Shuddhiddipika 16

Śuddhiddīpikā 16

Language: Sanskrit

16.1

saptamo'dhyāyaḥ
atha nāmakaraṇam
dhruvamṛducaravarge vājihastāsamete kṣaṇamudayamathaiṣāṃ
satsu kendrasthiteṣu | digraviśivaśatāhe tatkulācārato vā śubhadinatithiyoge nāma kuryyāt
praśastam

niṣkrāmaṇam
ārdrodhomukhavarjjitānupahateṣvṛkṣeṣvarikte tithau
vāre bhaumaśanītare ghaṭatulākanyāmṛgendrodaye
saddṛṣṭe'tha caturthamāsi yadi vā māse tṛtīye śaśinyakṣīṇe śubhade śiśorabhinavaṃ niṣkrāmaṇaṃ kārayet

16.3

tāmbūladānam
vigatavaruṇanāthādhomukhādrdrānyabheṣu tribhavaripugapāpaiḥ kendrakoṇasthasaumyaiḥ || vikujaravijavāre
sārddhamāsadvaye syād vṛṣajhaṣabudhasaurarkṣodaye pūgadānam

16.4

prāgbhūmyupaveśanam
brahmottarendramṛgamaitrakarāśvinīṣu vāreṣu satsu
viśiṣya kujasya vāre || māse tu pañcama iha pratimucya riktāṃ śastaṃ śiśorbhavati bhūmyupaveśanaṃ prāk

16.6

annaprāśanam
pūrvaiśāntakasarpamūlarahiteṣvṛkṣeṣvarikte tithau ṣaṣṭhe
māsi sitendujīvadivase gojñarkṣamīnodaye||kendrāṣṭāntyatrikoṇabhaiḥ śubhayutaistaireva pāpojjhitai rhitvenduṃ ripurandhragaṃ śiśujanasyānnāśanaṃ śobhanam ||5||(1)
atha navānnabhakṣaṇam
bheṣūgrāhiśivānyeṣu vibhaumaśanivāsare
annaprāśanavatkuryānnavānnaphalabhakṣaṇam

16.7

(ka)
atha cūḍākaraṇam
cūḍā māghādiṣaṭke laghucaramṛdubhe maitrahīne'saśake
nānaṃśe satsu kendreṣvaśubha gaganagairvṛddhigorviṣṇu
bodhe | no riktādyaṣṭaṣaṣṭhyantyatithiṣu na yamārāiyugmābdamāse'no janmarkṣendumāse vidhaṭakūjaśaśī
narkṣalagne'rkaśuddhau

16.8

nityakṣauram
cūr̤oditarkṣamudayaḥ kṣaṇa eva caiṣāmiṣṭau budhendudivasau
kṣurakarmaśuddhau | neṣṭo harījyabhavanopagato'trasūryyaḥ
kālāviśuddhirahitaṃ tvitaratpurāvat

16.9

karṇavedhaḥ
no janmendubhamāsasūryyaravijakṣmājeṣusuptācyute
śaste'rke laghuviṣṇuyugmamṛdubhasvātyuttarādityabhaiḥ
saumyairudyāyatrikoṇakaṇṭakagataiḥ pāpaistrilābhāri
gairojo'bde śrutivedha ijyāsitabhe lagne ca kāle
śubhe

16.10

vidyārambhaḥ
laghucaraśivamūlādhomukhastvārṣṭapauṣṇaśaśiṣu ca
haribodhe śukrajīvākaṃvāre|uditavati ca jīve kendrakoṇeṣu saumyairapaṭhanadinavarjaṃ pāṭhayetpaṃcame'bde

16.11

athopanayanam
jīvārkandvinduśuddhau hariśayanabahirbhāskare cotkarasthe svādhyāye vedavarṇādhipa iha śubhade kṣaurabhe
nāditau ca | śukrārkejyārkṣalagne ravimadanatithiṃ
projjhya ṣaṣṭhāṣṭamenduṃ no jīvāstāticāre'rkasitagurudine kālaśuddhau vrataṃ syāt

16.12

samāvarttanam
tṛtīyalābhārigatairasaumyaiḥ kendratrikoṇopagataiḥ
śubhaiśca | ( ka ) cūḍoditarkṣādi ( kha ) vilagnayoge
mauñjīvimokṣaḥ śubhado dvijānām

