Shuddhiddipika 17

Śuddhiddīpikā 17

Language: Sanskrit

17.1

aṣṭamo'dhyāyaḥ
daivahīnaṃ ripuṃ jetuṃ yāyāddaivānvito nṛpaḥ
yojyā daivānvitāmātyā daivahīne tathātmani

17.2

vyasanī vinaṣṭadharmā trividhotpātaprapīḍito yaśca
puruṣaḥ sa daivahīnaḥ kathito daivānvitohyanyaḥ

divyaṃ graharkṣavaikṛtamṛgacarajaṃ bhūmijaṃ khajaṃ cānyat
divyamaniṣṭaṃ śāntyā naśyati bhaumaṃhinābhasaṃ yāpyam 3
trividhotpātaśāntiḥ
divyamapi śamamupaiti prabhūtakanānnagomahīdānaiḥ
rudrāyatane bhūmau godohātkoṭihomācca

17.6

velāmaṇḍalanirṇayaḥ
prāgdvitricaturbhāgeṣu dyuniśoradbhuteṣu sarveṣu
anilāgniśakravaruṇā maṇḍalapatayaḥ śubhāśubhaṃkuryyaḥ5
nakṣatramaṇḍalanirṇayaḥ
āryyamṇādicatuṣkacandraturagādityeṣu vāyurbhavet
devejyājaviśākhayāmyayugale pitradvaye cānalaḥ
vaiśvāditrayadhātṛmaitrayugaleṣvindro bhavenmaṇḍalaḥ, sapauṃpāntyaśatāntyamūlayugaleśāneṣvapāmīśvaraḥ

17.7

maṇḍalasthaśubhāśubhanirṇayaḥ
pavanadahanau neṣṭau yogastayoratidoṣadaḥ surapavaruṇau śastau yogastayoratiśobhanaḥ | savaruṇamarunmiśraḥ śakrastathāgnisamāyutaḥ phalavirahitaḥ sendro
vāyustathāgniyuto'mbupaḥ

17.8

:
maṇḍalādhipānāṃ phalapākakālaḥ
pakṣaiścaturbhirbalinastribhiragnirdaivarāṭ ca saptāhāt
sadyaḥ phalati ca varuṇo yeṣu na pāko'dbhuteṣūktaḥ

17.9

bhūkampanirghātayoḥ pākakālanirṇayo maṇḍalaistrividhotpātajñānañca
ṣaḍbhirmāsaiḥ kampo dvābhyāṃ pākañca yāti nirghātaḥ
evaṃ trividhotpātāṃścintayenmaṇḍalairebhiḥ

17.10

maṇḍalaśāntiḥ
yanmaṇḍale'dbhutaṃ jātaṃ śāntistaddevatoṭdbhavā
tathā śāntidvayaṃ kāryyaṃ maṇḍaladvayajādbhute

17.11

pārṣṇigrāhādivivekaḥ
pārṣṇigrāhaḥ pṛṣṭhato bhāskarasya prāgyātavyastigmaraśmiśca yātā | ākrando'rkātsaptame yaḥ sthitaḥ
syāttatulyāste śaktitaścintanīyāḥ

17.12

ākrandādivivekaḥ
madhyāhne'rkastuhina kiraṇo nityamākrandasaṃjñaḥ pauraḥ
pūrve bhavati dinakṛdyāyisaṃjño'nyasaṃsthaḥ || jīvaḥ
sauristuhinakiraṇasyātmajaśceti paurāḥ | keturyāyī sabhṛgujakujaḥ siṃhikānandanaśca

17.13

ṣaḍguṇavyavasthā
yānaṃ yāyibhirāsanaṃ śubhakarairvīryānvitairnāgarairdvaidhībhāvamiyādyadā śubhakarāḥ paurāḥ sayāyigrahāḥ
saumyaiḥ sandhirasadgrahairbalayutairyuddhe'nukūlairjayaḥ sarvvairapyaśubhapradairnarapatirdaivānvitaṃ saṃśrayet

17.14

caturupāyavyavasthā
sāmno jīvaḥ sabhṛgutanayo daṇḍanāthau kujārkau dānasyenduḥ śikhiyamabudhāḥ sāsurā bhedanāthāḥ | vīryyau
paitairupacayakarairnabhragaiḥ kendragairvā tattatsiddhirbhavati
tadahaḥ svāṃśake vāpi teṣām

