Pramāṇa · Search · About · API

Shuddhiddipika 12

Śuddhiddīpikā 12

Language
Sanskrit

12.1

candratārāśuddhipraśaṃsā
sarvakarmaṇyupādeyā viśuddhiścandratārayoḥ
tacchuddhāveva sarveṣāṃ grahāṇāṃ phaladātṛtā

12.2

candraśuddhiḥ
saptamopacayādyasthaścandraḥ sarvvatra śobhanaḥ
śuklapakṣe dvitīyastu paṃcamo navamastathā

12.3

candrasya vāmavedhena śuddhiḥ
sitaśanikujajīvākasti indurnarāṇāṃ
vyayasukhanavamastho'pīṣṭadātātha teṣām
khasutanidhanagaścenmṛtyuputrārthago'pi prathita
(pracura ) śubhaphalaṃ syādvāmavedhena śuddhiḥ

12.4

candrasya viśeṣaśuddhiḥ
upacayakarayuktaḥsavyagaḥśuklapakṣe śubhamabhilapamāṇaḥsaumyamadhyasthito vā || sakhivaśigrahayuktaḥ kārakakeṃḍapi cendurjaṃyadhanasukhadātā tatpraharttānyathātaḥ

12.6

pakṣādau candraśuddhikathanam
sitapakṣādau śubhe candre śubhaṃ pakṣamaśubhamaśubhe ca
kṛṣṇe gocaraśubhado na śubhaḥ pakṣaḥ śubho'to'nyaḥ 5
candradoṣaśāntaye snānam
uśīraṃ ca śirīṣaṃ ca candanaṃ padmaṃkaṃ tathā
śaṃkhe nyastamidaṃ snānaṃ caṃdradoṣopaśāṃtaye

12.7

candradoṣopaśāṃtaye deyadravyāṇi
śvetaṃ vāsaḥ sitā dhenuḥ śaṃkho vā kṣīrapūritaḥ
deyo vā rājataścaṃdraścaṃdradoṣopaśāṃtaye

12.8

tārānirṇayaḥ
tārāstu janmasampadvipatkṣemapāpaśubhakaṣṭāḥ
mitrātimitrasaṃjñāścaitāḥ saṃjñānurūpaphalāḥ

12.9

pañcamādi tārāphalam
pāpākhyāstrividhāḥ paṃcacaturdaśaviṃśatitriyutāḥ
siddhiphalā vṛddhikarī vināśasaṃjñā kramātkathitā

12.10

tārāpratīkāraḥ
vipattāre guḍaṃ dadyācchākaṃ dadyāttrijanmāni
pratyarau lavaṇaṃ dadyānnidhane tilakāṃcanam

12.11

nāḍī-nakṣatrāṇi
janmādyaṃ karma tato'pi daśamaṃ sāṅghātikaṃ ṣoḍaśabham
samudayamaṣṭādaśamaṃ vināśasaṃjñaṃ trayoviṃśam

12.12

ādyāttu paṃcaviṃśaṃ mānasamevaṃ naraḥ ṣaḍnakṣatraḥ
navanakṣatro nṛpatiḥ svajātideśābhiṣekaḥaiḥ

12.13

nāḍīnakṣatraśubhāśubhakathanam
nāmānurūpameṣāṃ sadasatphalamiṣṭapāpaguṇadoṣāt
prakṛtisthitādyamiṣṭaṃ vaikṛtyolkādipīḍanaṃ pāpam

12.14

anyacca
īhādehārthahāniḥ syājjanmarkṣaṃ copatāpite
karmarkṣe karmaṇāṃ hāniḥ pīḍā manasi mānase

12.15

mūrttidraviṇabandhūnāṃ hāniḥ sāṃghātike tathā
santate sāmudāyike mitrabhṛtyārthasaṃkṣayaḥ
vainā Kramer [vainā]śike vināśaḥ syāddehadraviṇasampadām

12.16

nāḍīnakṣatraphalam
rogādyāgamavittanāśakalahāḥ saṃpīḍite janmabhe
siddhiṃ karma na yāti karmaṇi hate bhedastu sāṃghātike
dravyasyopacitasya sāmudāyika saṃpīḍite saṃkṣayo
vaināśe tu bhavanti kāyavipadaścittāsukhaṃ mānase