16.13

dhanurvidyārambhaḥ
aditiguruyamārkasvātipitryāgnacitrādhruvaharivasumūlāśvīndubhāgyāntyabheṣu | viśāśiśānibudhāhne
viṣṇubodhe vipauṣe susamayatithiyoge cāpavidyāpradānam

16.14

nṛpābhiṣekaḥ
puṣṭaiḥ śuknendujīvairdhruvalaghubalabhidviṣṇumaitrendupauṣṇaiḥ sallagne pākajanmodayapatiṣu virandhrārigendrāvasaumyaiḥ | tryāyāristhairathāṣṭavyayadhanarahitaiḥ sa
grahaiḥ kendrakoṇe vīryāḍhye kṣatriyeśe sudinātithiyutendau nṛpasyābhiṣekaḥ

16.15

navavastraparidhānam
brahmānurādhavasupuṣyaviśākhahastāṃ citrottarāśvipavanāditirevatīṣu | janmarkṣajīvabudhaśukradinotsavādau
dhāryyaṃ navaṃ vasanamīśvaravipratuṣṭau

16.16

alaṅkāraparidhānam
puṣyārkāditipitryamitraśaśabhṛdvittadhruvatvaṣṭṛṣu muktādantasuvarṇavidrumamaṇīndadhyādvibuddhe harau | puṣṭejye
samaye śubhe dhruvasurācāryāditīśe'ṅganā no ratnaṃ
vibhṛyātpravālakamaṇīnśaṃkhaṃ hitā svāminaḥ

16.17

khaḍgādidhāraṇam
mūlendupūrvātrayayāmyapitryaśakrāgnisarpānalaśūli
naśca | khaḍgādisaṃdhāraṇameṣu kuryyāttithau vilagne ca
śubhe śubhāhe

16.18

navaśayyādyupabhogaḥ
maitrendupauṣṇapitṛbhāditivājicitrāhastottarāmaya
harījyavidhātṛbhāni | eteṣvabhīṣṭaśayanāsanapādukādi sambhogakāryamuditaṃ munibhiḥ śubhāṃhe

16.19

chedanaṃ saṃgrahaścaiva kāṣṭhādīnāṃ na kārayet
śravaṇādau budhaḥ ṣaṭke na gacchedakṣiṇāṃ diśam

16.20

krayavikrayanakṣatrāṇi
yamāhiśakrāgnihutāśapūrvā neṣṭā kraye vikrayaṇe praśastāḥ | pauṣṇāśvicitrāśataviṣṇuvātāḥśastāḥ kraye
vikrayaṇe niṣiddhāḥ

16.21

dhanaprayoganiṣedhaḥ
ājaṃ yamadvandvamahitrayañca śakratrayaṃ vāyuyugaṃ maheśam
kāryo na caiteṣu dhanaprayogo mṛdau gaṇe grāhyamṛṇaṃ na
deyam

16.22

aśvinyādinakṣatrāṇāṃ tārakasaṃkhyākathanam
śikhiguṇarasendriyānalaśaśiviṣayaguṇartupaṃca yamapakṣāḥ | viṣayaikacandra (ka) yugmārṇavāgni
rudrāśvivasudahanāḥ

16.23

bhūtaśatapakṣavasavo
dvātriṃśacceti tārakāmānam | kramaśo'śvinyādīnāṃ
kālastārāpramāṇena

16.24

vivāhe tannakṣatratārakasaṃkhyā parimitavatsarairvaivāhikanakṣatroktaśubhāśubhakathanaṃ rogotpattinakṣatra
: parimitadinai rogopaśamanakathanañca
nakṣatrajamudvāhe phalamabdaistārakamitaiḥ sadasat
divasairjvarasya nāśo vyādheranyasya vā vācyaḥ

16.26

maraṇapradarogajanmanakṣatrakathanam
ārdraśleṣāsvātījyeṣṭhāsu ca yasya rogajanma syāt
dhanvantariṇāpi cikitsitasyāsavo na syuḥ25||(ka)
yaḥ kṛttikāmūlamaghāviśākhāsarpāntakārdrāsu bhujaṃgadaṣṭaḥ | sa vainateyena surakṣito'pi prāpnoti
mṛtyorvvadanaṃ manuṣyaḥ

16.27

(ka)
maraṇapradarogāpavādaḥ
yadyatra candramāstasya gocare ca śubhapradaḥ | tadā nūnaṃ
bhavenmṛtyuḥ sudhāsaṃsiktadehinaḥ

