Muhurtamartanda 5.2

Muhūrtamārtaṇḍa 5.2

Language: Sanskrit

5.2.1

janmāṅgarkṣadaseśasadgrahakujaiḥ sārkairbaliṣṭhairmṛdu-
kṣiprendradhuvabhaiḥ sthirarddhinṛtanau vyārāhni bhūpasthitiḥ|
svasvarkṣaiḥ samṛdudhruvarkṣacarabhaiḥ kṣiptaiḥ surasthāpanaṃ
procurmādhayuye ca rādhayugale vyārāhni pūrvāhṇake ||

5.2.1.p1

atha vastradhāraṇaṃ, vastrakṣālanaṃ, dagdhādivastraparikṣāñcāha-

5.2.2

dhāryaṃ vasvaditīnapañcagurubhāśvyantyadhruvairjñatraye
jñone kṣālyamihākhubhakṣitamasanmadhyatribhāge'mbaram|
stro raktāmbābhūṣaṇe'tra vibhṛyādvyādityapuṣyadhruve
śvete'bjo'ruṇarukmayoḥ kujaravapī kṛṣṇe śaniḥ śasyate ||

5.2.2.p1

atha puruṣāṇāṃ bhūṣaṇadhāraṇaṃ krayavikrayamuhūrtañcāha-

5.2.3

vastroktairvyaniladvayāśvibhirage'ṅge nurvibhūṣā hitā
viprājñotsavalabdhiṣūditamanukte'pīṣṭakṛddhāraṇam|
maitrārkānilamūladasraharibhendvījyājapādottare
paṇyānāṃ krayavikrayau ghaṭapararddhya'ṅge svaśuddhau tanu ||

5.2.3.p1

atha pañcakavarjye sevāṃ sanyāsaṃ cāha-

5.2.4

pretajvālanaśayyakāvitanane stambhaucchrayaṃ yāmyadim-
yānaṃ kāṣṭhatṛṇoccayaṃ pariharetkumbhadvayasthe vidhau|
seveṣṭā dhruvavāruṇāntyavasubhaiḥ khāye ravau vā kuje
saṃnyāsaḥ sthirabhe khalairgatabalaiḥ ṣaṣṭhāntvage bhārgave ||

5.2.4.p1

atha kṛṣikarmāha-

5.2.5

udvāharkṣacaradvipendralaghubhatvāṣṭraiḥ śubhā syātkṛṣi-
rvyārkijñārakhagāhni yugmajhaṣagokanyāvilagne tithau|
vyaṅkauje sadiśi praṇamya khagabhūmukhyān sitācchādanaḥ
svarṇodaghṛṣṭahalaṃ samuṣkasuvṛṣai saumīṃ paṭustrirnayet ||

5.2.5.p1

atha kṛṣikarmaṇi lāṅgalacakaṃ bījavapanaṃ phaṇicakraṃ cāha-

5.2.6

tritritrīṣvanalārtharāmahutabhugbheṣvarkabhuktādasat
sadbhūyaḥ kṛṣibhairvivāruṇairīndairbījavāpaḥ śubhaḥ|
sūryarkṣāditṛtīyato'tighṛtitaścāṣṭāṣṭabhiḥ satphalaḥ
prokto'nyaiḥ phaṇisaptamādravimitaistacchedanaṃ vāpabhaiḥ ||

5.2.7

methiṃ kṣīrataroruphānurahitairudvāhabhai ropaye-
dannaprāśanavadvasantaśaradoḥ proktaṃ navānnaṃ budhaiḥ|
maitrārkāntyavasūttarejyavaruṇaiḥ sendraiḥ śubhaṃ nartanaṃ
lagne jñe guruvīkṣite hibukagaiḥ saumyaiśca saṅgītakam ||

