Pramāṇa · Search · About · API

Shuddhiddipika 13

Śuddhiddīpikā 13

Language
Sanskrit

Contents

13.1

caturtho'dhyāyaḥ
vāraguṇāḥ
sitendubudhajīvānāṃ vārāḥ sarvvatra śobhanāḥ
bhānubhūsutamaṃdānāṃ śubhakarmasu keṣvapi

13.2

deśāntare-vārādhikāraḥ
rekhāpūrvāparayorvvārāḥ sūryyodayātparastātprāk
deśāṃtarayojanamitavighaṭībhiḥ pādahīnābhiḥ

13.3

viśeṣato vāraphalam
upacayakaraṃsya vāre grahasya kuryātsvavāravihitañca
apacayakaragrahadine kṛtamapi siddhiṃ na yāti yataḥ

13.4

tithīnāṃ nāmānurūpaphalakathanam
nandā bhadrā jayā riktā pūrṇā ca nāmasadṛśaphalāḥ
nyūnasameṣṭāḥ śukre kṛṣṇe tithayaḥ pratīpotāḥ

13.5

avamatryahasparśavivekaḥ
tithyantadvayameko dinavāraḥ spṛśati yatra tadbhavati!
avamadinaṃ tridinaspṛk tithisrpaśanādahnaḥ

13.6

tryahasparśanindā
tryahaspṛśannāma yadetaduktamatra prayatnaḥ kṛtibhirvidheyaḥ | vivāhayātrā śubhapuṣṭikarma sarvvaṃ na kāryyaṃ
tridinaṃ spṛśettu

13.8

nakṣatradevatākathanam
aśviyamadahanakamalajaśaśiśūlabhṛdaditijīvaphaṇipi
taraḥ | yonyaryyamadinakṛttvaṣṭṛpavanaśakrāgnimitrāśca7
śakrī nirṛtistoyaṃ viśvāvīrīśvirirvvasurvvaruṇaḥ
ajapādo'hirbudhnyaḥ pūṣā cetīśvarā bhānam

13.9

aśubhanakṣatragaṇaḥ
nakṣatramapaṭukiraṇaṃ paścātsandhyāgataṃ grahairbhinnam
krūranipīḍitamutpātadūṣitaṃ cāśubhaṃ sarvam

13.10

ūrddhānananakṣatragaṇaḥ
rohiṇyārdrasatiṣyamūlavasavo viṣṇustrayo'pyuttarā
etānyūrddhamukhāni bhāni nava ca jyotirvido
menire | ebhiścitrasitātapatrabhavanaprāsādaharmyāṅghriprākārāhvavihāratoraṇapuraprārambhaṇaṃ śasyate

13.11

pārśvānananakṣatragaṇaḥ
maitrākhaṇḍalacandravāṇituragāścitrā tathā svātayo
revatyo'tha punarvasuśca kathitaḥ pārśvosyanāmā gaṇaḥ
ebhiryantrarathādipotakaraṇaṃ sadmapraveśo'pi vā
śasto'yaṃ gajavājigardabhagavāṃ grāhe tathā yaṃtraṇe

13.12

adhomukhanakṣatragaṇaḥ
āśleṣavahviyamapitryaviśākhayuktaṃ pūrvātrayaṃ śatabhiṣā ca navāpyuḍūni | etānyadhomukhagaṇāni
śivāni nityaṃ vidyārghabhūmikhananeṣu ca bhūṣitāni

13.13

sthiranakṣatragaṇaḥ
trīṇyuttarāṇi tebhyo rohiṇyaśca dhruvāṇi taiḥ
kuryāt | abhiṣekaśānti tarunagarabījavāpadhruvārambhān

13.14

tīkṣṇanakṣatragaṇaḥ
mūlaśakraśivabhujagādhipāni tīkṣṇāni teṣu sidhyanti | abhighātamantravetālabhedavadhabandhanasambandhāḥ

13.16

ugranakṣatragaṇaḥ
ugrāṇi pūrvabharaṇīpitryāṇyutsādnādisādhyeṣu
yojyāni bandhaviṣadahanaśastrasaṃghātādiṣu ca siddhau 15
kṣipranakṣatragaṇaḥ
laghuhastāśvinapuṣyāḥ paṇyaratijñānabhūṣaṇakalāsu
śilpauṣadhipānādiṣu siddhikarāṇi pradiṣṭāni

13.17

mṛdunakṣatragaṇaḥ
mṛduvargastvanurādhā citrāpauṣṇendvāni mitrārthe
suratavidhivastrabhūṣaṇamaṃgalagīteṣu ca hitāni