16.28

(ga)
praśnalagnavaśena rogopaśamanānupaśamanajñānam
cararāśau vilagnasthe dvidehārddhe ca paścime
rogasyopaśamaḥ praśne viparyāse viparyyayaḥ

16.29

praśnalagne rogopaśamayogakathanam
śubhagrahāḥ saumyanirīkṣitāśca vilagnasaptāṣṭamapaṃcamasthāḥ | triṣaḍdaśā yeṣu niśākaraḥ syācchubhaṃ
vadedroganipīḍitānām

16.30

praśne rogiṇāṃ maraṇayogadvayakathanam
pāparkṣe praśnalagne tu pāpasaṃyutavīkṣite
tathaiva cāṣṭame sthāne rogiṇāṃ maraṇaṃ vadet

16.31

paradeśasthasya rogajñānaṃ maraṇajñānañca
mandaḥ pāpasameto lagnānnavamaḥ śubhairyutadṛṣṭaḥ
rogārttaḥ paradeśe cāṣṭamago mṛtyukara eva

16.32

auṣadhakaraṇam
dvayaṅgodaye gurubudhendusiteṣu teṣāṃ vāre raveśca sutithau
suvidhau suyoge | bheṣūdyapannagaviśākhaśivetareṣu
janmarkṣaviṣṭirahiteṣvagadaḥ śubhāya

16.33

auṣadhabhakṣaṇam
pauṣṇāśvinīdraviṇaśakrasamīrapuṣyahastāditīndu
harimūlahutāśamitraiḥ | citrānvitairbhṛgubudhenduravījyavāre bhaiṣajyapānamacirādapahanti rogān

16.34

bastivirecanavadhe śuddhiḥ
citrāyuge vidhuyuge mitrayuge laghuṣu vāruṇāviṣṇvoḥ
bastivirecanavedhāḥ śubhadinatithiścandralagneṣu

16.36

rogisnānam
vyādityeṣu careṣu śakradinakṛtpuṣyodyacandreṣu ca
krūrāhe vyatipātaviṣṭivivaseṣvindāvaśaste tathā
kendrastheṣvaśubheṣva kāmatithiṣu snānaṃ gadonmuktiḥ
śastaṃ tatra na śobhanā vidhibhujaṃgarkṣendusadvāsarāḥ 35
daśamī navamī caiva pratipacca trayodaśī | tṛtīyā
ca viśeṣeṇa snāne caitā vivarjayet

16.37

nṛpādidarśanam
dhruvamṛdulaghuvarge vāsave viṣṇudeve vikujaravijavāre
kendrakoṇeṣu satsu| dvitanuvṛṣabhapaṃcāsyodaye candraśuddhau sutithikaraṇayoge darśanaṃ bhūmipānām

16.38

nāṭyārambhaḥ
anurādhā dhaniṣṭhā ca puṣyā hastatrayaṃ tathā
jyeṣṭhā vāruṇapauṣṇe ca nāṭyārambhe śubho gaṇaḥ

16.39

halapravāhaḥ
pūrvāgniyāmyaphaṇicitraśivānyabheṣu riktāṣṭamīvigatacandratithīn vihāya | dvyaṃgāligosamudaye vikujārkiṃkāre śastenduyogakaraṇeṣu halapravāhaḥ

16.40

bījavapanam
halapravāhavadbījavapanasya vidhiḥ smṛtaḥ
citrāyāśca śubhe kendra sthirarkṣe manujodaye

16.41

medhikaraṇam
vaṃśodumbaranīpānāṃ śākoṭabadarasya ca
śālmalermūṣalaścaiva medhiṃ kuryyādvicakṣaṇaḥ

16.42

dhānyacchedanam
yāmyājapāḍa'highanānakatoya śakrācitrottaroḍuṣu
kujārkajavāravarjam | śastenduyogakaraṇeṣu tithāvarikte dhānyacchidiṃ sthiranarasvamṛgodayeṣu

16.43

dhānyādisaṃsthāpanam
yāmyānirudrāhiviśākhapūrvamahendrapitryaitarabhaiḥ śubhāhe
dhānyādi saṃsthāpanameva kuryyānmṛgasthiradvyaṃgagṛhodayeṣu