12.17

nirupadravasopadravanāḍīnakṣatrakathanam
nirupadrutabho nirāmayaḥ sukhabhuṅ naṣṭaripurbalānvitaḥ | sopadrutabho vinaśyati tribhiranyaiśca sahā
vanīśvaraḥ

12.18

nāḍīnakṣatraśāntiḥ
sarveṣāṃ pīḍāyāṃ dinamekamupoṣito'nalaṃ juhuyāt
sāvitryā kṣīraṃtaroḥ samidbhirāmaradvijārcnarataḥ

12.19

grahaṇagatanāḍīnakṣatraphalam
grahaṇaṃ ravicaṃdramasornāḍīnakṣatravāsare yasya
abdā dvārddhabhyaṃtarato doṣo nāḍīsamastasya

12.20

grahaṇagatanāḍīnakṣatrasnānam
grahaṇagrahapīḍitanāḍīnakṣatradoṣopaśamanāya | saha
śatapuṣpaiḥ snāyātphalinīphalacandanośīraiḥ

12.21

nāḍīnakṣatreṇa pāpagrahasaṃkramaṇaphalam
nāḍīnakṣatradivase ravibhaumaśanaiścarāḥ
saṃkrāṃtiṃ yasya kurvvanti tasya kleśo'bhijāyate

12.22

nāḍīnakṣatreṇa.pāpagrahasaṃkrāntipratīkāraḥ
gomūtrasarṣapaiḥ snānaṃ sarvvauṣadhijalena vā | viśuddhaṃ
kāñcanaṃ dadyānnāḍīdoṣopaśāṃtaye

12.23

( 1 )
viṣuvādisaṃkrāntinirṇayaḥ
viṣuvanmeṣatulayorayanaṃ makare ravau kulīre ca
ṣaḍaśītirdviśarīre viṣṇupadī ca sthire rāśau

12.24

raviśuddhiḥ
janmarāśeḥ śubhaḥ sūryyastriṣaṣṭhadaśalābhagaḥ
dvipañcanavago'pīṣṭastrayodaśadinātparam

12.25

raviśāntisnānam
mañjiṣṭhātvatha patrāṃgakuṃkumaṃ raktacandanam
tāmrakumbhe kṛtaṃ pūrṇe snānaṃ tenārkaśāntaye

12.26

janmanakṣatreṇa ravisaṃkramaṇaphalam
yasya janmarkṣamāsādya ravisaṃkramaṇaṃ bhavet
tanmāsābhyantare tasya rogakleśadhanakṣayāḥ

12.27

janmarkṣe ravisaṃkrāntisnānam
tagarasaroruhapatrairajanīsiddhārthalodhrasaṃyuktaiḥ | snānaṃ
janmanakṣatradine ravisaṃkrāntau nṛṇāṃ śubhadam

12.28

svanakṣatreṇa janmadivasaphalam
janmarkṣayuktā yadi janmamāse yasya dhruvaṃ janmatithi
rbhavecca | bhavanti saṃvatsarameva yāvannairūjyasammānasukhāni tasya

12.29

anṛkṣayogena śanibhaumayorvāsare janmadinaphalam
kṛtāntakujayorvāre yasya janmadinaṃ bhavet
anṛkṣayogasaṃprāptau vighnastasya pade pade

12.30

janmanakṣatreṇa bhaumaśanivāraphalam
janmarnyakṣe yadi syātāṃ vārau bhaumaśanaiśvarau| sa māsaḥ
kalmaṣo nāma manoduḥkhapradāyakaḥ

12.31

janmadinaśāntiḥ
tasya sarvvauṣadhisnānaṃ grahaviprasurārcanam
saurārayordine muktā deyā'nṛkṣe tu kāñcanam

12.32

sarvvauṣadhiḥ
murā māṃsī vacā kuṣṭhaṃ śaileyaṃ rajanīdvayam
śuṃṭhī campakamustañca sarvvauṣadhigaṇaḥ smṛtaḥ

Linked texts (9)