Pramāṇa · Search · About · API

Matsya 1

Matsya 1

Language
Sanskrit

Contents

1.2

pātālādutpatiṣṇormakaravasatayo yasya pucchābhighātādūrdhvaṃ brahmāṇḍakhaṇḍavyatikaravihitavyatyayenāpatanti || viṣṇormatsyāvatāre sakalavasumatīmaṇḍalaṃ
vyaśruvānāstasyāsyodīritānāṃ dhvanirapaharatāddiśriyaṃ vaḥ śrutīnām

1.3

nārāyaṇaṃ namaskṛtya narañcaiva narottamam || devīṃ sarasvatīṃ caiva tato jayamudīra
yet

1.1-2

ajo'pi yaḥ kriyāyogānnārāyaṇa iti smṛtaḥ || triguṇāya trivedāya namastasmai svayambhuve

1.2-2

sūtamekāgramāsīnaṃ naimiṣāraṇyavāsinaḥ
munayo dīrghasatrānte papracchurdīrghasaṃhitām

1.3-2

pravṛttāsu purāṇīṣu dharmāsu lalitāsu ca || kathāsu śaunakādyāstu abhinandya muhurmuhuḥ

1.4

kāni
tāni purāṇāni yānyasmākaṃ tvayānagha || tānyevāmṛtakalpāni śrotumicchāmahe punaḥ

1.5

kathaṃ sasarja bhagavām̐llokanāthaścarācaram || kasmācca
bhagavānviṣṇurmatsyarūpatvamāśritaḥ

1.6

bhairavatvaṃ bhavasyāpi purāritvañca kena hi || kasya hetoḥ kapālitvaṃ jagāma vṛṣabhadhvajaḥ

1.7

sarvvame
tatsamācakṣva sūta vistaraśaḥ kramāt || tvadvākyenāmṛtasyeva na tṛptiriha jāyate

1.8

sūta uvāca || || puṇyaṃ pavitramāyuṣyamidānīṃ śṛṇuta dvijāḥ
mātsyaṃ purāṇamakhilaṃ yajjagāda gadādharaḥ

1.9

purā rājā manurnāma cīrṇavānvipulaṃ tapaḥ || putre rājyaṃ samāropya kṣamāvānravinandanaḥ

1.10

mala
yasyaikadeśe tu sarvvātmaguṇasaṃyutaḥ || samaduḥkhasukho vīraḥ prāptavānyogamuttamam

1.11

babhūva varadaścāsya varṣāṇāyutaśate gate || varaṃ vṛṇīṣva provāca
prītaḥ sa kamalāsanaḥ

1.12

evamukto'bravīdrājā praṇamya sa pitāmaham || ekamevāhamicchāmi tvatto varamanuttamam

1.13

bhūtagrāmasya sarvvasya
sthāvarasya carasya ca || bhaveyaṃ rakṣaṇāyālaṃ pralaye samupasthite

1.14

evamastviti viśvātmā tatraivāntaradhīyata || puṣpavṛṣṭiḥ sumahatī khātpapāta
surārpitā

1.15

kadācidāśrame tasya kurvvataḥ pitṛtarpaṇam || papāta pāṇyorupari śapharī jalasaṃyutā

1.16

dṛṣṭvā tacchapharīrūpaṃ sa dayālurmahī
patiḥ || rakṣaṇāyakarodyatnaṃ sa tasminkarakodare

1.17

ahorātreṇa caikena ṣoḍaśāṅgulavistṛtaḥ || so'bhavanmatsyarūpeṇa pāhi pāhīti cābravīt

1.18

sa tamādāya maṇike prākṣipajjalacāriṇam || tatrāpi caikarātreṇa hastatrayamavarddhata

1.19

punaḥ prāhārttanādena sahasrakiraṇātmajam
sa matsyaḥ pāhi pāhīti tvāmahaṃ śaraṇaṃ gataḥ

1.20

tataḥ sa kūpe taṃ matsyaṃ prāhiṇodravinandanaḥ || yadā na māti tatrāpi kūpe matsyaḥ sarovare

1.21

kṣipto'sau pṛthutāmāgātpunaryojanasammitam || tatrāpyāha punardīnaḥ pāhi pāhi nṛpottama

1.22

tataḥ sa manunā kṣipto gaṅgāyāmapyavarddhata yadā
tadā samudre taṃ prākṣipanmedinīpatiḥ

1.23

yadā samudramakhilaṃ vyāpyāsau samupasthitaḥ || tadā prāha manurbhītaḥ ko'pi tvamasureśvaraḥ

1.24

athavā
vāsudevastvamanya īdṛkkathaṃ bhavet || yojanāyutaviṃśatyā kasya tulyaṃ bhavedvapuḥ

1.25

jñātastvaṃ matsyarūpeṇa māṃ khedayasi keśava || hṛṣīkeśa jaga
nnātha jagaddhāma namo'stu te

1.26

evamuktaḥ sa bhagavānmatsyarūpī janārddanaḥ || sādhu sādhviti covāca samyagjñātastvayānagha

1.27

acireṇaiva
kālena medinī medinīpate || bhaviṣyati jale magnā saśailavanakānanā

1.28

nauriyaṃ sarvvadevānāṃ nikāyena vinirmmitā || mahājīvanikāyasya rakṣa
ṇārthaṃ mahīpate

1.29

svedāṇḍajodbhido ye vai ye ca jīvā jarāyujāḥ || asyāṃ nidhāya sarvvāstānanāthānpāhi suvrata

1.30

yugāntavātābhihatā || yadā
bhavati naurnṛpa || śṛṅge'sminmama rājendra tademāṃ saṃyamiṣyasi

1.31

tato layānte sarvvasya sthāvarasya carasya ca || prajāpatistvaṃ bhavitā jagataḥ
pṛthivīpate

1.32

evaṃ kṛtayugasyādau sarvvajño dhṛtimānnṛpaḥ|| manvantarādhipaścāpi devapūjyo bhaviṣyasi

1.32.p1

iti śrīmātsye mahāpurāṇe ādisarge manu viṣṇusaṃvāde prathamo'dhyāyaḥ

Linked texts (3)