16.45

dhānyādivṛddhikathanam
śravaṇātrayaviśākhādhruvapauṣṇapunarvasūni puṣyā ca
aśvinyatha ca jyeṣṭhā dhanadhānyavivarddhane kathitāḥ44
dhānyamūlyajñānam
hastapūrovaṃraṃ mūlyaṃ pakṣādau lakṣayedbudhaḥ
uktamūraisamaṃ vidyāccheṣe dhānyamadhaḥ krayam

16.46

darśāṣṭamībhūtatithiprajeśapūrvottarākeśavayāsyacitrāḥ
krūrāhaviṣṭivyatipātayogā neṣṭā gavāṃ cālanavikrayādau

16.47

varṣapraśne salilanilayaṃ rāśimāśritya candro lagnaṃ
jāto bhavati yadi vā kendragaḥ śuklapakṣe | saumyaidṛṣṭaḥ pracuramudakaṃ pāpahaṣṭo'lpamambhaḥ prāvṛṭkāle
sṛjati na cirāccandravadgārgavo'pi

16.48

grahasaṃsthāne vṛṣṭijñānam
prāvṛṣi śītakaro bhṛguputrātsaptamarāśigataḥ śubhadṛṣṭaḥ| sūryyasutānnavapañcamago vā saptamago'pi jalāgamanāya

16.49

kārttike vātādijñānam
śanibhaumadineśānāṃ vāre svātīgate ravau
naṣṭacandre dhruvaṃ vāto bhavedvā vṛṣṭiradbhutā

16.50

gajavājikriyā
svavaruṇagurupārśvāsthyeṣu bhaumārkavāre sutithikaraṇatārācandrayogodayeṣu | śubhamibhahayakāryyaṃ cātha
supte murārau gurugṛhagatabhānau kalpayennebhadantān

16.51

navadolādyārohaṇam
ugrendumūlāhiśivāgnivarjaṃ śastendutāra tithilagnayoge | viṣṭikṣamāputrayamāhavarjaṃ dolādikārohaṇamādyamiṣṭam

16.52

puṣkariṇyārambhaḥ
puṣyāmitrakarottarasvavaruṇabrahmāmbupitryendubhaiḥ
śaste'rkeśabhavārayogatithiṣu krūreṣvavīryeṣu ca || puṣṭendaujalagaśige daśamage śukre śubhāṃśodaye | prāraṃbhaḥ
salilāśayasya śubhado jīvenduśukrodaye

16.53

vṛkṣādi ropaṇam
vāruṇamūlaviśākhāsaumyahastapuṣyapauṣṇeṣu
tarugulmalatādīnāmārā me ropaṇaṃ śubham

16.54

devatāghaṭanam
dhruvalaghumṛduvarge vāruṇe viṣṇudeve marudaditidhaniṣṭhe
śobhane vāsare ca | tridaśamadanajanmaikādaśe śītaraśmau vibudhakṛtirabhīṣṭā nāḍinakṣatrahīne

16.55

sāmānya devapratiṣṭhā
śastendau māghaṣaṭke śubhadivasatithau gogurujñarkṣalagne vittadvandvārhiryugmāditihayabharaṇīyugviśākhānyabheṣu | kṣīṇaṃ ṣaṣṭhāṣṭamenduṃ hariśayanamasanyukta
lagnañca hitvā kendre jīve ca śukre tribhavaripugrahe
satsu devapratiṣṭhā

16.56

haripratiṣṭhā
prājeśavāsavakarāditibhāśvinīṣu
pauṣṇāmareṃjyaśaśibheṣu tathottarāsu | karttuḥ
śubhe śaśini
kendragate ca jīve kāryā hareḥ
śubhatithau
vidhivat pratiṣṭhā

16.57

haripratiṣṭhāyāṃ viśeṣatithikathanam
dvādaśyekādaśī rākā śukle kṛṣṇe ca pañcamī
aṣṭamī ca viśeṣeṇa pratiṣṭhāyāṃ hareḥ śubhāḥ

16.58

mahādevapratiṣṭhā
puṣpāśviśakrabhagadaivatavāsaveṣu sāmyānileśa magha
rohiṇimūlahaste | pauṣṇānurādhaharibheṣu punarvvasau
ca kāryābhiṣekatarubhūtapatipratiṣṭhā