5.2.7.p1

atha paśukarmāha-

5.2.8

dvīśārkendvaditījyavāsavaśivākhyantyāgnipāśīndrabhaiḥ
pūrvābhiḥ śubhadā visiṃhabhatanau nānāpaśūnāṃ kriyā|
vāreṣvarkacaturthu kottaraharitvāṣṭreṣvamāriktayo-
raṣṭamyāṃ na hitoditā svabhagabhe na syādbhadoṣaḥ kila ||

5.2.9

athāśvakarmāha-
dvyādityadvivasusthirāśvibhamṛdusvātyarkabhairjñatrayā-
rkārāhnījyabhṛgūdaye dvikamadeṣviṃdau kriyā''śvī hitā|
ttrāpyarkabhataḥ kramāttithimidaiḥ paścāstribhiḥ sābhiji-
cchastā yā nṛsamā taduktabhamukhaiḥ kāryā paraibhirbudhaiḥ ||

5.2.10

athābhyaṅge niṣiddhasamayānāha-
bhadrāsaṅkramapātavaidhṛtisitejyārkāraṣaṣṭhyādiṣu
āddhāhe pratipaddvaye parihareddhetuṃ vinābhyañjanam|
māṅgalyaṃ vijayotsavo'bdavadanaṃ dīpāvalī hetavo
'bhyaṅgasya kvathitāditailamanasannindye'hni nitye'khilam ||

5.2.11

athāmalakasnāne niṣiddhasamayaṃ prasūtasnānaṃ cāha-
digviśvādridṛgaṅkadarśatithiṣu snānaṃ na dhātrīphalaiḥ
śrīkāmo'tha budhāmbuparkṣapitṛbhābhyaṅgātpatidhnyaṅganā|
putrī somadine prasūryamapitṛtvāṣṭrendramiśrāmbupa-
kravyādeśvarabhe kuputraharije snāyānniśāsye'pi na ||

5.2.12

mandārānyadine mṛdudhruvacarakṣipairbalakṣe sudhā-
yoge bheṣajamācaretsumṛtikendrārivyayāṅge bhiṣak|
taddadyādiha vidhruvendutanayapradyotane rogiṇe-
'sṛksrāvavraṇakarma sūryakujayorahnīha kendrasthayoḥ ||

5.2.12.p1

atha rogāvadhiṃ rogamuktasya snānaṃ cāha-

5.2.13

yāmyāhitrayavāyumūlajalapopāntyendrahastāmbume
śāntyājadvipayornṛpairnavadinairanyatra rugṇo viruk|
ādityāhyaniladhruvāntyapitṛbe śukrenduvāre gada-
tyaktasnānamaniṣṭamiṣṭamaśubhe bhādau khalāstasthire ||

5.2.13.p1

atha dravyaprayogamāha-

5.2.14

dravyaṃ saṃvyavahārato laghucarairyojyaṃ carāṅge budhe
dharmāṣṭātmajage'tha tasya haraṇe hasto ravirjñaḥ kujaḥ|
saṅkrāntirbharaṇī tripuṣkarayaṇau kumbhāntyayoścandramā
vṛddhiśceti śubhā vidūna iha yatkuryādṛṇaṃ tatsthiram ||

5.2.15

atha naṣṭadravyāptiṃ dravyanikṣepaṃ mantragrahaṇaṃ taruropaṇaṃ cāha-
tīkṣṇogradhruvamiśravāyuṣu dhanaṃ naṣṭādikaṃ naitikādrū-
bhe'bdhyāpte trikhaśeṣayornagatametyantyāmbuśuddhau kṣipet|
vidyāṃ proktavadiṣṭadevatithibhe'tha dvīśamūladhruvai-
rmṛdvaśvījyakarāmbupaiḥ sujalakhābjāṅge tarūn ropayet ||

Commentaries (2)

Mārtaṇḍavallabhā — Nārāyaṇa (Mahiṣamaṅgalam) 1547, Sanskrit
Mārtaṇḍavallabhā — Author, Sanskrit

Linked texts (1)

Sarvasaṅgraha (Dinanātha) — Dinanātha, Sanskrit