17.15

vijñātajanmāyurdaśāntardaśādeḥ puruṣasya
yātrādānādhikārakathanam
yātrāvidhirupadiṣṭo vijigīṣorviditajanmasamayasya
pratyabdamāsavāsaravibhaktasukhaduḥkhariṣṭasya

17.17

aviditajanmāyurdaśāntardaśādeḥ puruṣasya praśnanimiṃttādibhiḥ yātrāvidhiniṣedhakathanam
athavā praśnanimittaiḥ śubhamaśubhaṃ vā phalaṃ nirūpyāgre
prasthāpyo vā nṛpatirviduṣā nibhṛtaṃ niṣidhyo vā 16
yātrāpraśnavidhiḥ
praśne manoramā bhūrmāṅgalyadravyadarśanaśravaṇe ca | yadi
cādareṇa pṛcchati daivajñaṃ tadā nirddiśedvijayam

17.18

praśne'ṅgaviśeṣasparśanādibhirvijayajñānam | stana
caraṇataloṣṭhāṅguṣṭhahastottamāṅgaśravaṇavadananāsāguhya
randhrāṇi bhūpaḥ | spṛśati yadi karāgrairgaṇḍakaṭyaṃ
śakaṃ vā dyutigamaśubhaśabdānvyāharañchāsti
śatrūn

17.19

yātrāpraśnalagnarājayanirṇayaḥ
janmodayarkṣalagne tadadhipayorvā yiyāsataḥ praśne
triṣaḍekādaśakodaye'ṣṭavargodaye ca jayaḥ

17.20

yātrāpraśne siddhipradayogadvayakathanam
gurvarkaśaśibhiḥ siddhirlagnāṃridaśamasthitaiḥ
tadvallagmārirandhrasthairjīvaśukradivākaraiḥ

17.21

yātrāpraśne'śubhayogadvayakathanam
tanayasya budhaḥ pṛṣṭuḥ pāpairudayaputragaiḥ
śaśāṅkayamayorlagne mṛtyurbhūṃputradṛṣṭayoḥ

17.22

yātrāpraśne mṛtyupradayogacatuṣṭayakathanam
savake nidhane mande mṛtyurlagne divākare
candre'smiṃstryāyamṛtyusthe sasūrye vā vadedbudhaḥ

17.23

yātrāpraśne mṛtyuyogaḥ śatruvṛddhisahitakṣudhāmṛtyu
pradyogāśca
vakrajñaśaśibhirdhūne praṣṭurnāśo'bhigacchataḥ
kṣunmāraḥ śatruvṛddhiśca lagne māheyaśukrayoḥ

17.24

yātrāpraśne trāsādipradayogaḥ
dyūnanaidhanayoścandre lagnaṃ yāte divākare
viparyaye prayātasya trāsabhaṃgavadhāgamaḥ

17.25

yātrāpraśne bandhādipradayogaḥ
dvitrikendragataiḥ pāpaiḥ saumyaiśca balavarjitaiḥ
aṣṭamasthe niśānāthe praṣṭurbandhavadhātyayāḥ

17.26

yātrāpraśne śatrukṣayayogāṣṭakakathanam
śatrorhorārāśistadadhipatirjanmabhaṃ tadīśro vā
yadyaste hibuke vā tathāpi śatruīto vācyaḥ

17.27

yātrāpraśne krūrasaumyagrahāṇāṃ nidhanādyavasthityā
śubhāśubhayogātideśaḥ
nidhanahibukahorā saptamarkṣeṣu pāpā na śubhaphalakarāḥ
syuḥ pṛcchatāṃ mānavānām | daśamabhavanayukteṣvepu
saumyāṃ praśastāṃ sadasadidamaśeṣaṃ yānakāle'pi
cintyam

17.28

yātrāpraśne yātrā jātakoktaśubhāśubhayoratideśaḥ
śubhāśubhaphalā yogā yātrāyāṃ jātake'pi ca
ye proktāstānapi praśneyuktyā sañcintayedbudhaḥ

17.29

yātrāsamayakathanam
yātrārke jhaṣameṣasiṃhadhanuṣi cchidre riporvā śaradyuccādisthaśubheṣu pṛṣṭhagaravau sarvagrahasyodaye | yātrābhaṃgavidhāvasatyatha bhavetso'rkāttrikoṇe vidhau bhaumajñādiṣu vā balinyatha sute gantavyadikpālataḥ