16.60

dīkṣāgrahaṇam
dhruvamṛdunakṣatragaṇe raviśubhavāre sattithau dīkṣā
sthiralagne śubhacandre kendre koṇe śubhe gurau dharmme 59
parīkṣāvidhiḥ
no śukrāste'ṣṭamārke gurusahitaravau janmamāse'ṣṭamendau | viṣṭau māse malākhye kujaśanidivase janmatārāsu cātha || nāḍīnakṣatrahīne gururavirajanīnāthatārāviśuddhau | prātaḥ kāryā parīkṣā dvitanucaragṛhāṃśodaye śastalagne

16.61

naukāghaṭanam
jhaṣaharighaṭalagne devarāḍyugvi śākhātrinayana vidhiyāmyadvandvasarpāntyabheṣu| sukaraṇatithiyoge śukrajīvārkavāre taraṇighaṭanamiṣṭaṃ candratārā viśuddhau

16.62

ghaṭanasthānānnaukācālanam
śubhāhe viṣṇuyugmendubhagamaitrāśvipāṇiṣu
cālanaṃ ghaṭanasthānānnāvaḥ śubhatithīnduṣṭha

16.63

naukāyātrā
aśvikarejyasudhānidhipūrvvamaitradhanācyutabheṣu sulagne
tārakayogatithīnduviśuddhau naugamanaṃ śubhadaṃ śubhavāre

16.64

naukāyātrāyāṃ nakṣatranindākathanam
naukāyātrāsu mṛtyuḥ syāt pakṣarudramaghāsu ca
svapnenāpi naro gacchennakṣatre krūradūṣite

16.65

(ka)
vāstulakṣaṇam
snigdhā sthirā surabhigulmalatā sugandhā śastā
pradakṣiṇajalā ca nivāsabhūmiḥ | neṣṭā viparyyaya
guṇā kacaśarkarāsthivalmīkakaṇṭakivibhītaka
saṃkulā ca

16.66

vāstubhūmeḥ plavalakṣaṇam
pūrvaplavo vṛddhikaro dhanadaścottaraplavaḥ
dakṣiṇo mṛtyudaścaiva dhanahā paścimaplavaḥ

16.67

vāstubhūmeḥ pūrvādyaṣṭādikṣujalāśayaphalam
yāgādisthe salile sutahāniḥ śikhibhayaṃ ripubhayañca | strīkalahaḥ strīdauṣṭyaṃ naiḥsvaṃ vittātmajavivṛddhau

16.68

gṛhārambhaḥ
āditye mūkakarkikriyamithuna ghaṭālisthite satsa
metaiḥ kendrāṣṭāntyairasomyaistribhavaripugataiḥ susthiragrāmyalagne || meṣu svārāḍiśākhāditi phaṇidahanotpetareṣvarkaśuddhau veśmārambhaḥ śubhaḥ syātsutithiśubhavidhau bhaumasūryentarāhe

16.69

nakṣatraśudhyā vāsagṛhasthānanirṇayaḥ
kṛttikādyāstu pūrvādā saptasaptoditāḥ kramāt
yadiśyaṃ yasya nakṣatraṃ tasya tatra gṛhaṃ śubham

16.71

vāṭyāṃ praśastavṛkṣaropaṇam
pūgaśrīphalanālikelalavanījambīrakaṇṭhāphalāścūtā
dāḍimanāgaraṃgamadhukā rambhāśirīṣāmalāḥ | jātīcampakamallikā bakulakāḥ śobhāñjanaḥ pāṭalo
devāśokajayantikā tagarikā nityaṃ śriyaṃ varddhate70
vāṭacāṃ vṛkṣaropaṇaniṣedhaḥ
dhavakhadirapalāśā nimbakharjūrajambūsaralalakucaciñcā kāñcanasthūlaśimbā | kaliviṭapikapitthai
raṇḍadhustūrapathyā vidadhati dhanahāniṃ saptaparṇaḥ
snuhī ca

Linked texts (8)

Bṛhatsaṃhitā (another edition) — Sanskrit
Śuddhīdīpikā — Śrīnivāsa Mahintāpanīya, Sanskrit
Śuddhiddīpikā — Śrīnivāsa, Sanskrit
Saṅgrahaśiromaṇi — Sarayūprasāda, Sanskrit
Jyotirnibandha — Śivarāja, Sanskrit
Jyotiṣatattvaprakāśa — Lakṣmīkānta Kanyāla Jyotiṣācārya, Sanskrit
Varāhamihirasaṃhitā — Varāhamihira, Sanskrit
Śuddhikaumudī (Govindānanda Kavikaṅkaṇācārya) — Govindānanda Kavikaṅkaṇācārya 1510, Sanskrit