Pramāṇa · Search · About · API

Shuddhiddipika 11

Śuddhiddīpikā 11

Language
Sanskrit

Contents

11.1

pustakāntare
śūnye tu bindavaścāṣṭau rekhaike rasabindavaḥ
catvāro bindavo yugme dvivindū rāmarekhake

11.2

samo rekhācaturthe tu paṃcame netrarekhake
ṣaḍrekhāsu catūrekhā saptame rasarekhikā

11.3

śrīrānandantathā śreyo bhogo rājyapradastathā
dvayādidviguṇarekhānāṃ phalametadanukramāt

11.4

malino'tha vipaddhāniryaugo mṛtyupradastathā
dvayādidviguṇabindūnāṃ phalametadanukramāt

11.40

iti nigaditamiṣṭaṃ neṣṭamanyadviśeṣādadhikaphalavipākā janmabhāttatra dadyuḥ| upacayagṛhamitrasvoccagāḥ
puṣṭamiṣṭaṃ tvapacayagṛhanīcārātibheneṣṭasampat

11.41

śubhā rekhāḥ samākhyātā aśubhā vindavaḥ smṛtāḥ
yatra rekhā na binduśca taṃtasamaṃ parikīrttitam

11.42

yādṛśena śaśāṃkena grahaḥ sañcarate nṛṇām
tādṛśaṃ phalamāpnoti śubhaṃ vā yadi vā'śubham

11.43

grahāṇāṃ trividhaśāntikathanam
prayojyamauṣadhisnānaṃ grahaviprasurārcanam
grahānuddiśyahomo vā grahāṇāṃ prītimicchatā

11.45

grahasnānam
siddhārthalodhrarajanīdvayamustadhānyalāmajjakaṃ saphalinī savacā ca māṃsī | snānaṃ kuru grahagaṇapraśamāya nityaṃ sarvve raviprabhṛtayaḥ sumukhī bhavanti44
grahapūjā
raktaiḥ puṣpairgandhaistāmraiḥ kanakavṛṣasurabhikusumairdivākarabhūsutau bhaktyā pūjyā nvibudhainvāsitakusumamurabhimadhuraiḥ sitaśca madapradaiḥ || kṛṣṇairdravyaiḥ
sauriḥ saumyo maṇirajatakuvalakusumairgurustu paripītakaiḥ prītaiḥ pīḍā na syāduccāt yadi patati viśati
vā bhujaṃgavijṛmbhitam

11.46

naivedyavidhiḥ
guḍabhaktasaghṛtapāyasahaviṣyasakṣīradadhighṛtānnāni
tilapiṣṭamāmamāṃsaṃ citraudanamarkato dadyāt

11.47

citraudanakathanam
ajākṣīreṇa saṃmiśrā yavāśca tilataṇḍulāḥ
ajakarṇasya raktena raktāścitrānnasaṃjñitāḥ

11.48

śāntyarthaṃ auṣadhidhāraṇam
mūlaṃ dhāryyaṃ triśūlyāḥ savitari viguṇe kṣīrikāmūlamindau jihvā herbhūmiputre rajanikarasute vṛddhadārasya
mūlam | bhārṅgyārjīve'tha śukre bhavati śubhakaraṃ siṃhapucchasya mūlaṃ vāṭyālaṃ cārkaputre tamasi malayajaṃ
ketudoṣe'śvagandham

11.49

dhātudravyadhāraṇam
sūryādidoṣaśāntyai dhāryāṇi bhujena tāmraśaṅkhau ca
vidrumakāñcanamuktārajatatrapuloharāmapaṭṭāni

11.50

māṇikyaṃ viguṇe sūrye vaiḍūryaṃ śaśalāñchane
pravālaṃ bhūmiputre ca padmarāgaṃ śaśāṅkaje

11.51

gurau muktāṃ bhṛgau vajramindranīlaṃ śanaiścare | rāhau
gomedakaṃ dhāryaṃ ketau marakataṃ tathā

11.52

grahasamidhaḥ
arkaḥ palāśaḥ khadirastvapāmārgo'tha pippalaḥ
udumbaraśamīdūrvākuśāśca samidhaḥ kramāt

11.53

grahahomaḥ
ekaikasyāpyaṣṭaśatamaṣṭāviṃśatireva vā
hotavyā madhusarpibhyāṃ sahasraṃ cāṣṭasaṃyutam

11.54

dakṣiṇāvivekaḥ
dhenuḥ śaṃkhastathā naḍvān hema vāso hayastathā
kṛṣṇā gaurāyasaṃ chāga etā vai grahadakṣiṇāḥ

11.54.p1

iti mahīntāyanīya paṃḍita śrīśrīnivāsaviracitāyāṃ śuddhadīpikā bhāṣāṭīkāyāṃ grahanirṇayo nāma dvitīyo'dhyāyaḥ

Linked texts (2)