17.30

yātrāyāṃ niṣiddhavārakathanam
saṃtyajeddivase yātrāṃ sūryārārkīnduvakriṇām
aṣṭavargadaśāpākādyaniṣṭaphaladasya ca

17.31

yātrāyāṃ niṣiddhatithikathanam
ṣaṣṭhyaṣṭamīdvādaśīṣu na gacchetridinaspṛśi| pūrṇimāpratipaddarśariktāvamadineṣu ca

17.32

(1)
nakṣatrāṇāṃ digvyavasthā
pūrvādyagnimaghānurādhavasubhādīnyatra daṇḍo'ntare vākhrabhyorna sa laṅghya aikyamanalaprācyostathānyā
vidikū || lagne digvadane tu daṇḍagamanaṃ prācyādi
śūlaṃ vinā tajjyeṣṭhājapadaṃ sarojanilayaḥ syāduttarā
phālgunī

17.33

yātrāyāṃ niṣiddhanakṣatragaṇaḥ
neśājāgniviśākhavāyuhimaghāyāmyaiḥ parārddhaṃ na
saccitrādyantakajaṃ paraprathamajaṃ pitryānile cākhile
rāhukrūrayugastasannidhitathotpātapraduṣṭaṃ grahairdvaryyādyairyugmamasādine niśitithāvṛkṣe'pyaniṣṭe gamaḥ

17.34

yātrāyāṃ samayavibhāgavyavasthayā niṣiddhanakṣatrakathanam
sārvvakālikasārvvadvārikanakṣatrakathanañca
dagdhuṃ śatrupuraṃ sadāmiyamidetyarkaunaceduttare rohiṇyāṃ ca
viśākhabhe ca na gamaḥ pūrvāhnikāle śubhaḥ| madhyāhne na
śivāhimulabalabhiddeṣvahniśeṣe'śvinī puṣyāhastamarutsu citraśaśimaitrāntyena rājyāditaḥ

17.35

rātrermadhyamasatsupūrvabharaṇīpitryeṣu śeṣe niśo hyarkādi
tritayāditiṣvapi jalaṃ madhyāhnarātryantayoḥ
puṣyāhastamṛgācyuteṣu śubhadāḥ sarvepi kālāstathā sārvvadvārikasaṃjñitāni gurubhaṃ hastāśvimaitrāṇi ca

17.36

yātrāyāṃ karaṇavyavasthā
garavaṇijaviṣṭiparivarjitāni karaṇāni yāturiṣṭāni | garamapi kaiścicchastaṃ vaṇijastu vaṇikkriyāsveva

17.37

yātrādiṣu muhūrttavyavasthā
nakṣatravatkṣaṇānāṃ parighaḥ śūlaṃ samayabhedaśca
tārācacandraśuddhiḥ sarvaṃ tatsvāmibhiścintyam

17.39

yātrāyāṃ candraśuddhiḥ
yāyikṣetragato'thavā śubhaphalaścandro yathā gocare
śuklādau gamane tadādiśubhadaṃ kṛṣṇāditastvanyathā
saṃcintyāhimadīdhiteḥ samuditā śuddhirbudhaiḥ pūrvavat
janmasthaḥ punariṣṭado'tra himaguryadyaṣṭavargācchubhaḥ 38
yātrāyāṃ tārāśuddhiḥ
yātrāyāṃ śobhanāstārāḥ samāḥ karmāntyasaṃyutāḥ
purābhiṣekabhe yatnāt gamanaṃ varjjayennṛpaḥ

17.40

yātrāyāmaśubhalagnakathanam
mīne karkikanyālini ca vṛṣe janmakālasthapāpe vāme
vā digdyuniśabalināṃ janmalagnāṣṭame vā | varge pāpānuupacayakṛtāṃ vakriṇāṃ pṛṣṭhalagne pāpāntaḥ sthe na
śubhamabale lagnajanmāvidheye

17.41

yātrāyāṃ śubhalagnādikathanam
lagnaṃ sajjanmarāśerupacayamudayāritrilābhañca veśi
mitraṃ vaśyaṃ sajanmasvatanubhavanayoryadgrahairna niraṃśaṃ
sthānaṃ saumyasya janmantyabhimataphaladasyāpi yatra
pluvaśca yāmyāṃ tyaktvābhijiṭṭaṃ śubhadivasaphalendośca
yāḥ kālahorāḥ