13.18

mṛdutīkṣṇanakṣatragaṇaḥ
hautabhujaṃ saviśākhaṃ mṛdutīkṣṇaṃ tadvimiśraphalakāri
hayavṛṣabhakuñjarāṇāṃ vāhanadamanāni setuśca

13.19

caranakṣatragaṇaḥ
śravaṇātrayamādityānilau ca carakarmaṇi hitāni
ārāmodyānāni karmāṇi bhavanti caravarge

13.20

ekadaivogrādisaptanakṣatranirdeśaḥ
ugraḥ pūrvamaghāntakā dhruvagaṇastrīṇyuttarāṇi svabhūrvātādityaharitrayaṃ caragaṇaḥ puṣyāśvihastā laghuḥ
citrāmitramṛgāntyabhaṃ mṛdugaṇastīkṣṇo'hirudrendrayuṅgiśro'gniḥ saviśākhataḥ śubhaphalāḥ sarve svakṛtye
gaṇāḥ

13.21

puṃnakṣatragaṇaḥ | oṃ
hasto mūlaḥ śravaṇaḥ punarvasurmṛgaśirastathā puṣyaḥ
puṃsaṃjñite ca kārye puṃnāmāyaṃ gaṇaḥ śubhadaḥ

13.22

• nityayogāḥ
viṣṭambhaḥ prītirāyuṣmānsaubhāgyaḥ śobhanastathā
atigaṇḍaḥ sukarmā ca dhṛtiḥ śūlastathaiva ca

13.23

gaṇḍo vṛddhirdhruvaścaiva vyāghāto harṣaṇastathā
vajraścā'sṛgvyatīpāto varīyānparighaḥ śivaḥ || siddhiḥ
sādhyaḥ śubhaḥ śukno brahmendrau vaidhṛtistathā

13.25

niṣiddhayogānāṃ varjanīyāṃśanirṇayo vihitānāṃ
nāmānurūpaphalanirṇayaśca
parighasya tyajedarddhaṃ śubhakarma tataḥ param
tyajādau paṃca viṣkambhe sapta śūle ca nāḍikāḥ 24
gaṇḍavyāghātayoḥ ṣaṭkaṃ nava harṣaṇavajrayoḥ
vaidhṛtivyatipātau ca samastau parivarjayet

13.26

śeṣā yathārthanāmānaḥ śubhakāryeṣu śobhanāḥ
niṣiddhā varjitāstatra sarve nāmasvarūpataḥ

13.27

'mṛtayogaḥ
bhūmiputrārkayorahni nandā maruddāruṇādrdhantyāci
trāhimūlāgnibhiḥ | bhārgaveṇāṃkayorahni bhadrā bhavet
phalguyugmājayugmoḍubhiḥ saṃyutā | somaputrasya vāre
jayā syānmṛgopendragurvinduyāmyābhijitsrānibhiḥ
gīṣpaterahni yuktā ca riktā yadā viśvaśakrāgniyukpitraditya'mbubhiḥ | sūryyasutasya dine yadi pūrṇā
brahmadinādhipatidraviṇaiḥ syāt | yogavārāstribhireva sametāḥ sarvasamīhitasiddhiniyuktāḥ

13.29

amṛtayogakathanam
dhruvagurukarāūlaṃ pauṣṇabhaṃ cārkavāre hariyugavidhiyugme phalgunībhādrayugme | divasakaraturaṅgaiḥ śarvvarīnāthavāre guruyuganalaṃvātopāntyapauṣṇāni kauje 28
dahanavidhiśatākhyā maitrabhaṃ saumyavāre marudaditibhapuṣyā maitrabhaṃ jīvavāre | bhagayugajayugaśve viṣṇumaitre
sitāhe śvasanakamalayonī saurivāre'mṛtāni

13.30

amṛtayogapraśaṃsā
yadi viṣṭivyatīpātau dinaṃ vyāpya śubhaṃ bhavet
hanyate'mṛtayogena bhāskareṇa tamo yathā

13.31

pāpayogakathanam | ( 1 )
ādityabhaumayornandā bhadrā śukraśaśāṃkayoḥ
budhe jayā gurau riktā śanau pūrṇā ca pāpadā

13.32

siddhidagdhapāpayamaghaṇṭayogāḥ
nandādyāḥ siddhiyogā bhṛguja budhakujārkījyavāraiḥ
praśastāḥ sūrye śāśāgnirūpagraha munimitatithayo'
rkādivā̍raiḥ pradgdhāḥ| pāpo'rkāhe viśākhā trayayamamuḍupasyāhni citrācatuṣkaṃ toyaṃ viśvābhijinrdvaṃ
tvatha kujadivase svatrayaṃ viśvarudrau

