣekaḥ
pāpāsaṃyutamadhyageṣu dinakṛllagnakṣayāsvāmiṣu,
tadyūneṣvaśubhojjhiteṣu vikuje chidre vipāpe sukhe
sadyukteṣu trikoṇakaṇṭaka vidhuṣvyāyatriṣaṣṭhānvite,
pāpe yugmaniśāsvagaṇḍasamaye puṃśuddhitaḥ saṅgamaḥ

19.46

garbhādhānādimāsanāthairgarbhasya śubhāśubhakathanam
māseśaiḥ sitakujagururaviśaśiśanisaumyalagnapaśaśīnaiḥ
kaluṣaiḥ pīḍā garbhasya pīḍitaiḥ patanamanyathā puṣṭiḥ

19.47

atha puṃsavanam
kuryātpuṃsavanaṃ suyogakaraṇe nande sabhadre tithau,
bhādrāṣāḍhanṛbheśvareṣu nṛdine vedhaṃ vinendau śubhe
akṣīṇe ca trikoṇakaṇṭakagate saumye'śubhe vṛddhiṣu,
strīśuddhyāghaṭayugmasūryagurubheṣūdyatsu māsatraye

19.48

atha pañcāmṛtam
revatyaśvipunarvasudvayamarunmūlānurādhāmaghā,
hastāsūttaraphalaguṣeṣu ca bhṛgau jīvārkavāre tathā
lagne cobhayaśuddhige suniyataṃ saṃtyajya riktāṃ tithiṃ,
deyaṃmāsitu paṃcame śubhadine paṃcāmṛtaṃ1 yoṣitām

19.49

ghaṭīdānam
maghāṣṭake'mbutritaye'ditidvaye pauṣṇadvaye dhātṛyuge gurūdaya
māse ca ṣaṣṭhe ca catuṣṭaye striyāṃ śudhyāṅgamandāhavarirghaṭī
śubhā

19.50

atha sīmantonnayanam
māseśe prabale śubhekṣitavidhau māse ca ṣaṣṭhe'ṣṭame,
maitre puṃsavanoditarkṣasahite riktāvihīne tithau
sīmantonnayanaṃ mṛgājarahite lagne navāṃśodaye ,
yojyaṃ puṃsavanoditaṃ yadaparaṃ tatsarvamatrāpi ca

19.50.p1

iti bhāṣāṭīkāyāṃ vivāha nirṇāyo nāma pañcamo'dhyāyaḥ ||5

Linked texts (12)