17.42

yātrāyāṃ horāphalam
tiryyagadhaūrddhvavadanahorāḥ syuḥ sūryyayogataḥ kramaśaḥ
vāñchitaphaladorddhamukhīśeṣe dve na śubhe yātuḥ

17.43

yātrāyāṃ draiṣkāṇaphalam
lagne yadyadgrahāṇāṃ phalamuditamihāṃśe'pi teṣāṃ
dṛkāṇe sannāthe saumyarūpe kusumaphalayute ratnabhāṇḍānvite vā | saumyairdṛṣṭe jayaḥ syāt praharaṇasahite pāpaddaṣṭe ca bhaṅgo vahnau dāho'tha bandhaḥsabhujaga
nigaḍe pāpayukte ca yātuḥ

17.44

yātrāyāṃ dvādaśāṃśātriṃśāṃśaphalam
yatproktaṃ rāśyudaye dvādaśabhāge'pi tatphalaṃ vācyaṃ
yacca navāṃśakavihitaṃ triṃśāṃśasyodaye tatsyāt

17.45

yātrāyāṃ raviśuddhiḥ
daśatrilābhārigataḥ praśastaḥ śeṣeṣvaśastaḥ savitāvilagnāt | putrāpadaṃ dharmahatiṃ vyayañca kṛtvā trikoṇāntyagato'rthadaśca

17.47

yātrāyāṃ lagnādisthacandraśuddhiḥ
kendrakoṇārthago neṣṭaḥ kṣīṇaḥ pūrṇaḥ śubhaḥ śaśī
sadaivatryāyagaḥ śasto na śasto'ntyārirandhragaḥ 46
yātrāyāṃ kujaśuddhiḥ
bhaumastūpacaye śastaḥ kaiścit khastho'pi ninditaḥ
dhane bhitvā nijaṃ sainyaṃ dhanado'nyeṣvaniṣṭadaḥ

17.48

yātrāyāṃ lagnādisthabudhaśuddhiḥ
krūro budhastūpacaye praśastaḥ śeṣeṣvaśasto'tha yadā
śubhaḥ syāt | sarvatra śasto'ntyaripuṃ vihāya chidrepyaniṣṭaṃ pravadanti kecit

17.49

yātrāyāṃ lagnādisthaguruśuddhiḥ
tṛtīyavyayago neṣṭaḥ śeṣeṣviṣṭaphalo guruḥ
ṣaṣṭhāṣṭame'pi keṣāñcinmatenāśubhado bhavet

17.50

yātrāyāṃ lagnādisthaśukraśuddhiḥ
vihāya saptamaṃ sthānaṃ sarvatra śubhadaḥ sitaḥ | kecidvyayārisaṃsthasya phalaṃ necchanti śobhanam

17.51

yātrāyāṃ lagnādisthaśanirāhuśuddhiḥ
śauristyāyārigaḥ śasto na śasto'nyatra saṃsthitaḥ
tryāyakarmārigo rāhuḥ śobhano'nyeṣvaśobhanaḥ

17.52

yātrāyāṃ lagnādisthaketuśuddhiḥ
ketāvabhyudaye yāyāttyaktvā saptaiva vāsarān
diśi namraśikhāyāntu yadi syāccādyakarmapaḥ

17.53

yātrāyāṃ lagnasthaniṣiddhagrahanirṇayaḥ śūnyakendravakrikendraniṣedhaśca
pāpaḥ kṣīṇo vidhuravidinaṃ yasya janmarkṣapīḍā horājanmāṣṭamīgṛhapatīrjanmabhaṃ pratyaniṣṭaḥ | nīcasthāstaṃgataparājito janmalagneśaśatrurlagneneṣṭāḥ khacararahitaṃ vakriyuktañca kendram

17.54

grahāṇāṃ janmanakṣatrāṇi
viśākhānalatoyāni vaiṣṇavaṃ bhagadaivatam
puṣyāpauṣṇaṃ yamaḥ sarpoṃ janmarkṣāṇyarkataḥ kramāt

17.55

yātrāyāṃ lagnasthagrahāpavādaḥ
sthāne'rkaḥ svasya sūnorudayamupagataḥ śasta induḥ
svakīye bhaumaḥ saurerbudhādervidatha śaśisitānyasya jīvo'tha śukraḥ | saumyaḥ svasthānasaṃsthaḥ
śanirapi taraṇe rakṣakā janmakāle tānaḥ syātkā
rako vā suhṛdapi śubhakṛllagnajanneśayoryaḥ