13.33

jñāha mūlā viśākhā yamadhanaturagā'ntyāni
jīve'hni pitryaṃ rohiṇyārdrā yamendū śatabhamatha
bhṛgorāha puṣyātrayendrau| śaurāhe hastayugmāryyamayamjalayuktapauṣṇapuṣyādhanāni | ghaṇṭo'khaṇḍarkṣayukte
svagṛhapatidine saumyavāre'yyryamāpi

13.34

utpātādiyogaḥ
ravyādi divasairyuktā viśākhādi catuścatuḥ | utpātā mṛtyavaḥ kāṇā amṛtāni yathākramam

13.35

krakacayogaḥ
vājicitrottarāṣāḍhāmūlapāśījyabhāntakāḥ
sūryādivārasaṃyuktā yogāste krakacāḥ smṛtāḥ

13.36

yamaghaṇṭamṛtyuyogādīnāṃ tyājyakālanirṇayaḥ
yamaghaṃṭe tyajedaṣṭau mṛtyau dvādaśanāḍikāḥ
anyeṣāṃ pāpayogānāṃ madhyāhnātparataḥ śubham

13.37

krakacādyapavādaḥ
krakaco mṛtyuyogaśca dinadagdhaṃ tathā pare
śubhe candre praṇaśyanti vṛkṣā vajrahatā iva

13.38

deśaviśeṣe yogavyavasthā
sarveṣu deśeṣu viśeṣato'mī viṣkambhakādyā munibhiḥ
pradiṣṭāḥ | vārkṣayogāstithivārayogā vaṃgeṣu
yojyā na tu te'nyadeśe

13.40

sādhipabavādikaraṇakathanam
bavabālavakaulavataitilagaravāṇijaviṣṭisaṃjñānām
patayaḥsyurindrakamalajamitrāryamabhūśriyaḥsayamāḥ 39
bavādikaraṇotpattikathanam
śukrāditithiśeṣāddhātpañcame taṃtturīyake
ādyantārddhātkrameṇa syuraṣṭāvṛttyābavādayaḥ

13.41

sādhipaśakunyādikathanam
kṛṣṇacaturddaśyantāddhāt dhruvāṇi śakunicatuṣpadanāgāḥ|kiṃstughnamatha ca teṣāṃ kālavṛṣaphaṇimārutāḥ
patayaḥ

13.42

bhadrā-kathanam
tṛtīyā daśamī śeṣe tatpañcamyostu pūrvataḥ
kṛṣṇe viṣṭiḥ site tadvattāsāṃ paratitithiṣvapi

13.43

viṣṭyupayogakathanam
keṣu keṣvapi kāryeṣu sarvvāṇyevaṃ tu yojayet
vihāya viṣaraudrāṇi viṣṭiṃ sarvatra varjayet

13.44

yogādi pratīkāraḥ
yogasya hemakaraṇasya ca dhānyamindoḥ śaṃkhaṃ ca taṃḍulamaṇītithivārayośca | tārābalāya lavaṇānyatha
gāñca rāśerdadyāt dvijāya kanakaṃ śucināḍi
kāyāḥ

13.46

vāravelā
kṛtamuniyamaśaramaṅgalarāmartuṣubhāskarādi yāmārddhe
prabhavati hi vāravelā na śubhā śubhakāryyakaraṇāya45
kālavelā
kālasya velā ravitaḥ śarākṣī kālānalāgāmbudhayo gajendū | dine niśāyāmṛtuvedanetranageṣu rāmā
vidhudantinau ca

13.47

kālavelāyāstyākyatākathanam
yātrāyāṃ maraṇaṃ kāle vaidhavyaṃ pāṇipīḍane | vrate
brahmavadhaḥ proktaḥ sarvvakarmasu taṃ tyajet

13.49

oṃ
divasasya pañcadaśamuhūrttādhipanakṣatrakathanam
śivabhujagamitrapitṛvasujalāviśva viriśvipaṃkajaprabhavāḥ | indrāgnīndraniśācaravaruṇāryyamayomayaścāhni48
rātreḥpañcadaśamuhūrttādhipanakṣatrakathanam
rudro'jo'hirbudhnyaḥ pūṣadasrāntakāgnidhātāraḥ| indraditiṃharigururavitvaṣṭranilākhyāḥ kṣmā rātrau

13.50

muhūrttasaṃjñā
ahnaḥ paṃcadaśāṃśo rātreścaivaṃ muhūrta iti saṃjñā|nakṣatre
yadihitaṃ tatkāryyaṃ tanmuhūrtte'pi

13.50.p1

iti mahintāṣanīyaśrīśrīnivāsaviraṃcitāyāṃ śuddhīdīpikāyāṃ vārādinirṇayo nāma caturtho'dhyāyaḥ

Linked texts (7)