17.56

svadiksthalālāṭigrahādau yātrāniṣedhaḥ
lālāṭini digadhīśe digbalayukte (1) lalāṭage
vāpi| pratibhṛguje pratiśaśije kālāśuddhau hi saṃtyajedyātrām

17.57

aṣṭadikṣu lālāṭikakathanam
lagne'rke vyayalābhayorbhṛgusute karmmasthite bhūmije
rāhau dharmmavināśayo ravisute dyūne'risūnorbbidhau
bandhau jñe sahajārthayoḥ suragurāvevaṃ lalāṭodgave yoge
nāśamupaiti mānavapatiḥ pūrvādikāṣṭhāṃ gataḥ

17.58

puraḥ śukrapratīkāraḥ
sitamaśvaṃ sitaṃ vastraṃ hemamauktikasaṃyutam
tatodvijātaye dadyātpratiśukrapraśāntaye

17.59

candrādyaniṣṭam
atibalinīndau sukhage gamanaṃ yatnādvivarjayennṛpatiḥ
saptāhañca na yāyātrividhotpāteṣvaniṣṭeṣu

17.60

vyatīpātādiṣu yātrāphalam
vyasanaṃ prāpnoti mahadvyatipāte nirgato'thavā
mṛtyum | vaidhṛtigamane'pyevaṃ tryahaspṛśi samupadiśantyeke

17.61

avamādiṣu yātrāniṣedhaḥ
nāvamarātrau yāyāddoṣastatrādhimāsike vyasanam
ṛtvayanayugasamāptau na vijayākāṃkṣī nṛpaḥ prasaret

17.62

vivāhadinādiṣu yātrāniṣedhaḥ
udvāhamakālotsavamabhiṣekaṃ cātmajasya yaḥ kṛtvā
prasthātā vihatāśo'bhyeti gataścotsavadineṣu

17.63

dharitrīpradayogaḥ
lābhaśatrusahajeṣu yamārau saumyaśukraguravo balayuktāḥ | gacchato yadi tato'sya dharitrī sāgarāmburasanā vaśameti

17.64

kimbasuyogaḥ
kendropagatena vīkṣite guruṇā tryāyacaturthage site
pāpairanavāṣṭasaptagairvasu kintanna yadāpnuyādgataḥ

17.65

vinā samarayogaḥ
śaśini caturthagṛhaṃ hyupayāte budhasahite'stagate bhṛguputre | gamanamavāpya patirmmannujānāṃ jayati ripūn
samareṇa vinaiva

17.66

vināraṇayogaḥ
sitendujau caturthagau niśākaraśca saptame
yadā tadā gato nṛpaḥ praśāstyarīn vināraṇam

17.67

-aripradhvaṃsayogaḥ
ekāntarakṣe bhṛgujātkujādvā saumye sthite sūryyasutādgurorvvā | pradhvaṃsate'ristvacirāddrutasya veṣādhiko
bhṛtya iveśvarasya

17.68

śaśitāmarasayogaḥ
guruGenericrudaye ripurāśigato'rko yadi nidhane na ca śītamayūkhaḥ | bhavati gato'tra śaśīva narendro ripuvanitānanatāmarasānām

17.69

śilāprataraṇayogaḥ
lagnārikarmmahibukeṣu śubhekṣite jñe dyūnāntyalagnarahiteṣvaśubhagraheṣu || yāturbhayaṃ na bhavati prateretsamudraṃ
yadyaśmanāpi kimutārisamāgamena

17.70

ariśalabhayogaḥ
mūrttivittasahajeṣu saṃsthitāḥ śukracandrasutatigmaraśmayaḥ | yasya yānasamaye raṇānale tasya yānti
śalabhā ivārayaḥ

17.71

arivainateyayogaḥ
śukravākpatibudhairdhanasaṃsthaiḥ saptame śaśini lagnagate'rke| nirgato nṛpatireti kṛtārtho vainateyavadarīn vinigṛhya

17.72

arighoṣābharaṇayogaḥ
triṣaṇṇavāntyeṣvabalaḥ śaśāṃkaścāndrirbbalī yasya
guruśca kendre | tasyārighoṣābharaṇaiḥ priyāṇi priyaḥ
priyāṇāṃ janayanti sainye

17.73

rājayogaḥ
vargottamagate lagne candre vā candravarjitaiḥ
caturāyairgrahadṛṣṭairnṛpādvā viṃśatiḥ smṛtāḥ

17.74

rājayogaphalam
jātakoktanṛpayogagatānāṃ pratidinaṃ bhavati rājyavivṛddhiḥ | vātaghūrṇitamivārṇavayānaṃ parabalaṃ samupaiti (ka) vināśam

17.75

uṣāyogapraśaṃsā
āraktasandhayaṃ rajanīvirāmaṃ vadantyupāyogamiti
pravīṇāḥ | tatra prayātuḥ sakalārthasiddhiḥ saṃlakṣyate
hastatalosthiteva

17.76

vijayasnānopaveśanārthaṃ dharmaviśeṣakathanam
śvetasya babhrorathavā vṛṣasya carmāntare vyāghramṛgendrayośca | tatsthasya kuryyānmanujeśvarasya jayābhiṣekaṃ vidhivatpurodhāḥ

17.77

vijayasnānam
kramānmahī raupyasuvarṇakumbhaiḥ kṣīreṇa dadhnā haviṣā
ca pūrṇaiḥ | snāyāttu toyaiḥ saha saptamṛdbhiḥ paścācca
sarvauṣadhigandhatoyaiḥ

17.78

yātrāyāṃ lokapālādipūjā
pūjayellokapālāṃśca grahānsamyagdigīśvarān
brāhmaṇāndevatāṃścaiva kulasya nagarasya ca

17.79

pramathabalidānam
dvāratrikacatuṣkāṭṭapuraniṣkuṭavāsinaḥ | mahāpathanadītīraguhāgirinivāsinaḥ

17.80

viśvarūpā
mahāsattvā mahātmāno mahābalāḥ | pramathāḥ pratigṛhṇīdhvamupahāraṃ namo'stu vaḥ

17.81

dvitīyapramathabalidānasvīkāraḥ
nivṛttayātraḥ punarapyahaṃ vibho vijitya śatrūnbhavatāṃ
prasādataḥ | ato viśiṣṭaṃ bahuvittamuttamaṃ baliṃ
kariṣye vidhinopapāditam

17.82

yātrāgrahaṇam
vrajeddigīśaṃ hṛdaye niveśya yathendramaindryāmaparāṃśca
tadvat | suśuklamālyāmbarabhṛnnarendro visarjayeddakṣiṇapādamādau

17.83

yātrākramaḥ
kalyāṇanāmasacivāptajanāyudhīyadaivajñaviprajanakañcu
kimavyasaṃsthaḥ | dvātriṃśataṃ samupagamya padāni
bhūmau prāgādināgarathavājinaraiḥ prayāyāt

17.84

yātrāsamaye hastino'śubheṅgitāni
skhalitagatirakasmātstabdhakarṇo'tidīnaḥ śvasiti
mṛdu sudīrghaṃ nyastahastaḥ pṛthivyām | drutamukulita
dṛṣṭiḥsvapraśīlovilolo bhayakṛdahitabhakṣī naikaśo
viṅgavimukca

17.85

valmīkasthāṇuyugmakṣupatarumathanaḥ svecchayā hṛṣṭadṛṣṭiryāyādyātrānulomaṃ tvaritapadagatirvvakramunnamya
coccaiḥ | kakṣāsannāhakāle janayati sumahat śīkaraṃ
bṛṃhitaṃ vā tatkālaṃ vā madātto jayakṛdatha radaṃ veṣṭayan
dakṣiṇañca

17.86

yātrāsamaye'śvasyāśubheṅgitāni
muhurmuhurmūtraśakṛtkaroti na tāḍyamāno'pyanulomayāyī|akāryyabhīto'śruvilocanaśca śriyaṃ na bhartusturago'bhidhatte

17.87

yātrāsamaye'śvasya śubheṅgitāni
ārohati kṣitipatau vinayopapanno yātrānugo'nyaturagaṃ
pratiheṣate ca | vakreṇa vā spṛśati dakṣiṇamātmapārśvaṃ
yo'śvaḥ sa yāturācarātpratanoti lakṣmīm

17.88

yātrāyāṃ svayamaśaktau dravyaprasthāpanavidhiḥ
kāryyavaśātsvayamagame bhūbharttuḥ kecidāhurācāryyāḥ
chatrāyudhādyabhīṣṭaṃ vaijayikaṃ vinirgame kuryyāt

17.89

prasthānavidhiḥ
yātrāṃ tripañcasaptāhātpunarbhadreṇa yojayet
kaiścidiṣṭaphalāvāptau yātrā parisamāpyate

17.90

māṅgalyadravyādikathanam
siddhārthakādarśapayo'ñjanāni vaddhaikapaśvāmiṣapūrṇakumbhāḥ | uṣṇīṣabhṛṅgāranṛvarddhamānapuṃyānavīṇātapavāraṇāni

17.91

dadhimadhughṛtarocanākumāryo dhvajakanakāmbujabhadrapīṭhaśaṃkhāḥ | sitavṛṣakusumāmbarāṇi mīnadvijanatikāttajanāśca cāruveṣāḥ

17.92

jvalitaśikhiphalākṣatekṣubhakṣyadviradavarāṃkuśacāmarāyudhāni | marakatakuruvindapadmarāgasphaṭikamaṇi
pramukhāśca ratnabhedāḥ

17.93

svayamatha racitānyayatnato vā yadi kathitāni
bhavanti maṅgalāni | sa jayati sakalāṃ tato dharitrīṃ
grahaṇadṛgālabhanaśruterupāsyaḥ

17.94

amaṅgaladravyakathanaṃ yātrāyāṃ teṣāṃ darśanādibhiraśubha
nirdeśaśca
kārpā sauṣadhakṛṣṇadhānyalavaṇaklībāsthi tailaṃ vasā
paṃkāṅgāraguṇām̐hicarmmaśakṛtaḥ keśā ya savyādhitāḥ
vāntonmattajaṭīndhanaṃ tṛṇatuṣakṣutkṣāmatakrārayo
muṇḍābhyaktāvimuktakeśapatitāḥ kāṣāyiṇaścāśubhāḥ

17.95

svapnadarśanaphalam
yānyatra maṅgalāmaṅgalāni nirgacchatāṃ pradiṣṭāni
svapneṣvapi tāni śubhāśubhāni viṣṭhānulepanaṃ
dhanyam

17.96

yātrāyāṃ manaḥśuddhipraśaṃsā
śubhāśubhāni sarvāṇi nimittāni syurekataḥ
ekatastu mano yātustadviśuddhirjayāvahā

17.97

yātrādine bhojanārthasādhitānnādibhiraśubhaśubhajñānam
asvāddhakṣata ( 1 ) kacamakṣikānuviddhaṃ durgaṃdhaṃ kṣayakṛdbabhūri yacca dagdham | susvinnaṃ śuci ruciraṃ mano'nukūlaṃ svādvannaṃ bahuvijayāya yānakāle

17.98

pūrvvādicaturdikṣubhojanavidhiḥ
prāgādiṣu ghṛtaṃ tilaudanaṃ matsyāḥ kṣīramiti pradkṣiṇam | adyānnṛpatiryathādiśaṃ nakṣatrādivihitañca
siddhaye

17.99

yātrāsamaye vātasubhlakṣaṇam
anulomagate pradakṣiṇe surabhau dehasukhe'nile gataḥ
timirāṇi gabhastimāniva prasabhaṃ hanti balāni
vidviṣām

17.100

vaijayikam
upapattirayatnato yadā phalayānāsanaratnavāsasām | pramadākṣitidantivājināṃ vijayadvāramanāvṛtaṃ tadā

17.101

yātrāsamaye dehaspandanaphalam
dakṣiṇapārśvaspandanamiṣṭaṃ hṛdayaṃ vihāya pṛṣṭhañca
kaṇḍūyanaṃ narapaterdakṣiṇapāṇau jayāyaiva

17.102

yātrāsamaye dhvajabhaṃgādibhiraśubhakathanam
dhvajātapatrāyudhasannipātaḥ kṣitau prayāṇe yadi mānavānām | uttiṣṭhato vāmbarameti saṃgaṃ pāto'thavā taṃ
nṛpateḥ kṣayāya

17.103

balotsāhena śubhakathanam
saṃgrāme vayamamarādvijaprasādājjeṣyāmo ripubalamā
śvasaṃśayena | yasyaivaṃ bhavati bale janapravādaḥ so'lpo'pi pracurabalaṃ ripuṃ nihanti

17.104

yātrāyāṃ kravyādapakṣibhiḥ śubhāśubhakathanam
vāhinīṃ samupayāti pṛṣṭhato māṃsabhukkhagagaṇo yuyutsavaḥ|tasya cāśu balavidravo mahānagragaistu vijayo
vihaṅgamaiḥ

17.105

gacchato vāmahastaśubhaśakunāni
śivā śyāmā balā chucchūḥ piṃgalā gṛhagodhikā
sūkarī parapuṣṭā ca puṃnāmānaśca vāmataḥ

17.106

gacchato dakṣiṇasthaśubhaśakunāni
strīsaṃjñāśvāṣabhaṣakakapiśrīkarṇacitkarāḥ | śikhi
śrīkaṇṭhapippīkaruruśyenāśca dakṣiṇāḥ

17.107

dagdhādinirṇayaḥ
muktaprāptaiṣyāsu phalaṃ dikṣu tathāvidham
aṃgāradīptadhūminyastāśca śāṃtāstato'parāḥ

17.108

harmyādisthānasthitaśakunasya śubhakārakatvakathanam
harmyaprāsādamāṃgalyamanojñasthānasaṃsthitāḥ
śreṣṭhā madhurasakṣīraphalapuṣpadrumeṣu ca

17.109

citādisthānāvasthitaśakunasyāśubhatvam
citākeśakapāleṣu mṛtyubandhabhayapradāḥ
kaṇṭakikāṣṭhabhasmasthā kalahāyāsaduḥkhadāḥ

17.110

yātrāyāṃ kākasya śubhatvam
dhvāṅkṣaḥ pārśvadvayenāpi śasto yātrānulomagaḥ
yātuḥ karṇasamo dhvāṅkṣaḥ kṣemeṇārthaprasādhakaḥ

17.111

yātrāyāṃ kākāśubhatvam
viruvaṃścāyataḥ pakṣau dhunvandhvāṅkṣo bhayapradaḥ
pratyuraścopasarpaṃstu saṃspṛśaṃśca bhayaṅkaraḥ

17.112

gavādiceṣṭāvaśena śubhāśubhakathanam
anulomo vṛṣo narddhandhanyo gaurmmāhiṣastathā
gamanapratiṣedhāya kharaḥ pratyurasi sthitaḥ

17.114

śivācaritaśubhāśubhakathanam
prācyudīcyoḥ śivā śastā śāntā sarvvatra śobhanā
dhūmitābhimukhī hanti svaradīptā digīśvarān113
kukuraśubhāśubhakathanam
nṛhayātapavāraṇebhaśastradhvajadehānavasūtayāñjayāya
sabhayo vicaranvinā nimittaṃ na śubhaścābhimukhe bhramām̐
llikhangām

17.115

śakunāpavādaḥ
dvandvarogādditāstrastāḥ kalahāmiṣakāṃkṣiṇaḥ | āpa
gāntaritā mattā na grāhyāḥ śakunāḥ kvacit

17.116

yugapaddṛṣṭasya śubhāśubhaśakunadvayasya balābalayogaphalanirdeśaḥ
visarjjayati yadyeko ekaśca pratiṣedhati | sa virodho'śubho yāturyāhyo vā balavattaraḥ

17.118

riktakumbhasyānukūlatvādinā śubhakathanam
riktaḥ kumbho'pyanukūlaḥ śasto'mbhorthaṃ pipāsataḥ
cauryavidyāvaṇijyārthamudyatānāṃ viśeṣataḥ 117 (ka)
yātrāyāmuttānaśayyādīnāṃ darśanādibhiraśubhakathanam
uttānaśayyāsanavātasarpaniṣṭhyūtadurdarśanamaithunāni
neṣṭāni śabdāśca tathaiva yāturāgacchatiṣṭhapraviśāsthirādyāḥ

Linked texts (12)

Text after D. Pingree's edition (1972) — Sanskrit
Bṛhadyātrā — Varāhamihira, Sanskrit
Ṭikkanikayātrā — Varāhamihira, Sanskrit
Adbhutasāgara — Ballālasena & Lakṣmaṇasena, Sanskrit
Bṛhatsaṃhitā (another edition) — Sanskrit
Sārāvalī — Kalyāṇavarman, Sanskrit
Śuddhīdīpikā — Śrīnivāsa Mahintāpanīya, Sanskrit
Śuddhiddīpikā — Śrīnivāsa, Sanskrit
Yakṣeśvamedhīyayātrā — Sanskrit
Daivajñakāmadhenu — Anavamadarśin Saṅgharāja, Sanskrit
Varāhamihirasaṃhitā — Varāhamihira, Sanskrit
Sārāvalī — Varāha, Sanskrit